రాష్ట్ర విద్యాశాఖ మంత్రి బ్రత్య బసు ప్రవేశపెట్టిన ఈ బిల్లు ప్రకారం ప్రస్తుతం ఛాన్సలర్‌గా ఉన్న గవర్నర్ (జగ్‌దీప్ ధనకర్} స్థానంలో ముఖ్యమంత్రి (మమతా బెనర్జీ) కానున్నారు. కాగా, ఈ బిల్లు ద్వారా ముఖ్యమంత్రిని ఛాన్సలర్‌గా నియమిస్తే ‘రాజకీయ జోక్యం’ కాగలదని బీజేపీ వ్యతిరేకించింది. రాష్ట్ర ప్రభుత్వం అన్నింటిని నియంత్రించాలనుకుంటోంది అని బీజేపీ ఎంఎల్‌ఏ అగ్నిమిత్ర పౌల్ మండిప‌డ్డారు.

కాగా, ఈ బిల్లు ఆమోదంను ప్రస్తావిస్తూ ”దీదీ (మమతాబెనర్జీ) రిటైర్ కావాలే కానీ, చాన్స్‌లర్ కాలేరు. ఇది నా మాటగా రాసి పెట్టుకోండి” అంటూ ప్రతిపక్ష బీజేపీ నేత సువేందు అధికారి ఎద్దేవా చేశారు. ”సొంత రాజకీయాల కోసం ఈ పని చేశారు. ముఖ్యమంత్రిని చాన్స్‌లర్ చేయాలనుకుంటున్నారు. అది జరిగే పని కాదు. ఆ ప్రయత్నాన్ని మేము వ్యతిరేకిస్తూనే ఉంటాం. ఒక్క అంగుళం కూడా వెనక్కి తగ్గేది లేదు” అని ఆయన స్పష్టం చేశారు.

“గవర్నర్ ఆమోదానికి బిల్లు పంపుతారు. దానిని ఆయన ఢిల్లీకి పంపుతారు. అది అక్కడే మాతో ఉండిపోతుంది. దీదీ రిటైర్ కావాలేమో కానీ, ఎప్పటికీ ఆమె చాన్స్‌లర్ కాలేరు. నా పేరు, నేను చెప్పిన మాట రాసి ఉంచుకోండి” అని సువేందు సవాలు చేశారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post యూనివర్శిటీల ఛాన్సలర్‌గా మమతా… బీజేపీ సవాల్ appeared first on Vishwa Samvad Kendra Andhra Pradesh.