కోన‌సీమ‌: కోనసీమ తిరుమల వేంకటేశ్వరుని ఆలయానికి ఆదాయం ఘనంగా వస్తున్నా తదనుగుణంగా భక్తులకు సౌకర్యాలు కల్పించడంలో దేవాదాయశాఖ విఫలమవుతోంది. అడుగడుగునా సమస్యలే. ఆదాయం మీద చూపిస్తున్న శ్రద్ధ భక్తులకు వసతుల కల్పనలో లేద‌ని భ‌క్తులు ఆవేద‌న వ్య‌క్తం చేస్తున్నారు. నెలకు హుండీల ద్వారా రూ.50 లక్షలు, దర్శనాలు, ప్రసాదాల అమ్మకాలు తదితర వాటి ద్వారా మరో రూ.50లక్షల ఆదాయం సమకూరుతోంది.

ఉభయ గోదావరి జిల్లాలతో పాటు తెలంగాణ, ఒడిశా, తమిళనాడు తదితర ప్రాంతాల నుంచి శనివారం 50 వేలకు పైబడి భక్తులు తరలివచ్చారు. వారంతా దర్శనాల్లో పలు ఇబ్బందులు పడ్డారు. వీఐపీల దర్శనాల్లో పైరవీలకు పెద్దపీట వేయడంతో సామాన్యభక్తులకు అవస్థలు తప్ప లేదు. సౌకర్యాలు కల్పించి లోపల ఏడు ప్రదక్షిణాలు చేసుకునేందుకు ఏర్పాట్లు చేస్తున్నామని ఆగస్టు నెల నుంచి ప్రచారం చేస్తూనే వచ్చారు.

కానీ, భక్తులు ఎండ, వానల్లోనే ప్రదక్షిణాలు చేయాల్సి వస్తోంది. ఆలయంలో వసతుల కల్పనపై ద‌ర్శ‌నానికి వచ్చిన ఉన్నతాధికారులు హామీ కూడా ఇచ్చారు. అయినా కార్యరూపం దాల్చలేదు. ఒక్క శనివారం రోజున అన్నప్రసాదాలు స్వీకరించే భక్తుల పాట్లు అన్నీ ఇన్నీ కావు. ఆదరాబాదరాగా నిల్చుని తినాల్సి వస్తోంది. ఆదివారం నుంచి శుక్రవారం వరకు అన్నదాన సత్రంలో కూర్చుని అన్నప్రసాదం స్వీకరిస్తున్నట్టుగానే శనివారం కూడా అదే విధానం కొనసాగించడంతోపాటు ఏడు ప్రదక్షిణాలు ఆలయం లోపల చేసుకునే విధంగా, చంటి పిల్లలు, దివ్యాంగులకు, వృద్ధులకు దర్శనాల్లో ఇబ్బందులు లేకుండా చూడాలని భక్తులు ముక్తకంఠంతో కోరుతున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post వాడపల్లి వేంకటేశ్వర స్వామి ఆలయంలో సౌకర్యాల లేమి appeared first on Vishwa Samvad Kendra Andhra Pradesh.

అమ‌రావ‌తి: కోనసీమ జిల్లా పేరును.. డాక్టర్‌ బీఆర్‌ అంబేడ్కర్‌ కోనసీమ జిల్లాగా మారుస్తూ ప్రభుత్వం ఎట్టకేలకు గెజిట్‌ నోటిఫికేషన్‌ విడుదల చేసింది. ఈ విషయంలో ప్రభుత్వం అసాధారణ జాప్యం, ఉదాసీనత ప్రదర్శించింది. ఇన్నాళ్ళుగా తుది నోటిఫికేషన్‌ రాకపోవడంతో… కలెక్టరేట్‌ సహా, అన్ని ప్రభుత్వ కార్యాలయాల పేర్లు.. కోనసీమ జిల్లాగానే కొనసాగాయి. జిల్లా అధికారులు ఈ ఉత్తర్వుల కోసం ఎదురుచూస్తూ వచ్చారు.

కోనసీమ జిల్లా పేరును… డాక్టర్ బీఆర్‌ అంబేడ్కర్‌ కోనసీమ జిల్లాగా మారుస్తూ…. మే 18న ప్రభుత్వం ప్రాథమిక గెజిట్‌ నోటిఫికేషన్‌ విడుదల చేసి.. అభ్యంతరాల కోసం నెల రోజుల సమయమిచ్చింది. ఆ ప్రతిపాదనకు జూన్‌ 24 న రాష్ట్ర మంత్రి మండలి ఆమోద ముద్ర వేసింది. ఆ తర్వాత 40 రోజులకు ప్రభుత్వం తుది గెజిట్‌ నోటిఫికేషన్‌ విడుదల చేయడం గమనార్హం.

సాధారణంగా మంత్రి మండలి ఆమోదం తెలిపిన తర్వాత … వారంలోపే గెజిట్‌ నోటిఫికేషన్‌ విడుదల అవుతుంది. కానీ దానికి భిన్నంగా ఇంత అసాధారణమైన జాప్యం చేయడంపై విమర్శలు వెల్లువెత్తుతున్నాయి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post కోనసీమ జిల్లాకు అంబేద్కర్ పేరు ఖ‌రారు appeared first on Vishwa Samvad Kendra Andhra Pradesh.

కోనసీమ జిల్లా ప్రజలు సంయమనం పాటించాలని సామాజిక సమరసతా వేదిక, ఆంధ్ర ప్రదేశ్ విజ్ఞప్తి చేస్తోంది. అంబేద్కర్ కేవలం ఏ ప్రాంతానికో, భాషకో, కులానికో, ప్రాంతానికో పరిమితమైన నాయకుడు కాదని ఆయన జాతీయ నాయకుడని, ఆయన పేరును కోనసీమ జిల్లాకు పెట్టడాన్ని అనవసరంగా వివాదాస్పదం చేయడం తగదని సమరసతా వేదిక వివరిస్తోంది.

మన ఆంధ్ర ప్రదేశ్ కు చెందిన శ్రీ టంగుటూరు ప్రకాశం పంతులు గారి పేరును ఒంగోలు జిల్లాకు, నెల్లూరు జిల్లాకు శ్రీ పొట్టి శ్రీరాములు నెల్లూరు జిల్లా గా, కడప జిల్లాకు శ్రీ వై.ఎస్.ఆర్ కడప జిల్లాగా గత ప్రభుత్వాలు పేర్లు పెట్టాయని, తాజాగా శ్రీ అన్నమయ్య, అల్లూరి, ఎన్టీ.ఆర్ పేర్లను ఆయా జిల్లాలకు పెట్టారని సామాజిక సమరసతా వేదిక గుర్తు చేసింది.

రాజకీయ విమర్శ, ప్రతి విమర్శలకు ఇది సమయం కాదని, అందరం కలిసి కోనసీమలోని అశాంతిని చల్లార్చవలసి ఉందని, కోనసీమ జిల్లాకు “డా. అంబేడ్కర్ కోనసీమ” జిల్లాగా పేరు పెట్టడంపై అందరూ ఏకాభిప్రాయానికి రావాల్సిందిగా సామాజిక సమరసతా వేదిక ఒక ప్రతిపాదనను ప్రజల ముందుంచుతున్నదని సామాజిక సమరసతా వేదిక జాతీయ కన్వీనర్ శ్రీ కే. శ్యామ్ ప్రసాద్, సామాజిక సమరసతా వేదిక ఆంధ్రప్రదేశ్ రాష్ట్ర అధ్యక్షులు శ్రీ కే.మన్మధరావులు ఒక సంయుక్త ప్రకటనలో తెలిపారు.

The post కోనసీమ ప్రజలు సంయమనం పాటించాలి appeared first on Vishwa Samvad Kendra Andhra Pradesh.