భారతీయ విజ్ఞాన మండలి ( BVM ), ఆంధ్రప్రదేశ్ శాస్త్ర సాంకేతిక మండలి ( APCOST ) సంయుక్త ఆధ్వర్యంలో నిర్వహించబడుచున్న
కౌశల్ – 2022 రాష్ట్రస్థాయి సైన్స్ ప్రతిభాన్వేషణ పోటీ గోడపత్రికలను ఎన్ ఎస్ టి ఎల్ డైరెక్టర్ శ్రీ యలమంచిలి శ్రీనివాసరావు గారు ఆవిష్కరించారు.

ఆంధ్రప్రదేశ్ రాష్ట్రంలోని ప్రభుత్వ పాఠశాలల విద్యార్థుల కోసం 2018 లో ప్రారంభించిన ఈ కార్యక్రమానికి తొలుతనుంచి ఎన్ ఎస్ టి ఎల్ ఇతోధిక సహకారము అందిస్తున్నదని ఆయన తెలిపారు. విద్యార్థులలో విజ్ఞాన శాస్త్ర అవగాహన పెంపొందించి వారిలో పరిశోధనా ఆసక్తిని పెంపొందించే ఉద్దేశంతో , అదే విధంగా భారతీయ ప్రాచీన విజ్ఞానము మరియు ఆధునిక విజ్ఞాన శాస్త్రాలలో భారతీయ శాస్త్రవేత్తలు చేసిన చేస్తున్న కృషిని తెలియచెప్పే ఉద్దేశముతో ఈ కౌశల్ కార్యక్రమం నిర్వహించబడుతున్నదని వారు తెలిపారు.

కౌశల్ సైన్స్ క్విజ్ పోటీలో పాల్గొనుటకు నియమ నిబంధనలు :

8,9,10 తరగతుల విద్యార్థులతో క్విజ్ టీమ్ ఏర్పడాలి. ఇందుకోసం ఆన్ లైన్ లో ఫ్రాథమిక పరీక్ష వ్రాసి అర్హత పొందాలి. ఇది కేవలం ప్రభుత్వరంగ పాఠశాలల విద్యారులకు మాత్రమే కనుక రాష్ట్రంలోని అన్ని ప్రభుత్వ యాజమాన్య పాఠశాలలు తప్పనిసరిగా రిజిస్ట్రేషన్ చేసుకొని ఈ పరీక్ష వ్రాసే అవకాశం సద్వినియోగం చేసుకోవాలి.

సిలబస్ :

8,9,10 తరగతుల గణితము, సైన్స్ మరియు “విజ్ఞాన శాస్త్ర రంగంలో భారతీయుల కృషి” మెటీరియల్.

బహుమతులు ప్రశంసా పత్రం, జ్ఞాపిక మరియు నగదు

జిల్లా స్థాయి విజేతలకు :

ప్రధమ బహుమతి రూ.7.500/
ద్వితీయ బహుమతి రూ.6,000/
తృతీయ బహుమతి రూ.4,500/

రాష్ట్ర స్థాయి :

ప్రధమ బహుమతి రూ. 15,000/
ద్వితీయ బహుమతి రూ. 12,000/
తృతీయ బహుమతి : రూ.9,000/

రాష్ట్ర స్థాయిలో కన్సొలేషన్ బహుమతులు రూ.6,000/-

పాఠశాల కో-ఆర్డినేటర్లు

ది. 15-10-2022 లోపు విద్యార్థుల పేర్లను www.bvmap.org లో నమోదు చేసుకొనవలెను.

పోస్టర్ కాంపిటీషన్ :

జనరల్ థీమ్ మరియు స్వాతంత్య్ర అమృత మహోత్సవాల థీమ్ 8 మరియు 9 తరగతుల నుండి ఇద్దరు (రెండు ప్రెజంటేషన్లు) ఒక పాఠశాల నుండి అనుమతించబడును .

బహుమతులు: సర్టిఫికేట్, జ్ఞాపిక మరియు నగదు

రిజిస్ట్రేషన్ కి చివరి తేది 15 అక్టోబర్ 2022

ప్రాధమిక స్థాయి ఆన్లైన్ పరీక్ష : 2,3 నవంబర్ 2022 లలో పాఠశాలలో

జిల్లా స్థాయి పోటీలు : 26 నవంబర్ 2022

రాష్ట్ర స్థాయి పోటీలు : 9 డిసెంబర్ 2022

రాష్ట్ర స్థాయి విజేతలకు బహుమతులు ఆంధ్రప్రదేశ్ రాష్ట్ర గౌరవ గవర్నర్ గారి ద్వారా అందజేయబడును.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post కౌశల్ 2022 రాష్ట్రస్థాయి సైన్స్ ప్రతిభాన్వేషణ పోటీలు appeared first on Vishwa Samvad Kendra Andhra Pradesh.