#hijab – Vishwa Samvad Kendra Andhra Pradesh

ఇరాన్ హిజాబ్ వివాదం… పోలీసుల దాడిలో 16 ఏళ్ల బాలిక మృతి

Krishna Murty Gunna — Fri, 21 Oct 2022 05:20:56 +0000

అర్దబిల్: ఇరాన్‌లో హిజాబ్ వివాదం కొనసాగుతూనే ఉంది. 22 ఏళ్ల మహ్‌సా అమిన్ అనే యువతి పోలీస్ కస్టడీలో కన్నుమూయడంతో ఇరాన్ అంతటా నిరసన జ్వాలలు చెలరేగుతున్న విషయం తెలిసిందే. ఈ క్రమంలో మరో బాలిక పోలీసుల చేతిలో బలైపోయిన. సుప్రీం నేత అయతుల్లా అలీ ఖమేనీని కీర్తించే గీతం పాడనందుకు 16 ఏళ్ల బాలికను ఆ దేశ భద్రతా సిబ్బంది కొట్టి చంపారు.

వాయువ్య అర్దబిల్ నగరంలో ఈ సంఘటన జరిగింది. అక్టోబర్ 13న అద్దాబిల్ లోని షహేద్ గర్ల్‌హైస్కూల్‌లో భద్రతా దళాలు తనిఖీలు చేపట్టాయి. ఈ సందర్భంగా ఆ దేశ సుప్రీం నేతను కీర్తించే గీతాన్ని పాడాలని బాలికలను బలవంతం చేశారు. అస్రా పనాహి అనే 16 ఏళ్ల బాలిక నిరాకరించగా క్లాస్‌రూమ్‌లో అందరి ఎదుట ఆమెను దారుణంగా కొట్టారు. తీవ్రంగా గాయపడి ఆసుపత్రిలో చేరిన ఆ బాలిక చికిత్స పొందుతూ చనిపోయింది. అయితే భద్రతా దళాలు కొట్టడం వల్లే బాలిక మృతి చెందిందన్న వార్తలను ఇరాన్ అధికారులు ఖండించారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఇరాన్ హిజాబ్ వివాదం… పోలీసుల దాడిలో 16 ఏళ్ల బాలిక మృతి appeared first on Vishwa Samvad Kendra Andhra Pradesh.

హిజాబ్‌ చిక్కుల్లోపడ్డ ఇరాన్‌ మహిళా అథ్లెట్‌ ఎల్నాజ్‌ రెకాబి

Krishna Murty Gunna — Wed, 19 Oct 2022 06:43:04 +0000

సియోల్‌: ఇరాన్‌ మహిళా అథ్లెట్‌ ఎల్నాజ్‌ రెకాబి (33) ‘హిజాబ్‌’ చిక్కుల్లో పడ్డారు. దక్షిణ కొరియాలో జరుగుతున్న ఐఎఫ్‌ఎస్‌సీ ఆసియా ఛాంపియన్‌షిప్‌ పోటీలకు ఆమె వెళ్ళారు. అయితే, ఆదివారం హిజాబ్‌ ధరించకుండా అధిరోహణ పోటీల్లో పాల్గొనడంతో ఎల్నాజ్‌ మంగళవారం ఉదయం ఆగమేఘాలపై సియోల్‌ వీడి వెళ్ళారు. ఇరాన్‌ అధికారులే ఒత్తిడి తీసుకువచ్చి ఆమెను వెనక్కు పిలిపించారని, అక్కడికి చేరగానే ఎల్నాజ్‌ను అరెస్టు చేసే అవకాశం ఉందని పార్శీ భాషా పత్రిక ఒకటి పేర్కొంది. ఈ కథనాన్ని ఇరాన్‌ రాజధాని టెహ్రాన్‌ వర్గాలు ఖండించాయి. వివిధ క్రీడాపోటీల్లో పలు పతకాలు గెలిచిన ఎల్నాజ్‌ హిజాబ్‌ వివాదంపై స్వదేశంలో పేట్రేగుతున్న ఆందోళనల్లో భాగంగానే తలకు వస్త్ర ఆచ్ఛాదన లేకుండా అధిరోహణ పోటీల్లో పాల్గొన్నట్టు తెలుస్తోంది. ఆ తర్వాత ఎల్నాజ్‌ పేరుతో ఉన్న ఇన్‌స్టాగ్రాం ఖాతాలో ‘హిజాబ్‌ ధరించకపోవడం అనుకోకుండా జరిగిన ఘటన’గా పేర్కొంటూ పోస్టు పెట్టారు.

Source: Eenadu

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హిజాబ్‌ చిక్కుల్లోపడ్డ ఇరాన్‌ మహిళా అథ్లెట్‌ ఎల్నాజ్‌ రెకాబి appeared first on Vishwa Samvad Kendra Andhra Pradesh.

‘హిజాబ్’ పై ఎటూ తేల్చని సుప్రీం.. భిన్న తీర్పులిచ్చిన ఇద్దరు న్యాయమూర్తులు

Krishna Murty Gunna — Thu, 13 Oct 2022 05:57:09 +0000

న్యూఢిల్లీ: కర్ణాటక హిజాబ్ వివాదాన్ని దేశ సర్వోన్నత న్యాయస్థానం ఎటూ తేల్చలేదు. ఇద్దరు న్యాయమూర్తులు భిన్నమైన తీర్పులు వెలువ‌రించారు. హిజాబ్పై కర్ణాటక ప్రభుత్వ నిషేధాన్ని కొనసాగించేలా ఆ రాష్ట్ర హైకోర్టు ఇచ్చిన తీర్పును సమర్థించారు సుప్రీంకోర్టు న్యాయమూర్తి జస్టిస్ హేమంత్ గుప్తా. ఈ వ్యవహారంపై సర్వోన్నత న్యాయస్థానంలో దాఖలైన అపీళ్ళ‌న్నింటినీ కొట్టివేయాలని ప్రతిపాదించారు. మరోవైపు.. ధర్మాసనంలో సభ్యుడైన జస్టిస్ సుధాన్షు ధూలియా ఇందుకు భిన్నంగా తీర్పు రాశారు. కర్ణాటక హైకోర్టు తీర్పును పక్కనబెడుతూ.. హిజాబ్ బ్యాన్పై అపీళ్ళ‌ను స్వీకరిస్తున్నట్టు పేర్కొన్నారు.

విద్యా సంస్థల్లో హిజాబ్‌పై నిషేధాన్ని కర్ణాటక హైకోర్టు సమర్థించడాన్ని సవాలు చేస్తూ దాఖలైన వివిధ పిటిషన్లపై సుప్రీంకోర్టు ఇంతకుముందు తన తీర్పును రిజర్వ్ చేసింది. ఈ కేసులో 10 రోజుల పాటు వాదనలు సాగగా, పిటిషనర్ల తరఫు 21 మంది న్యాయవాదులు, ప్రతివాదుల తరఫున సొలిసిటర్ జనరల్ తుషార్ మెహతా, అడిషనల్ సొలిసిటర్ జనరల్ కేఎం నటరాజ్, కర్ణాటక అడ్వకేట్ జనరల్ ప్రభులింగ్ నవాద్గీ వాదించారు.

సుప్రీంకోర్టులో హిజాబ్‌కు మద్దతుగా పిటిషనర్ల తరఫున న్యాయవాదులు తమ వాదనలను వినిపించారు. ముస్లిం బాలికలు హిజాబ్ లేకుండా పాఠశాలలకు వెళ్లలేకపోతున్నారని.. దీంతో వారి చదువులకు ఆటంకం ఏర్పడుతుందని.. చాలా మంది పాఠశాలకు వెళ్లడమే మానేశారని సుప్రీంకోర్టుకు విన్నవించారు. పాఠశాలలో, కళాశాల్లలో సమానత్వం, సమగ్రతకు భంగం కలిగించే దుస్తులను నిషేధిస్తూ కర్ణాటక రాష్ట్రప్రభుత్వం ఫిబ్రవరి 5 నాటి ఉత్తర్వుల్లోని అంశాలను సుప్రీంకోర్టుకు వివరించారు ప్రభుత్వం తరుపున న్యాయవాదులు.

ఈ కేసును ముందుగా రాజ్యాంగ ధర్మాసనానికి రిఫర్ చేయాలని పలువురు డిమాండ్ చేశారు. విద్యాసంస్థల్లో హిజాబ్ ధరించడాన్ని సమర్థిస్తూ కొందరు వ్యక్తులు ఆందోళనలు చేయడం ఓ పథకంలో భాగమని ప్రభుత్వం తరఫున న్యాయవాదులు సుప్రీంకోర్టుకు తెలిపారు. మార్చి 15న కర్ణాటకలోని ఉడుపిలోని ప్రభుత్వం ప్రీ యూనివర్సిటీ గర్ల్స్ కాలేజీకి చెందిన ముస్లిం విద్యార్థలు తరగతి గదులలో హిజాబ్ ధరించడానికి అనుమతి కోరుతూ దాఖలు చేసిన పిటిషన్ను కర్ణాటక హైకోర్టు కొట్టేసింది. ఈ హిజాబ్ వివాదం ఉడుపి నుంచి కర్ణాటకలోని చిక్ మంగళూర్, మాండ్యా, బాగల్ కోట్, దక్షిణ కన్నడ జిల్లా, బెంగళూర్, తుముకూరు, చిక్ బల్లాపూర్, శివమొగ్గ జిల్లాలకు కూడా వ్యాపించింది.

Source: EtvBharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ‘హిజాబ్’ పై ఎటూ తేల్చని సుప్రీం.. భిన్న తీర్పులిచ్చిన ఇద్దరు న్యాయమూర్తులు appeared first on Vishwa Samvad Kendra Andhra Pradesh.

హిజాబ్ ధరించలేద‌ని ఇరాన్‌ యువతిని కాల్చి చంపిన భద్రతా దళాలు

Krishna Murty Gunna — Thu, 29 Sep 2022 06:30:34 +0000

ఇరాన్‌: తలపై స్కార్ఫ్ (హిజాబ్) లేకుండా కనిపించి ఓ నిరసనలో పాల్గొన్న ఇరాన్‌ యువతిని ఇస్లామిక్ రిపబ్లిక్ భద్రతా దళాలు కాల్చి చంపాయి. ఆమె ఛాతీ, ముఖం, మెడ, కడుపు భాగంలో భద్రతా దళాలు తుపాకీతో కాల్పులు జరుపడంతో ఆరు బులెట్లు ఆమె శరీరంలోకి చొచ్చుకెళ్లడంతో ఆ యువతి చనిపోయింది.

హదీస్ నజాఫీ (20) హిజాబ్‌కు వ్యతిరేకంగా జరుగుతున్న నిరసన ప్రదర్శనలో మృతి చెందడం గమనార్హం. ఈ నెల 21న తుపాకీ గుండ్లకు గురైన ఆమెను ఆసుపత్రిలో చేర్చడంతో, ఆమె మృతి చెందినట్టు గత ఆదివారం ప్రకటించారు.

దీంతో ఆ మహిళ అంత్యక్రియల సందర్భంగా ఆ దేశ ప్రజలు కన్నీరు కార్చుతూ ఉద్వేగానికి గురయ్యారు. జర్నలిస్ట్, మహిళా హక్కుల న్యాయవాది మసీహ్ అలినేజాద్ మాట్లాడుతూ హదీత్ నజాఫీ తలకు కండువా ధరించనందుకు కాల్చి చంపారని ఆవేదన వ్యక్తం చేశారు.

“ఆమె మరణం తనకు విధ్వంసం కలిగించిందని ఆమె సోదరి నాకు చెప్పింది. తాను మౌనంగా ఉండబోనని చెప్పింది” అని ఆమె తెలిపారు. బహిరంగంగా హిజాబ్‌ సరిగా ధరించనందుకు 22 ఏళ్ల యువతీ మహసా అమిని ఇరాన్‌ నైతిక పోలీసులు ఇటీవల అదుపులోకి తీసుకున్నారు. ఆమె తలపై కొట్టి చిత్రహింసలకు గురిచేయడంతో ఆ యువతి కోమాలోకి వెళ్లింది.

పోలీసులు అరెస్ట్‌ చేసిన మూడు రోజుల తర్వాత ఈ నెల 16న ఆమె చనిపోయింది. దీంతో అమిని మరణంపై దేశవ్యాప్తంగా నిరసనలు వెల్లువెత్తాయి. అయితే దేశంలోని పలు పట్టణాలు ఈ నిరసనలపై ఇరాన్ భద్రతా దళాలు విచ్చలవిడిగా విరుచుకు పడుతూ కాల్పులు జరుపుతున్నాయి.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హిజాబ్ ధరించలేద‌ని ఇరాన్‌ యువతిని కాల్చి చంపిన భద్రతా దళాలు appeared first on Vishwa Samvad Kendra Andhra Pradesh.

ఇరాన్‌లో `హిజాబ్ యువతీ’ మరణం బయటపెట్టిన జర్నలిస్ట్ అరెస్ట్

Krishna Murty Gunna — Tue, 27 Sep 2022 10:47:05 +0000

టెహ్రాన్: హిజాబ్ సరిగా ధరించనందుకు ఇరాన్ నైతిక పోలీసులు నిర్బంధంలో మృతి చెందిన యువతీ మెహ్సా అమినీ కధనాన్ని మొదటగా ప్రచురించిన సంఘటనకు సంబంధించి కనీసం ఇద్దరు మహిళా జర్నలిస్టులను అరెస్టు చేశారు. అరెస్టయిన వారిలో షార్క్ వార్తాపత్రిక, వెబ్‌సైట్ జర్నలిస్టు నిలుఫర్ హమీదీ ఒకరు.

టెహ్రాన్‌లోని కస్రీ హాస్పిటల్‌లోని తన గది తలుపు వెనుక అమినీ కుటుంబం చిత్రాన్ని ఆమె ప్రచురించింది. పర్షియన్‌లో చేసిన ట్వీట్‌లో, కాంఫిరౌజీ ఇలా అన్నారు, “ఈ ఉదయం, సెక్యూరిటీ ఏజెంట్లు షార్గ్ వార్తాపత్రిక పాత్రికేయురాలు, నా క్లయింట్ నీలోఫర్ హమేదీ ఇంటిపై దాడి చేసి, ఆమెను అరెస్టు చేశారు. ఆమె ఇంట్లో సోదాలు చేశారు. ఆమె వస్తువులను జప్తు చేశారు”.

ఆమె ఎలాంటి ఆరోపణలు ఎదుర్కొంటుందో స్పష్టంగా తెలియదని పేర్కొన్నారు. అంతేకాకుండా, ఆమె అరెస్టుకు ముందు ఆమె ట్విట్టర్ ఖాతా కూడా సస్పెండ్ చేశారు. చట్టపరమైన అభ్యర్థనను అనుసరించి ట్విట్టర్ ఖాతాను సస్పెండ్ చేసిందా లేదా ప్లాట్‌ఫారమ్‌లో ఖాతాకు వ్యతిరేకంగా నివేదించినందున చేశారా అన్నది అస్పష్టంగా ఉంది. మే 28న టెహ్రాన్‌లోని పార్డిసన్ పార్క్‌లో ఒక జంటపై పోలీసు అధికారి కాల్పులు జరిపిన వీడియోను ప్రచురించిన తర్వాత ఆమె ఇంతకు ముందే పోలీసుల ఆగ్రహం ఎదుర్కొంటున్నారు.

కాగా, కమిటీ టు ప్రొటెక్ట్ జర్నలిస్ట్స్ (సిపిజే) కధనం ప్రకారం ఫోటోగ్రాఫర్ యల్డా మీరీను కూడా అరెస్టు చేశారు. ఆమెను అరెస్టు చేసి జైలుకు తరలించిన వార్తలను ఆమె కుటుంబ సభ్యులు ధ్రువీక‌రించారు. ఫోటోగ్రాఫర్‌ని అరెస్టు చేయడాన్ని దర్బయానీ జర్నలిస్ట్స్ ప్రొటెక్షన్ కమిటీ విమర్శించింది. ఆమెను వెంటనే విడుదల చేయాలని డిమాండ్ చేసింది.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఇరాన్‌లో `హిజాబ్ యువతీ’ మరణం బయటపెట్టిన జర్నలిస్ట్ అరెస్ట్ appeared first on Vishwa Samvad Kendra Andhra Pradesh.

హిజాబ్‌ లేదని జర్నలిస్టుకు ఇంటర్వ్యూ ఇవ్వని ఇరాన్‌ అధినేత

Krishna Murty Gunna — Sat, 24 Sep 2022 05:05:08 +0000

వాషింగ్ట‌న్: ఇంటర్వ్యూ చేయడానికి సిద్ధంగా ఉన్న యాంకర్‌ ఎదుట ఖాళీ కుర్చీ ఉన్న ఈ చిత్రం వెనుక ఓ ఆసక్తికర ఘటన ఉంది. ఆ మహిళ పేరు క్రిస్టియన్‌ అమన్పూర్‌. ఇరానీ-బ్రిటన్‌ కుటుంబంలో జన్మించిన ఈమె సీఎన్‌ఎన్‌లో చీఫ్‌ ఇంటర్నేషనల్‌ యాంకర్‌. అమెరికా ప్రభుత్వ నిర్వహణలోని పీబీఎస్‌లోనూ ఓ షో చేస్తున్నారు. అమన్పూర్‌ తన ట్విటర్‌ ఖాతాలో ఈ ఫొటోను పోస్టు చేసి.. దీని వెనుక ఉన్న కథను వివరించారు. న్యూయార్క్‌లోని ఐక్యరాజ్యసమితి కార్యాలయంలో జనరల్‌ అసెంబ్లీ సమావేశాలు జరుగుతున్నాయి. వీటిలో ప్రసంగించేందుకు ఇరాన్‌ అధ్యక్షుడు ఇబ్రహీం రైసీ ఇటీవల న్యూయార్క్‌కు వచ్చారు.

రైసీ ఇంటర్వ్యూ తీసుకోడానికి అమన్పూర్‌ కొన్ని వారాల ముందే ప్లాన్‌ చేశారు. అన్నీ సిద్ధం చేసుకున్నారు. మరో 40 నిమిషాల్లో ఇరాన్‌ అధ్యక్షుడు వస్తారనగా ఆయన సహాయకుడు ప్రత్యక్షమయ్యారు. అమన్పూర్‌ను హిజాబ్‌ ధరించాల్సిందిగా అధ్యక్షుడు కోరుతున్నట్టు తెలిపారు. తాము న్యూయార్క్‌లో ఉంటున్నామంటూ ఆ మాటను ఆమె తిరస్కరించారు. ససేమిరా అన్న సహాయకుడు అమన్పూర్‌ హిజాబ్‌ ధరిస్తేనే ఇంటర్వ్యూ జరుగుతుందని తేల్చి చెప్పారు. అమన్పూర్‌ ఇంటర్వ్యూ రద్దు చేసుకున్నారు. “ఓ పక్క ఇరాన్‌లో హిజాబ్‌ గురించే జరుగుతున్న తీవ్ర ఆందోళనల్లో ప్రజలు ప్రాణాలు కోల్పోతున్నారు. ఇరాన్‌ అధ్యక్షుడితో మాట్లాడటానికి ఇది చాలా కీలక సమయం” అంటూ ఆమె విచారం వ్యక్తం చేశారు.

Source: EtvBharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హిజాబ్‌ లేదని జర్నలిస్టుకు ఇంటర్వ్యూ ఇవ్వని ఇరాన్‌ అధినేత appeared first on Vishwa Samvad Kendra Andhra Pradesh.

హిజాబ్‌పై ఇరాక్ లో పెల్లుబికిన నిరసన… ముసుగులు వద్దంటున్న మహిళలు

Krishna Murty Gunna — Fri, 23 Sep 2022 06:57:16 +0000

టెహ్రాన్: ఇరాన్‌లో మహిళలు ఇంటి నుంచి బయటకు వచ్చినప్పుడు తలపై తప్పనిసరిగా ముసుగు ధరించాల్సిందే. 1979లో అయతుల్లా ఖొమేని ఇస్లామిక్‌ ప్రతిఘటన ఉద్యమాన్ని ప్రారంభించి, ప్రజాభిప్రాయ సేకరణ ద్వారా ఇరాన్‌పై పట్టు సాధించారు.

అప్పటి నుంచి మహిళలు హిజాబ్‌ ధరించడం తప్పనిసరిగా మారింది. దేశంలో ఇస్లామిక్‌ చట్టాలు అమలులోకి వచ్చాయి. ఇరాన్‌లో 2005లో ఏర్పాటు చేసిన గస్తే ఎర్షాద్‌ అనే నైతిక పోలీసు వ్యవస్థ హిజాబ్‌ చట్టాల అమలును పర్యవేక్షిస్తుంది. తమపై బలవంతంగా రుద్దిన చట్టాల గురించి దేశ సరిహద్దులు దాటినప్పుడు మహిళలు ఆగ్రహం వ్యక్తం చేస్తుంటారు. ఇటీవల పోలీసుల దాష్టీకంవల్ల మాసా అమీని అనే యువతి మరణించడంతో తమపై అమలవుతున్న నిర్బంధాల మీద మహిళల నిరసనలు పెల్లుబికాయి.

రక్షణాత్మక చర్యలు

అమెరికాలో స్థిరపడిన ఇరాన్‌ పాత్రికేయురాలు మసీ అలీనేజాద్‌ ఇరాన్‌ ప్రభుత్వానికి వ్యతిరేకంగా కరపత్రాలను ముద్రించినందుకు 1994లో టెహ్రాన్‌లో అరెస్టయ్యారు. హిజాబ్‌ నియమాలు, ఇరాన్‌ మహిళల సమస్యలపై ఆమె గళం విప్పేవారు. మాసా మరణానంతరం తలెత్తిన నిరసనలు మహిళలపై ఇరాన్‌ ప్రభుత్వం అనుసరిస్తున్న విధానాలు, మానవ హక్కుల ఉల్లంఘనలపై ప్రజల్లో గూడుకట్టుకొన్న ఆగ్రహాన్ని వెల్లడిస్తున్నాయి. అక్కడి కఠినమైన నిబంధనలను ధిక్కరిస్తూ అమ్మాయిలు తలపై ముసుగులను తొలగించి, వాటిని గాలిలో ఊపుతున్న వీడియోలు వైరల్‌ అయ్యాయి. ప్రభుత్వానికి వ్యతిరేకంగా, నిర్భయంగా ఇరాన్‌ స్త్రీలు ప్రదర్శించిన ఆగ్రహం యావత్‌ ప్రపంచాన్ని దిగ్భ్రాంతికి గురిచేసింది.

कार के ऊपर खड़ी महिला ने अपने हिजाब उतारे और हवा में लहराना शुरू कर दिया।

वीडियो ईरान की राजधानी तेहरान की।

ईरान में हिजाब के विरुद्ध मुस्लिम महिलाओं का उग्र प्रदर्शन। pic.twitter.com/w6Gx6TfZNo

— Panchjanya (@epanchjanya) September 23, 2022

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హిజాబ్‌పై ఇరాక్ లో పెల్లుబికిన నిరసన… ముసుగులు వద్దంటున్న మహిళలు appeared first on Vishwa Samvad Kendra Andhra Pradesh.

‘హిజాబ్ ఆందోళనల వెనక భారీ కుట్ర.. పీఎఫ్ఐ కారణం’

Krishna Murty Gunna — Wed, 21 Sep 2022 04:46:40 +0000

బెంగ‌ళూరు: హిజాబ్ ధారణకు అనుకూలంగా కర్ణాటకలో జరిగిన నిరసనల వెనక ఇస్లాం సంస్థ పాపులర్ ఫ్రంట్ ఆఫ్ ఇండియా(పీఎఫ్ఐ) హస్తం ఉందని సుప్రీంకోర్టుకు కర్ణాటక ప్రభుత్వం తెలిపింది. నిరసనలు దానికవే చెలరేగలేదని భారీ కుట్రలో భాగంగానే జరిగాయని ఆరోపించింది. ప్రజల మతపరమైన భావాలను ఆధారంగా చేసుకొని ఆ సంస్థ సోషల్ మీడియాలో ప్రచారాలు నిర్వహించిందని కర్ణాటక ప్రభుత్వం తరఫున వాదనలు వినిపించిన సొలిసిటర్ జనరల్ తుషార్ మెహతా తెలిపారు.

‘పీఎఫ్ఐ సంస్థ సామాజిక మాధ్యమాల్లో క్యాంపెయిన్ ప్రారంభించింది. విద్యార్థులందరినీ హిజాబ్ ధరించాలని కోరింది. ఇదేదీ(నిరసనలు) అప్పటికప్పుడు కొంతమంది విద్యార్థులు ప్రారంభించింది కాదు. ఇవి భారీ కుట్రలో భాగమే. విద్యార్థులు వారికి వచ్చిన సూచనల ఆధారంగానే నడుచుకున్నారు. గతేడాది వరకు కర్ణాటకలోని స్కూళ్ళ‌లో ఏ బాలిక కూడా హిజాబ్ ధరించలేదు. హిజాబ్ ధరించకూడదని చెప్పి ఒక మతానికి వ్యతిరేకిస్తున్నారని అనుకోవడం సరికాదు’ అని తుషార్ మెహతా వివరించారు.

సమానత్వం, సమగ్రతకు భంగం కలిగే దుస్తులు ధరించకూడదని కర్ణాటక ప్రభుత్వం జారీ చేసిన ఉత్తర్వుల్లో ఎలాంటి సమస్య లేదని మెహతా అన్నారు. అది మతపరంగా తటస్థ నిర్ణయమని పేర్కొన్నారు. హిజాబ్ వివాదం చెలరేగిన సమయంలోనే మరో వర్గానికి చెందిన కొందరు కాషాయ కండువా కప్పుకొని వచ్చారని, అది కూడా నిబంధనలకు విరుద్ధమేనని స్పష్టం చేశారు. కాగా, ఈ అంశంపై ఈ రోజు వాదనలు కొనసాగనున్నాయి.

Source: EtvBharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ‘హిజాబ్ ఆందోళనల వెనక భారీ కుట్ర.. పీఎఫ్ఐ కారణం’ appeared first on Vishwa Samvad Kendra Andhra Pradesh.

ఇరాన్‌లో హిజాబ్‌ల కాల్చివేత‌! (వీడియో)

Krishna Murty Gunna — Mon, 19 Sep 2022 12:13:27 +0000

ఇరాన్‌: ఇరాన్‌లో హిజాబ్ వ్య‌తిరేక ఆందోళ‌న‌లు రోజు రోజుకూ ఉద్ధృత‌మ‌వుతున్నాయి. 22 ఏళ్ళ యువ‌తి మ‌హ్సా ఆమిని హిజాబ్ ధ‌రించ‌లేద‌నే కార‌ణంతో పోలీసులు చంపార‌ని
తోటి మ‌హిళ‌లు రోడ్ల‌పైకి వ‌చ్చి ఆందోళ‌న చేస్తున్నారు. కొంద‌రు త‌మ జ‌ట్టును క‌త్తిరించుకుని, హిజాబ్‌ల‌ను కాల్చేస్తూ నిర‌స‌న వ్య‌క్తం చేస్తున్నారు. ఏడేళ్ళ నుంచి జ‌ట్టును క‌ప్పుకునే ఉంటున్నామ‌ని లేదంటే పాఠ‌శాల‌కు వెళ్ళేందుకు, ఉద్యోగాలు తెచ్చుకునేందుకు వీలుండ‌డం లేద‌ని చెబుతున్నారు. లింగ వివ‌క్ష పాల‌న‌తో విసిగిపోయామ‌ని అక్క‌డి మ‌హిళ‌లు నిప్పులు చెరుగుతున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఇరాన్‌లో హిజాబ్‌ల కాల్చివేత‌! (వీడియో) appeared first on Vishwa Samvad Kendra Andhra Pradesh.

హిజాబ్ ధరించలేదని ముస్లిం యువతిని చంపిన పోలీసులు

Krishna Murty Gunna — Sat, 17 Sep 2022 07:44:06 +0000

ఇరాన్‌: కఠిన మత చట్టాలకు పేరుగాంచిన ఇరాన్‌ గడ్డపై మరో దారుణం చోటు చేసుకుంది. ఈ మధ్యే ఉరి శిక్ష పడ్డ ఓ మహిళకు.. ఆమె కూతురితోనే కుర్చీ తన్నించి తల్లికి ఉరి వేయించింది అక్కడి ప్రభుత్వం. తాజాగా హిజాబ్‌ ధరించనందుకు ఓ యువతిని అదుపులోకి తీసుకున్న పోలీసులు.. శవంగా ఆమెను కుటుంబ సభ్యులకు అప్పగించారు. ఈ ఘటన ఇరాన్‌ వ్యాప్తంగా దుమారం రేపుతోంది.

మహ్‌సా అమినీ(22) అనే యువతి గతవారం తన కుటుంబంతో టెహ్రాన్‌ ట్రిప్‌కు వెళ్ళింది. అయితే ఆమె హిజాబ్‌ ధరించకపోవడంతో పోలీసులు ఆమెను అరెస్ట్‌ చేశారు. బహిరంగ ప్రదేశాల్లో పాటించాల్సిన డ్రెస్‌ కోడ్‌ను ఉల్లంఘించిందంటూ అదుపులోకి తీసుకుని స్టేషన్‌కు తరలించారు. అయితే, ఆ తర్వాత ఏం జరిగిందో తెలియదుగానీ.. ఆమెను హఠాత్తుగా ఆస్పత్రిలో చేర్చారు.

అమినీ కోమాలోకి వెళ్ళింద‌ని ప్రకటించిన పోలీసులు.. చివరకు శనివారం ఆమె కన్నుమూసినట్టు ప్రకటించారు. అమినీ మృతిపై పోలీసులు అనుమానాస్పద ప్రకటన చేయకపోవడంతో ఆమె కుటుంబ సభ్యులు అభ్యంతరాలు వ్యక్తం చేస్తున్నారు. మరోవైపు ఈ ఘటనకు వ్యతిరేకంగా వందల మంది ప్రజలు ఆస్పత్రి బయట ఆందోళనకు దిగారు. ఓ ప్రైవేట్‌ఛానెల్‌ మాత్రం కస్టడీలో ఆమెను హింసించారని, తలకు బలమైన గాయం అయ్యిందని, ఒంటిపై గాయాలు ఉన్నాయని పేర్కొంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హిజాబ్ ధరించలేదని ముస్లిం యువతిని చంపిన పోలీసులు appeared first on Vishwa Samvad Kendra Andhra Pradesh.