తిరువనంతపురం: కేరళ దూరదర్శన్‌ కేంద్రంలో కామాంధులు తయారయ్యారు. తిరువనంతపురంలోని దూరదర్శన్‌ కేంద్రంలో మహిళ వాష్‌రూమ్‌లలో రహస్య కెమెరా బయటపడడం కలకలం రేపుతోంది. ఆదివారం ఓ మహిళకు ఈ సీక్రెట్‌ కెమెరా దొరికింది. కేంద్రంలోని అధికారులు బుధవారం పోలీసులను ఆశ్రయించారు. ఇప్పుడు తిరువనంతపురం సైబర్‌ సెల్‌ పోలీసులకు ఫిర్యాదు అందింది. ఆ సంస్థ తాత్కాలిక ఉద్యోగి కెమెరాను ఇన్‌స్టాల్‌ చేసినట్టు గుర్తించారు. అతడిని విధుల నుంచి తొలగించినట్టు అధికారులు చెప్పారు. దూరదర్శన్‌ కేంద్రంలోని మెయిన్‌ స్టూడియో సమీపంలోని వాష్‌రూమ్‌లో హిడెన్‌ కెమెరాను నిందితుడు పెట్టినట్టుగా పోలీసులు గుర్తించారు. ఈ ఘటనపై దూరదర్శన్‌ కేంద్రం అధికారులతో కూడిన మహిళా కమిటీ, క్రమశిక్షణా కమిటీలు విచారిస్తున్నాయి. తిరువనంతపురం సైబర్‌ సెల్‌ పోలీసులు దర్యాప్తు చేస్తున్నారు. ఈ కెమెరా ఒక్కటేనా.. ఇంకా ఉన్నాయా అనే విషయమై ఆరా తీస్తున్నారు. ఇంటర్నెట్‌లో వీడియోలను పెట్టేశారేమోననే అనుమానాలు కూడా అక్కడి ఉద్యోగినులను వెంటాడుతూ ఉన్నాయి.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post కేరళ దూరదర్శన్‌ ఆఫీసులో కామాంధులు! appeared first on Vishwa Samvad Kendra Andhra Pradesh.