ముంబై: ఆర్‌ఎస్‌ఎస్, విశ్వ హిందూ పరిషత్(విహెచ్‌పి)ని తాలిబ‌న్ల‌తో గీత రచయిత జావేద్ అక్తర్ పోల్చ‌డంపై రాష్ట్రీయ స్వయం సేవక్ సంఘ్(ఆర్‌ఎస్‌ఎస్) కార్యకర్త వివేక్ చంపనేర్కర్ అత‌నిపై థానే కోర్టులో ప‌రువు న‌ష్టం దావా వేశారు. దీంతో కోర్టు నవంబర్ 12న హాజరు కావాలని జావేద్ అక్తర్‌కు సోమవారం నోటీసు జారీ చేసింది.

ఆర్ఎస్ఎస్ కార్యకర్త థానే సివిల్ కోర్టులో అడ్వకేట్ ఆదిత్య మిశ్రా, అడ్వకేట్ స్వప్నిల్ కాలే ద్వారా సివిల్ పరువు నష్టం దావా వేశారు. పిటిషన్‌లో, గీత రచయిత జావేద్ అక్తర్ సంస్థ ప్ర‌తిష్ఠ‌ను దిగ‌జార్చేలా వ్యాఖ్యానించ‌డంతో తాను బాధ‌ప‌డ్డాన‌ని, అందువ‌ల్ల రూపాయి న‌ష్ట‌ప‌రిహారం చెల్లించాల్సి ఉంటుంద‌ని పిటిష‌న‌ర్ త‌న పిటిష‌న్‌లో పేర్కొన్నారు.

అంతకుముందు, శివసేన నాయకుడు సంజయ్ రౌత్ జావేద్ అక్తర్‌పై నిప్పులు చెరిగారు. ఏదైనా భారతీయ సంస్థలను తాలిబాన్‌లతో పోల్చడం ఖండించదగినదని, అలాంటి పోలిక హిందూ సంస్కృతికి అగౌరవమని అన్నారు.

అంతకుముందు, భారతీయ జనతా పార్టీ(బిజెపి) కార్య‌క‌ర్త‌లు ముంబైలోని అక్తర్ నివాసానికి ఎదురుగా నిర‌స‌న వ్య‌క్తం చేశారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post జావేద్ అక్తర్‌కు థానే కోర్టు నోటీసు appeared first on Vishwa Samvad Kendra Andhra Pradesh.

శనివారం (మే 9 న ) చేసిన ఒక ట్వీట్ లో ఆయన, నిషేధించబడిన ఆచారాన్ని గత యాభై సంవత్సరాలుగా ఎందుకు అనుమతిస్తున్నారో అని ఆశ్చర్యం వ్యక్తం చేశారు.

ఆయన తన ట్వీట్ లో ఏమన్నారంటే…
” 50 సంవత్సరాల క్రితం వరకూ భారత దేశం లో ఆజాన్ ని లౌడ్ స్పీకర్లలో వినిపించడం నిషేధం. తరువాత ఇది అనుమతించబడింది. అనుమతించబడింది కాబట్టి ఇక దానిని ఆపడం అంటూ ఉండదు. ఆజాన్ మంచిదే కానీ దానిని లౌడ్ స్పీకర్లలో వినిపిస్తే అది ఇతరులకు అసౌకర్యం కలిగిస్తుంది. కనీసం ఇప్పుడన్నా వాళ్ళంతట వాళ్ళు ఆ పని (ఆజాన్ ని లౌడ్ స్పీకర్లలో వినిపించడాన్ని మానేయడం) చేస్తారని ఆశిస్తున్నాను”

దేవాలయాల మీద రోజూ లౌడ్ స్పీకర్ల ను ఉపయోగించడం మీద మీ అభిప్రాయం ఏమిటి అని ఒక ట్విటర్ వినియోగదారుడు అడిగినప్పుడు ఆయన రోజూ వాటిని ఉపయోగించడం ఆందోళన కలిగించే అంశం అని అభిప్రాయపడ్డారు.

“అది దేవాలయం కానీయండి, మసీదు కానీయండి, ఏవన్నా పండుగలప్పుడు లౌడ్ స్పీకర్లను ఉపయోగించడం బాగానే ఉంటుందని. కానీ దేవాలయాలలో అయినా, మసీదులలో అయినా వాటిని ప్రతి రోజూ ఉపయోగించరాదు.
గత వెయ్యి సంవత్సరాలుగా ఆజాన్ ను లౌడ్ స్పీకర్లు ఉపయోగించకుండా ఇస్తున్నారు. ఆజాన్ అనేది విశ్వాసములో ఒక భాగం కానీ, పరికరం (లౌడ్ స్పీకర్) కాదు.” అని ఆయన సమాధానం ఇచ్చారు.

అంతకు ముందు, మార్చ్ లో, కరోనా మహమ్మారి కారణంగా కాబా, మదీనాలను కూడా మూసేశారు కాబట్టి మన దేశంలోని మసీదులన్నీ మూసివేయాలని ఆయన సూచించారు. అలాగే మార్చ్ 24 నుండి ఆరంభమయ్యే పవిత్ర రంజాన్ మాసం లో ఇళ్లల్లోనే ప్రార్ధనలు చేసుకోవాలని ఆయన ముస్లిం సమాజానికి పిలుపునిచ్చారు.

“రంజాన్ మాసం సమీపిస్తోంది. మీరు ప్రార్ధనలు చేయండి, కానీ దాని వలన ఇతరులకు ఎవరికీ ఇబ్బంది కలగకుండా చూసుకోండి అని నేను ముస్లిం సోదరులను అభ్యర్ధిస్తున్నాను. మసీదులలో చేసే ప్రార్థనలను మీరు ఇంటి దగ్గరే చేసుకోవచ్చు. మీ ఇల్లు, ఈ నేలా అన్నీ ఆయన (అల్లా) సృష్టించినవే అని మీరు విశ్వసిస్తున్నారు. అలాంటప్పుడు ప్రార్థనలను ఎక్కడన్నా చేయచ్చు” అని ఆయన సూచించారు.

SOURCE :-PTI

https://m.dailyhunt.in/news/india/english/deccan+herald-epaper-deccan/for+almost+50+years+azaan+on+loudspeaker+was+haraam+then+it+became+halaal+javed+akhtar-newsid-183690430?ss=pd&s=a

తెలుగు అనువాదం : శేషశాయి దీవి

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post “లౌడ్ స్పీకర్లలో ఆజాన్ వద్దు”…జావేద్ అక్తర్ appeared first on Vishwa Samvad Kendra Andhra Pradesh.