అఖిలేష్ సనాతన హిందుత్వ సారాంశాన్ని మర్చిపోయారని, ఆయన హిందుత్వాన్ని వ్యతిరేకించడం ఇప్పుడు కొత్త కాదంటూ విమర్శించారు. అఖిలేష్ బుజ్జగింపు మత్తు రాజకీయాల్లో ఉన్నారంటూ మౌర్య ఎద్దేవా చేశారు. తన ట్విట్టర్ ద్వారా అఖిలేష్‌పై విమర్శలు గుప్పించారు. గురువారం లఖ్‌నవూలో నిర్వహించిన విలేఖ‌రుల సమావేశంలో అయోధ్య ప్రస్తావన గురించి ప్రశ్నించగా.. ‘‘మన హిందుత్వంలో ఏదైనా ఎక్కడైనా ఒక రాయిపై కానీ రావి చెట్టుపై కానీ జెండా పాతితే వెంటనే ఆ ప్రాంతం దేవాలయంగా మారిపోతుంది’’ అని వ్యాఖ్యానించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post కాషాయ జెండాకు అఖిలేష్ అవహేళన… నిప్పులుచెరిగిన బీజేపీ! appeared first on Vishwa Samvad Kendra Andhra Pradesh.

ఇటీవల, ఇస్లాంవాదులు, వామపక్షాలు హిందూయిజం, హిందుత్వం వేర్వేరు అని, హిందుత్వ అనేది హింసాత్మక భావజాలం అని ప్రచారం చేయడం ద్వారా హిందూ మతాన్ని కించపరిచే ప్రచారాన్ని నడుపుతున్నారు.

కాంగ్రెస్ మాజీ అధ్యక్షుడు, ఎంపీ (లోక్‌సభ) రాహుల్ గాంధీ హిందుత్వను హింసతో బహిరంగంగా పోల్చ‌డంతో నెలల తరబడి హిందుత్వపై దుష్ప్రచారం జ‌రుగుతోంది. హిందుత్వ అనేది హింసాత్మక భావజాలం అని రాహుల్ గాంధీ పబ్లిక్ ఫంక్షన్లలోని వేదికల నుండి ఊద‌ర‌గొడుతున్నారు.

గత ఏడాది అక్టోబర్‌లో ఢిల్లీలో జరిగిన ఒక పుస్తకావిష్కరణ కార్యక్రమంలో రాష్ట్రీయ స్వయం సేవక్ సంఘ్(ఆర్‌ఎస్‌ఎస్) స‌ర్ కార్య‌వాహ ద‌త్తాత్రేయ హోసబాలే హిందుత్వం సర్వసమానమైనదని, లెఫ్ట్ రైట్ కాదని అన్నారు.

“ప్రపంచం ఎడమవైపున‌కు వెళ్ళింది, లేదా ఎడమవైపు వెళ్ళవలసి వచ్చింది, ఇప్పుడు పరిస్థితి ఏమిటంటే ప్రపంచం కుడి వైపున‌కు కదులుతోంది, తద్వారా అది మధ్యలో ఉంది. హిందుత్వం అంటే ఇదే, ఇది లెఫ్ట్ లేదా రైట్ కాదు, ”అని హోసబాలే అన్నారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post విద్యార్థుల‌కు ‘శార‌దా’ వింత ప్ర‌శ్న! appeared first on Vishwa Samvad Kendra Andhra Pradesh.

The event was jointly organized by the Sahithi Sudha Foundation and Samalochana and it was attended by book author Dr. Ratan Sharda, eminent author Dr. Duggaraju Srinivasa Rao and retired IAS Sri Dasari Srinivasulu.

Author Dr. Ratan Sharda said that past governments, intellectuals, media, all of them have deliberately and strategically obscured the truths of our history and today there is a need to uncover and analyze those hidden truths with evidence and present them to the people. He gave details of the many attacks on Hindus in Kashmir and in different parts of the country, on different occasions.

He said that such historical truths were deliberately hidden by intellectuals, media and governments and many facts are now known to the people through the efforts of nationalist writers like him. “There is a need for more extensive research, observation and study in this direction and more historians, thinkers and writers should try in that direction.” he continued…

He said that the nationalists, especially nationalist scholars and writers, should have an in-depth study of local historical developments and it is the responsibility of nationalists, especially nationalist scholars and writers, to expose the conspiracies of those who had been influencing history and literature for decades on various topics.

Author Dr. Ratan Sharda

Preview of RSS :

He said that the RSS was constantly analyzing the developments and changes in the country, sensing the impending dangers and explaining the consequences that would ensue in the form of its resolutions to constantly alert and awaken the governments and the society. He lamented that unfortunately the governments and the media did not give much importance and publicity to RSS’S resolutions in our country.

Sri Dasari Srinivasulu, who unveiled the book, said … Ratan Sharda’s writings are very inspiring and Dr. Ratan Sharda is appreciated for collecting valuable information and presenting it in the form of books. “Actually Ratan Sharda studied textile technology. But he wrote books on history, social issues, science and technology. This is really a miracle.” Sri Srinivasulu praised Dr. Ratan Sharda.

Retired IAS Sri Dasari Srinivasulu

Leading author Dr Duggaraju Srinivasa Rao later said that Dr Ratan Sharda had done extensive research on the Rashtriya Swayamsevak Sangh (RSS), a leading social organization, and had published several books on RSS based on his deep study. He said that out of the total 12, 13 books published by Shri Sharda, 7 books were written on RSS, which shows how deeply he studied RSS.

Dr. Duggaraju Srinivasa Rao

RSS Andhra Pradesh State Executive Member Shri Bhupathiraju Srinivasa raju, RSS Vijayawada Mahanagar Sanghchalak Shri Krishnaprasad, Vishwa Hindu Parishad Leader Shri PVS Naidu, Deputy Transport Commissioner Shri Prasad Rao, BJP Leaders Shri Satyamoorthy, Mrs. Sadineni Yamini Sharma, Shri Lanka Dinkar, Shri Chigurupati Naresh honored Author Ratan Sharda.

About the author:

Dr. Ratan Sharda, author of “CONFLICT RESOLUTION – THE RSS WAY” is a Mumbai resident. After completing his post-graduation in Textile Technology, Shri Sharda done the research on the birth, presidency, achievements and the succession of RSS, the sequence and system of SarSanghchalaks of RSS. Submitted a thesis on it, earned doctorate. Has authored several books, including RSS 360, RSS EVOLUTION FROM AN ORGANISATION TO A MOVEMENT, SANGH & SWARAJ. Continuing research, study, and writing on a variety of topics.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post Pseudo intellectuals obscured true history – famous author Ratan Sharda appeared first on Vishwa Samvad Kendra Andhra Pradesh.

గ్రంధకర్త డాక్టర్ రతన్ శార్దా మాట్లాడుతూ గత ప్రభుత్వాలు, మేథావులు, పత్రికలు అన్నీ, అందరూ మన చరిత్రలోని సత్యాలను ఉద్దేశ్యపూర్వకంగా, వ్యూహాత్మకంగా మరుగుపరచారని, నేడు ఆ మరుగునపడ్డ సత్యాలను ఆధారసహితంగా వెలికితీసి, విశ్లేషించి ప్రజలకు అందించవలసిన అవసరం ఉన్నదని తెలిపారు. ఈ సందర్భంగా ఆయన కాశ్మీర్లోనూ మరియు దేశంలోని వివిధ ప్రాంతాలలో, వివిధ సందర్భాలలో హిందువులపై జరిగిన అనేక దాడుల వివరాలను తెలియజేశారు. ఇలాంటి చారిత్రిక సత్యాలను మేథావులు, మీడియా, ప్రభుత్వాలు ఉద్దేశ్యపూర్వకంగానే ఇన్నాళ్ళూ దాచాయని, తనలాంటి జాతీయవాద రచయితల కృషితో అనేక వాస్తవాలు ఈనాడు ప్రజలకు తెలుస్తున్నాయని అన్నారు. ఈ దిశలో మరింత విస్తృతమైన పరోశోధన, పరిశీలన, అధ్యయనం సాగించవలసిన అవసరం ఉన్నదని, మరింతమంది చరిత్ర పరిశోధకులు, చింతకులు, రచయితలు ఆ దిశగా ప్రయత్నించాలని, ముఖ్యంగా ఎక్కడికక్కడ స్థానిక చారిత్రిక పరిణామాలపై లోతైన అధ్యయనం జరగాలని, దశాబ్దాలుగా వివిధ అంశాలపై తమకు తోచిన రీతిలో కథనాలల్లుతూ, చరిత్రను, సాహిత్యాన్ని ప్రభావితం చేస్తూ వచ్చినవారి కుట్రలను వెలికితీసి ప్రజలకు వాస్తవాలను వివరించాల్సిన బాధ్యత జాతీయవాదులు, ముఖ్యంగా జాతీయవాద అధ్యయనకారులు, రచయితలపై ఉన్నదని ఆయన అభిప్రాయపడ్డారు.

రచయిత డాక్టర్ రతన్ శార్దా

ఆరెస్సెస్ ముందుచూపు :

దేశంలో జరుగుతున్న పరిణామాలను ఎప్పటికప్పుడు విశ్లేషిస్తూ, రానున్న ప్రమాదాలను పసిగడుతూ, జరుగవలసిన పరిణామాలను వివరిస్తూ RSS ఎప్పటికప్పుడు తన తీర్మానాల రూపంలో ప్రభుత్వాలని, సమాజాన్ని హెచ్చరించే, జాగృతం చేసే ప్రయత్నాన్ని నిరంతరం కొనసాగిస్తూనే ఉన్నదని ఆయన వెల్లడించారు. దురదృష్ట వశాత్తూ దేశంలోని ప్రభుత్వాలు, మీడియా వాటికి అంత ప్రాముఖ్యతను, ప్రచారాన్ని కల్పించలేదని ఆయన ఆవేదన వ్యక్తం చేశారు.

పుస్తకాన్ని ఆవిష్కరించిన శ్రీ దాసరి శ్రీనివాసులు మాట్లాడుతూ… రతన్ శార్దా గారి రచనలు ఎంతో ప్రేరణదాయకంగా ఉంటాయని, ఎంతో విలువైన సమాచారాన్ని సేకరించి పుస్తకాల రూపంలో అందిస్తున్న డాక్టర్ రతన్ శార్దా అభినందనీయులని పేర్కొన్నారు. నిజానికి రతన్ శార్దా గారు చదివింది టెక్స్ టైల్ టెక్నాలజీ అయినా ఆయన చరిత్ర, సామాజిక అంశాలు, సైన్స్ అండ్ టెక్నాలజీ వంటి అంశాలను తీసుకుని పుస్తక రచన చేయడం విశేషమని శ్రీ శ్రీనివాసులు ప్రశంసించారు.

రిటైర్డ్ IAS శ్రీ దాసరి శ్రీనివాసులు

అనంతరం ప్రముఖ రచయిత డాక్టర్ దుగ్గరాజు శ్రీనివాసరావు మాట్లాడుతూ డాక్టర్ రతన్ శార్దా గారు ప్రముఖ సామాజిక సంస్థ రాష్ట్రీయ స్వయంసేవక్ సంఘ్ (RSS) పై విస్తృతమైన పరిశోధన చేశారని, వాటి ఆధారంగా RSS పై పలు పుస్తకాలను వెలువరించారని తెలిపారు. శ్రీ శార్దా గారు వెలువరించిన మొత్తం 12, 13 గ్రంధాలలో 7 పుస్తకాలు RSS పై రచించినవే కావడం గమనార్హమని, దీనిని బట్టే ఆయన RSS పై ఎంత లోతైన అధ్యయనం చేశారో అవగతమవుతుందని ఆయన తెలిపారు.

డాక్టర్ దుగ్గరాజు శ్రీనివాసరావు

ఆరెస్సెస్ ఆంధ్రప్రదేశ్ ప్రాంత కార్యకారిణీ సభ్యులు శ్రీ భూపతిరాజు శ్రీనివాసరాజు, ఆరెస్సెస్ విజయవాడ మహానగర్ సంఘచాలక్ శ్రీ కృష్ణప్రసాద్, విశ్వహిందూ పరిషత్ నాయకులు శ్రీ PVS నాయుడు, డిప్యూటీ ట్రాన్స్ పోర్ట్ కమీషనర్ శ్రీ ప్రసాదరావు, బీజేపీ నాయకులు శ్రీ సత్యమూర్తి, శ్రీమతి సాదినేని యామిని శర్మ, శ్రీ లంక దినకర్, శ్రీ చిగురుపాటి నరేశ్ లు రచయిత శ్రీ రతన్ శార్దా గారిని సన్మానించారు.

రచయిత గురించి :

“CONFLICT RESOLUTION – THE RSS WAY” గ్రంధ రచయిత డాక్టర్ రతన్ శార్దా గారు ముంబై నివాసి. టెక్స్ టైల్ టెక్నాలజీలో పోస్టు గ్రాడ్యుయేషన్ చేసిన శ్రీ శార్దా RSS పుట్టుక, ప్రస్థానం, విజయాలు, సర్ సంఘచాలకుల పరంపర వంటి అంశాలను పరిశోధనకు స్వీకరించి, దానిపై థీసిస్ సమర్పించి, డాక్టరేట్ సాధించారు. RSS 360, RSS EVOLUTION FROM AN ORGANISATION TO A MOVEMENT, SANGH & SWARAJ వంటి పలు పుస్తకాలను వెలువరించారు. వివిధ అంశాలపై నిరంతర పరిశోధన, అధ్యయనం, రచన కొనసాగిస్తున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post కుహనా మేథావులు నిజమైన చరిత్రను మరుగుపరచారు – ప్రముఖ రచయిత రతన్ శార్దా appeared first on Vishwa Samvad Kendra Andhra Pradesh.

ఇప్పుడు దేశంలో ఉన్న అన్యమతస్తులలో 90 శాతం పైగా మతం మారిన వారే. వారంతా గతంలో హిందువులే కదా? ఎందుకు మతం మారారు? దేశాన్ని 800 సంవత్సరాల పాటు పాలించిన తురుష్కులచేత బలవంతంగా మతం మార్చబడిన వారి వారసులే కదా వీరంతా? అంటే ప్రాణభయంతో మతం మారిన వారి సంతానం అన్నమాట. వారిలో మీకేం పౌరుష పరాక్రమాలు కనిపిస్తున్నాయి?

మరో వైపు క్రైస్తవులుగా మారిన వారు సైతం ప్రలోభాలకు లొంగిపోయి లేదా ప్రాణభయంతో మతం మారిన వారే కదా? వారిలో మనమేం తెగువను చూడగలం?

ఇక సుమారు 2 వేల సంవత్సరాల పరాధీనత, అణచివేత, వేధింపుల మధ్య కూడా మతం మారకుండా నిలచిన వారందరూ ప్రాణాలకు తెగించి పగవాడితో, పరదేశపు వాడితో పోరాటం చేసి గెలిచి నిలచిన వారే కదా? మరి వారెలా భీరువులౌతారు?

మహమ్మదీయ పాలకులను ముప్పు తిప్పలు పెట్టి హిందూ సామ్రాజ్యాన్ని స్థాపించిన వీర శివాజీ ఎవరు? ఆయన వెనక నడచిన మావళీలు, ఇతర సామాన్యులు ఎవరు? హిందువులు కాదా?

అడవులే ఆశ్రయములైనను ఆకులలములె అన్నమైనను మొఘలు పాదుష గుండెలదరగ జీవితాంతము పోరు సలపిన ఆ వీర రాణా ప్రతాప సింహుడు ఎవరు? ఆయన వెనుక నిలచిన భిల్లులు ఎవరు?

స్వధర్మరక్షణ కోసం అనేక హింసలను భరించి, ప్రాణాలను తృణప్రాయంగా అర్పించిన గురు తేజ్ బహదూర్ ఎవరు? అతి పిన్న వయస్సులో ఎలాంటి ప్రలోభాలకు లొంగకుండా… ఒక్కొక్క ఇటుకనే పేరుస్తూ సజీవ సమాధి చేస్తూ ఉన్నా కించిత్ కూడా తొణకకుండా, బొట్టు కన్నీరు కార్చకుండా, భగవత్ భజన చేస్తూ నవ్వుతూ నవ్వుతూ తమ ప్రాణాలనర్పించిన బాలకులు ఫతే సింగ్, జొరావర్ సింగ్ లు ఎవరు?

పరాయి పాలకులకు తలొగ్గకుండా భీకర పోరాటం సలిపి 23 ఏళ్ల చిరుప్రాయంలో స్వదేశ రక్షణకోసం ప్రాణాలర్పించిన వీర ఝాన్సీ ఎవరు?

దొంగ దారిలో గుంపులుగా వస్తున్న ముష్కరుల తలలను రోకటి బండతో బాది పచ్చడి చేసి శవాల గుట్టలను పేర్చిన ఒనకే ఓబవ్వ ఎవరు?

బ్రిటిష్ నక్కలను ముప్పు తిప్పలు పెట్టి, రొమ్ము విరిచి ఎదురునిలిచి వందేమాతరమని గర్జిస్తూ దేశ మాత చరణాలకు తన ప్రాణాలను హారతిగా అర్పించిన మన్నెం వీరుడు అల్లూరి సీతారామరాజు ఎవరు?

ఇలా ఊరికొకడు, వీధికొకడు ఇంకా చెబితే ఇంటికొకడు వీరుడు జన్మించిన వీరుల గడ్డ, పౌరుష పరాక్రమశాలుర అడ్డా మన ఈ దేశం. అయోధ్యలో నిన్నగాక మొన్న 500 సంవత్సరాల అవమాన చిహ్నాన్ని భూస్థాపితం చేశాం కదా? అనేక అవాంతరాల మధ్య, ప్రభుత్వాల అణచివేతల మధ్య, అన్ని కష్టాలనూ అధిగమించి ఆ అవమాన చిహ్నాన్ని నేలమట్టం చేసిన ఆ 6 లక్షల మంది కరసేవకులు ఎవరు? హిందువులు కాదా?

ఇవన్నీ మరచి “వాళ్ల జోలికి వెళ్లగలరా? వాళ్ళనేమైనా అని మనగలరా?” అని మనమే ప్రశ్నిస్తున్నామంటే వాళ్ళేదో పెద్ద తోపులని, తురుములని మనమే సర్టిఫై చేస్తున్నట్టు కాదా? మనం చేతగాని వాళ్ళమని, చవట దద్దమ్మలమని మనకు మనమే బిరుదులు ప్రదానం చేసుకుంటున్నట్టు కాదా?

హిందూ సమాజానికి ప్రస్తుతం కావలసింది ముందుండి నడిపే నాయకుడు. అందరిలోనూ ఆవేదన ఉంది. ఏదో చేయాలన్న ఆకాంక్షా ఉంది. ముందుండి నడిపించే, ముందుకు ఉరికించే తెగువ గల, చేవగల నాయకుడు కావాలి. అలా ఏ వ్యక్తయినా, శక్తయినా, సంస్థ అయినా హిందూ సమాజంలో తగిన విశ్వాసాన్ని నింపి, కలిపి కదిలిస్తే హిందూ సమాజం కదనరంగాన దూకటానికి సిద్ధంగా ఉంది. హిందూ సమాజం యొక్క శక్తి ఎప్పుడూ నివురుగప్పిన నిప్పులాంటిది. అవసరమైనప్పుడు మహోజ్వల జ్వాలగా మారి వైరి మూకలను దహించి వేస్తుంది. ఇది నిశ్చయం. సందేహమే అవసరం లేదు. అంతవరకూ హిందువులను, హిందూ సమాజాన్ని పలుచన చేసే మాటలను మనమే మాట్లాడడం మాని, హిందువులలో ఆత్మవిశ్వాసాన్ని, అనంత చైతన్యాన్ని ప్రోది చేసే ప్రయత్నం చేద్దాం. భారత్ మాతాకీ జై.

– శ్యాంప్రసాద్ రెడ్డి కోర్శిపాటి

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఓ హిందుత్వవాదీ… జర సోచ్ – సమఝ్ కే బాత్ కరో appeared first on Vishwa Samvad Kendra Andhra Pradesh.

భారతదేశంలో ఆంగ్ల విద్య ప్రవేశించిన తర్వాత ఈ ధోరణి ఉన్నత మధ్య తరగతి వారికి కూడా ప్రాకింది. అయినప్పటికీ భారత స్వాతంత్ర్య సంగ్రామంలో పాల్గొన్న వారిలో అత్యధికులు విద్యాధికులే. అదీ ఆంగ్ల విద్యను అభ్యసించిన, విదేశాలలో విద్యార్జన చేసిన వారే. అయితే వారిలో ఎక్కువ మందికి భారతీయులు అనాగారికులనీ, ఆంగ్లేయులతో పోల్చినపుడు అధములనే భావన ఉండేది. అలాగే ఆంగ్లేయుల పాలనా విధానమే మిన్న అయినదనే భావన కూడా ఉండేది. ఆ కారణం చేతనే స్వాతంత్ర్యానంతరం కూడా ఆంగ్లేయులు చూపి వెళ్ళిన దారిలోనే మన ప్రభుత్వాల పాలన సాగింది.

భారతీయ సంస్కృతిని నాశనం చెయ్యడానికి ఆంగ్లేయులు వ్యూహాత్మకంగా ఏర్పాటు చేసిన ఆంగ్ల విద్యా విధానాన్ని గానీ, చరిత్ర వక్రీకరణను గానీ పట్టించుకోకుండా, మార్పులకు పూనుకోకుండా అప్పటి ప్రభుత్వాలు ఆంగ్లేయ ప్రభుత్వ విధానాలను యదావిధిగా కొనసాగించాయి. అదే సమయంలో తమకు ప్రభుత్వంలో ఉన్న పలుకుబడిని ఉపయోగించి NCERT లాంటి నిర్ణయాత్మక సంస్థలలోనూ, మీడియాలోనే కాక దాదాపు దేశంలోని అన్ని రంగాలలో తిష్ట వేసుక్కూర్చున్న కమ్యూనిష్టులొకవైపు, దేశం లోపల, వెలుపల హిందూత్వ వినాశనం కోసం పని చేసే అన్ని సంస్థలు, వ్యక్తుల వెనుక ప్రత్యక్షంగానో, పరోక్షంగానో ఉండే క్రైస్తవ మత మార్పిడి ముఠాలు మరో వైపు అన్నీ కలిసి, వెరసి భారతీయ సంస్కృతికి వారసులైన హిందువులలో తమ సంస్కృతి పట్ల, సాంప్రదాయాలు, ఆచారాల పట్ల విశ్వాసం సన్నగిల్లేలా చేశాయి.

వేల సంవత్సరాలుగా భారతీయుల వ్యక్తిగత, కౌటుంబిక, సామాజిక నైతిక వర్తనకు ఆధారమైన కట్టుబాట్లు, విలువల పతనం ప్రారంభమైంది. దాని పర్యవసానమే చిత్ర విచిత్ర వస్త్రధారణలు, కిస్సాఫ్ లవ్వులు, రేవ్ పార్టీలు, విశృంఖల వేలం వెఱ్ఱి చేష్టలు. దాని పర్యవసానమే పబ్బులు, క్లబ్బులు, బెట్టింగులు, రేసులు, డ్రగ్సు వగైరా వగైరాలు. వీటితోపాటు ప్రేమ పెళ్ళిళ్ళు, ప్రేమ పేరుతో అమ్మాయిలను మోసం చెయ్యడాలు, అమ్మెయ్యడాలు, లవ్ జీహాద్లు ఇలా సమాజంలో ఏర్పడిన వికృతులకు అంతే లేదు.

అయితే ఇవన్నీ గతంలో పెద్ద పెద్ద నగరాలు, పట్టణాలు, విశ్వవిద్యాలయాలు, సంపన్నులకు మాత్రమే పరిమితమై ఉండేవి. కానీ నేడు ఎగువ, దిగువ మధ్య తరగతులను దాటి పేదవారి గూటిలోకి కూడా ఈ వికృతులు చేరుతున్నాయి. చిన్న నగరాలను దాటి పల్లెలకు, కార్పోరేట్ కళాశాలలను దాటి మండల కేంద్రాలలో ఉండే కళాశాలలు, పాఠశాలలకు కూడా చేరుతున్నాయి.

ఉదాహరణకు మొన్న విశాఖ, నిన్న నెల్లూరు, ఇవాళ వియవాడలలో నమోదైన డ్రగ్స్ కేసులు. ఏపీలో సైతం డ్రగ్స్ మాఫియా పడగవిప్పుతోంది. మొన్నటి వరకు ప్రధాన నగరాలకే పరిమితమైన మాదక ద్రవ్యాలు ఇప్పుడు చిన్న చిన్న పట్టణాలకు సైతం చేరుతున్నాయి. అయితే ఈ డ్రగ్స్ వాడుతున్నవారిలో అధిక శాతం విద్యార్ధులు, యువత ఉండటం ఆందోళన కలిగిస్తోంది. నవ్యాంధ్రలో అభివృద్ధి పథంలో దూసుకుపోతున్న విశాఖ, నెల్లూరు, కృష్ణా జిల్లాలు అన్ని రంగాల్లో ముందున్నాయి. అదే సమయంలో ఈ జిల్లా యువతలో విదేశీ విష సంస్కృతి వేళ్ళూనుకుంటోంది.

యువత మత్తులో జోగుతోంది. పబ్బులు క్లబ్బుల కల్చర్ విజయవాడ లాంటి మహానగరాలను దాటి నూతన రాజధాని ప్రాంతంగా గుర్తింపు పొంది అభివృద్ధి చెందుతున్న మంగళగిరి, తాడేపల్లి వంటి ప్రాంతాలకు కూడా పాకింది. ఆధునికత పేరుతో యువతీ యువకులు నడిరోడ్డుపై అర్ధనగ్నంగా తిరుగుతూ ఎక్కడపడితే అక్కడ మద్యం సేవిస్తూ నానా హంగామా చేస్తున్నారు. బైకు రేసుల పేరుతో రహదారులపై అలవికాని వేగంతో ద్విచక్ర వాహనాలను తోలుతూ ఇతర వాహనదారులను బెంబేలెత్తిస్తున్నారు. మండలాల్లోని వివిధ గ్రామాలలో యువత పుట్టినరోజు వేడుకల పేరుతో నడిరోడ్డుపై బర్త్ డే పార్టీలు జరుపుకుంటూ మందు తాగి చిందులేస్తున్నారు. అర్ధరాత్రి వరకు యువతీ యువకులు మద్యం మత్తులో నడిరోడ్డుపై తిరగడం, పెద్ద పెద్దగా కేకలు వేయడం, హారన్లు మోగించడం, అటువైపుగా వెళుతున్న ద్విచక్ర వాహనదారులను, ఇతరులను భయబ్రాంతులకు గురి చేస్తున్నారు. బహిరంగంగా ట్రాఫిక్ కు అంతరాయం కలిగిస్తూ ప్రజలను తీవ్ర ఇబ్బందులకు గురి చేస్తున్నారు. నెల్లూరు, విశాఖలలో సైతం ఇలాంటి పరిస్థితే ఉంది.

ఈ మధ్య విజయవాడలో డ్రగ్స్‌ విక్రయ ముఠా గుట్టురట్టయింది. డ్రగ్స్‌ విక్రయిస్తున్న ముఠాను పోలీసులు అరెస్ట్‌ చేశారు. ఇద్దరు నైజీరియన్ల తోపాటు మరొకరిని పోలీసులు అదుపులోకి తీసుకున్నారు. వీరి వద్ద హెరాయిన్‌, 200 కిలోల గంజాయిని పోలీసులు స్వాధీనం చేసుకున్నారు. నైజీరియన్లు కేఎల్‌ యూనివర్సిటీలో విద్యార్థులు. అలాగే నెల్లూరులో కూడా పోలీసులు అరెస్టు చేసిన డ్రగ్స్ విక్రయ ముఠాలో ఇద్దరు నైజీరియన్ యువకులున్నారు. ఇలా విద్యాలయాలలో వివిధ దేశాల, రాష్ట్రాల విద్యార్ధులుండడంతో వారి ద్వారా కూడా యువతలో విష సంస్కృతి నిండుతోంది.

ఇక స్మార్ట్ ఫోన్ల వల్ల జరుగుతున్న డ్యామేజి సంగతి చెప్పనలవికాదు. తాను డ్రగ్స్ కి అలవాటు పడటమే కాకుండా, తన స్నేహితులకు కూడా డ్రగ్స్ ను అలవాటు చేసి చెన్నై నుంచి వారికి డ్రగ్స్ ను సరఫరా చేస్తూ మాదక ద్రవ్యాల వ్యాపారిగా మారిన నెల్లూరుకు చెందిన సాదిక్ అనే విద్యార్థి మొదట తన చేతిలోని స్మార్ట్ ఫోన్ ద్వారానే చెన్నైలో జరిగే రేవ్ పార్టీ వివరాలు తెలుసుకున్నాడట. స్మార్ట్ ఫోన్లతో ఎంత ప్రయోజనముందో అంతకంటే ఎక్కువ అనర్థమూ ఉంది. ఇలా యువత పెడదోవ పట్టడానికి కర్ణుడి చావుకు మల్లే కారణాలనేకం.

అయితే మనం తప్ప యావత్ప్రపంచమూ గుర్తించిన ఒక సత్యమేమిటంటే సమాజంలో, కుటుంబాలలో, వ్యక్తిగత జీవితాలలో నిత్యం ఎదురయ్యే సమస్యలకు, సంక్షోభాలకు ఉన్న ఏకైక పరిష్కారం హిందూ జీవన విధానం. అది మన అనుష్ఠానం కావచ్చు, మన వివాహ వ్యవస్థ కావచ్చు, సామాజిక కట్టుబాట్లు కావచ్చు, యోగా కావచ్చు ఇవే, నిక్కముగా ఇవే మనల్ని వ్యక్తిగతంగా, కౌటుంబికంగా, సామాజికంగా, నైతికంగా ఉన్నతంగా, ఉదారంగా నిలిపాయి. మనం హిందువులుగా జీవించగలిగితే…. నిజంగా హిందూ సాంప్రదాయాలను, ఆచారాలను, కట్టుబాట్లను తు.చ తప్పకుండా పాటించగలిగితే…. ఇప్పుడు మానవాళి ఎదుర్కొంటున్న అనేక సమస్యలకి ఇట్టే పరిష్కారం చిక్కుతుంది. అవును హిందూ జీవన విధానమే మనల్ని వ్యక్తిగతంగా నియంత్రించి కుటుంబ బంధాలలో బాధ్యతలను ఎరుక పరచి, సామాజిక కట్టుబాట్లతో ‘ఒరులేయవి ఒనరించిన అప్రియములు మనకగునో… ఒరులకు అవి చేయకునికి పరమ ధర్మ”మని తెలిపి, ఒక మంచి కొడుకుగా, భర్తగా, పౌరునిగా ప్రకృతికి, పక్కవారికి అనుకూలంగా నడిపిస్తుంది. “ధర్మో రక్షతి రక్షితః”. హిందూ బంధువులారా ఇకనైనా కళ్ళు తెరవండి. మన సమస్యలకు మందు మన పెరట్లోనే ఉంది.

– శ్రీరాంసాగర్.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post మన సమస్యలకు మందు మన పెరట్లోనే ఉంది appeared first on Vishwa Samvad Kendra Andhra Pradesh.

ఉదయపూర్‌: రాష్ట్రీయ స్వయం సేవక్‌ సంఘ్‌(ఆర్‌ఎస్‌ఎస్‌) వ్యవస్థాపకుడు డాక్టర్‌ కేశవరావు బలిరామ్‌ హెడ్గేవార్‌, తన వ్యక్తిగత ఆసక్తిని త్యాగం చేస్తూ, సంతోషంగా భారతదేశానికి పనిచేసే మార్గాన్ని ఎంచుకున్నారు. సంసంఘ్‌ స్థాపనకు మూలమైన ఆలోచన ఇదేనని ఆర్‌ఎస్‌ఎస్‌ సర్‌ సంఘ్‌చాలక్‌ డాక్టర్‌ మోహన్‌ భగవత్‌ అన్నారు.

ఉయపూర్‌ విద్యా నికేతన్‌ సెక్టార్‌ -4లో ఆదివారం నిర్వహించిన జ్ఞానోదయ సెమినార్‌లో భగవత్‌ ముఖ్యఅతిథిగా పాల్గొని, మాట్లాడారు. సంఘ ప్రయోజనం, ఆలోచన, పద్ధతి అనే అంశాలపై ప్రసంగిస్తూ, ఒక వ్యక్తిని నిర్మించడమే సంఘ్‌ లక్ష్యం అని అన్నారు. వ్యక్తి నిర్మాణం ద్వారా సమాజ నిర్మాణం సాధ్యమవుతుంది, సమాజ నిర్మాణం ద్వారా దేశ నిర్మాణం సాధ్యమవుతుంది.

ఇతర ప్రాంతాల్లో స్వచ్ఛందంగా పనిచేస్తున్న వాలంటీర్లను చూడటం ద్వారా సంఘ్‌ గురించి ఎలాంటి ముద్ర వేయలేమని ఆయన అన్నారు. సోదరభావంతో సంఘ్‌ పనిచేస్తుందని, ప్రపంచం మొత్తం తన సొంతమన్న భావన సంఘానికి ఉంటుందన్నారు.

సంఘ్‌కు పేరు సంపాదించాలనే కోరిక లేదని భగవత్‌ అన్నారు. పాపులర్‌టీ అసోసియేషన్‌కు క్రెడిట్‌ అవసరం లేదు. 80వ దశకం వరకు హిందూ అనే పదాన్ని బహిరంగంగా చెప్పేవారు కాదు. సంఘ్‌… ఈ ప్రతికూల పరిస్థితిలో కూడా పనిచేసింది. తొలినాళ్లలో అసాధ్యమైనప్పటికీ నేడు ప్రపంచంలోనే అతిపెద్ద సంస్థ రూపంలో ఉంది.

సంఘ్‌ అనేది సమాజంలోని విశ్వసనీయమైన, నమ్మదగిన వ్యక్తుల సంస్థ… విభేదించరు… హిందువులందరూ మా సోదరులు అంటున్నది సంఘ్‌. ఇది సంఘ శాఖ, సంఘ వాలంటీర్లు. స్వయంసేవకులు స్వచ్ఛందంగా సమాజంలో సేవలు చేస్తారన్నారు.

హిందూ సమాజానికి చెందిన సంస్థ భారతదేశంలోని అన్ని సమస్యలను పరిష్కరించగలదని సంఘ్‌ వ్యవస్థాపకుడు డాక్టర్‌ హెడ్గేవార్‌ చెప్పినట్టు డాక్టర్‌ భగవత్‌ పేర్కొన్నారు. మనమందరం భారత మాత పిల్లలం… హిందూ అనగా సనాతన సంస్కృతికి అనుచరులు. సనాతన సంస్కృతీసంప్రదాయాలు ప్రపంచాన్ని ప్రకాశవంతం చేయగలవు. హిందూ భావజాలం శాంతి, సత్యం.

మేము హిందువులం కాము… వంటి వ్యాఖ్యలు దేశాన్ని, సమాజాన్ని బలహీనపరిచే లక్ష్యంతో ప్రచారం జరుగుతున్నాయి. వివిధ కారణాల వల్ల హిందూ జనాభా తగ్గినప్పుడు, సమస్యలు తలెత్తాయి… కాబట్టి హిందూ సంస్థ సర్వవ్యాప్తి చెందుతుంది. ప్రపంచ శ్రేయస్సు గురించి మాట్లాడుతుంది. ప్రపంచ శ్రేయస్సు హిందూ దేశం యొక్క అత్యున్నత వైభవంలో ఉంటుందని మోహన్‌జీ అన్నారు.

హిందూత్వను సరళమైన పదాలలో డాక్టర్‌ భగవత్‌ వివరిస్తూ, కరోనా సమయంలో సంఘంలోని వాలంటీర్లు చేసిన నిస్వార్థ సేవ ‘హిందుత్వ’ అని అన్నారు. అందులో సుఖశాంతులు ఉన్నాయి. సంఘ వ్యవస్థాపకుడు డాక్టర్‌ హెడ్గేవార్‌ భారతదేశంలోని విభిన్న వైవిధ్యం, ఇందులో ఐక్యత కలిగి ఉందని గ్రహించారని, మనమందరం హిందువులం, ఈ పవిత్ర భూమిపై యుగ యుగాలుగా నివసిస్తున్న పూర్వీకుల వారసులం… ఈ భావన హిందుత్వం!

అంతకుముందు, భారతదేశం విగ్రహం ముందు రాజస్థాన్‌ ప్రాంతానికి చెందిన రమేష్‌చంద్‌ అగర్వాల్‌, మహానగర్‌ సంఘచాలక్‌ గోవింద్‌ అగర్వాల్‌, సర్‌ సంఘ్‌ చాలక్‌ డాక్టర్‌ భగవత్‌ జ్యోతిప్రజ్వలన చేయడంతో కార్యక్రమం ప్రారంభమైంది. ఈ కార్యక్రమంలో ఆల్‌ ఇండియా మేధావి చీఫ్‌ స్వాంత్‌ రంజన్‌, ఆల్‌ ఇండియా ఎగ్జిక్యూటివ్‌ మెంబర్‌ హస్తిమాల్‌, సీనియర్‌ క్యాంపెయినర్‌ గున్వంత్‌ సింగ్‌ కొఠారి కూడా పాల్గొన్నారు. వందేమాతరం గానంతో కార్యక్రమం ముగిసింది.

ప్రశ్న-జవాబు కార్యక్రమం

ప్రసంగం తర్వాత అనేక ప్రశ్నలపై డాక్టర్‌ భగవత్‌ మాట్లాడారు. మీడియాలో సంఫ్‌ు ఇమేజ్‌ గురించి ప్రశ్నపై మాట్లాడుతూ ప్రచారం సంఫ్‌ు లక్ష్యం కాదు, కీర్తి కాదు, అహం లేని, నిస్వార్థ, సంస్కారవంతులైన వాలంటీర్లు, పని ప్రాథమిక లక్ష్యం… అందుకే ప్రచార రంగంలో జాప్యం జరిగింది. యూనియన్‌ పనిచేసే డ్రమ్స్‌ కొట్టదు. పని పూర్తయితే, అది కూడా చెప్పకుండా ప్రచారం చేయబడుతుంది. అనవసరమైన ప్రచారపోటీలో సంఘం పాల్గొనదు.

ఇంకా ప్రచార విభాగం ముందుకు సాగుతోంది… నెమ్మదిగా ఊపందుకుంటుంది. పని కారణంగానే సంఘంలో సంఘానికి తనదైన స్థానం లభిస్తుందన్నారు. ‘ఎ సంఫీు హూ వెంట్‌ టు బ్రాంచ్‌’ పుస్తకాన్ని ప్రస్తావిస్తూ, సంఘం పనిని చూసి, చాలా మంది రచయితలు, ఆలోచనాపరులు ఆకస్మికంగా రాస్తున్నారని ఆయన అన్నారు.

మహిళా సాధికారత గురించి సంఘ్‌ ఆలోచనపై మోహన్‌జీ మాట్లాడుతూ అత్యుత్తమ సమాజ నిర్మాణంలో రాష్ట్ర సేవికా సమితి నిర్మాణాత్మక పని గురించి ఆయన ప్రస్తావించారు. సంఫ్‌ు, సేవికా సమితి సమాంతరంగా పనిచేస్తాయని పేర్కొన్నారు.

సమాజాన్ని సంఘటితం చేయడమే సంఘ్‌ ఉద్దేశం

గిరిజన తరగతులలో సంఘం పాత్ర గురించి అడిగిన ప్రశ్నకు భగవత్‌ మాట్లాడుతూ మొత్తం సమాజాన్ని సంఘటితం చేయడమే సంఫ్‌ు ఉద్దేశమని ఆయన అన్నారు. వనవాసీ కల్యాణ్‌ ఆశ్రమం, పరిషత్‌, విద్యాలయాలు, వాలంటీర్ల సానుకూల చొరవతో ఈ విభాగాల పని జరుగుతోందన్నారు.

సంఘం సామాన్యుల సంస్థ

ఆర్‌ఎస్‌ఎస్‌ సామాజిక సమస్యలపై అడిగిన ప్రశ్నకు మోహన్‌ జీ సమాధానమిస్తూ, సంఘం సామాన్యుల సంస్థ అని అన్నారు. ఇంటికి వెళ్తున్న నారాయణ్‌ గమేటి గురించి ప్రస్తావిస్తూ, అతను కూడా ఒక సాధారణ కార్మికుడే అని చెప్పాడు. సామాన్యుడిని దేశం కోసం సిద్ధం చేయడమే సంఫ్‌ు లక్ష్యం. సంఘం బస్తీ, గ్రామం, ప్రతిఒక్కరికీ ఎంత సమయం తీసుకున్నా చేరుకోవాలి. కేరళ, బెంగాల్‌ గురించి అడిగిన ప్రశ్నకు సమాధానంగా… సమాజం దేనివల్ల బాధపడుతుందో, స్వయం సేవకులు కూడా వాటి వల్లే బాధపడుతున్నారని ఆయన అన్నారు. స్వచ్ఛంద సేవకుడు భయపడి పారిపోవడం లేదు. స్వచ్ఛందంగా సమాజంతో కలిసి పనిచేస్తున్నాడు అని అన్నారు.

Source:  VSk, Bhopal.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post సేవకుడు భయపడి పారిపోడు… సమాజంతో కలిసి పనిచేస్తాడు appeared first on Vishwa Samvad Kendra Andhra Pradesh.

ఈ విషయమై ఇంగ్లాండ్ లోని హిందూ సమాజం మూడు డిమాండ్లను లేవనెత్తింది :

1) సోషల్ మీడియాలో అభిజిత్ సర్కార్ యొక్క విద్వేషపూరిత పోస్టులను పరిగణనలోకి తీసుకుని, అతను క్రమశిక్షణను అతిక్రమించినందుకుగానూ ఆయనపై వచ్చిన ఆరోపణలపై ఆక్స్ ఫర్డ్ యూనివర్సిటీ దర్యాప్తు ముగిసే వరకూ తక్షణమే తనని విధుల నుండి సస్పెండ్ చెయ్యాలి.

2) లేదంటే ఆక్స్ఫర్డ్ తన సిబ్బందిలోని హిందూ వ్యతిరేక వైఖరిని సహిస్తున్నట్లవుతుంది.

3) తన సిబ్బందిలో హిందూ సమాజానికి వ్యతిరేకంగా….. ముఖ్యంగా బ్రిటిష్ హిందువులపై ద్వేషపూరిత ఆలోచనను వ్యాప్తి చేస్తున్న ఇతరులపై కూడా దర్యాప్తు చేయాలి.

హిందూ సమాజం, తన లేఖలో, అభిజిత్ సర్కార్ భారతదేశంపై వెల్లడి చేస్తున్న తీవ్ర ద్వేషాన్ని వాస్తవాలతో, ఆధారాలతో సహా చూపింది. అతని అకాడెమిక్ పేపర్లు చాలా కఠోర అబద్ధాలతో, సమాజంలో విభజన వాదాన్ని ప్రచారం చేసేవిగా ఉంటాయి. అతను తన సోషల్ మీడియా హ్యాండిల్స్ నుండి పంచుకున్న చాలా పోస్టులు తప్పుడువి మరియు హింసను ప్రేరేపించేవి.

తన లేఖలో, హిందూ సమాజం డాక్టర్ సర్కార్ యొక్క నకిలీ/ తప్పుడు ట్వీట్లను కూడా పొందుపరచింది. ఇది అతని భారత వ్యతిరేక వైఖరిని ప్రతిబింబిస్తుంది. అలాగే వారు డాక్టర్ సర్కార్ నుండి బహిరంగ క్షమాపణ కోరుతూ ఆన్‌లైన్ ప్రచారాన్ని కూడా ప్రారంభించారు.

Source : Organiser.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post అతనో హిందూ ద్వేషి. అతన్ని వెంటనే విధులనుంచి తొలగించండి : ఆక్స్ఫర్డ్ యూనివర్సిటీ ఫ్యాకల్టీ అభిజిత్ సర్కార్ విషయమై హిందువుల డిమాండ్ appeared first on Vishwa Samvad Kendra Andhra Pradesh.

“పాకిస్థాన్ లోని మతపరమైన మైనారిటీలు, క్రిస్టియన్ మరియు హిందూ మహిళలే చైనా పురుషులకు “బలవంతపు వధువులు” గా పనికొచ్చే వనరులలో ఒకరు. వారు చైనాకి ఉంపుడుగత్తెలుగా విక్రయించబడ్డారు. చైనాలోకి వధువుల వలే బలవంతంగా పంపబడ్డారు” అని బ్రౌన్ బ్యాక్ మంగళవారం విలేఖరులతో అన్నారు.

“వారికి తగినంత మద్దతు లేదు. పాకిస్థాన్ లో మతపరమైన మైనారిటీలపై వివక్ష ఉంది. అది వారికి మరింత హానికరంగా మారింది. అందుకే అక్కడ ఇలా జరుగుతోంది.” అని ఆయన అన్నారు.

అంతర్జాతీయ మత స్వేచ్ఛా చట్టం ప్రకారం పాకిస్థాన్ ను ప్రత్యేక ఆందోళన ఉన్న దేశంగా (సిపిసి) గుర్తించడానికి ఇది ఒక కారణమని ఆయన పేర్కొన్నారు.

దశాబ్దాలుగా చైనా విధించిన వన్-చైల్డ్ విధానం కారణంగా, అబ్బాయిలకు సాంస్కృతిక ప్రాధాన్యత ఇచ్చిన కారణంగా మహిళల కొరత ఉంది. ఇది చైనా పురుషులు ఇతర దేశాల నుండి మహిళలను వధువు, ఉంపుడుగత్తెలు మరియు కార్మికులుగా దిగుమతి చేసుకోవటానికి కారణమవుతోంది.

పౌరసత్వ సవరణ చట్టం (సిఎఎ) ను ఇతర అంశాలతో ఉటంకిస్తూ, భారతదేశాన్ని కూడా సిపిసిలో ఉంచాలని యుఎస్ కమిషన్ ఆన్ ఇంటర్నేషనల్ రిలిజియస్ ఫ్రీడమ్ (USCIRF) సిఫారసు చేసింది. కానీ విదేశాంగ కార్యదర్శి మైక్ పాంపియో సోమవారం ఈ సూచనను తిరస్కరించారు.

అయితే, వాషింగ్టన్ భారత పరిస్థితిని నిశితంగా గమనిస్తున్నదని “ఈ విషయాలు ప్రభుత్వ, ఉన్నత స్థాయి ప్రభుత్వ వర్గాలతో జరిగే ప్రైవేట్ చర్చలలో అనేక సార్లు లేవనెత్తాం, లేవనెత్తుతూనే ఉంటాం” అని బ్రౌన్ బ్యాక్ అన్నారు.

పొరుగున ఉన్న ఇస్లామిక్ లేదా ముస్లిం మెజారిటీ దేశాలలో జరిగే మతపరమైన హింస కారణంగా అక్కడి నుండి పారిపోయి వచ్చిన హిందువులు, క్రైస్తవులు, బౌద్ధులు మరియు సిక్కులకు పౌరసత్వాన్ని CAA వేగవంతం చేస్తుంది. కానీ సాధారణ ప్రక్రియలు పూర్తయిన తరువాత ముస్లింలకు పౌరసత్వం రాకుండా నిరోధించలేదు.

యుఎస్ఎ లో కూడా సిఎఎ మాదిరిగానే చట్టపరమైన నిబంధన ఒకటి ఉంది. దీనిని ‘స్పెక్టర్ సవరణ’ అని పిలుస్తారు. ఇరాన్ నుండి కొంతమంది ముస్లిమేతర మైనారిటీలకు ఆశ్రయం ఇచ్చే నిబంధన బడ్జెట్ బిల్లులో చొప్పించబడింది. ఇందులో ముస్లింలను మినహాయించడం గమనార్హం.

“పాకిస్థాన్ కు మాత్రం సిపిసి హోదాను ఇచ్చి, భారత్ కు ఇవ్వకపోవడం వెనుక మైక్ పాంపియో ద్వంద్వ వైఖరేమన్నా దాగుందా?” అని ఓ పాకిస్థాన్ రిపోర్టర్ అడిగిన ప్రశ్నకు, బ్రౌన్ బ్యాక్ మాట్లాడుతూ, పాకిస్థాన్ లో, మైనారిటీలకు వ్యతిరేకంగా ప్రభుత్వాలు చాలా చర్యలు తీసుకుంటున్నాయని, కానీ భారత్లో అలా జరగలేదని బ్రౌన్ బ్యాక్ బదులిచ్చారు.

“ప్రపంచంలో మతభ్రష్టులు లేదా దైవదూషణ చేసినవారి పేరుతో బంధింపబడిన వారిలో సగం మంది పాకిస్థాన్ జైళ్లలోనే ఉన్నారు. ” అని ఆయన అన్నారు.

“భారతదేశంలో, CAA వంటి కొన్ని చర్యలు ప్రభుత్వాలు తీసుకుంటున్నాయి. కాని మత హింస సంఘటనలు కూడా ఉన్నాయి.అలాంటివి జరిగినప్పుడు, “ప్రభుత్వం సమర్థవంతంగా కట్టడి చేయగలుగుతోందా? లేదా? సరైన విధంగా పోలీసు, చట్టబద్దమైన చర్యలు తీసుకోబడుతున్నాయా? అనే విషయాలను మేము పరిశీలిస్తూనే ఉంటాము.” అని బ్రౌన్ బ్యాక్ అన్నారు.

“అంటే CAA తో సమస్యలు లేవని మేం భావిస్తున్నట్టు కాదు” అని ఆయన అన్నారు. “హింస ఒక సమస్య. మేము ఆ సమస్యలను లేవనెత్తుతూనే ఉంటాము.”

“పాకిస్తాన్ సిపిసి జాబితాలో ఎందుకు కొనసాగుతోంది? భారతదేశం ఎందుకు లేదు? అనేదానికి ఇవే కొన్ని ఆధారాలు” అని ఆయన అన్నారు.

“ఇవి ప్రజలు ఎక్కువగా చర్చించుకునే సమస్యలు. మేము రెండు దేశాలలోనూ పాకిస్థాన్ పరిస్థితినే విస్తృతంగా సమీక్షిస్తాము” అని బ్రౌన్ బ్యాక్ అన్నారు.

పాకిస్థాన్ ‌తోపాటు చైనా, మయన్మార్, ఎరిట్రియా, ఇరాన్, నైజీరియా, ఉత్తర కొరియా, సౌదీ అరేబియా, తజికిస్తాన్, తుర్క్ మెనిస్థాన్ ను కూడా మైక్ పాంపియో సిపిసి జాబితాలో పాంపీ ఉంచారు.

Source : Swarajyamag

https://swarajyamag.com/insta/pakistan-marketing-hindu-women-as-concubines-and-forced-brides-to-china-top-us-diplomat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post పాకిస్థాన్, హిందూ మహిళలను ఉంపుడుగత్తెలుగా, పెళ్లి కుమార్తెలుగా చైనాకు అమ్మేస్తోంది : అమెరికా దౌత్యవేత్త appeared first on Vishwa Samvad Kendra Andhra Pradesh.

స్వామి వివేకానంద ప్ర‌సంగం
అమెరికన్ సోదర సోదరీమణులారా,

మాకు మీరిచ్చిన మనోపూర్వకమైన స్వాగతాన్ని పురస్కరించుకుని ఈ  సమయంలో మీతో మాట్లాడం నాకు చాలా ఆనందంగా ఉంది. ప్రపంచంలోని అత్యంత ప్రాచీన యతి సంప్రదాయం తరఫున మీకు నా అభివాదాలు; సమస్త మతాలకు, సమస్త ధర్మాలకు తల్లి అనదగ్గ సనాతన ధర్మం పేర మీకు నా అభివాదాలు; నానా జాతులతో, నానా సంప్రదాయాలతో కూడిన భారత జనం తరఫున మీకు నా అభివాదాలు.

సహనభావాన్ని వివిధదేశస్థులకు తెలిపిన ఘనత, గౌరవం సుదూర దేశస్థులైన ప్రాచ్యులకు చెందటం ఎంతో సమంజసమని, అటువంటి ప్రతినిధుల గురించి ఈ సభావేదిక నుంచి మీకు తెలిపిన వక్తలకు కూడా నా అభివాదాలు. సహనాన్ని, సర్వమత సత్యత్వాన్ని,లోకానికి భోదించిన సనాతనధర్మం నాదని గర్విస్తున్నాను. సర్వమత సహనాన్నేకాక సర్వమతాలూ సత్యాలనే మేం విశ్వసిస్తాం. సమస్తమతాలకు చెందిన,  సమస్త దేశాలనుంచీ పరపీడితులై , శరణాగతులై వచ్చినవారికి శరణమిచ్చిన దేశం నా దేశమని గర్విస్తున్నాను. రోమన్ల నిరంకుశత్వానికి గురై తమ దేవాలయం తుత్తునియలైన ఏటనే దక్షిణ భారతదేశానికి వచ్చి,శరణుపొందిన యూదులను –నిజమైన యూదులనదగ్గవారిలో మిగిలినవారిని – మా కౌగిట చేర్చుకున్నామని తెలపటానికి గర్విస్తున్నాను. మహాజొరాస్టరీయ సంఘంలో మిగిలినవారికి శరణు ఇచ్చి –నేటికీ వారిని ఆదరిస్తున్న(సనాతన) ధర్మం నా ధర్మమని గర్విస్తున్నాను. సోదరులారా, ప్రతిరోజూ కోట్లాది పారాయణం చేస్తున్న, నేను కూడా అతిబాల్యంనుంచి పారాయణ చేస్తూన్న ఒక స్త్రోత్తం నుంచి కొన్ని చరణాలను ఉదహరిస్తాను: “వివిధ ప్రదేశాల్లో జన్మించిన నదులు సముద్రంలో కలసినట్లే, వివిధ భావాలచే మనుషులు అవలంబించే వివిధ ఆరాధనామర్గాలు వేరువేరుగా కనపడినా, సర్వేశ్వరా, నిన్నే చేరుతున్నవి.”

“ ఎవరు ఏ రూపంలో నన్ను గ్రహిస్తారో, నేను వారినలాగే అనుగ్రహిస్తున్నాను. అందరూ సమస్త మార్గాల ద్వారా  చివరికి నన్నే చేరుతున్నారు” అని గీతలో తెలిపిన అద్భుతసిద్దాంతాన్ని ప్రపంచంలో ఇంతవరకు జరిగిన మహోత్కృష్ట సమావేశాల్లో ఒకటైన ఈ మతమహాసభే  సమర్థిస్తూ, ముక్తకంఠంతో  లోకానికి చాటుతుందని చెప్పవచ్చును. శాఖాభిమానం, స్వమత దురభిమానం, దానివల్ల కలిగిన మూర్ఖత్వం సుందరమైన యీ జగత్తును చిరకాలంగా అక్రమించాయి. వాటివల్ల దౌర్జన్యాలు జరిగి అనేకసార్లు ఈ భూమి రక్తసిక్తమైంది.  ఈ ఘోర రాక్షసులు చెలరేగి ఉండకుంటే, మానవ సమాజం నేటికంటే విశేషాభివృద్ది చెంది ఉండేది. కానీ ఆ ధౌర్జన్య శక్తుల అంతకాలం  ఆసన్నమైంది; ఈ మహాసభ గౌరవార్థం నేటి ఉదయం మోగించిన  గంట కత్తితో కానివ్వండి, కలంతో కానివ్వండి, సాగించే సర్వవిధాలైన స్వమత దురభిమానానికీ, పరమత ద్వేషానికి ముగింపు వాక్యం కావాలి.  నానావిధాలైన హింసకు మాత్రమేకాక, కొందరిలోని నిష్టుర ద్వేషభావాలకు శాంతిపాఠం కాగలదని నేను మనస్ఫూర్తిగా ఆశిస్తున్నాను.

Source VSK TELANGANA

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post విశ్వమత మహాస‌భ‌లో స్వామి వివేకానంద ప్ర‌సంగం 11-సెప్టెంబ‌ర్‌-1893 appeared first on Vishwa Samvad Kendra Andhra Pradesh.