ఈ వేదిక్ ప్లానెటేరియం నిర్మాణానికి 1976లోనే అడుగులు పడ్డాయి. ఇస్కాన్ సంస్థ వ్యవస్థాపకుడు ప్రభుపాద ఈ మేరకు ప్రయత్నాలు చేశారు. మాయాపుర్​లో ఉన్న ఇస్కాన్ మందిరానికి అనుబంధంగా వైదిక జ్ఞాన, విజ్ఞాన కేంద్రం ఉండాలని ఆయన భావించారు. వేదాల జ్ఞానాన్ని ప్రజలకు పంచడం సహా ప్రపంచం ఎలా ఏర్పడిందనే విషయాలను ఈ ప్లానెటేరియం ద్వారా తెలియజేయాలని అనుకున్నారు. అయితే, దశాబ్దాలు గడిచిన తర్వాతే ఈ నిర్మాణ పనులకు మోక్షం లభించింది.

అమెరికా క్యాపిటల్ భవనాన్ని తలపించే ఈ నిర్మాణం 2010 ఫిబ్రవరి 14న ప్రారంభమైంది. ప్రతిష్ఠాత్మకంగా సాగుతున్న నిర్మాణ పనులు పలు కారణాల వల్ల 2016లో నిలిచిపోయాయి. అనంతరం, కొవిడ్ వ్యాప్తి ప్రారంభమైంది. ఫలితంగా మందిర నిర్మాణం మరింత ఆలస్యమైంది. కరోనా తగ్గుముఖం పట్టిన నేపథ్యంలో మందిర నిర్మాణాన్ని పూర్తి చేయడానికి విశ్వప్రయత్నాలు చేస్తున్నారు. 2024 నాటికి నిర్మాణాన్ని పూర్తి చేయాలని లక్ష్యంగా పెట్టుకున్నారు.

మాయాపుర్​లో ప్రపంచంలోనే అతిపెద్ద హిందూ దేవాలయం నిర్మించాలన్నది శ్రీ ప్రభుపాద కల. ఆయన కల నెరవేరబోతోంది. భక్తుల సాయంతో మందిర నిర్మాణం 2024 నాటికి పూర్తి కానుంది. శాంతిని అన్వేషించే ప్రపంచవ్యాప్తంగా ఉన్న భక్తులంతా ఇక్కడికి వస్తార అని మాయాపుర్ ఇస్కాన్ మందిరం ప్రతినిధి రసిక్ గౌరంగ్ దాస్ అన్నారు.

Source: EtvBharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ప్రపంచంలోనే అతిపెద్ద హిందూ ఆలయం appeared first on Vishwa Samvad Kendra Andhra Pradesh.

భగవద్గీతలోని ఆధ్యాత్మిక సారాన్ని వాడవాడలా ప్రచారం చేస్తూనే, సామాజిక సేవలను కొనసాగించిన శ్రీ ప్రభుపాద స్థాపించిన ఇస్కాన్‌ సంస్థ.. కరోనా వంటి విపత్కర పరిస్థితుల్లోనూ పేదల ఆకలిని తీర్చిందని గుర్తుచేశారు. కేవలం 12 ఏళ్లలోనే హరేకృష్ణ మంత్రాన్ని విస్తృతంగా ప్రచారం చేసి వందకు పైగా కృష్ణ దేవాలయాల నిర్మాణం, అంతర్జాతీయ స్థాయిలో సమైక్యతను నెలకొల్పారని కితాబిచ్చారు. విద్య, సామాజిక, ఆధ్యాత్మిక సేవలు మానవతను చాటే కార్యక్రమాలని కొనియాడారు. కార్యక్రమంలో రాష్ట్రపతి సతీమణి సవితా కోవింద్‌, కర్ణాటక గవర్నర్‌ థావర్‌ చంద్‌ గహ్లోత్‌, ముఖ్యమంత్రి బసవరాజ బొమ్మై, ఇస్కాన్‌ బెంగళూరు విభాగ అధ్యక్షుడు మధుపండిత్‌ దాస్‌ తదితరులు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post బెంగళూరులో ఇస్కాన్ ఆలయాన్ని ప్రారంభించిన రాష్ట్రపతి appeared first on Vishwa Samvad Kendra Andhra Pradesh.

Thread | All 54 ISKCON temples are providing food to needy people in Ukraine…
Say "Hare Krishna"
1/4 pic.twitter.com/B9p1q7yLhX

— हमारे मंदिर (@ourtemples_) February 27, 2022

ఉక్రెయిన్ సంక్షోభం ఇప్పటికే దాదాపు 1,00,000 మందిని నిరాశ్ర‌యుల‌ను చేసింది. వంద‌లాది మంది మృత్యు ఒడికి చేరుకోగా, వేలాది మంది క్ష‌త‌గాత్రుల‌య్యారు. ఈ సంఖ్య రోజురోజుకూ పెరుగుతుండ‌డం ఆందోళ‌నకు గురిచేస్తోంది. ఈ త‌రుణంలో హెచ్.ఎస్‌.ఎస్‌., ఇస్కాన్, సేవా ఇంటర్నేషనల్, ఇత‌ర హిందూ సంస్థలు యుద్ధంలో ఇబ్బందులు ప‌డుతున్న ఉక్రెయిన్లు, భారతీయ విద్యార్థులకు సేవలు అందిస్తున్నాయి.

54 కేంద్రాల ద్వారా సేవ‌లు

ఇస్కాన్‌కు ఉక్రెయిన్‌లో 54 కేంద్రాలు ఉన్నాయి. అయితే, ప్రాణాపాయం ఉన్న‌ప్ప‌టికీ యుద్ధ‌భూమిలో ప్రసాద పంపిణీ కార్యక్రమాన్ని నిర్వహిస్తోంది. “గతంలో కూడా, చెచ్న్యా యుద్ధం సమయంలో, మా భక్తులు ఆపదలో ఉన్నవారికి, ముఖ్యంగా వారి ఫ్లాట్లలో చిక్కుకుపోయిన వృద్ధులకు సేవ చేశారు… వారిని చూసుకోవడానికి ఎవరూ లేరు” అని కోల్‌కతాలోని ఇస్కాన్ వైస్ ప్రెసిడెంట్ రాధారామన్ దాస్ మీడియాతో మాట్లాడుతూ గుర్తు చేశారు. “ఈ క్లిష్ట సమయాల్లో అదే స్ఫూర్తితో ఉక్రెయిన్ ప్రజలకు ఎంత చేయాలో అంత చేస్తున్నార‌న్నారు.

మరోవైపు, కైవ్‌లోని హరే కృష్ణ దేవాలయాల‌నికి చెందిన‌ రాజు గోపాల్ దాస్ మాట్లాడుతూ బాధితుల కోసం కృష్ణుని ఆలయాన్ని సిద్ధం చేశామన్నారు. ఉక్రెయిన్ నుండి దాటుతున్న భారతీయ విద్యార్థులకు ఇస్కాన్ హంగేరీ ఆహారం, మంచినీరు వంటి అత్య‌వ‌స‌ర వ‌స్తువులు పంపిణీ చేస్తోంది. భారతీయ రాయబార కార్యాలయం ఇస్కాన్ భక్తుల నుండి సహాయం కోర‌డంతో ఇస్కాన్ త‌క్ష‌ణం ఏర్పాట్లు చేసింది.

సేవా ఇంటర్నేషనల్, హిందూ విశ్వాసం-ఆధారిత, త‌దిత‌ర మానవతావాద సంస్థలు వేలాది మంది విద్యార్థులు వెంట‌నే ఖాళీ చేసేలా చ‌ర్య‌లు తీసుకుంటున్నాయి. ఫిబ్రవరి 26న, సేవా ఇంటర్నేషనల్ 150 మంది విద్యార్థులను విన్నిట్సా నుండి చెర్నోవ్ట్సీకి బస్సులో రవాణా చేసింది. రోమేనియన్ సరిహద్దుకు చేరుకొనే వ‌ర‌కు సాయం అందించింది. ఇప్పటికే తన హెల్ప్‌లైన్‌లో 4,000 మంది విద్యార్థులను నమోదు చేసుకుంది. దాని వాలంటీర్లు మరో 400 మందిని ఖాళీ చేయించేందుకు కృషి చేస్తున్నారు. హిందూ స్వయం సేవక్‌ సంఘ్ (హెచ్‌.ఎస్‌.ఎస్‌.) ప్రస్తుతం పది ఉక్రేనియన్ నగరాల్లో పనిచేస్తోంది.

సేవా ఇంటర్నేషనల్ ఉక్రేనియన్ సహాయ చర్యల కోసం USD 10,000 విడుదల చేసింది. ఇంకా… Facebook ద్వారా నిధుల సేకరణ ప్రచారాన్ని ప్రారంభించింది. యుద్ధ స‌మ‌యంలో సేవ‌లు అందించేందుకు స్పందించిన సేవా ఇంటర్నేషనల్‌కు మద్దతు ఇవ్వాలని నేను ప్రజలను అభ్యర్థిస్తున్నాను… అని సేవా ఇంటర్నేషనల్, USA అధ్యక్షుడు అరుణ్ కంకాని కోరారు.

Another Ukrainian ISKCON bhagt telling us details of Sewa by ISKCON…
4/4 pic.twitter.com/iaXUxO2gaY

— हमारे मंदिर (@ourtemples_) February 27, 2022

ఇదిలావుండ‌గా, హరే కృష్ణ ఉద్యమ శిష్యుల‌తో, ఇత‌ర సంస్థ‌లు ఉక్రెయిన్‌లో ప్రజలకు సేవ చేసేందుకు తమ శాయశక్తులా కృషి చేస్తున్నప్పటికీ, భారత్‌లోని హిందూ వ్య‌తిరేక వెబ్‌సైట్‌లు వారి నిస్వార్థ సేవను కించపరిచేందుకు ప్రయత్నిస్తుండ‌డం బాధాక‌రం!

Source: HINDU POST

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post యుద్ధ‌భూమిలో హిందూ స్వయం సేవక‌ సంఘ్ సేవ‌లు! appeared first on Vishwa Samvad Kendra Andhra Pradesh.

ప్రయాగ్‌రాజ్‌: బంగ్లాదేశ్‌లో ఏ ఒక్క దేవాలయాన్ని కూడా ధ్వంసం చేయలేదని, ఎవరూ అత్యాచారం చేయలేదని బంగ్లాదేశ్‌ విదేశాంగ మంత్రి డాక్టర్‌ ఎకె అబ్దుల్‌ మోమెన్‌ చేసిన ప్రకటనను నిదిస్తూ, ఇస్కాన్‌ ప్రయాగ్‌రాజ్‌ శాఖ.. ఇది పూర్తి అబద్ధమని, ‘ఇక్కడ భారతదేశంలో మన గొంతులను బలోపేతం చేయాలి’ అని పిలుపునిచ్చింది.

‘బంగ్లాదేశ్‌ విదేశాంగ మంత్రి ప్రకటన పూర్తిగా అబద్ధం. హిందూ దేవాలయాలు ధ్వంసం చేయబడ్డాయి, అక్కడి మీడియా కూడా దాని గురించి నివేదించింది. ఈ వికృత చేష్టలపై కఠిన చర్యకు డిమాండ్‌ చేసే వాయిస్‌ ఇక్కడ బలంగా ఉంది అనే సందేశం వారికి వచ్చేలా మనం మన గొంతును బలోపేతం చేయాలి.. కానీ ఎవరూ ఏమీ మాట్లాడడం లేదు’ అని ఇస్కాన్‌ మీడియా ఇన్‌ఛార్జ్‌ ప్రయాగ్‌రాజ్‌ వేణు విజయ్‌ దాస్‌ అన్నారు. ఈ మేరకు ఆయన శుక్రవారం మీడియాతో మాట్లాడారు.

బంగ్లాదేశ్‌ విదేశాంగ మంత్రి గురువారం మాట్లాడుతూ ‘బంగ్లాదేశ్‌లో ఇటీవల జరిగిన మత హింసలో ఒక్క దేవాలయం కూడా ధ్వంసం కాలేదు… ప్రచారాలన్నీ అబద్ధమని, ఆరుగురే మరణించారు. వారిలో నలుగురు ముస్లింలు. అది కూడా పోలీసు ఎన్‌కౌంటర్లలో మరణించారు. ఇద్దరు హిందువులు, వారిలో ఒకరిది సాధారణ మరణం, మరొకరు చెరువులో దూకినప్పుడు మరణించారు… ఎవరూ అత్యాచారానికి గురికాలేదు…, ఒక్క మందిరాన్ని కూడా ధ్వంసం చేయలేదు. అయినప్పటికీ, దేవతా విగ్రహాలు విధ్వంసానికి గురయ్యాయి’ అని తెలిపారు.

బంగ్లాదేశ్‌లోని హిందూ మైనారిటీలపై దాడి, ఇస్కాన్‌ దేవాలయాన్ని ధ్వంసం చేయడాన్ని ఖండిస్తూ ఇంటర్నేషనల్‌ సొసైటీ ఫర్‌ కృష్ణ కాన్షియస్‌నెస్‌(ఇస్కాన్‌) దేశవ్యాప్తంగా శాంతియుత నిరసనలు నిర్వహిస్తోంది. కాగా, మంత్రి ప్రకటనను ఇస్కాన్‌ ఖండించింది.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post బంగ్లాదేశ్‌ విదేశాంగ మంత్రి ప్రకటన అబద్ధం appeared first on Vishwa Samvad Kendra Andhra Pradesh.