చకత్రాస్‌ ఖండీ వద్ద ఉగ్రవాదులు ఉన్నారన్న సమాచారం అందుకొన్న పోలీసులు, సైన్యం గాలింపు నిర్వహిస్తుండగా హఠాత్తుగా ముష్కరులు కాల్పులు మొదలుపెట్టారు. దీంతో బలగాలు కూడా ఎదురుదాడి చేశాయి. ఈ ఘటనలో పాకిస్థాన్ ‌కు చెందిన ఉగ్రవాది సహా ఇద్దరు మరణించారు. ఈ విషయాన్ని కశ్మీర్‌ ఐజీ విజయ్‌ కుమార్‌ ధ్రువీకరించారు. మరణించిన వారిలో ఒకరిని పాకిస్థాన్ ‌కు చెందిన తౌఫిల్‌గా గుర్తించారు. ఈ ఉగ్రవాదులు లష్కరే తోయిబాకు చెందిన వారిగా నిర్ధారించారు. ఘటన జరిగిన ప్రదేశాన్ని భద్రతా దళాలు జల్లెడ పడుతున్నాయి.

ఈ ఆపరేషన్‌లో 22 రాష్ట్రీయ రైఫిల్స్‌, 9 పారా కమాండోలు, సీఆర్‌పీఎఫ్‌, జమ్ముకశ్మీర్‌ స్పెషల్‌ ఆపరేషన్‌ గ్రూప్‌ పాల్గొన్నాయి. ఒక ఏకే రైఫిల్‌, ఐదు మ్యాగజైన్లు, ఇతర పేలుడు పదార్థాలను దళాలు స్వాధీనం చేసుకొన్నాయి. ఇటీవల కాలంలో కశ్మీర్ అల్ప సంఖ్యాక హిందువులను ‌లో టార్గెట్ గా‌ చేసుకొని ఉగ్రవాదులు హత్యలు చేస్తున్నారు. ఈ నేపథ్యంలో భద్రతాదళాలు గస్తీని తీవ్రతరం చేశాయి. జనవరి నుంచి ఇప్పటి వరకు 28 మంది ఉగ్రవాదులను ఎన్‌కౌంటర్‌ చేసినట్లు పోలీసులు వెల్లడించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post కశ్మీర్ : ఎన్కౌంటర్లో ఇద్దరు ఉగ్రవాదులు హతం appeared first on Vishwa Samvad Kendra Andhra Pradesh.

370 ఆర్టికల్ రద్దు అనంతరం కేంద్ర ప్రభుత్వం కల్పించిన పునరావాసం వల్ల, ఇచ్చిన భరోసా వల్ల మూడు దశాబ్దాల క్రితం తమ మాతృభూమిని వదిలివెళ్లిన కాశ్మీరీ హిందువులు, వారి సంతతి కొంతమంది తిరిగి తమ జన్మ స్థానాన్ని చేరుకున్నారు. వారికి ప్రభుత్వం ప్యాకేజీలు, పునరావాసం, ప్రభుత్వ ఉద్యోగాలు కల్పించింది.

మరోవైపు మొన్న మొన్నటి వరకూ తుపాకీలు పట్టుకుని, రొమ్ము విరుచుకుని తిరిగిన ఇస్లామిక్ తీవ్రవాద మూకలన్నీ చెల్లాచెదురైపోయాయి. వాటి కీలక నాయకులందరూ హతమైపోయారు. అల్ బదర్, అన్సర్ ఘజావత్ వంటి అనేక సంస్థలు పూర్తిగా తుడిచిపెట్టుకుపోయాయి. 70 ఏళ్ల పాటు ఆడిందే ఆటగా, పాడిందే పాటగా చెలాయించిన కాశ్మీర్ వేర్పాటువాద రాజకీయ పార్టీలు కూడా చేష్టలుడిగి చూస్తుండడం తప్ప చెయ్యగలిగింది ఏమీ లేకపోయింది. ఇప్పుడు వాళ్ళకిక మిగిలింది పరిమిత శక్తి, వనరులు, కొందరు స్థానిక ముల్లాలు, ముస్లిముల సహాయ సహకారాలు మాత్రమే.

అయినప్పటికీ వాళ్లు ఎప్పట్లాగే హిందువులను భయభ్రాంతులను చెయ్యాలని భావించారు. అందుకే తమకు అందుబాటులో ఉన్న పరిమిత వనరులతోనే హిందువులపై దాడులు మొదలుపెట్టారు. ఈ క్రమంలో వారికున్న ప్రధాన బలం కాశ్మీర్ వేర్పాటు వాద పార్టీలు, స్థానికులు, మీడియా, ప్రభుత్వ యంత్రాంగాలలోని కొందరు వ్యక్తులు మాత్రమే. వాళ్ళ సహకారంతో కాశ్మీర్లో ప్రభుత్వ ఉద్యోగాలు పొందిన అమాయక హిందువులను లక్ష్యంగా చేసుకుని వారిపై దాడులు మొదలుపెట్టారు. ఓ కానిస్టేబుల్ ని, టీవీ నటిని, రెవెన్యూ ఉద్యోగిని, టీచర్ ని, బ్యాంకు ఉద్యోగిని, కార్మికులని, మరికొందరిని హత్య చేశారు. దీంతో సహజంగానే కాశ్మీర్లో పునరావాసం పొందిన హిందువులలో అలజడి మొదలైంది. తమను సురక్షిత ప్రాంతాలకు తరలించాలని కోరుతూ సుమారు 4000 మంది హిందువులు ఆందోళన చేపట్టారు. సరిగ్గా చెప్పాలంటే…. ఇస్లామిక్ వేర్పాటువాద, ఉగ్రవాద నాయకులు ఏదైతే కోరుకున్నారో సరిగ్గా అలాగే స్పందించారు. దానికి అక్కడి హిందువులను మనమేమీ తప్పుపట్టలేం.

అయితే ఇక్కడ గమనించాల్సిన మరో విషయం ఏమిటంటే కాశ్మీర్ లోని వేర్పాటు వాద పార్టీలు, ఒక వర్గం మీడియా ఇప్పుడు కాశ్మీర్లో జరిగిన హిందువుల హత్యలను కేంద్ర ప్రభుత్వ వైఫల్యంగా చూపే ప్రయత్నం చేస్తూ ఉండడం. 30 ఏళ్ల క్రితం 5 లక్షల మంది హిందువులు కాశ్మీర్ నుంచి తరిమి వేయబడ్డప్పుడు వీళ్లెవరూ హిందువుల పక్షాన నిలబడి మాట్లాడలేదు. వారిని రక్షించే ప్రయత్నం చెయ్యలేదు. ఉగ్రవాద ముఠాల నాయకులతో చెట్టాపట్టాలేసుకుని తిరిగారు. తామే అతి పెద్ద భారత్ వ్యతిరేకులమని చాటుకునేందుకు పరస్పరం పోటీలు పడ్డారు. కాశ్మీర్ భారత్లో అంతర్భాగం కాబోదని పదే పదే ప్రకటించారు. దేశ విదేశీ పత్రికలలో పుంఖానుపుంఖాలుగా వ్యాసాలు వెలువరించారు. వేర్పాటువాద మద్దతుదారుల్ని మేథావులుగా మిగతా దేశానికి పరిచయం చేశారు. కాశ్మీర్ ఉగ్రవాదుల్ని కాశ్మీర్ స్వాతంత్ర పోరాట యోధులుగా కీర్తించారు. సైనికులపై, పోలీసులపై జరిగే రాళ్ల దాడులను కాశ్మీరీ ముస్లిముల ఆత్మరక్షణ పోరాటంగా అభివర్ణించారు. వేలాది మంది హిందువులు, సైనికులు, పోలీసులు మరణించినప్పుడు వాళ్లెవరూ కించిత్ కూడా చింతించలేదు. ఆ రాళ్ల దాడులలో కళ్ళు పోయి, కాళ్లు పోయి, చేతులు పోయి ఇప్పటికీ దుర్భర జీవితాన్ని అనుభవిస్తున్న పోలీసులు, సైనికులు ఎందరో ఉన్నారు. వారిపై వీరెవ్వరూ ఏనాడూ పిసరంత సానుభూతి చూపిన పాపాన పోలేదు. ఇప్పుడు మాత్రం హఠాత్తుగా కాశ్మీర్లో జరుగుతున్న హిందువుల హత్యలు దురదృష్టకరమైన ఘటనలుగా వారికి కనిపిస్తున్నాయి. ప్రభుత్వ వైఫల్యంగా కనిపిస్తోంది.

మరి 30 ఏళ్ల క్రితం కాశ్మీర్లో హిందువులపై ఉగ్రవాద మూకలు మరియు స్థానిక ముస్లిములు సంయుక్తంగా జరిపిన మారణకాండ ఎవరి వైఫల్యం? హిందువుల తరిమివేత ఎవరి వైఫల్యం? హిందువుల ఇళ్ళు, ఆస్తుల లూటీ, దురాక్రమణ ఎవరి వైఫల్యం? జమ్మూ, ఢిల్లీ వంటి ప్రాంతాలలో పునరావాస శిబిరాలలో దుర్భర జీవితాలను అనుభవిస్తూ ఉండిన హిందువులపై అప్పటి ప్రభుత్వాలు చూపిన నిర్లక్ష్యం ఎవరి వైఫల్యం?

సరే ఇంత మాట్లాడుతున్నవారు హిందువులపై జరుగుతున్న ఈ దాడులను ఆపటానికి ఏమైనా పరిష్కారం చూపుతున్నారా? అంటే… అదీ లేదు. ఇలా హిందువులపై దాడులకు తెగబడుతున్న ఉగ్రవాదులపై, సాధారణ పౌరుల ముసుగులో వారికి మద్దతునిస్తున్న స్థానిక ముస్లిములు, కాశ్మీరీ రాజకీయ పార్టీల నాయకులు, కార్యకర్తలపై కేంద్ర ప్రభుత్వం కఠిన చర్యలకు ఉపక్రమిస్తే భారత ప్రభుత్వం మైనారిటీ ముస్లిములపై అఘాయిత్యాలకు పాల్పడుతోందని, అణచివేతకు గురిచేస్తోందని ప్రపంచవ్యాప్తంగా దుష్ప్రచారానికి పాల్పడేది వీళ్లే. దశాబ్దాల కుట్రలో భాగమే ఇదంతా. ప్రపంచవ్యాప్తంగా ఇస్లాం వ్యాప్తికై శతాబ్దాలుగా వారు అనుసరిస్తూ వస్తున్న అల్ తకియా, దారుల్ హరబ్, దారుల్ ఇస్లాంలలో భాగమే ఇదంతా. ఇప్పుడు కాశ్మీర్ లో జరుగుతున్నది దార్ ఉల్ ఇస్లాం. అంటే ముస్లిములు మెజారిటీగా ఉన్న ప్రాంతంలో ఎట్టి పరిస్థితులలోనూ ఇతరుల ప్రవేశాన్ని, నివాసాన్ని అంగీకరించకపోవడం. వారిని బెదిరించటం, బాధించటం, తరిమికొట్టటం, అవసరమైతే చంపెయ్యటం. ఇది ఖురాన్ లో చెప్పిందే. శతాబ్దాలుగా ప్రపంచ చరిత్రలో జరిగిన, జరుగుతున్న మారణహోమానికి కారణమేమిటో అర్థమైందిగా?

నిజానికి ఇప్పుడు జరిగింది ప్రభుత్వ వైఫల్యం కానేకాదు. సాఫీగా సాగుతున్న ప్రయాణంలో హఠాత్తుగా జరిగే ఒక ప్రమాదం వంటిది మాత్రమే. అయితే ఈ ప్రమాదం వెనుక ఇందాకే మనం చెప్పుకున్నట్లుగా కాశ్మీరులో ఎక్కడో ఏమూలో నక్కి ఉన్న కొందరు తీవ్రవాదుల పాత్ర ఉంది. ప్రస్తుత పరిస్థితులలో స్థానిక ముస్లిముల సహకారం లేకుండా ఇలాంటి ఘటనలు జరిగే అవకాశమే లేదు. స్థానిక రాజకీయ పార్టీల మద్దతు బహిరంగ రహస్యం. ఇలాంటి నేపథ్యంలో కాశ్మీర్లో పరిస్థితులను చక్కబెట్టే సవాలును కేంద్ర ప్రభుత్వం మనసా వాచా కర్మణా స్వీకరించింది. ఈ సవాలు ఎంత కఠినతరమైనదో, ప్రమాదకరమైనదో కాశ్మీర్ పరిస్థితులపై అవగాహన ఉన్న వారెవరికైనా ఇట్టే అర్థమవుతుంది. ఏ తీవ్రవాది ఎక్కడ ఏ మసీదులో, ఏ మదర్సాలో, ఏ ఇంట్లో నక్కి ఉంటాడో చెప్పడం చాలా కష్టం. ఏ కూరగాయలమ్మేవాడో, ఏ పచారీ కొట్టు వాడో, ఏ కూల్ డ్రింక్ షాప్ వాడో, ఈ టాక్సీ డ్రైవరో….. ఎవరు ఉగ్రవాదో, ఎవరు సాధారణ పౌరుడో, ఎవరు ఇన్ఫార్మరో కనిపెట్టి పట్టుకోవడం ఎలాగ? అయినప్పటికీ ఈ అతిపెద్ద సవాలును కేంద్ర ప్రభుత్వం, రక్షణ దళాలు సమర్థవంతంగానే నిర్వహిస్తున్నాయి. ఎందరో ఉగ్రవాదుల్ని ఏరి పారేశారు. వారి సమర్థకుల్ని జైళ్ళలో తోశారు. అక్రమ చొరబాట్లను దాదాపు పూర్తిగా కట్టడి చేశారు. అయినా సరే ఎక్కడో ఏ మూలనో నక్కిన నక్కలు అప్పుడప్పుడూ ఇలా ఊళలు వేస్తూ ఉన్నాయి.

అయితే అదే సమయంలో అక్కడి హిందువులను సైతం ప్రాణాలకు తెగించి అక్కడే నివాసం ఉండాలని ఎవ్వరూ బలవంతం చేయలేరు. అట్లని మళ్లీ తిరిగి వారిని వేరే ప్రాంతాలకు తరలించడమూ సబబు కాదు. దానివల్ల కాశ్మీర్ సమస్య మళ్లీ మొదటికి వస్తుంది. అయితే దీనికి పరిష్కారం ఏమిటి? ఎట్టి పరిస్థితుల్లోనూ ఒక్క ప్రాణాన్ని కూడా పోనివ్వమని ప్రభుత్వం వారికి భరోసా ఇవ్వాలి. అందుకు తగిన విధంగా వారికి రక్షణ కల్పించాలి. దేశంలోని ఇతర ప్రాంతాల నుంచి హిందువులను కాశ్మీర్ కు తీసుకువెళ్లి వారికి అక్కడ స్థిర నివాసాలను, ఉద్యోగ వ్యాపారాలను ఏర్పాటు చేయాలి. అవసరమైతే వారి నివాస ప్రాంతాలలో, పనిచేసే చోట పెద్ద ఎత్తున రక్షణ వలయాన్ని ఏర్పాటు చేయాలి. ఇంకా అవసరమైతే ఆత్మరక్షణ కోసం హిందువులకు ఆయుధాలు ఇవ్వడంపై కూడా ప్రభుత్వం దృష్టి పెట్టాలి. అనేక పరిమితుల మధ్య కూడా ప్రభుత్వం కాశ్మీర్లో ఉగ్రవాద కార్యకలాపాల కట్టడికి, హిందువుల పునరావాస కల్పనకు ఎంతగానో కట్టుబడి కృషి చేస్తున్నది. ప్రభుత్వం అప్పుడే రక్షణ చర్యల దిశగా ఉపక్రమించింది కూడా. నిన్ననే వివిధ ప్రాంతాలలో పనిచేసే 177 మంది కాశ్మీరీ హిందువులను సురక్షితమైన ప్రాంతాలకు బదిలీ చేసింది. భవిష్యత్తులో మరింత సమర్థవంతంగా, కఠినంగా వ్యవహరించి సమస్యను పరిష్కరించే ప్రయత్నం చేసే అవకాశం ఉంది. నిజానికి కాశ్మీర్ లోని ఉగ్ర మూకలను, వారికి సహకరిస్తున్న శక్తులను ఇక ఎట్టి పరిస్థితుల్లోనూ ఉపేక్షించకూడదు. తాజా హత్యలతో వారు అన్ని హద్దులనూ అతిక్రమించారు. ఇక దెబ్బకుదెబ్బ తప్పదు. అన్ని మొహమాటాలనూ వీడి వారికి తగిన గుణపాఠం చెప్పి తీరాలి. ఇంతకు పదింతల నొప్పి కలిగించాలి. ఆ దిశగా ప్రభుత్వం ఖచ్చితంగా పయనిస్తుందని ఆశిద్దాం. కాశ్మీర్లో మరిన్ని సానుకూల పరిణామాలకై వేచి చూద్దాం. భారత్ మాతాకీ జై.

– శ్యాంప్రసాద్ రెడ్డి కోర్శిపాటి

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఇంతకు పదింతల నొప్పి కలిగించాలి appeared first on Vishwa Samvad Kendra Andhra Pradesh.

* ఉగ్రమూకల చేతిలో బలవుతోన్న సామాన్య పౌరులు

జమ్మూకశ్మీర్‌లో ఉగ్రవాదులు పెట్రేగిపోతున్నారు. అక్కడ మహిళలు, సామాన్య ప్రజలపై దాడులు పెరుగుతున్నాయి. మంగళవారం కుల్గాంలోని గోపాల్‌రాలో ఉగ్రమూకలు ఉపాధ్యాయురాలిపై కాల్పులు జరిపాయి.

ఆ ఘటనలో తీవ్ర గాయాలపాలైన ఆమె ఆసుపత్రిలో చికిత్స పొందుతూ మృతి చెందారు.
మృతురాలు జమ్ము డివిజన్‌లోని సాంబా ప్రాంతానికి చెందిన వారని పోలీసులు వెల్లడించారు. ఆమె పాఠశాల ఉపాధ్యాయురాలిగా పనిచేస్తున్నట్లు చెప్పారు. పాఠశాల సమీపంలోనే ఈ ఘటన జరిగినట్లు తెలిపారు. దాడి జరిగిన వెంటనే భద్రతా బలగాలు ఆ ప్రాంతానికి చేరుకొని, గాలింపు చేపడుతున్నాయి. ఇటీవల కాలంలో ముష్కరుల చేతిలో సామాన్య ప్రజలు బలవుతున్న ఘటనలు వెలుగుచూస్తున్నాయి. మే 12న బుద్గాం జిల్లాలో రెవెన్యూ విభాగానికి చెందిన ఉద్యోగి రాహుల్ భట్ బలయ్యారు. గతవారం టీవీ నటి అమ్రీన్ భట్ ఉగ్రమూకల చేతిలో ప్రాణాలు కోల్పోయారు. చదూరలోని ఆమె నివాసంలో రాత్రి వేళ లష్కరే తొయిబా ఉగ్రవాదులు ఈ ఘాతుకానికి పాల్పడ్డారు.

పౌరులపై వరుసగా జరుగుతోన్న దాడులను జమ్మూకశ్మీర్ నేతలు తీవ్రంగా ఖండిస్తున్నారు. ‘ఇది చాలా బాధాకరం. నిరాయుధులైన సామాన్య ప్రజలపై వరుసగా జరుగుతోన్న లక్షిత దాడుల్లో ఇది మరొకటి’ అంటూ నేషనల్ కాన్ఫరెన్స్ నేత ఒమర్ అబ్దుల్లా ఈ ఘటనపై స్పందించారు. ‘కశ్మీర్‌లో పరిస్థితులు చక్కబడ్డాయనుకుంటూ ఉన్నా లక్షిత హత్యలు పెరుగుతున్నాయి’ అంటూ పీడీపీ అధ్యక్షురాలు మెహబూబా ముఫ్తీ ఆగ్రహం వ్యక్తం చేశారు.

సామాన్యులను భయభ్రాంతులను చేసేందుకే…

కేంద్ర ప్రభుత్వం కఠిన చర్యలు గైకొని ఉగ్రవాదుల అంతు చూస్తోంది. గత రెండున్నర సంవత్సరాల కాలగతిలో జమ్మూకాశ్మీర్లోని అనేక ఉగ్రవాద సంస్థలు సమూలంగా తుడిచిపెట్టుకుపోయాయి. 3 దశాబ్దాల క్రితం కాశ్మీర్ లోయలో చోటుచేసుకున్న ఉగ్రదాడుల కారణంగా జమ్ము కాశ్మీర్ ని విడిచి దేశంలోని వివిధ ప్రాంతాలకు వెళ్లిన హిందువులకు తిరిగి అక్కడే పునరావాసం కల్పిస్తున్నది కేంద్ర ప్రభుత్వం. అంతేగాక గత రెండున్నర సంవత్సరాల కాలంలో అనేకమంది కాశ్మీరీ హిందువులకు ప్రభుత్వ ఉద్యోగాలను కూడా కల్పించింది కేంద్ర ప్రభుత్వం. దాంతో తమ ఉనికికే ప్రమాదం ఏర్పడుతుందని భావించిన ఉగ్ర మూకలు మరళా సామాన్యులను బెదరగొట్టడం కోసం వారిపై దాడులకు తెగబడుతున్నాయి.

భద్రతా బలగాల కఠిన చర్యలు

అయితే భద్రతా బలగాలు సైతం సామాన్యులపై జరుగుతున్న ఇలాంటి దాడులను చాలా సీరియస్ గా తీసుకుంటున్నాయి. దాడులు జరిగిన గంటలు, రోజులు వ్యవధిలోనే అందుకు కారణమైన ఉగ్రవాదులని, వారి వెనకనున్న సంస్థల్ని గుర్తించి నిర్ధాక్షిణ్యంగా మట్టుబెడుతున్నాయి. గత వారం కానిస్టేబుల్ పై కాల్పులు జరిపి సంహరించిన ఉగ్రవాదులను భద్రతా దళాలు తెల్లారే కల్లా మట్టుబెట్టిన సంఘటన పాఠకులకు విదితమే. మొత్తానికి జమ్మూకాశ్మీర్లో తాజాగా సామాన్యులపై జరుగుతున్న ఈ దాడుల వెనుక వేర్పాటువాద రాజకీయ పార్టీల హస్తాన్ని కూడా కాదనలేమని నిపుణులు అభిప్రాయపడుతున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post జమ్మూకాశ్మీర్ : ఉగ్రవాదుల కాల్పుల్లో మహిళా టీచర్ మృతి appeared first on Vishwa Samvad Kendra Andhra Pradesh.

కశ్మీర్‌లో తాజాగా మరో ఎన్‌కౌంటర్‌ చోటుచేసుకుంది. పుల్వామాలోని గుండిపొరా గ్రామంలో భద్రతా బలగాలు, ఉగ్రవాదుల మధ్య జరిగిన ఎదురుకాల్పుల్లో జైషే మొహమ్మద్‌(జేఈఎం)కు చెందిన ఇద్దరు ఉగ్రవాదులు హతమయ్యారు.

ఈ ఎన్‌కౌంటర్‌ మృతుల్లో.. మే 13న పుల్వామాలో పోలీసు కానిస్టేబుల్‌ రియాజ్ అహ్మద్‌ హత్య కేసులో ప్రమేయమున్న అబిద్ షా ఒకడని కశ్మీర్‌ ఐజీపీ తెలిపారు. ఘటనాస్థలం నుంచి రెండు ఏకే రైఫిల్స్, ఇతర మందుగుండు సామగ్రిని స్వాధీనం చేసుకున్నామని, సెర్చ్‌ ఆపరేషన్ ఇంకా కొనసాగుతోందని వెల్లడించారు.

గుండిపొరాలో ఉగ్రవాదులు నక్కి ఉన్నారంటూ కుల్గాం పోలీసులు అందించిన విశ్వసనీయ సమాచారం మేరకు భద్రతాబలగాలు, పోలీసులు ఆదివారం సాయంత్రం అక్కడికి చేరుకున్నారు. ఈ క్రమంలోనే ఇరువర్గాల మధ్య ఎదురుకాల్పులు ప్రారంభమైనట్లు స్థానిక పోలీసు అధికారి తెలిపారు. చీకటి కారణంగా రాత్రి పూట ఆపరేషన్ నిలిపేసి, ఉదయం మళ్లీ ప్రారంభించారు. దాదాపు 13 గంటలపాటు సాగిన ఎన్‌కౌంటర్‌లో ఇద్దరిని అంతమొందించినట్లు చెప్పారు. ఇదిలా ఉండగా.. ఈ ఏడాది కశ్మీర్‌లో ఇప్పటివరకు 54 ఎన్‌కౌంటర్‌లు జరిగాయి. 26 మంది పాక్‌కు చెందిన ఉగ్రవాదులతో సహా 86 మందిని భద్రతా బలగాలు హతమార్చాయి. 44 మంది ముష్కరులను, 183 మంది సానుభూతిపరులను అరెస్టు చేశాయి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post పుల్వామాలో ఎన్‌కౌంటర్‌ appeared first on Vishwa Samvad Kendra Andhra Pradesh.

* అమర్నాథ్ యాత్రే లక్ష్యం

అమర్‌నాథ్‌ యాత్రలో విధ్వంసం సృష్టించాలని పాక్‌ చేసిన యత్నాలను జమ్ముకశ్మీర్‌ పోలీసులు భగ్నం చేశారు. పాకిస్థాన్‌ నుంచి వస్తున్న ఓ క్వాడ్ ‌కాప్టర్‌ను కథువాలోని తాల్లీ హరియా చాక్‌ గ్రామం వద్ద పోలీసులు ఆదివారం కూల్చివేశారు. ఆ డ్రోన్‌ నుంచి ఏడు మాగ్నెటిక్‌ బాంబులను, ఏడు యూజీబీఎల్‌ గ్రనేడ్లను పోలీసులు స్వాధీనం చేసుకొన్నారు.

తొలుత డ్రోన్‌ కదలికలను రాజ్‌బాఘ్‌ పోలీసులు ఏర్పాటు చేసిన సెర్చి పార్టీ గుర్తించింది. అది పాకిస్థాన్‌ వైపు నుంచి వస్తున్నట్లు గుర్తించి వెంటనే దానిపై వారు కాల్పులు జరిపారు. అమర్‌నాథ్‌ యాత్రను లక్ష్యంగా చేసుకొని ఈ పేలుడు పదార్థాలను తెచ్చినట్లు పోలీసులు అనుమానిస్తున్నారు. ఈ డ్రోన్‌ తీసుకొచ్చిన మాగ్నెటిక్‌ బాంబులను చార్ ‌ధామ్‌ యాత్ర బస్సులకు అమర్చేందుకు తెప్పించి ఉంటారని భావిస్తున్నారు.

ఇది తాలిబన్ల శైలి…

అమెరికా సేనలు, ఇతర అధికారులను హత్య చేసేందుకు గతంలో తాలిబన్లు మాగ్నెటిక్‌ బాంబులను విరివిగా వాడేవారు. వీరు పేలుడు పదార్థాలకు అయస్కాంతాలు అమర్చి అఫ్గాన్‌ అధికారులు, నాయకుల కార్ల కింద పెట్టేవారు. కాబుల్‌ వంటి పట్టణాల్లో దాడులకు ఇలాంటి వ్యూహాలను అమలు చేసేవారు. ఇవి ఎంత ప్రమాదకరమైనవో తాలిబన్లకు తెలిసినంత మరెవరికీ తెలియదు.

ఏమిటీ మాగ్నెటిక్‌ బాంబ్‌..

అమెరికాతో శాంతి చర్చలు జరుగుతున్న సమయంలో చేసిన దాడుల్లో వీటినే అత్యధికంగా వినియోగించారు. నిత్యం ఈ బాంబులు అమర్చిన కార్లు ఎక్కడో ఒకచోట పేలుతుండేవి. దీంతో కాబుల్‌ వాసులు వణికిపోయేవారు. ఈ బాంబులను మెకానిక్‌ షెడ్లలో కూడా తయారు చేయవచ్చు. వీటికి 25 డాలర్లకు మించి ఖర్చుకాదు. చిన్న డబ్బాలో పేలుడు పదార్థాలను అమర్చి దానిని సెల్‌ఫోన్‌తో అనుసంధానిస్తారు. దీనికి ఒక అయస్కాంతం అమరుస్తారు. దీనిని ప్రత్యర్థి వాహనం కింద ఇంధన ట్యాంక్‌ సమీపంలో పెట్టి.. బాంబుకు అమర్చిన మొబైల్‌ నంబర్‌కు ఫోన్‌ చేస్తారు. దీంతో భారీ పేలుడు సంభవిస్తుంది. అఫ్గాన్‌ ప్రజలను భయభ్రాంతులకు గురి చేసేందుకు 2020, 2021ల్లో డజన్ల కొద్దీ పేలుళ్లకు పాల్పడ్డారు.

కాబూల్‌లో తాలిబన్‌ సానుభూతిపరులు రిపేర్లకు వచ్చిన కార్లలో ఈ తరహా మాగ్నెటిక్‌ బాంబులను పెట్టి పంపించేవారు. సమీ అనే ఉగ్రవాది అక్కడ అరెస్టయ్యే వరకు ఈ విషయం బయటపడలేదు. తాలిబన్లు నయానో భయానో వీరిని లొంగదీసుకొని ఈ పనులు చేయించారు.

కశ్మీర్‌లో వాడేందుకు పాక్‌ పన్నాగం..

భారత్‌లో 2012లో ఒక ఇరాన్‌ ఉగ్రవాది ఇజ్రాయెల్‌ దౌత్య సిబ్బంది భార్యపై దాడికి తొలిసారి ఈ మాగ్నెటిక్‌ బాంబు‌ను వాడారు. కశ్మీర్‌లో కూడా తాలిబన్‌ స్టైల్‌లో ఈ బాంబులను వాడాలని పాక్‌ పన్నాగం పన్నింది. గతేడాది సాంబ సెక్టార్‌లో భద్రతా దళాలు ఈ మాగ్నెట్‌ బాంబులను స్వాధీనం చేసుకొన్నాయి. వీటిని పాక్‌ ఐఎస్‌ఐ సంస్థ ఉగ్రవాదులకు సరఫరా చేస్తోంది. కొన్నాళ్ల క్రితం పూంచ్‌ జిల్లాలో నాలుగు మాగ్నెటిక్‌ బాంబులను భద్రతా దళాలు నిర్వీర్యం చేశాయి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post డ్రోన్ ద్వారా మాగ్నెటిక్ బాంబుల సరఫరాకు పాక్ పన్నాగం appeared first on Vishwa Samvad Kendra Andhra Pradesh.

కోర్టు వర్గాల ప్రకారం UAPA సెక్షన్లు 16 (టెర్రరిస్టు చర్య), 17 (టెర్రరిస్టు కార్యకలాపాల కోసం నిధుల సేకరణ), 18 (టెర్రరిస్టుల కార్యకలాపాలకు పాల్పడటానికి కుట్ర), 20 (టెర్రరిస్టు ముఠా, టెర్రరిస్టు సంస్థలో సభ్యుడు), భారతీయ శిక్షాస్మృతి (IPC) సెక్షన్ 120-B (నేరపూరితమైన కుట్ర), 124-A (దేశద్రోహం) కింద తాను ఎదుర్కొంటున్న అభియోగాలను సైతం మాలిక్ తోసిపుచ్చలేదు.

మాలిక్ ఎదుర్కొంటున్న అభియోగాలకు సంబంధించి అతడికి విధించాల్సిన శిక్షపై వాదోపవాదాలను ప్రత్యేక జడ్జి ప్రవీణ్ సింగ్ మే 19న వింటారు. అభియోగాలకు లోబడి మాలిక్‌కు గరిష్టంగా జీవిత ఖైదు శిక్ష విధించే అవకాశం ఉందని కోర్టు వర్గాలు వెల్లడించాయి.

పుల్వామా దాడి అనంతరం జమ్మూ కాశ్మీర్‌లో భారత్ వ్యతిరేక, వేర్పాటువాద శక్తుల ఏరివేతతో 2019 నుంచి మాలిక్ జైలులో ఉన్నారు. అనంతరం జాతీయ దర్యాప్తు ఏజెన్సీ (NIA) కస్టడీలోకి వచ్చారు. అటు పిమ్మట మాలిక్‌ను జమ్మూలోని కోట్ బల్వాల్ జైలు నుంచి ఢిల్లీలోని తీహార్ జైలుకు తరలించారు.

1989లో మాజీ కేంద్ర హోమ్ మంత్రి ముఫ్తీ మహమ్మద్ సయీద్ కుమార్తె రుబియా సయీద్ అపహరణ, 1990 సంవత్సరం మొదట్లో ఐదుగురు భారత వైమానిక దళం (IAF) అధికారుల హత్య కేసుల్లో సైతం మాలిక్ నిందితుడుగా ఉన్నారు. యాసిన్ మాలిక్‌పై అనేక కేసులు అపరిష్కృతంగా ఉన్నాయి. జమ్మూకాశ్మీర్ లిబరేషన్ ఫ్రంట్ (JKLF) టెర్రరిస్టు మఖ్బూల్ భట్‌కు మరణ శిక్ష విధించిన జడ్జి జస్టిస్ నీల్‌కంఠ్ గంజు హత్య, శ్రీనగర్‌లో దూరదర్శన్ కేంద్రం మాజీ డైరెక్టర్ లస్సా కౌల్ హత్య కేసులోనూ మాలిక్ ప్రమేయం ఉంది.

వేర్పాటువాద నేత యాసిన్ మాలిక్ కోర్టులో తన నేరాలను అంగీకరించడం పట్ల ‘ది కాశ్మీర్ ఫైల్స్’ చిత్ర దర్శకుడు వివేక్ అగ్నిహోత్రి స్పందించారు. ‘ది కాశ్మీర్ ఫైల్స్’ చిత్రంలో అర్థ సత్యాలను, ఇస్లామోబియాను చూపారంటూ గతంలో వ్యాఖ్యలు చేసిన కాంగ్రెస్ ఎంపీ శశిథరూర్‌ను, చిత్రంపై వ్యంగంగా వ్యాఖ్యానించిన ఢిల్లీ ముఖ్యమంత్రి అరవింద్ కే్జ్రీవాల్‌ను, నెయిల్ ఫైల్స్ తీస్తానంటూ ట్వీట్ చేసిన హిందీ సినీ నటుడు అక్షయ్ కుమార్ భార్య ట్వింకిల్ ఖన్నాను ఆయన నిలదీశారు. నేరాలకు పాల్పడ్డానని యాసిన్ మాలిక్ అంగీకరించిన తర్వాత కూడా అలాగే వ్యవహరిస్తారా? అని వారిని వివేక్ అగ్నిహోత్రి ప్రశ్నించారు.

VSK TELANGANA సౌజన్యంతో….

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post నేరాలను అంగీకరించిన వేర్పాటువాద నాయకుడు యాసిన్ మాలిక్ appeared first on Vishwa Samvad Kendra Andhra Pradesh.

* భారత సరిహద్దుల్లో పాకిస్థాన్ తీవ్రవాదాన్ని పెంచి పోషిస్తున్నదంటూ ఆగ్రహం

జమ్మూకాశ్మీర్లోకి అక్రమంగా చొరబడేందుకు దాదాపు 200 మంది ఉగ్రవాదులు సరిహద్దుల్లో సిద్ధంగా ఉన్నారని నార్తర్న్ ఆర్మీ కమాండర్ లెఫ్టినెంట్ జనరల్ ఉపేంద్ర ద్వివేదీ వెల్లడించారు. ఈ ఏడాదిలో ఇప్పటి వరకూ 21 మంది విదేశీ ఉగ్రవాదులను మట్టుబెట్టినట్లు తెలిపారు. కాల్పుల విరమణ ఉల్లంఘనలు కూడా తగ్గినట్లు చెప్పారు. గడచిన పన్నెండు నెలల్లో కాల్పుల విరమణ ఉల్లంఘనల సంఘటనలు చాలా తక్కువ అని తెలిపారు. సుమారు 3 సంఘటనలు మాత్రమే జరిగాయన్నారు. సరిహద్దుల ఆవల ఉగ్రవాద మౌలిక సదుపాయాలు యదాతథంగా ఉన్నట్లు కనిపిస్తోందన్నారు. భారీ ఉగ్రవాద శిబిరాలు 6 ఉన్నాయని, సాధారణ శిబిరాలు 29 ఉన్నాయని చెప్పారు.

మిలిటెంట్ ఇన్‌ఫ్రాస్ట్రక్చర్ యదాతథంగా ఉండటానికి కారణం పాకిస్థాన్ సైన్యమేనని ఆయన తెలిపారు. పాకిస్థాన్ సైన్యం, దాని ఏజెన్సీల ప్రమేయాన్ని నిరాకరించలేమని తెలిపారు. కశ్మీరు లోయలో దాదాపు 50 మంది స్థానిక ఉగ్రవాదులు చురుగ్గా ఉన్నారని చెప్పారు. దీనిపై ఆందోళన వ్యక్తం చేస్తూ, యువతను పాకిస్థాన్ రాడికలైజ్ చేస్తోందన్నారు. రాడికలైజ్డ్ యువతకు కౌన్సెలింగ్ ఇచ్చేందుకు, వారిని తిరిగి ప్రధాన జీవన స్రవంతిలోకి తీసుకొచ్చేందుకు కృషి చేస్తున్నామన్నారు.

370 అధికరణ రద్దు తర్వాత పరిస్థితిలో మార్పు వచ్చిందన్నారు. ఈ మార్పు తేవడంలో భారత సైన్యం కీలక పాత్ర పోషిస్తోందని చెప్పారు. 48 గుడ్‌విల్ స్కూల్స్ ‌లో దాదాపు 15,000 మంది విద్యార్థులు చదువుతున్నారని, భవిష్యత్తును మెరుగ్గా తీర్చిదిద్దుకోవడం గురించి వారికి బోధిస్తున్నామని ద్వివేదీ తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post గోతికాడ నక్కల్లా మన దేశ సరిహద్దుల్లో పొంచివున్న ఉగ్రవాదులు appeared first on Vishwa Samvad Kendra Andhra Pradesh.

జమ్ముకశ్మీర్‌లోని ఉగ్రవాదులు మరోసారి స్థానికేతరులను లక్ష్యంగా చేసుకుని దాడులకు తెగబడ్డారు. పుల్వామా జిల్లాలో ఆదివారం సాయంత్రం 7.15 గంటలకు లిట్టర్ ప్రాంతంలోని నౌపోరాలో ఇద్దరు కార్మికులపై ఉగ్రవాదులు కాల్పులు జరిపారు. దీంతో తీవ్రంగా గాయపడిన ఆ ఇద్దరిని స్థానిక ఆసుపత్రికి తరలించారు. ఛాతికి బుల్లెట్‌ గాయాలైన ఒకర్ని శ్రీనగర్‌లోని ప్రత్యేక ఆసుపత్రికి రిఫర్‌ చేశారు. మరో వ్యక్తి కాలికి బుల్లెట్‌ గాయమైంది. గాయపడిన వారిని పంజాబ్‌లోని పఠాన్‌కోట్‌కు చెందిన ధీరజ్ దత్, సురీందర్ సింగ్‌గా వీరిని గుర్తించినట్లు జమ్ముకశ్మీర్‌ పోలీసులు తెలిపారు. స్థానిక కోళ్ల ఫారం వాహనం డ్రైవర్‌గా ఒకరు, సహాయకుడిగా మరొకరు పని చేస్తున్నట్లు చెప్పారు. స్థానికేతరులైన ఇద్దరు కార్మికులపై ఉగ్రవాదులు కాల్పులు జరిపిన ఘటనపై కేసు నమోదు చేసి.. దర్యాప్తు చేస్తున్నట్లు జమ్ముకశ్మీర్‌ పోలీసులు తెలిపారు. ఘటన జరిగిన ప్రాంతానికి అదనపు బలగాలను రప్పించి, ఆ ప్రాంతంలో సెర్చ్‌ ఆపరేషన్‌ చేపట్టినట్లు అధికారులు వెల్లడించారు.

ఇక బందిపోరా పోలీసులు రెండు టెర్రర్ మాడ్యూళ్లను ఛేదించారు. నిషేధిత సంస్థ లష్కరే తోయిబాకు చెందిన నలుగురు ఉగ్రవాద సహాయకులను అరెస్టు చేశారు. నిందితులు బందిపోరా జిల్లాలో ఉగ్రవాదుల కోసం లాజిస్టిక్స్ రవాణాను చేస్తున్నారని పోలీసులు తెలిపారు. సమాచారం అందుకున్న భద్రతా దళాలు బందిపోరాలోని అష్టాంగో ప్రాంతంలో ముగ్గురు తీవ్రవాద మద్దతుదారులను గుర్తించారు. ముగ్గురిని ఇర్ఫాన్ అహ్మద్ భట్, సజాద్ అహ్మద్ మీర్, ఇర్ఫాన్ అహ్మద్ జాన్‌గా ధృవీకరించారు. రఖ్ హజిన్‌లోని చెక్‌పోస్ట్ వద్ద భద్రతా బలగాలు కూడా తీవ్రవాదులకు సహాయం చేస్తున్న ఒక వ్యక్తిని అరెస్టు చేశాయి. అతడిని ఇర్ఫాన్ అజీజ్ భట్‌గా గుర్తించారు. అతని వద్ద నుంచి చైనా గ్రెనేడ్‌ను కూడా స్వాధీనం చేసుకున్నారు. అజీజ్ భట్ పాకిస్థాన్‌కు చెందిన ఉగ్రవాది ఉమర్ లాలా, మరణించిన ఉగ్రవాది సలీమ్ పర్రేతో టచ్‌లో ఉన్నట్లు గుర్తించారు. అజీజ్ భట్, పాకిస్థాన్‌లోని తన సహచరులతో కలిసి హజిన్ ప్రాంతంలో ఉగ్రదాడికి ప్లాన్ చేస్తున్నాడని పోలీసు అధికారులు తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post జమ్మూ కాశ్మీర్ : స్థానికేతరులపై తీవ్రవాదుల కాల్పులు appeared first on Vishwa Samvad Kendra Andhra Pradesh.

కొందరికి ఇదేదో ఒక కాల్పనిక గాథలా అనిపించవచ్చు. కానీ ఇది పరమ వాస్తవం, సత్యం. కేవలం మూడు దశాబ్దాల క్రితం స్వర్గం లాంటి కాశ్మీర్ లోయలోని హృదయ విదారక చరిత్ర ఇది. మానవత్వం, మంచితనం, విలువలు, సభ్యత, సంస్కృతి, సంస్కారం ఎంతో ఎత్తుకు ఎదిగాయని భావించిన సందర్భంలోనే ఈ బార్చరికత, బందూకులమోత, రాక్షసక్రీడ యదేచ్చగా రోజులు, నెలలు సంవత్సరాల తరబడి కొనసాగింది. సొంత దేశంలో కాశ్మీరీ హిందువులు లక్షలాది మంది శరణార్థులుగా, దీనంగా, హీనంగా, ప్రాథమిక సౌకర్యాలు లేని చోట కాలం గడిపారు. అనేక మంది చలికి, పాములు ఇతర విషప్రాణుల బారినపడి, మానసికంగా కుంగిపోయి కన్నుమూశారు. లోయలో ఆనాడు ‘మిలావో.. మరావో… దాగిజావో మాటలు మైకుల్లో ప్రతిధ్వనించాయి. అంటే ఇస్లాంలో కలవండి. లేదా చచ్చిపోండి… పారిపోండి. అది హుకుం అక్కడి అనేక పురాతన ఆలయాలను ధ్వంసం చేశారు. హిందువుల ఇళ్లను పేల్చివేశారు. హిందువుల చిహ్నమేదీ కానరాకుండా శపథం చేసి పథకం ప్రకారం కార్యాచరణకు వూనుకున్నారు. గ్రామాల పాత పేర్లను మార్చి ఇస్లామిక్ పేర్లు పెట్టారు. కాశ్మీర్ ఇకపై పాకిస్థాన్ అంటూ పాక్ జెండాలతో ఊరేగింపులు జరిపారు. ఎవరైనా మిగిలిపోయిన హిందూ మహిళలు కనిపిస్తే అత్యాచారం చేశారు. ఇస్లాంలోకి బలవంతంగా మార్చారు. అనేక చోట్ల గ్యాంగ్ రేప్ లకు పాల్పడ్డారు. ఐదువేల సంవత్స రాల హిందువుల పరుపు- ప్రతిష్ట గౌరవం, అంతా క్రూరమైన నినాదాల మధ్య భూస్థాపితం చేశారు. – భారత కు ఎవరు అనుకూలమని పసిగట్టినా వారికి ‘సమాధి’ కట్టారు. వారిలో మేథావులున్నారు. విద్యాధికులున్నారు. అడ్వకేట్లున్నారు. ఇంజినీర్లున్నారు. పత్రికా సంపాదకులూ ఉన్నారు. ఉగ్రవాదులు, వేర్పాటువాదుల దాష్టీకానికి వారందరూ బలయ్యారు. వేలమంది నిర్దాక్షిణ్యంగా ప్రాణాలు కోల్పోయారు. తుపాకి ముందు, పశుబలం ముందు, రాక్షసత్వం ముందు ఓ సుందర సాహిత్య – సాంస్కృతిక సౌధం కుప్పకూలింది.

తరతరాల సంస్కృతి- ఆధారాలు అన్నీ కాలి బూడిదయ్యాయి. ఆరాధనా స్థలాలు, మందిరాలు, ప్రార్ధనా వేదికలు నేలకొరిగాయి, వాటిని అపవిత్రం చేశారు. తరతరాలుగా సాత్వికతతో సారస్వత బ్రాహ్మ ణులుగా పేరొందిన, అతి ప్రాచీన సరస్వతీ నది ఒడ్డున సభ్యతను ఉన్నత శిఖరాలకు చేర్చిన పండిట్లు సాయుధ మూకల చేతిలో ఘోరంగా, అత్యంత ఘోరంగా అవమానాల పాలయ్యారు. ప్రాణాలు కోల్పోయారు. కొందరు పండిట్ల శరీరాలను ముక్కలుగా నరికి చెల్లాచెదురుగా విసిరేశారు. కొందరి కనుగుడ్లను పైకిలించి వికృతంగా మార్చి నడిరోడ్డుపై నిల్చోబెట్టారు ఇస్లామిక్ జీహాదీలు. ఈ ఊచకోత, మూకుమ్మడి హత్యాకాండ, బార్బరికత, జెనోసైడ్, నరమేధం, నిర్నిరోధంగా కొనసాగింది. హిందువుల అస్తిత్వాన్ని సంపూర్ణంగా తుడిచేయాలని పన్నిన కుట్ర – దాడులవి. ఆ దాష్టీకానికి గురైన వారు కొందరు ఇంకా ఢిల్లీ, జమ్మూ శరణార్ధి శిబిరాల్లో కనిపిస్తారు. ఈ ఆటవిక, ఆకృత్యాలు దశాబ్దాలపాటు కొనసాగడం సిగ్గుచేటు. ఇంత బరితెగింపును పాలకులు చూసీచూడనట్టు వదిలేయటం దారుణాతి దారుణం. 20వ శతాబ్దం ఆఖరులో… ఒక జాతి నిర్మూలనకు పాల్పడిన వారిని నిలువరించకపోవడం అతిపెద్ద విషాదం. ఇస్లామైజేషన్ పేర కొనసాగిన ఈ దారుణస్థితిని ముందుగా పసిగట్టి నివారించని పాలకుల నిర్వీర్య విధానాలను చరిత్ర ఎప్పటికీ క్షమించదు. కాశ్మీర్ కు స్వయం ప్రతిపత్తిని కల్పించే రాజ్యాంగంలోని ఆర్టికల్ 370ని అడ్డుపెట్టుకుని అసంబద్ధమైన ఆజాద్ కాశ్మీర్ పేర స్వార్థ రాజకీయ నాయకులు, జీహాదీలు, పాక్ అనుకూల మత ఛాందస మూకలు దశాబ్దాలపాటు ఆటవిక పద్ధతిలో సాగించిన రాక్షస క్రీడ అత్యంత దుర్మార్గం, మాటలకందని దారుణం. దశాబ్దాలుగా ఈ మాయని మచ్చపై కనిపించవలసినంత స్పందన కనిపించకపోవడం వుండుమీద ‘కారం’ చల్లడమే అయింది. నిర్భయ కేసులో దేశమంతా అట్టుడికింది. అలాంటివి కాశ్మీర్ గడ్డపై కోకొల్లలు జరిగాయి. మానవ హననం జరిగింది. కానీ ఇంతవరకు కనీసం విచారణ లేదు. ఏ ఒక్కరూ కోర్టుబోనులో కాలుపెట్టలేదు. ఇదీ కాశ్మీర్ దుస్థితి. అందుకు దేశం మొత్తం సిగ్గుపడాలి. కనీసం ఆ దుర్మార్గ చర్యలకు ముప్ఫైఏళ్లు నిండిన సందర్భంగానైనా మనమందరం కాశ్మీరీలను ‘క్షమాపణలు’ కోరాలి.

– వార్త సౌజన్యంతో…

– ఉప్పల నరసింహం,
9985781799.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post కాశ్మీరీ హిందువులను క్షమాపణ వేడుదాం… appeared first on Vishwa Samvad Kendra Andhra Pradesh.

శ్యాంప్రసాద్ రెడ్డి కోర్శిపాటి రచించిన “మనదే మనదే కాశ్మీరం” పుస్తకం అవటానికి చిన్నదే అయినా మంచి విషయమున్న పుస్తకమని ఆ పుస్తక ఆవిష్కరణ సభలో వక్తలు అభిప్రాయపడ్డారు.

“మనదే.. మనదే కాశ్మీరం” పుస్తకావిష్కరణ సభ విజయవాడ అయోధ్యనగర్ లోని హైందవీ కార్యాలయంలో శనివారం (26/3/2022) నాడు జరిగింది.

కాశ్మీర్ యొక్క సుదీర్ఘమైన చరిత్రను, దురాక్రమణదారుల దాడులను, గత పాలకుల నిర్లక్ష్యాన్ని, నిష్క్రియాపరత్వాన్ని, 370 ఆర్టికల్ అమలు వల్ల అందాల కాశ్మీరానికి జరిగిన నష్టాన్ని, 370 ఆర్టికల్ రద్దు తర్వాత అక్కడ శరవేగంగా జరుగుతున్న అభివృద్ధి పనుల వివరాలను సమగ్రంగా, సంక్షిప్తంగా, సమర్ధవంతంగా రచయిత ఈ గ్రంథంలో వివరించాడని వక్తలు తమ ప్రసంగాలలో పేర్కొన్నారు.

రాష్ట్రీయ స్వయంసేవక్ సంఘ్ ఆంధ్రప్రదేశ్ ప్రాంత కార్యకారిణీ సభ్యులు శ్రీ భూపతిరాజు శ్రీనివాసరాజు ఈ పుస్తకాన్ని ఆవిష్కరించారు. ఆనంతరం ఆయన మాట్లాడుతూ ఎవరైనా సరే పుస్తకాన్ని తక్కువ సమయంలో ఏకధాటిగా చదవగలిగేలా అనేక వివరాలతో అత్యంత సంక్షిప్త రూపంలో రచయిత శ్యాంప్రసాద్ రెడ్డి  ఈ పుస్తకాన్ని అందించాడని, అందుకు ఆయన అభినందనీయుడని తెలిపారు.

సీనియర్ జర్నలిస్ట్ డాక్టర్ దుగ్గరాజు శ్రీనివాసరావు మాట్లాడుతూ 400 పేజీలకు సరిపడిన సమాచారాన్ని కేవలం 40 పేజీలలో, ఎవరైనా చక్కగా చదివి అర్థం చేసుకోగల రీతిలో అందించిన శ్యాంప్రసాద్ రెడ్డి అభినందనీయుడని అన్నారు. 370 ఆర్టికల్ రద్దు అనంతరం తాను 10 రోజులపాటు కాశ్మీర్లో పర్యటించానని తెలుపుతూ ఆయన వెల్లడించిన ఆ పర్యటన వివరాలు సభికులను ఆకట్టుకున్నాయి. 370 ఆర్టికల్ రద్దును, అనంతరం అక్కడ జరుగుతున్న అభివృద్ధిని అత్యధిక శాతం కాశ్మీరీలు స్వాగతిస్తున్నారని ఆయన ఈ సందర్భంగా వెల్లడించారు.

ముఖ్య అతిథిగా పాల్గొన్న శ్రీ భరత్ కుమార్ మాట్లాడుతూ కాశ్మీర్ సమస్యపై కొంతమంది అసత్య ప్రచారాలు చేసి అదే నిజమని నమ్మిస్తూ వచ్చారని, అయితే నేడు 370 ఆర్టికల్ రద్దు తర్వాత కాశ్మీర్ కు సంబంధించిన అనేక వాస్తవాలు అనేక రూపాలలో దేశ ప్రజలకు తెలుస్తున్నాయని తెలిపారు. ఉజ్వల పరంపరకు, చరిత్రకు, ఉత్థాన పతనాలకు, రక్త చరిత్రకు, నేడు 370 ఆర్టికల్ రద్దు తర్వాత అక్కడ పరుగులు తీస్తున్న అభివృద్ధికి సాక్షీభూతంగా నిలచిన అందాల కాశ్మీరం యొక్క వివరాలను ఈ చిన్ని పుస్తకంలో వీలైనంత సమగ్రంగా అందించే ప్రయత్నాన్ని రచయిత చేశాడని శ్రీ భరత్ కుమార్ తెలిపారు. శ్యాంప్రసాద్ రెడ్డి కలం నుంచి ఇలాంటి పుస్తకాలు మరెన్నో వెలువడాలని ఆయన ఆకాంక్షించారు.

రచయిత శ్యాంప్రసాదరెడ్డి మాట్లాడుతూ నేడు ప్రపంచాన్ని ఆలోచింపజేస్తున్న కాశ్మీర్ ఫైల్స్ సినిమా వాస్తవాలకు అద్దంపట్టిందని, కాశ్మీర్లులో జరిగిన అనేక సంఘటలనలకు చిత్ర రూపం ఇచ్చారని తెలిపారు. కాశ్మీర్ మారణహోమంలో వేలాది మంది మరణించారని, ఐదు లక్షలమంది తమ ఇళ్ళు, ఆస్తులను వదులుకుని ప్రాణాలు అరచేత పట్టుకుని కాశ్మీర్ విడచి పారిపోయారని గుర్తు చేశారు. 2019లో కేంద్ర ప్రభుత్వం 370 ఆర్టికిల్ రద్దు చేయడంతో నేడు కాశ్మీర్ ప్రగతి పథంలో పయనిస్తోందన్నారు. తాను ఈ పుస్తకం వ్రాయడానికి దారి తీసిన పరిస్థితులను ఆయన ఈ సందర్భంగా వివరించారు. ఈ పుస్తకాన్ని Hindu e shop ద్వారా ఆన్లైన్ లో కూడా బుక్ చేసుకోవచ్చని ఆయన ఈ సందర్భంగా తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post పుస్తకం చిన్నది – విషయం పెద్దది appeared first on Vishwa Samvad Kendra Andhra Pradesh.