#Lata Mangeshkar – Vishwa Samvad Kendra Andhra Pradesh

వీర్ సావర్కర్ లేకుంటే దేశం లతాజీ గొంతు విని ఉండేది కాదు

Krishna Murty Gunna — Sun, 27 Mar 2022 05:59:36 +0000

డాక్టర్ హరీష్ భీమానీ

భోపాల్: ‘లతా మంగేష్కర్’ కార్యక్రమంలో లతాజీ జీవితానికి సంబంధించిన విషయాలను పంచుకుంటూ, ప్రముఖ వాయిస్ ఆర్టిస్ట్ డాక్టర్ హరీష్ భీమానీ… వీర్ సావర్కర్ వల్లనే భారతదేశం లతాజీ గొంతు వినడానికి కారణమని అన్నారు. సావర్కర్ లేకుంటే లతాజీ పాడటం మానేసి ఉండేవారు. నేను దేశానికి సేవ చేయాలనుకుంటున్నాను అని లతా జీ వీర్ సావర్కర్‌తో చెప్పారు.

అప్పుడు వీర్ సావర్కర్ ఇలా వివరించాడు… మీరు చేస్తున్న పని కూడా దేశానికి సేవ చేసే…. లతాజీకి వీర్ సావర్కర్ అంటే చాలా గౌరవం, ఇదే విష‌యాన్ని ఆమె బహిరంగంగా వ్యక్తం చేసేది. చిత్ర భారతి ఫిల్మ్ ఫెస్టివల్ – 2022లో మార్చి 26న జరిగిన మూడో మాస్టర్ క్లాస్ ప్రముఖ గాయని దివంగత లతా మంగేష్కర్‌కి అంకితం చేయబడింది.

Source: VSK Bharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post వీర్ సావర్కర్ లేకుంటే దేశం లతాజీ గొంతు విని ఉండేది కాదు appeared first on Vishwa Samvad Kendra Andhra Pradesh.

అధికార లాంఛనాలతో లతా మంగేష్కర్ అంత్యక్రియలు

Krishna Murty Gunna — Mon, 07 Feb 2022 06:10:08 +0000

ముంబై: భారత రత్న లతా మంగేష్కర్ అంత్యక్రియలు ముంబైలోని శివాజీ పార్క్‌లో సైనిక, ప్రభుత్వ అధికార లాంఛనాలతో ఆదివారం పూర్త‌య్యాయి. అంతకు ముందు ముంబైలోని ఆమె ఇంటి వద్ద నుంచి మొదలైన అంతిమ యాత్రలో భారీ సంఖ్యలో అభిమానులు పాల్గొన్నారు. ఆమె పార్థివ దేహంపై జాతీయ పతాకాన్ని కప్పి, సైనిక వందనం సమర్పించారు. సాయంత్రం 6.15 గంటలకు అధికార లాంఛనాలతో అంత్యక్రియలు జరిపారు.

పండితుల మంతోచ్ఛారణల మధ్య సోదరుడు హృదయ్‌నాథ్ మంగేష్కర్ ఆమెకు అంతిమ సంస్కారాలు నిర్వహించారు. ప్రధాని నరేంద్ర మోదీ, మహారాష్ట్ర గవర్నర్ భగత్ సింగ్ కోష్యారి, ముఖ్యమంత్రి ఉద్ధవ్ ఠాక్రే, ఉప ముఖ్యమంత్రి అజిత్ పవార్, ఎన్‌సిపి అధ్యక్షుడు శరద్ పవార్ తదితర రాజకీయ ప్రముఖులు ఆమెకు తుది వీడ్కోలు పలికారు. ఇన్ని రోజులపాటు తమ సోదరి తమతోనే ఉండేవారని, ఇప్పుడు ఆమె లేరని, తాము ఒంటరి వాళ్లమయ్యామని సోదరుడు, కుటుంబీకులు ఆవేదన చెందారు.

కడసారి చూపు కోసం ముంబై పొద్దార్‌ రోడ్డులోని లత నివాసం ‘ప్రభు కుంజ్‌’ముందు అభిమానులు బారులు తీరారు. అక్కడి నుంచి శివాజీ పార్కు దాకా 10 కిలోమీటర్ల పొడవునా సాగిన అంతిమయాత్రకు అశేషంగా తరలివచ్చారు. అశ్రు నయనాలతో ఆమె పార్థివ దేహంతో పాటు సాగారు. లతా దీదీ అమర్‌ రహే అంటూ నినదించారు. చెట్లు, బిల్డింగుల పైకెక్కి అంతిమయాత్రను వీక్షించారు. లతాజీ నివాసం నుంచి శివాజీ పార్కు వరకు అంతిమయాత్ర సాగింది.

భౌతికకాయం శివాజీ పార్క్‌కు చేరుకున్నాక ప్రధాని నరేంద్ర మోదీ లతా మంగేష్కర్‌ పార్థివ దేహానికి పూలమాలలు వేసి నివాళులర్పించారు. ఆమె భౌతికకాయానికి పరిక్రమ [పూజతో చుట్టూ ప్రదక్షిణలు] నిర్వహించారు. ఈ సందర్భంగా లతా మంగేష్కర్ సోదరి, గాయని ఆశా భోంస్లే, ఆమె కుటుంబ సభ్యులకు ప్రధాని తన సంతాపాన్ని తెలిపారు.

కాగా, యావత్‌ దేశమంతా శోకసంద్రంలో ముగినిపోయింది. భారత ప్రధాని, రాష్ట్రపతి సహా పొరుగు దేశమైన పాకిస్థాన్, నేపాల్‌ దేశాధినేతలు సైతం ఆమెకు సంతాపం ప్రకటించారు.

లతా మంగేష్కర్‌ జ్ఞాపకార్థం కేంద్ర ప్రభుత్వం రెండు రోజులు సంతాప దినాలుగా ప్రకటించింది. ఆది, సోమవారాలను సంతాప దినాలుగా పేర్కొంది. రెండ్రోజులు జాతీయ జెండా అవనతం చేయనున్నట్టు వెల్లడించింది. మహారాష్ట్ర ప్రభుత్వం నేడు సెలవు దినాన్ని ప్రకటించింది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post అధికార లాంఛనాలతో లతా మంగేష్కర్ అంత్యక్రియలు appeared first on Vishwa Samvad Kendra Andhra Pradesh.

లతా మంగేష్కర్ మృతి పట్ల మోహన్ భాగవత్ సంతాపం

Krishna Murty Gunna — Sun, 06 Feb 2022 10:46:45 +0000

నాగ్‌పూర్: ప‌్ర‌ముఖ గాయ‌ని లతా మంగేష్కర్ మృతికి రాష్ట్రీయ స్వయం సేవక సంఘ్(ఆర్‌ఎస్‌ఎస్) స‌ర్ సంఘ‌చాల‌క్ డాక్ట‌ర్ మోహ‌న్ భాగ‌వ‌త్ ఆదివారం సంతాపం తెలిపారు. “లతా మంగేష్కర్ మృతితో యావత్ దేశ ప్రజలు పడుతున్న బాధను మాటల్లో వర్ణించడం కష్టం. ఈ లోటును భరించే ఓపికను ఆమె కుటుంబానికి భగవంతుడు ప్రసాదించాలని కోరుకుంటున్నాను. నా తరపున, సంఘ్ తరపున ఆమెకు నివాళులు అర్పిస్తున్నాను..” అని స‌ర్ సంఘ‌చాల‌క్ అన్నారు.

లెజెండరీ సింగర్ లతా మంగేష్కర్(92) ఈ రోజు కన్నుమూసిన విష‌యం విదిత‌మే. ఆమెకు కొవిడ్‌-19, న్యుమోనియా ఉన్నట్టు నిర్ధారణ అయిన తర్వాత కిందిటి నెల ఎనిమిదోతేదీన ముంబైలోని బ్రీచ్ కాండీ ఆసుపత్రిలో చేరారు.

ఆమె కొవిడ్ నుంచి కోలుకున్నప్పటికీ, శనివారం ఆమె పరిస్థితి మరింత దిగజారడంతో మంగేష్కర్‌కు వెంటిలేటర్ సపోర్ట్‌ను అందించారు. ఈరోజు ఉదయం 8.12 గంటలకు ఆమె తుదిశ్వాస విడిచారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post లతా మంగేష్కర్ మృతి పట్ల మోహన్ భాగవత్ సంతాపం appeared first on Vishwa Samvad Kendra Andhra Pradesh.

భారత కోకిల లతా మంగేష్కర్‌ ఇకలేరు..

Krishna Murty Gunna — Sun, 06 Feb 2022 06:02:26 +0000

ముంబయి: భారత కోకిలగా యావత్‌ భారతదేశం గుర్తించే స్థాయికి ఎదిగిన లతా మంగేష్కర్ ఇకలేరు. ఆసుపత్రిలో చికిత్స పొందుతూ ఆమె ఆదివారం ఉదయం తుదిశ్వాస విడిచారు. ఈ మేరకు కేంద్ర మంత్రి నితిన్ గడ్కరి ట్విట్టర్ వేదికగా తెలిపారు. ఇటీవల కరోనా నుంచి కోలుకున్న లతా ముంబయిలోని బ్రీచ్ క్యాడీ ఆసుపత్రిలో చికిత్స పొందుతూ మృతి చెందారు.

కొవిడ్‌ కారణంగా జనవరి 11న ఆసుపత్రిలో చేరిన విషయం తెలిసిందే. అయితే, జనవరి నెలఖారున కరోనా నుంచి కోలుకున్న లతా ఆరోగ్యం ఒక్కసారిగా క్షీణించింది. దీంతో ఐసీయూలో వెంటిలేటర్‌పై ఆమెకు వైద్యులు చికిత్సనందించినా ఆరోగ్యం విషమించడంతో ఆమె తుదిశ్వాస విడిచారు. దాదాసాహెబ్ ఫాల్కే, పద్మభూషణ్, పద్మవిభూషణ్, భారతరత్న వంటి మరెన్నో పుర‌స్కారాలు పొందిన లతా మంగేష్కర్ తన గాత్రంతో ఎంతో మంది అభిమానులను సంపాదించుకున్నారు. లతా మంగేష్కర్‌ లేరన్న విషయాన్ని భార‌త జాతి జీర్ణించుకోలేకపోతోంది.

Source: Tv9

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post భారత కోకిల లతా మంగేష్కర్‌ ఇకలేరు.. appeared first on Vishwa Samvad Kendra Andhra Pradesh.