దీనికి సంబంధించిన ఫొటోలు సామాజిక మాధ్యమాల్లో పెద్ద ఎత్తున వైరల్ అవుతున్నాయి. దీంతో హర్ష కుటుంబ సభ్యులు తీవ్ర అసంతృప్తి వ్యక్తం చేశారు. ఈ వ్యవస్థ తమకు ద్రోహం చేసిందని ఆవేద‌న వ్య‌క్తం చేస్తున్నారు. ఈ కేసులో నిందితులు ఈ జైలులో ప్రత్యేక భోగాలు అనుభవిస్తున్నారు. సామాజిక మాధ్యమాల్లో వీరి విలాసాలకు సంబంధించిన ఫొటోలు వైరల్ అవడంతో జైలు అధికారులు సోదాలు నిర్వహించారు. వీరికి మొబైల్ ఫోన్లు ఎలా వచ్చాయో తెలుసుకునేందుకు ప్రయత్నించారు. వీరు ఎవరితో మాట్లాడుతున్నారు? సాక్ష్యాధారాలను నాశనం చేసేందుకు ప్రయత్నిస్తున్నారా? అనే విషయాలపై దర్యాప్తు చేస్తున్నారు. దర్యాప్తును పక్కదోవ పట్టించేందుకు ప్రయత్నిస్తున్నారా? అనే కోణంలో కూడా పరిశీలిస్తున్నారు.

ప్రభుత్వ వ్యవస్థ లోపభూయిష్టంగా ఉందని హర్ష సోదరి రజిని అన్నారు. మానవత్వం కరువైపోయిందని, ప్రాణ నష్టం జరిగిందని, న్యాయం చేయాలనే నిబద్ధత ఎవరికీ లేదని అన్నారు. ఎవరికీ పట్టనట్టు ఉందన్నారు. దర్యాప్తు జరుగుతున్నప్పటికీ నిందితులు తమ భార్యలు, కుటుంబ సభ్యులతో మాట్లాడుతున్నారన్నారు. వారికి అందరి మద్దతు లభిస్తోందన్నారు.

తాము తమ సోదరుడిని కోల్పోయామని, తాము బాధపడుతున్నామని చెప్పారు. జైలు అధికారులను సస్పెండ్ చేసి, తమకు న్యాయం చేయాలని కోరారు. నిందితులను ప్రత్యేకంగా చూస్తూ, వారికి రాజభోగాలను కల్పిస్తే, యువత తప్పుదోవపట్టడానికి ఓ ఉదాహరణ అవుతుందన్నారు. హత్య చేసినప్పటికీ, మూడు నెలల్లో బయటకు వచ్చేయవచ్చునని, అన్ని రకాల విలాసాలను అనుభవించవచ్చుననే సందేశం అందరికీ వెళ్తుందని చెప్పారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post బజరంగ్ దళ్ కార్యకర్త హర్ష హంతకులకు రాజభోగాలు! appeared first on Vishwa Samvad Kendra Andhra Pradesh.

శివ‌మొగ్గ‌: భ‌జరంగ్ దళ్ కార్యకర్త హర్ష హత్య కేసులో కర్ణాటక పోలీసులు ఇప్పటివరకు మొత్తం ఆరుగురిని అరెస్టు చేశారు. ఈ మేర‌కు శివమొగ్గ ఎస్పీ లక్ష్మీ ప్రసాద్ మంగళవారం తెలిపారు. ఈ ఆరుగురిపైన ఇప్ప‌టికే క్రిమినల్ రికార్డులు ఉన్నాయి.

మరో 12 మందిని కూడా అదుపులోకి తీసుకున్నామ‌ని, హర్ష హత్య వెనుక గల కారణాలను తెలుసుకునేందుకు ప్రతి నిందితుడిని విడివిడిగా విచారిస్తామని ఎస్పీ లక్ష్మీప్రసాద్‌ తెలిపారు.

అరెస్టు చేసిన నిందితులను ఖాసిఫ్ (కాసిఫ్), సయ్యద్ నదీమ్, ముజాహిద్, రిహాన్ అలియాస్ ఖాసీ, అఫాన్, ఆసిఫ్‌లుగా గుర్తించినట్టు మీడియా నివేదికలు వెల్ల‌డించాయి. నిందితుడు ఖాసిఫ్‌పై పది క్రిమినల్ కేసులు నమోదయ్యాయి.

ప్రధాన కుట్రదారులు సయ్యద్ నదీమ్, ఖాసిఫ్, మరొకరిని ఫిబ్రవరి 21న బెంగళూరులో పట్టుకున్నారు. మిగిలిన ముగ్గురిని మంగళవారం పట్టుకున్నారు. విలేఖ‌రుల స‌మావేశంలో ఎస్పీ లక్ష్మీ ప్రసాద్ మాట్లాడుతూ, ఆదివారం రాత్రి క్యాంటీన్‌లో టీ తాగుతున్న హర్షను కారులో వచ్చిన నిందితులు వెంబడించి, హత్య చేశారని ప్రత్యక్ష సాక్షులు చెప్పార‌న్నారు.

Source: Opindia

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post హర్ష హత్య కేసులో ఖాసిఫ్, సయ్యద్ నదీమ్, రిహాన్ సహా ఆరుగురి అరెస్ట్! appeared first on Vishwa Samvad Kendra Andhra Pradesh.

బెంగ‌ళూరు: శివమొగ్గలో భజరంగ్ దళ్ కార్యకర్త హర్షను ముస్లిం గూండాలే హత్య చేశారని కర్ణాటక గ్రామీణాభివృద్ధి శాఖ రాష్ట్ర మంత్రి కేఎస్ ఈశ్వరప్ప ఆరోపించారు. భజరంగ్ దళ్ కార్యకర్త హర్షను క‌త్తుల‌తో పొడిచి చంపారని చెప్పారు. హిజాబ్ నిరసనల వ్యాఖ్యలే హత్యకు ప్రేరేపించాయ‌ని మంత్రి ఆరోపించారు. డీకే శివకుమార్ ముస్లిం గూండాలను రెచ్చగొట్టారని ఆరోపించారు.

భజరంగ్ దళ్ కార్యకర్త హత్య అనంతరం పోలీసు భద్రతను పెంచారు. కళాశాలలు, పాఠశాలలను మూసివేశారు. ఎలాంటి సమావేశాలు నిర్వహించరాదని ఆదేశాలు జారీ చేశారు. హత్య వెనుక ఉన్నవారిని ఇంకా గుర్తించలేదని, కర్ణాటక హోంమంత్రి అరగ జ్ఞానేంద్ర అన్నారు. కేసులో ఆధారాలు కనుగొన్నామని, త్వరలో నిందితులను అరెస్టు చేస్తామని పోలీసులు చెప్పారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భజరంగ్ దళ్ కార్యకర్తను హత్య చేసింది ముస్లిం గుండాలే… appeared first on Vishwa Samvad Kendra Andhra Pradesh.

శివ‌మొగ్గ: కర్ణాటక రాష్ట్రంలోని శివమొగ్గ జిల్లాలో ఆదివారం రాత్రి 26 ఏళ్ల భజరంగ్ దళ్ కార్యకర్త హత్యకు గురవ్వడంతో దేశ వ్యాప్తంగా ఆగ్రహ జ్వాలలు రగులుతూ ఉన్నాయి. శివమొగ్గలాలో హై అలర్ట్ ప్రకటించారు.

సీగేహట్టి ప్రాంతానికి చెందిన హర్ష పై ఆదివారం రాత్రి 9.30 గంటలకు దాడి జరిగింది. రక్తపు మడుగులో హర్ష ఉన్న వీడియో సామాజిక మాధ్యమాల్లో వైరల్ అవుతూ ఉంది. సోమవారం ఉదయం భజరంగ్ దళ్ కార్యకర్త కుటుంబాన్ని పరామర్శించిన కర్ణాటక హోంమంత్రి అరగ జ్ఞానేంద్ర, ఈ ఘటన దురదృష్టకరమని, పోలీసులు కేసు దర్యాప్తు చేస్తున్నారని తెలిపారు.

హర్ష హత్య కేసులో ముగ్గురిని పోలీసులు అరెస్ట్ చేసినట్టు కర్ణాటక హోంమంత్రి ఆరగ జ్ఞానేంద్ర తెలిపారు. మీడియాతో ఆరగ జ్ఞానేంద్ర మాట్లాడుతూ.. ఈ కేసులో ఐదుగురు నిందితులు ఉన్నట్టు భావిస్తున్నామని.. అయితే, వీరి వెనుక ఎవరున్నారనేది ఇంకా తెలియరాలేదని అన్నారు.

శివమొగ్గ ప్రాంతంలో 1,200 మంది అదనపు పోలీసులను మోహరించారు. బెంగళూరు నుంచి 200 మందికి పైగా పోలీసులను పంపినట్టు ఆయన తెలిపారు. ఏడీజీపీ మురుగన్ కూడా సమస్యను చూస్తున్నారని, శాంతిభద్రతలు సాధారణ స్థితికి చేరుకున్నాయని ఆరగ జ్ఞానేంద్ర తెలిపారు.

పబ్లిక్ టీవీలో వచ్చిన కథనం ప్రకారం, నిందితులలో ఒకరిని ఖాసిఫ్‌గా గుర్తించారు. అతనితో పాటు మరో ఇద్దరిని పోలీసులు సోమవారం (ఫిబ్రవరి 21) పట్టుకున్నారు. అరెస్టయిన వ్యక్తి నుంచి లభించిన సమాచారంతో మరో ఇద్దరు నిందితుల కోసం గాలిస్తున్నట్టు పోలీసులు తెలిపారు.

ఆదివారం రాత్రి క్యాంటీన్‌లో టీ తాగుతున్న హర్షపై మరో నలుగురితో కలిసి కారులో వచ్చి దాడి చేసినట్టు దొడ్డపేట పోలీస్‌స్టేషన్‌లో ఖాసీఫ్‌ను విచారించగా అంగీకరించాడు. పదునైన ఆయుధాలతో అతడిపై దాడి చేసిన అనంతరం నిందితులు ఘటనా స్థలం నుంచి పరారయ్యారు. తదుపరి విచారణ నిమిత్తం మరో ఇద్దరు నిందితులను శివమొగ్గ నుంచి బయటకు తీసుకెళ్ళారు.

Source: NationalistHub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భజరంగ్ దళ్ కార్యకర్త హత్య కేసులో ముగ్గురి అరెస్టు appeared first on Vishwa Samvad Kendra Andhra Pradesh.