బెంగాల్‌లోని పరిస్థితులపై బంగ్లాదేశ్‌ ప్రెస్‌ సెక్రటరీ షఫీకుల్‌ ఆలం ఇటీవల మాట్లాడారు. భారత్‌లోని మైనారిటీలను రక్షించేందుకు అక్కడి కేంద్రంతో పాటు పశ్చిమ్‌ బెంగాల్‌ ప్రభుత్వం తగిన చర్యలు తీసుకోవాలన్నారు. దీనిపైన తాజాగా జైస్వాల్‌ స్పందిస్తూ.. ‘పశ్చిమబెంగాల్‌లో జరిగిన ఘటనలకు సంబంధించి బంగ్లా అధికారులు చేసిన వ్యాఖ్యలను ఖండిస్తున్నాం. వారి వ్యాఖ్యలు అర్థరహితమైనవి. ఆ దేశంలోని మైనారిటీలపై జరుగుతున్న హింస గురించి భారత్‌ తన ఆందోళనను తెలుపుతోంది. ఈక్రమంలో వారు తిరిగి మాపై ఇలాంటి నిందలు వేయడం మానుకోవాలి. ఇలాంటి వ్యాఖ్యలు చేయడానికి బదులు వారు తమ సొంత దేశంలో మైనారిటీల హక్కులను కాపాడటంపై దృష్టిసారిస్తే మంచిది’ అని పేర్కొన్నారు.

వక్ఫ్ (సవరణ) చట్టానికి వ్యతిరేకంగా ఇటీవల పశ్చిమ బెంగాల్‌లోని మాల్దా, ముర్షిదాబాద్, సౌత్ 24 పరగణాలు, హూగ్లీ జిల్లాల్లో నిరసనకారులు పెద్దఎత్తున ఆందోళనకు దిగారు. ఈక్రమంలోనే ముర్షిదాబాద్ ప్రాంతంలో పోలీసు వాహనాలకు నిప్పుపెట్టడం వంటి ఘటనలతో అక్కడ విధ్వంసం చోటుచేసుకుంది. దీంతో ముగ్గురు ప్రాణాలు కోల్పోగా.. 200 మందికి పైగా నిరసనకారులను పోలీసులు అరెస్టు చేశారు. దీనిపై రాష్ట్ర ముఖ్యమంత్రి మమతా బెనర్జీ మాట్లాడుతూ.. ఈ చట్టాన్ని బెంగాల్‌లో అమలుచేయబోమని పునరుద్ఘాటించారు. అయితే ఈ హింసలో ఉగ్రసంస్థల హస్తం ఉందని, వారే యువకులను రెచ్చగొట్టి దాడులకు పాల్పడేలా చేస్తున్నారని ఇంటెలిజెన్స్‌ వర్గాలు పేర్కొంటున్నాయి.

The post బెంగాల్‌లో ఆందోళనలపై బంగ్లా వ్యాఖ్యలు.. తోసిపుచ్చిన భారత్ appeared first on Vishwa Samvad Kendra Andhra Pradesh.

బక్లీ వారణాసి వెళ్లేందుకు ఏసీ ఫస్ట్-క్లాస్ కోచ్‌లో ప్రయాణిస్తున్నాడు. తనకు ఆకలేసింది. తను ప్రయాణిస్తున్న ట్రైన్ నెక్ట్స్ స్టేషన్ కాన్ఫూర్. తను ప్రయాణిస్తున్న ట్రైన్ కాన్ఫూర్‌లో కేవలం ఐదు నిమిషాలు మాత్రమే ఆగుతుందని షెడ్యూల్ ఉంది. ఏదైతే అది అవుతుందని రెండు గంటల ముందే ఓ ఫుడ్ డెలివరీ యాప్ ద్వారా శాండ్‌విచ్, మిల్క్‌షేక్ ఆర్డర్ చేశాడు. ట్రైన్ కాన్ఫూర్‌కి చేరుకుంది. తన ఆర్డర్ కోసం తాను ప్రయాణిస్తున్న బోగిలో వేయిట్ చేస్తున్నాడు. ఆ సమయంలోనే తన ఆర్డర్ సమయానికి పర్ఫెక్ట్‌గా డెలివరీ కావడం అతన్ని ఆశ్చర్యపరిచింది. తన సీటు వద్దకు డెలివరీ బాయ్ వచ్చి శాండ్‌విచ్ అందజేశాడు.

మనలో చాలా మందికి రైల్లో ఇలా ఫుడ్ ఆర్డర్ చేసుకోవడం మామూలే అయినా, అతనికి మాత్రం ఇదో నమ్మలేని అనుభవం. భారత్‌లో అంత టెక్నాలజీ ఉందా? అని జార్జ్ అవాక్కయ్యాడు. జార్జ్ ఆ మొత్తం సంఘటనను వీడియో తీశాడు. బక్లీ తన వీడియోలో ఈ మొత్తం ప్రాసెస్‌ను యాప్‌లో ఆర్డర్ చేయడం దగ్గర్నుంచి, తన సీటు వద్ద శాండ్‌విచ్ అందుకోవడం వరకు వివరంగా రికార్డ్ చేశాడు. వీడియోలో అతను చాలా ఎగ్జైట్‌మెంట్‌తో, ఆశ్చర్యంతో కనిపించాడు. “నేను ఇండియాలో ట్రైన్‌లో ఫుడ్ డెలివరీ తీసుకుంటున్నాను. నమ్మకపోతే, కాసేపు ఆగండి చూపిస్తా” అని తన అభిప్రాయం వ్యక్తం చేశాడు. డెలివరీ బాయ్ అతనితో సెల్ఫీ దిగి వెళ్లిపోయినట్లు వీడియోలో కనిపిస్తోంది. ఈ విషయంలో యూకే భారత్‌ నుంచి నేర్చుకోవాలని జార్జ్ అన్నాడు.

The post బ్రిటీష్.. భారత్‌ను చూసి నేర్చుకోవాలి.. యూకే యూట్యూబర్ appeared first on Vishwa Samvad Kendra Andhra Pradesh.

పాకిస్తాన్‌లో రాజకీయ భద్రత, ఆర్థిక స్థిరత్వాన్ని పెంపొందించేందుకు, భారతదేశానికి పెరుగుతున్న మద్దతును ఎదుర్కొనేందుకు పాక్‌ తన వ్యూహాత్మక లక్ష్యాలకు అనుగుణంగా కెనడాతో విదేశీ దౌత్య కార్యకలాపాలను నిర్వహించే అవకాశం ఉన్నదని పేర్కొన్నారు. గత సంవత్సరం కూడా కెనడా.. పాక్‌, భారత్‌లపై ఇలాంటి ఆరోపణలను మోపింది. ఈ ఆరోపణలను భారత ప్రభుత్వం నిర్ద్వంద్వంగా తోసిపుచ్చింది.

2021, 2019 కెనడా సార్వత్రిక ఎన్నికల సమయంలోనూ భారతదేశం, పాకిస్తాన్ రహస్యంగా జోక్యం చేసుకున్నాయని కెనడా ఆరోపించింది. ఎన్‌డీటీవీ ఒక కథనంలో.. రాబోయే కెనడా ఎన్నికల్లో విదేశీ జోక్యాన్ని పరిశీలిస్తున్న సమాఖ్య 2024లో గూఢచారి సంస్థ అందించిన సమాచారాన్ని విడుదల చేసిందని పేర్కొంది. ఖలిస్తానీ ఉద్యమం లేదా పాకిస్తాన్ అనుకూల వైఖరికి సానుభూతిపరులైన భారతీయ సంతతికి చెందిన ఓటర్లు కెనాడాలో ఉన్నారని వెనెస్సా లాయిడ్ పేర్కొన్నారు. ప్రభుత్వ ప్రాక్సీ ఏజెంట్ అనుకూల అభ్యర్థులకు అక్రమ ఆర్థిక సహాయం అందించిన ప్రజాస్వామ్య ప్రక్రియకు ఆటంకం కలిగించే అవకాశాలున్నాయిని లాయిడ్‌ ఆరోపించారు. కెనడా ఎన్నికల్లో భారత్, చైనాలు జోక్యం చేసుకునే అవకాశం ఉందని కెనడా ఆందోళన వ్యక్తం చేసింది.

The post కెనడా ఎన్నికల్లో పాక్‌ జోక్యం?: కెనడా ఆరోపణ appeared first on Vishwa Samvad Kendra Andhra Pradesh.

లేఖలో ఏముందంటే..
‘నేను మార్చి 2021, గత సంవత్సరం జూన్‌లో న్యూ ఢిల్లీలోని పాకిస్థాన్ హైకమిషన్‌కు వీసా ఇంటర్వ్యూ కోసం వెళ్లాను. నన్ను లాంజ్‌లో చాలా సేపు వెయిట్ చేయించారు. ఆ తర్వాత నాకు వీసా మంజూరు చేయలేమని చెప్పారు. ఇక కార్యాలయం నుంచి బయటకు వెళ్తుండగా.. పాక్ హైకమిషన్‌లో పనిచేసే ఓ వ్యక్తి నా దగ్గరికి వచ్చారు. మీరు నా దగ్గరకు వచ్చి ఉంటే, మీకు వీసా చేయించేవాడిని అన్నాడు. మధ్యాహ్నం 2 గంటల తర్వాత వీసా అధికారి వస్తారని చెప్పి, నన్ను మళ్లీ లాంజ్‌లో వెయిట్ చేయించాడు’ అని ఆమె తెలిపారు. కాసేపటి తర్వాత తనను ఓ గదిలోకి పిలిచిన సదరు అధికారి.. అనుచిత ప్రశ్నలు వేశాడని బాధితురాలు వెల్లడించారు. ‘అతడు నా వీసా అవసరం గురించి అడిగాడు. నాతో సాధారణంగా మాట్లాడటం ప్రారంభించాడు. నేను సమాధానం ఇస్తూనే ఉన్నాను. మీకు పెళ్లైందా అని అడిగాడు. నేను ఇంకా కాలేదని చెప్పా. బోర్ కొడితే తాము నాలుగు పెళ్లిళ్లు చేసుకుంటామని అతడు చెప్పాడు. ఆపై పెళ్లి ఎందుకు చేసుకోలేదని అతడు అడిగాడు. అంతటితో ఆగకుండా మీరు మీ లైంగిక కోరికను ఎలా తీర్చుకుంటారు? అని అడిగాడు. నేను చాలా ఇబ్బందికి గురయ్యా’ అని ఆమె చెప్పుకొచ్చారు. దీంతో విసిగిపోయిన తాను పైకి లేచి వీసా అధికారిని పిలవమని అడిగానని తెలిపారు.  తానొక ప్రొఫెసర్ అని, లాహోర్‌‌లోని చారిత్రక ప్రదేశాల్ని పరిశీలించాలి అనుకుంటున్నానని తెలిపింది. అలాగే అక్కడి యూనివర్సిటీలో లెక్చర్ కూడా ఇవ్వబోతున్నట్లు చెప్పింది. ఇంటర్వ్యూ ముగిసే సమయానికి మరో అధికారి కలుగజేసుకుని, వ్యక్తిగత ప్రశ్నలు అడిగాడు. ఆ మహిళా ప్రొఫెసర్‌‌ను ఎందుకు పెళ్లి చేసుకోలేదని ప్రశ్నించాడు ఆ అధికారి. పెళ్లి చేసుకోకుండా ఎలా ఉంటున్నారని, సెక్స్ కోరికలు ఎలా తీర్చుకుంటున్నారని ప్రశ్నించారు. ఈ ప్రశ్నలతో తాను చాలా ఇబ్బందిపడినట్లు ఆమె ఫిర్యాదులో పేర్కొన్నారు. దీనిపై ప్రస్తుతం అధికారులు విచారణ జరుపుతున్నారు.

భారత్‌‌కు, కాశ్మీర్‌‌‌కు, ప్రధాని నరేంద్ర మోదీకి వ్యతిరేకంగా కథనాలు రాయాలని పాక్‌ హైకమిషన్‌కు చెందిన అధికారి తనను కోరారని ఆ మహిళ ఆరోపించారు. తనకు డబ్బు ఆశజూపారని తెలిపారు.

దీనిపై స్పందించిన పాక్‌ విదేశాంగ ప్రతినిధి..
పాక్‌ ఎంబసీలో పనిచేసే అధికారిపై వస్తున్న లైంగిక ఆరోపణల గురించి.. పాక్‌ విదేశాంగ ప్రతినిధి ముంతాజ్‌ జహ్రా బలోచ్‌ స్పందించారు. తమ దౌత్య కార్యాలయానికి వచ్చే వారితో తాము ఎప్పుడు తప్పుగా ప్రవర్తించమని తెలిపారు. వాస్తవాలు నిరూపితమైతే తప్పకుండా అధికారిపై చర్యలు తీసుకుంటాం.. దీనిపై లోతైన దర్యాప్తు చేపడతామని వారు తెలిపారు.

The post భారత మహిళా ప్రొఫెసర్‌తో పాక్‌ ఎంబసీ అధికారి అనుచిత ప్రవర్తన.. కోరిక తీర్చాలని వేధింపులు! appeared first on Vishwa Samvad Kendra Andhra Pradesh.

“పాక్‌లోనే పరిస్థితే భారత్‌లో ఉండి ఉంటే కచ్చితంగా పాకిస్థాన్ ఇండియాపై దాడి చేసేది. ఇప్పటికిప్పుడే ఆ దేశాన్ని సర్వనాశనం చేసేది. కశ్మీర్‌నూ లాక్కునేది. కానీ… ఇండియా మాత్రం ఇలా ఎప్పటికీ ఆలోచించదు. పాక్‌ రోజురోజుకీ దిగజారిపోతోంది. ఇండియా మాత్రం ఎదుగుతోంది. పాక్‌ను ఇలాంటి తరుణంలో పడగొట్టాలన్న దురాలోచన భారత్‌కు రానందుకు ముందుగా అభినందనలు చెప్పాలి. అక్కడి నేతలు ఎంతో గౌరవంగా నడుచుకుంటున్నారు. పాకిస్థాన్‌ నేతలు ఇది అర్థం చేసుకోవాలి”

The post పాకిస్థాన్‌ను ఆక్రమించుకునేందుకు భారత్‌కు ఇదే అసలైన అవకాశం.. కానీ ఇండియా అలా చేయదు.. ఎందుకంటే? appeared first on Vishwa Samvad Kendra Andhra Pradesh.

ఈ-గవర్నెన్స్‌లో భాగంగా రిపబ్లిక్ డే, స్వాతంత్య్ర దినోత్సవాలకు సంబంధించిన పరేడ్‌ తిలకించే ప్రముఖులకు ఈ-ఆహ్వానాలను అందించడానికి రక్షణ శాఖ సహాయ మంత్రి అజయ్ భట్ న్యూఢిల్లీలో ఆన్‌లైన్ ఇన్విటేషన్ మేనేజ్‌మెంట్ పోర్టల్ (www.aamantran.mod.gov.in)ని ప్రారంభించారు. ఈ వేడుకలను చూసేందుకు వచ్చే సాధారణ ప్రజలకు సైతం టిక్కెట్లను ఈ పోర్టల్ ద్వారా ఆన్‌లైన్లో విక్రయించనున్నారు.

ఇప్పటి వరకు రిపబ్లిక్ డే పరేడ్ లేదా స్వాతంత్య్ర దినోత్సవ వేడుకలు చూడాలనుకునేవారికి ప్రత్యేకంగా ఏర్పాటు చేసిన కౌంటర్ల ద్వారా టికెట్లను విక్రయించేవారు. అయితే దేశ రాజధాని ఢిల్లీలో నివసించే ప్రజలతోపాటు చుట్టుపక్కల ప్రజలు మాత్రమే ఈ సదుపాయాన్ని ఉపయోగించుకునేవారు. సుదూర ప్రాంత ప్రజలు టికెట్ల కోసం రెండు వారాల ముందుగానే ఢిల్లీ చేరుకుని కొనుక్కునే పరిస్థితి గతంలో ఉండేది. దీన్ని నివారించేందుకు ప్రపంచంలో ఎక్కడున్నా సరే ఆన్‌లైన్ ద్వారా టికెట్లు కొని, పరేడ్ వీక్షించేందుకు ఢిల్లీ చేరుకునే అవకాశాన్ని ఇకపై కేంద్ర ప్రభుత్వం కల్పిస్తోంది. ఈ డిజిటల్ పోర్టల్ ద్వారా నేరుగా టిక్కెట్లు కొనుగోలు చేయవచ్చని తెలియజేసింది.

సామాన్య ప్రజలు ఆన్‌లైన్‌లో టిక్కెట్‌లను కొనుగోలు చేసే సదుపాయంతోపాటు ప్రముఖులకు, వారి అతిథులకు ఆన్‌లైన్ పాస్‌లను జారీ చేసే సదుపాయాన్ని సైతం పోర్టల్ ద్వారా అందించనుంది. ఈ సందర్భంగా కేంద్ర మంత్రి అజయ్ భట్ మాట్లాడుతూ.. ఈ-పోర్టల్ అనేది ‘డిజిటల్ ఇండియా’ ప్రక్రియలో మరో మైలురాయి అని, సులభ, సమర్థవంతమైన, ఆర్థిక, పర్యావరణ అనుకూల పాలనను ప్రోత్సహించే ప్రధాన మంత్రి నరేంద్ర మోదీ ఈ-గవర్నెన్స్ లో భాగంగా ఈ విధానాన్ని అందుబాటులోకి తీసుకొచ్చారని వెల్లడించారు.

ప్రతి పౌరుడికి జీవన సౌలభ్యం కల్పించేందుకు ప్రభుత్వం కట్టుబడి ఉందని, ‘డిజిటల్ ఇండియా’, ‘కనీస ప్రభుత్వం, గరిష్ట పాలన’ నినాదాలతో ప్రభుత్వాన్ని, ప్రజలను ఏకతాటిపైకి తీసుకువస్తున్నాయని ఆయన పేర్కొన్నారు. రిపబ్లిక్ డే వేడుకల కోసం ప్రజలు టిక్కెట్లు కొనుగోలు చేయడాన్ని ఈ పోర్టల్ సులభతరం చేస్తుందని, ప్రింటింగ్‌లో ఉపయోగించే పెద్ద మొత్తంలో కాగితాన్ని ఆదా చేస్తుందని రక్షణ శాఖ మంత్రి ప్రశంసించారు. పోర్టల్ వేడుకలను మరింత సురక్షితంగా మారుస్తుందని ఆయన అన్నారు.

The post గణతంత్ర, స్వాతంత్య్ర వేడుకల టికెట్లు ఇకపై ఆన్‌లైన్‌లోనే లభ్యం appeared first on Vishwa Samvad Kendra Andhra Pradesh.

The post భారత తొలి మహిళా ప్రధాని ఫోటో ఎక్కడ? ఐద్వా సదస్సులో పాకిస్థాన్‌ మాజీ ప్రధాని భుట్టో చిత్రాలకు ప్రాధాన్యం! appeared first on Vishwa Samvad Kendra Andhra Pradesh.

ఈశాన్య రాష్ట్రాల్లో పర్యాటంపై కూడా దృష్టి..
ఈశాన్య రాష్ట్రాల ప్రతినిధులు కూడా తమ రాష్ట్రాల్లో సన్నద్ధతను సమావేశంలో వివరించారు. అనంతరం కిషన్ రెడ్డి మాట్లాడుతూ.. ఈశాన్య రాష్ట్రాల్లో పర్యాటకం, అక్కడి సాంస్కృతిక వైవిధ్యతకు అవసరమైన గుర్తింపును అందించేందుకు జీ-20 సమావేశాలను సద్వినియోగం చేసుకోవాలని సూచించారు. సాంస్కృతిక, పర్యాటక శాఖలకు సంబంధించిన, ఈశాన్య రాష్ట్రాల్లో జరుగుతున్న జీ-20 సమావేశాల్లో ప్రజల భాగస్వామ్యం విషయంలో ప్రత్యేకమైన జాగ్రత్తలు తీసుకోవాలని ఆయన అన్నారు. ఆధునిక వసతులతోపాటు, ప్రతి చోటా భారతీయత ప్రతిబింబించేలా కార్యక్రమాలుండాలని ఆయన సూచించారు.

పర్యాటకాన్ని ప్రోత్సహించడమే లక్ష్యం..
జీ-20 దేశాల ప్రతినిధులు, అధికారులు పాల్గొనే వర్కింగ్ గ్రూప్స్ సమావేశాలు జరిగే ప్రాంతాలు, ఆ ప్రాంతాల్లో జరుగుతున్న ఏర్పాట్లు, ఆ కేంద్రాల వద్ద సాంస్కృతిక శాఖ ఆధ్వర్యంలో భారతీయ సంస్కృతి సంప్రదాయాలను ప్రతిబింబించే వివిధ కార్యక్రమాల నిర్వహణ, తదితర అంశాలకు సంబంధించి అధికారులు ప్రజెంటేషన్ ద్వారా కేంద్ర మంత్రికి, జీ-20 షెర్పాకు వివరించారు. అటు పర్యాటక శాఖ అధికారులు కూడా వర్కింగ్ గ్రూప్ సమావేశాలు జరిగే ప్రాంతాల్లో అతిథుల కోసం చేపడుతున్న ప్రత్యేక ఏర్పాట్లు, దేశీయ, అంతర్జాతీయ పర్యాటకాన్ని ప్రోత్సహించే లక్ష్యంతో చేస్తున్న ఏర్పాట్లను వివరించారు. జీ-20 సమావేశాల మొదటి విడత కార్యక్రమాలు జరుగుతున్న ఈశాన్య రాష్ట్రాల్లో ఈ దిశగా చేపడుతున్న ఏర్పాట్లపై కూడా అధికారులు ప్రజెంటేషన్ ఇచ్చారు.

The post జి-20 సదస్సు ఏర్పాట్లపై మంత్రి కిషన్‌రెడ్డి సమీక్ష! appeared first on Vishwa Samvad Kendra Andhra Pradesh.

అయితే, తక్కువ నాణ్యత కలిగిన డిగ్రీ అంటే ఏమిటనేది ఆయన నిర్వచించలేదు. ఈ ఆంక్షలు ఏమిటి? అన్నదానిపై స్పష్టత లేదు. బ్రిటన్‌లోని అంతర్జాతీయ విద్యార్థుల్లో ఎక్కువ మంది భారతీయులే ఉన్నారు. దీంతో వలసలపై బ్రిటన్‌ ప్రభుత్వం ఆంక్షలు విధిస్తే భారతీయులపైనే అధిక ప్రభావం పడే అవకాశం ఉన్నది.

ఈ వారంలో తాజాగా జాతీయ గణాంకాల కార్యాలయం (ఒఎన్‌ఎస్‌) విడుదల చేసిన వలసలు, శరణార్థుల సంఖ్య పట్ల బ్రిటన్‌ ప్రభుత్వం ఆందోళన చెందుతోంది. 2021లో బ్రిటన్‌కువచ్చిన వారి సంఖ్య 1,73,000గా వుండగా, ఈ ఏడాది ఒక్కసారిగా 5,04,000కి పెరిగిపోయింది. అంటే 3,31,000మంది పెరిగారు. దీనిపై ఆందోళన చెందుతున్న రిషి సునాక్‌ ప్రభుత్వం.. వలసలను నియంత్రించేందుకు కొత్త విధానాన్ని తీసుకురావాలని యోచిస్తున్నది.

దీనిలో భాగంగా విదేశీ విద్యార్థుల సంఖ్యను తగ్గించడం సహా అందుబాటులో ఉన్న అన్ని అవకాశాలపై దృష్టి సారిస్తున్నట్టు బీబీసీ వార్తా సంస్థ వెల్లడించింది. విదేశీ విద్యార్ధుల సంఖ్యను నియంత్రించడం ద్వారా వలసల సంఖ్యను కుదించడమనేది చాలా సంక్లిష్టమైన సవాలుగా ఉంది. బ్రిటీష్‌ విద్యార్థుల నుంచి తక్కువ ఫీజు తీసుకోవడం వల్ల పోగొట్టుకుంటున్న డబ్బును అంతర్జాతీయ విద్యార్థుల నుంచి వసూలు చేయాలని బ్రిటీష్‌ యూనివర్శిటీలు భావిస్తుంటాయి.

ఇప్పుడు విదేశీ విద్యార్థులపై పరిమితులు విధిస్తే కొన్ని వర్సిటీలు దివాళా తీసే ప్రమాదం కూడా ఉందని బీబీసీ తెలిపింది. వలసదారుల గణాంకాల నుంచి విదేశీ విద్యార్థులను తొలగించాలని ఎన్‌ఐఎస్‌ఏయూ (నేషనల్‌ ఇండియన్‌ స్టూడెంట్స్‌ అండ్‌ అలుమ్ని) అధ్యక్షుడు సనం అరోరా డిమాండ్‌ చేశారు. భారత సంతతికి చెందిన సునాక్‌ అధికారంలోకి రావడం వల్ల భారతీయులకు ప్రయోజనాలు కలుగుతాయని ప్రచారం జరుగుతున్న తరుణంలో తాజాగా వస్తున్న వార్త భారతీయ విద్యార్థుల్లో ఆందోళన కలిగిస్తోంది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post విదేశీ విద్యార్థులపై రిషి సునాక్ ఆంక్షలు? appeared first on Vishwa Samvad Kendra Andhra Pradesh.

నవభారత రాజ్యాంగాన్ని పొందుపరచడం కోసం 1946లో `రాజ్యాంగ పరిషత్’ ఏర్పాటు చేయబడింది. ప్రపంచంలోనే అతి పెద్ద రాజ్యాంగాలలో ఒకటైన భారత రాజ్యాంగం ఎన్నో విశేషాల సమాహారం; 26నవంబర్ 1949తేదీన, రాజ్యాంగ పరిషత్ నూతన రాజ్యాంగాన్ని ఆమోదించగా, 26 జనవరి 1950 నుంచి రాజ్యాంగం అమలులోకి వచ్చింది, ఆ రోజును మనం గణతంత్ర దినోత్సవoగా జరుపుకుంటాము. 1952 సం.లో ప్రథమ ఎన్నికలు జరిగేదాకా, ఇదే రాజ్యాంగ పరిషత్, దేశ కేంద్ర శాసనసభ లేక పార్లమెంట్ గా కొనసాగింది. నవంబర్26 `రాజ్యాంగం రోజు’గా దేశం జరుపుకుంటున్న తరుణంలో, భారత రాజ్యాంగ పరిషత్ నిర్మాణం, నిర్వహణ, రాజ్యాంగ రచనలో కొన్ని వివరాలు.

1946లో వివిధ రాష్ట్రాలలో జరిగిన విధానసభ ఎన్నికలలో గెలిచిన నాయకులు ఎన్నుకున్న ప్రతినిధులతో 1946లోనే పరిషత్ ఏర్పాటు జరిగింది. మొదటగా రాజ్యాంగ పరిషత్ లో 389మంది సభ్యులు, వారిలో 292మంది కాంగ్రెస్ నాయకులు కాగా, 73మంది ముస్లిం లీగ్ సభ్యులు. వివిధ రాజ్యాల రాజస్థానాల నుంచి మరో 93మందిని కలుపుకున్నారు. అయితే ముస్లిం లీగ్ పరిషత్ లో పాల్గొనమంటూ సభను బహిష్కరించింది. దేశమంతా అల్లర్లు, మారణహోమం చెలరేగి, చివరికి విషాదకర దేశవిభజనకి దారితీసింది.
భారతదేశ విభజన, స్వాతంత్ర్యానంతరం తిరిగి విధాన పరిషత్ పునర్వ్యవస్థీకరణ జరిగి, దేశం నలుమూలల నుంచి, అన్ని మతాలు, కులాలు, ప్రాంతాలకు ప్రాతినిధ్యం వహించే మొత్తం 299మంది స్త్రీ పురుష నాయకులతో ఆగస్ట్1947లో తిరిగి పరిషత్ సమావేశాలు ప్రారంభమైనాయి.

వివిధ రాజ్యాల రాజస్థానాలనుంచి ఉన్న 93మంది యధాతధంగా కొనసాగారు. ముస్లింలీగ్ నుంచి పాకిస్తాన్ వెళ్లిపోయినవారు కాక, భారతదేశంలో ఉన్న 28మంది కొనసాగారు. రాజ్యాంగ పరిషత్ లో 15మంది స్త్రీలు ప్రతినిధులుగా ఎన్నికవడం గమనార్హం. పూర్తిగా మూడు సంవత్సరాల కాలం రాజ్యాoగ పరిషత్ ఉన్నా, సభ్యులు114 రోజులు మాత్రమే సమావేశమయ్యారు. 60లక్షల రూపాయలకు పైగా ఖర్చయింది. డా. బిఆర్ అంబేద్కర్, రాజ్యాంగ డ్రాఫ్టింగ్ కమిటీ (రచనా నిర్వహణ) అధ్యక్షునిగా ఉన్నారు. అప్పుడు ఆయన ప్రధాని నెహ్రు మంత్రివర్గంలో న్యాయశాఖా మంత్రి కూడా. న్యాయకోవిదుడు డా. బెనగల్ నర్సింగరావు గురించి ఈ సందర్భంగా ప్రత్యేకంగా గుర్తుచేసుకోవాలి. ఆయన రాజ్యాంగ పరిషత్ సలహాదారుగా పనిచేసారు. వివిధ దేశాల రాజ్యాంగాలు కూలంకషంగా అధ్యయనంచేసి, అన్ని రాజ్యాంగ కమిటీల నివేదికలను పరిశీలించి, రాజ్యాంగ ప్రథమ ముసాయిదా తయారు చేసి, డా. అంబేద్కర్ కి చేదోడువాదోడుగా పనిచేసి ఆయన మన్ననలు, ప్రశంసలు అందుకున్నారు డా. నర్సింగరావుగారు. తరువాతి కాలంలో ఆయన యూరోప్ లోని `హేగ్’ పట్టణంలోని `అంతర్జాతీయ న్యాయస్థానం’లో న్యాయమూర్తిగా పనిచేసారు.

డా. అంబేద్కర్ అధ్యక్షతన, డ్రాఫ్టింగ్ కమిటీ, పూర్తి రాజ్యాంగం ముసాయిదాను సభకు సమర్పించి, బహిరంగచర్చ కొరకు ప్రచురించి, ప్రజలనుంచి అభిప్రాయ సేకరణ జరిపించారు. ముసాయిదా రాజ్యాంగంపై రాజ్యాంగ పరిషత్ సుదీర్ఘంగా చర్చించి, ఎన్నో సవరణలు, అదనపు విషయాలు జోడించి, తీర్మానాలు చేసి ఖాయపరిచింది. 1949 నవంబర్ 26 న, రాజ్యాంగ పరిషత్ నూతన రాజ్యాంగాన్ని ఆమోదించగా, 1950 జనవరి 24న చివరి రాజ్యాంగ సమావేశంలో సభ్యులందరూ సంతకాలు చేసి, 1950 జనవరి 26 నుంచి `భారత రాజ్యాంగం’ అమలులోకి తెచ్చారు. ఈ పెద్ద రాజ్యాంగ గ్రంథంలో 395 అధికరణలు, 8 షెడ్యూళ్ళు, 22 విభాగాలు ఉన్నాయి.

రాజ్యాంగ పరిషత్ లో వివిధ కమిటీలు

రాజ్యాంగ నిర్మాణానికి మొత్తం 22 కమిటీలు పనిచేశాయి, అందులో ముఖ్యమైనవి 8.
అ. డ్రాఫ్టింగ్ కమిటీ – డా. అంబేద్కర్ (కె.ఎం.మున్షి, మొ. సాదుల్లా, అల్లాడి కృష్ణస్వామి,
గోపాలస్వామి అయ్యంగార్, ఎన్.మాధవరావు, టిటి కృష్ణమాచారి ఇతర సభ్యులు)
ఆ. కేంద్ర అధికారాల కమిటీ – జవహర్లాల్ నెహ్రు
ఇ. కేంద్ర రాజ్యాంగం కమిటీ- జవహర్లాల్ నెహ్రు
ఈ. రాష్ట్రాల రాజ్యాంగం కమిటీ – సర్దార్ వల్లభాయి పటేల్
ఉ. ప్రాథమిక హక్కులు, మైనారిటీలు, గిరిజనులు, మినహాయింపు ప్రాంతాలు మొ. అంశాల సలహా
కమిటీ – సర్దార్ వల్లభాయి పటేల్. ఈ ప్రాధాన కమిటీ కింద నాలుగు బృందాలు పనిచేశాయి.
ప్రాథమిక హక్కులు ఉపకమిటీ- జె.బి. కృపలానీ
మైనారిటీ హక్కులు ఉపకమిటీ – హరేంద్ర కుమార్ ముఖర్జీ (ఈయన క్రిస్టియన్, రాజ్యాంగ పరిషత్ ఉపాధ్యక్షుడిగా కూడా ఉన్నారు)
ఈశాన్యప్రాంత, గిరిజన, అస్సాం, పూర్తి, పాక్షిక మినహాయింపు ప్రాంతాల ఉపకమిటీ – గోపీనాథ్ బోర్దోలోయ్
అస్సాం కాక ఇతర పూర్తి మరియు పాక్షిక మినహాయింపు ప్రాంతాల ఉపకమిటీ- ఏ వి థక్కర్
ఊ. విధాన నిబంధనల కమిటీ- డా. రాజేంద్రప్రసాద్
ఎ. రాష్ట్రాల కమిటీ (రాష్ట్రాలతో చర్చలు)- సర్దార్ వల్లభాయి పటేల్
ఏ. రాష్ట్రాల కమిటీ – జవహర్లాల్ నెహ్రు
ఐ. నిర్వాహక కమిటీ- డా. రాజేంద్రప్రసాద్
ఒ. జాతీయ పతాకం, హెచ్ఒసి కమిటీ – డా. రాజేంద్రప్రసాద్
ఓ. హౌజ్ కమిటీ- డా. బి. పట్టాభి సీతారామయ్య
ఔ. భాషా కమిటీ- మోటూరి సత్యనారాయణ

మహిళల రాజకీయ భాగస్వామ్యం

అమెరికా వంటి పాశ్చాత్య దేశాలలో స్త్రీలు ఓటు హక్కు కూడా దశాబ్దాల తరబడి పోరాడి సాధించుకున్నారు. అమెరికా తెల్లజాతి స్త్రీలకు మాత్రమే వోటు హక్కు1920లో సమకూరితే, `సమాన వోటు హక్కు చట్టం (Equal Voting Rights Act)’ చాలా ఆలస్యంగా 1965లో మాత్రమే మైనారిటీలతో సహా ప్రజలందరికీ వోటు హక్కు కల్పించింది. దీనికి విరుద్ధంగా, బ్రిటిష్ పాలనలో కూడా, ఎన్నికలు పరిమిత పరిధిలో నిర్వహించినప్పటికీ, భారతీయ మహిళలు ఎన్నికయారు. భారత రాజ్యాంగం ఎటువంటి జాతి, మత, కుల, లింగ వివక్ష లేకుండా, అందరికీ వోటు హక్కు కల్పించింది. 15మంది మహిళా నేతలు రాజ్యాంగ పరిషద్లో సభ్యులుగా ఉన్నారు. శ్రీమతి దుర్గాబాయి దేశముఖ్, రాజకుమారి అమ్రిత్ కౌర్, శ్రీమతి హంసా మెహతా, శ్రీమతి సుచేతా కృపలానీ మొదలైనవారు కీలక పాత్ర పోషించారు. ఆన్నీ మాస్కారేనే, అమ్ము స్వామినాథన్, దాక్షాయణి వేలాయుధన్, కమలా చౌదరి, పూర్ణిమా బానర్జీ, బేగం ఏజాజ్ రసూల్ ఇంకొందరు సభ్యులు.

-ప్రదక్షిణ

Source: VSKTelangana

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భారత రాజ్యాంగాన్ని రూపొందించిన రాజ్యాంగ పరిషత్ appeared first on Vishwa Samvad Kendra Andhra Pradesh.