బెంగ‌ళూరు: హిజాబ్‌ తీర్పు వెల్లడించిన ధర్మాసనంలోని ముగ్గురు న్యాయమూర్తులకు వై కేటగిరీ భద్రత కల్పించినట్టు కర్ణాటక ముఖ్యమంత్రి బసవరాజ్‌ బొమ్మై ప్రకటించారు. కర్ణాటక హైకోర్టు చీఫ్‌ జస్టిస్‌ రీతూ రాజ్‌ అవస్థితో పాటు మరో ఇద్దరు న్యాయమూర్తులు.. హిజాబ్ ముస్లిం మతాచారం కాదంటూ ఈ మధ్యే సంచలన తీర్పు వెల్లడించిన విషయం తెలిసిందే.

ఈ నేపథ్యంలో ప్రధాని మోదీతో పాటు హిజాబ్‌ తీర్పు వెలువరించిన న్యాయమూర్తులను బెదిరించిన ఓ వీడియో వైరల్‌ అయ్యింది. శుక్రవారం తిరుచురాపల్లికి చెందిన తమిళనాడు తాహీద్ జమాతే నేత ఉస్మానీ ఓ ర్యాలీలో పాల్గొని తీవ్ర వ్యాఖ్యలు చేశాడు. ఆ వీడియోపై తంజావూర్‌(తమిళనాడు) పోలీసులు కేసు నమోదు చేయడం.. ఆ వ్యక్తిని అరెస్ట్‌ చేయడం ఒకదాని వెంట ఒకటి జరిగాయి. ఈ పరిణామాలపై తీవ్రంగా స్పందించిన కర్ణాటక ప్రభుత్వం.. హైకోర్టు జడ్జిలకు రాష్ట్ర ప్రభుత్వం ‘వై’ కేటగిరి భద్రతను కల్పించింది. ఈ బెదిరింపు కేసును సీరియస్‌గా తీసుకుని దర్యాప్తులో స్వయంగా పాల్గొనాల్సిందిగా కర్ణాటక​ డీజీపీని సీఎం బొమ్మై స్వయంగా ఆదేశించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post హిజాబ్ తీర్పు వెలువరించిన న్యాయమూర్తులకు ముస్లిం మూకల బెదిరింపులు appeared first on Vishwa Samvad Kendra Andhra Pradesh.

బెంగ‌ళూరుః హిజాబ్ ధారణ ఇస్లాం ప్రకారం ముఖ్యమైన మతాచారాల పరిధిలోకి రాదని కర్ణాటక ప్రభుత్వం శుక్రవారం హైకోర్టుకు తెలిపింది. అదేవిధంగా హిజాబ్‌ను ధరించే హక్కు భారత రాజ్యాంగంలోని అధికరణ 19(1) పరిధిలోకి వస్తుందని కూడా భావించడం లేదని చెప్పింది.

శబరిమల, షాయరా బానో కేసుల్లో సుప్రీంకోర్టు చెప్పినట్టుగా హిజాబ్ ఆచారం రాజ్యాంగపరమైన నైతికత, వ్యక్తిగత గౌరవ, మర్యాదల పరీక్షలో గెలవడం తప్పనిసరి అని తెలిపింది. ఈ వివాదంపై వరుసగా ఆరో రోజు విచారణ సందర్భంగా హైకోర్టు ప్రభుత్వ న్యాయవాదిని ఓ ప్రశ్న అడిగింది.

ప్రశాంతతను దెబ్బతీసే వస్త్రాలను అనుమతించేది లేదని ఈ నెల అయిదోతేదీన‌ ఇచ్చిన ఆదేశాల వెనుక ఉన్న సహేతుకత ఏమిటని అడిగింది. అడ్వకేట్ జనరల్ మాట్లాడుతూ, ఉడుపిలోని ప్రభుత్వ పీయూ కళాశాలలో ఈ వివాదం ప్రారంభమైందని పేర్కొన్నారు.

ఈ కళాశాలలో చాలా కాలం నుంచి యూనిఫాం అమలవుతోందని చెబుతూ 2021 డిసెంబరు వరకు యూనిఫాం ధరించడంలో విద్యార్థినుల నుంచి ఎటువంటి సమస్య ఉత్పన్నం కాలేదని గుర్తు చేశారు. తమకు హిజాబ్ ధరించేందుకు అనుమతి ఇవ్వాలని కొందరు విద్యార్థినులు ఈ కళాశాల ప్రిన్సిపల్‌ను కోరడంతో, ఈ విజ్ఞప్తిని కళాశాల అభివృద్ధి కమిటీ పరిశీలించిందని చెప్పారు.

2022 జనవరి ఒక‌టోతేదీన‌ ఈ కమిటీ సమావేశం జరిగినట్టు తెలిపారు. 1985 నుంచి యూనిఫాం అమలవుతోందని, విద్యార్థినులు యూనిఫాంను ధరిస్తున్నారని, దీనిని మార్చకూడదని ఈ కమిటీ నిర్ణయించిందని చెప్పారు.

హిజాబ్ ధరించేందుకు అనుమతించాలని కోరిన విద్యార్థినుల తల్లిదండ్రులను కూడా ఈ సమావేశానికి పిలిచారని, 1985 నుంచి యూనిఫాం అమలవుతున్న విషయాన్ని వారికి చెప్పారని తెలిపారు. అయితే, విద్యార్థినులు నిరసనలను ప్రారంభించడంతో ఈ సమావేశం వల్ల ఉపయోగం లేకపోయిందని చెప్పారు. ఈ సమస్య సున్నితత్వం గురించి ప్రభుత్వానికి సమాచారం తెలిసిన వెంటనే ఉన్నత స్థాయి కమిటీని ఏర్పాటు చేయాలని ప్రతిపాదించిందని వివరించారు.

హిజాబ్‌ లేదా కాషాయ తలపాగా ధరించిన విద్యార్థులపై నిషేధం విధిస్తూ ఈ నెల అయిదోతేదీన‌ రాష్ట్ర ప్రభుత్వం జారీ చేసిన ఉత్తర్వులు రాజ్యాంగంలోని 25వ అధికరణను ధిక్కరిస్తున్నాయని కొందరు ముస్లిం యువతులు ప్రభుత్వ ఉత్తర్వులను సవాలు చేశారు. అడ్వకేట్‌ జనరల్‌ వారి వాదనను తోసిపుచ్చారు.

25వ అధికరణ భారత పౌరులకు మతాన్ని ప్రచారం చేసుకోవడం, ఆచరించడం, వృత్తి స్వేచ్ఛను కల్పిస్తోంది. తమ ఉత్తర్వులు రాజ్యాంగంలోని19(1)(ఎ) అధికరణను కూడా ఉల్లంఘించడం లేదని నవద్గి స్పష్టం చేశారు. 19(1)(ఎ) అధికరణ పౌరులకు భావ ప్రకటనా స్వేచ్ఛను కల్పిస్తోంది. చట్టానికి అనుగుణంగానే తాము ఉత్తర్వులు జారీ చేశామని, ఇందులో అభ్యంతరం వ్యక్తం చేయాల్సిందేమీ లేదని అడ్వకేట్‌ జనరల్‌ కోర్టుకు తెలిపారు.

మరోవంక, కళాశాలలోకి ప్రవేశించాలంటే, హిజాబ్ తీసేయాలని కోరడంతో కర్ణాటకలోని ఇంగ్లీషు ప్రొఫెసర్ రాజీనామా నిర్ణయం తీసుకుంది. తుమకూరులోని జైన్ పియూ కాలేజ్‌లో చాందినీ మూడేళ్ళుగా ఇంగ్లీష్ లెక్చరర్‌గా పనిచేస్తోంది. హిజాబ్‌ను తీసేయాలని ఆమెను తొలిసారి కోరడంతో ఆమె దిగ్భ్రాంతికి గురైంది.

“నేను గత మూడేళ్ళుగా జైన్ పియూ కాలేజ్‌లో పనిచేస్తున్నాను. ఇంత వరకు నాకు ఎలాంటి సమస్య ఎదురుకాలేదు. అయితే ప్రిన్సిపాల్ నిన్న(గురువారం) బోధించేప్పుడు హిజాబ్ లేక ఎలాంటి ఇతర మతపరమైన చిహ్నాలు ధరించకూడదని అన్నారు. కానీ, నేను గత మూడేళ్ళుగా హిజాబ్ ధరించే బోధిస్తూ వచ్చాను. ఈ కొత్త నిర్ణయం నా ఆత్మ గౌరవాన్ని దెబ్బతీసింది. అందుకనే నేను రాజీనామా చేయాలని నిర్ణయించుకున్నాను” అని చాందినీ విలేఖ‌రులకు చెప్పింది. అయితే, కాలేజ్ ప్రిన్సిపాల్ కెటి మంజునాథ్ మాత్రం తాను గానీ, మేనేజ్‌మెంట్‌కు చెందిన ఇతరులు కానీ ఆమెను హిజాబ్ తీసేయమని చెప్పనేలేదని స్పష్టం చేశారు.

Source:Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post హిజాబ్‌కు ఇస్లాంలో అంత ప్రాధాన్యం లేదు appeared first on Vishwa Samvad Kendra Andhra Pradesh.

నిరసనలు తెలుపుతున్న విద్యార్థులు హైకోర్టు తాత్కాలిక ఆదేశాలను పాటించకుంటే కఠిన చర్యలు తీసుకుంటామని హెచ్చరించారు. హిజాబ్ ధరించడం తమ హక్కు అంటూ కర్ణాటకలోని పలు ప్రాంతాల్లో ఒక వర్గానికి చెందిన విద్యార్థినులు నిరసనలు సాగిస్తుండటంపై జ్ఞానేంద్ర మాట్లాడుతూ, ఇంతకాలం తాము ఓపికతో వ్యవహరించామని చెప్పారు.

ఇంకెంతమాత్రం ఊరుకునేది లేదని ఆయన స్పష్టం చేశారు. విద్యార్థుల సున్నితత్వాన్ని దృష్టిలో ఉంచుకుని వారి మనోభావాలు దెబ్బతినకూడదని తాము ఇంతవరకూ ఓర్పుతో ఉన్నామని పేర్కొన్నారు. బయట వ్యక్తులు రెచ్చగొడుతుండటంతో విద్యార్థులు నిరసనలకు దిగుతున్నారని ఆయన ఆగ్రహం వ్యక్తం చేశారు.

బాధ్యత గల పౌరులుగా ప్రతి ఒక్కరూ కోర్టు ఉత్తర్వులకు కట్టుబడాలని, రాజ్యాంగాన్ని గౌరవించాలని ఆయన కోరారు. వీటిని ఉల్లంఘిస్తే మరో ఆలోచనా లేకుండా కఠిన చర్యలు తీసుకోవాల్సి ఉంటుందని హెచ్చరించారు.

The post `హిజాబ్’ నిరసనలపై కర్ణాటక హోం మంత్రి హెచ్చరిక appeared first on Vishwa Samvad Kendra Andhra Pradesh.