గతంలో చేసిన తనిఖీల్లో రూ.365 కోట్ల మేర ఆస్తులను అటాచ్ చేసినట్టు తెలుస్తోంది. ఎంబీఎస్ జ్యుయలర్స్ షట్టర్లు మూసేసి.. ఈరోజు షాపింగ్ మాల్​కు సెలవు అనే బోర్డు తగిలించారు . తనిఖీలపై అధికారులు నుంచి ఇప్పటివరకు ఎటువంటి సమాచారం అందలేదు. ఈరోజు ఉదయం 6గంటల నుంచి తనిఖీలు కొనసాగుతున్నాయి. ఈడీతో పాటు ఐటీ అధికారులు కూడా తనిఖీల్లో పాల్గొన్నారు. రెండు తెలుగు రాష్ట్రాల్లో 15 ప్రాంతాల్లో అధికారులు దాడులు నిర్వహిస్తున్నారు.

నెల్లూరులోని బంగారు దుకాణాల్లో ఐటీ అధికారులు విస్తృత దాడులు నిర్వహించారు. నగరంలోని మండపాల వీధిలో ఏకకాలంలో ఈ దాడులు జరిగాయి. విజయవాడ, గుంటూరు ప్రాంతాల నుంచి వచ్చిన దాదాపు 40 మంది ఐటీ, కస్టమ్స్ అధికారులు బృందాలుగా విడిపోయి 15చోట్ల దాడులు చేశారు. అనధికార వ్యాపారం, జీఎస్టీ సంబంధించిన రికార్డులను అధికారులు పరిశీలిస్తున్నారు. అధికారుల దాడులతో నగరంలోని పలు బంగారు దుకాణాలు మూతపడ్డాయి. ఇటీవల నకిలీ ఐటీ అధికారుల దాడులతో కలకలం సృష్టించడంతో ఈ సారి స్థానిక పోలీసులు బందోబస్తుగా విచ్చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఏపీలోని బంగారు దుకాణాలలో ఐటీ దాడులు appeared first on Vishwa Samvad Kendra Andhra Pradesh.

దేశంలోని వివిధ ప్రాంతాల్లో ఐటీ శాఖ సోదాలు నిర్వహిస్తోంది. ఆదాయపు పన్ను ఎగవేత ఆరోపణలపై ‘ది యూనివర్సల్ ఎడ్యుకేషన్ గ్రూప్’ (యూఈజీ) సంస్థ యజమాని జీసస్ ఇళ్లు, కార్యాలయాల్లో సోదాలు చేసింది. ముంబయిలోని 12 ప్రాంతాలతో పాటు, ఠాణె, వసాయ్, నాశిక్, మిరా భయిందర్, ఔరంగబాద్ లలో తనిఖీలు చేపట్టింది. తమిళనాడులోని తిరుచినాపళ్లి, బెంగళూరులోని రెండు ప్రాంతాల్లోనూ రైడ్లు నిర్వహించింది.

మరోవైపు, అక్రమాస్తుల కేసుల్లో భాగంగా 18 మంది ప్రభుత్వ అధికారుల ఇళ్లల్లో కర్ణాటక ఏసీబీ సోదాలు నిర్వహించింది. మొత్తం 75 ప్రదేశాల్లో సోదాలు చేపట్టినట్లు అధికారులు తెలిపారు. ఏసీబీకి చెందిన 100 మంది అధికారులు, 300 మంది సిబ్బంది సోదాల్లో భాగమయ్యారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post పన్ను ఎగవేతదారులపై కేంద్రం కొరడా appeared first on Vishwa Samvad Kendra Andhra Pradesh.