Ganesha – Vishwa Samvad Kendra Andhra Pradesh

పోలీస్ స్టేషన్ లో వినాయకుడు

Syam Korsipati — Sun, 04 Sep 2022 05:21:57 +0000

దేశవ్యాప్తంగా వినాయక నవరాత్రుల వేడుకలు ఘనంగా జరుగుతున్నాయి. గణనాథుడికి పూజలు చేస్తూ భక్తులు తరిస్తున్నారు. తొమ్మిది రోజులు పూజలు చేసిన తర్వాత నిమజ్జనం చేస్తారు. కానీ బిహార్ నలందలోని ఓ వినాయకుడు మాత్రం ఏడాదిలో 355 రోజులు పోలీసుస్టేషన్‌లో పోలీసుల సంరక్షణలోనే ఉంటాడు. 10 రోజులు మాత్రమే భక్తులకు కనిపిస్తాడు. ఈ 10 రోజులు భక్తులు ఘనంగా వినాయక చవితి వేడుకలు నిర్వహిస్తారు.

అయితే, ఈ విగ్రహానికి ఘనమైన చరిత్ర ఉంది. ఈ వినాయక ప్రతిమ 150 ఏళ్ల పురాతనమైనదని ఆ ఆలయ పూజారి గోవింద్ రామ్ తెలిపారు. అందుకే ప్రత్యేక జాగ్రత్తలు తీసుకుంటున్నట్లు వెల్లడించారు. పాలరాయితో తయారు చేసిన ఈ విఘ్నేశ్వరుడి విగ్రహాన్ని.. దొంగల నుంచి కాపాడేందుకే ఇలా చేస్తున్నట్లు పేర్కొన్నారు. పోలీసుస్టేషన్ ఆవరణలో ఉన్న మందిరంలో వినాయకుడిని ఉంచుతున్నట్లు తెలిపారు.

‘పాలరాయితో ఈ విగ్రహం రూపుదిద్దుకుంది.గతంలో పూజల కోసం బయటకు తీసుకొచ్చినప్పుడు దొంగిలించేందుకు దొంగలు పలుమార్లు ప్రయత్నించారు. ఓసారి ఎత్తుకెళ్లిపోయారు కూడా. కానీ స్థానికులు వారిని పట్టుకుని విగ్రహాన్ని స్వాధీనం చేసుకున్నారు. అందుకే దాని భద్రత కోసం సిలావ్ పోలీసుస్టేషన్ఆవరణలోని దేవాలయంలో ఉంచుతాం. వినాయక చవితి సమయంలో 10 రోజులు బయటకు తెచ్చి ఘనంగా వేడుకలు నిర్వహిస్తాం. తర్వాత మళ్లీ అక్కడే భద్రపరుస్తాం’ అని పూజారి వెల్లడించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post పోలీస్ స్టేషన్ లో వినాయకుడు appeared first on Vishwa Samvad Kendra Andhra Pradesh.

సేవా భారతి ఆధ్వర్యంలో వినాయకుడి మట్టి విగ్రహాల పంపిణీ

Krishna Murty Gunna — Thu, 09 Sep 2021 13:16:43 +0000

విజయవాడ: హిందువుల పండగ వినాయక చవితిని పుస్కరించుకుని రాష్ట్రీయ స్వయంసేవక్‌ సంఘ్‌(ఆర్‌ఎస్‌ఎస్‌) అనుబంధ సంస్థ సేవాభారతి ప్రతినిధులు పట్టణంలోని శాతవాహన కళాశాల దగ్గర గురువారం వినాయకుడి మట్టి విగ్రహాలను భక్తులకు ఉచితంగా పంపిణీ చేశారు. ప్రకృతి కూడా భగవంతుడితో సమానమని, ఈ దృష్ట్యా పర్యావరణానికి పూజలు మేలు చేయాలి కాని హాని కలుగకూడదని ప్రతినిధులు భక్తులకు చెబుతూ విగ్రహాలను అందజేశారు. మొత్తం 300 మట్టి విగ్రహాలతో వినాయక వత్రకల్పం పుస్తకాలను పంపిణీ చేశారు. ఈ కార్యక్రమంలో పలువురు స్థానిక కార్యకర్తలు ఉత్సాహంగా పాల్గొన్నారు.

అలాగే కృష్ణలంకలో పర్యావరణ పరిరక్షణలో భాగంగా ఆబాలగోపాలం అంతా తమ చేతుల మీదుగా మట్టి విగ్రహాలను తయారు చేసి, స్థానికులకు పంపిణీ చేశారు. గాంధీనగర్‌లో రాష్ట్రీయ స్వయంసేవక్‌ సంఘ్‌ పర్యావరణ విభాగం ఆధ్వర్యంలో 300 మట్టి విగ్రహాల పంపిణీ కార్యక్రమం జరిగింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post సేవా భారతి ఆధ్వర్యంలో వినాయకుడి మట్టి విగ్రహాల పంపిణీ appeared first on Vishwa Samvad Kendra Andhra Pradesh.

రాష్ట్ర సర్కారు తీరుపై 9న వీహెచ్‌పీ ఘంటానాదం

Krishna Murty Gunna — Wed, 08 Sep 2021 09:11:04 +0000

విజయవాడ: ఆంధ్రప్రదేశ్‌ ప్రభుత్వ హిందూ వ్యతిరేక విధానాలకు, హిందువుల పట్ల చూపుతున్న వివక్షతకు, నిర్లక్ష్యానికి నిరసన తెలిపేందుకు, హిందువుల ఐక్యతను, సంఫీుభావాన్ని ప్రకటించేందుకు, ఆటంకాలు కలిగిస్తున్న ప్రభుత్వానికి వినాయకుడు సద్భుద్ధిని ప్రసాదించేందుకు, సంప్రదాయబద్ధంగా వినాయకచవితి జరుపుకునే హక్కును ప్రకటించే నిమిత్తం యావత్‌ హిందూ సమాజం ఘంటానాదం చేయాలని ఏపీ విశ్వహిందూ పరిషత్‌ పిలుపునిచ్చింది. ఈ మేరకు మంగళవారం ఒక కరపత్రం విడుదల చేసింది.
ఈ నెల తొమ్మిదోతేదీ ఉదయం తొమ్మిది గంటల నుంచి తొమ్మిది నిముషాల పాటు ఇళ్ళనుంచి బయటకు వచ్చి, ఇండ్ల ముందు, దేవాలయముల్లో, కూడళ్లలో, గణేశ మండప ప్రదేశాలలో ఘంటానాదం చేయాలని కోరింది. ఈ మహత్తర కార్యక్రమంలో మీరు, మీ కుటుంబం సపరివార సమేతంగా, మీ ప్రభావం వుండే వ్యక్తులను, సంస్థలను, వ్యవస్థలను భాగస్వాములు చేయాలని వీహెచ్‌పీ ప్రాంత కార్యదర్శి విజ్ఞప్తి చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post రాష్ట్ర సర్కారు తీరుపై 9న వీహెచ్‌పీ ఘంటానాదం appeared first on Vishwa Samvad Kendra Andhra Pradesh.

ప్ర‌కృతిపై భ‌క్తిని చాటుకున్న విద్యార్థులు

Krishna Murty Gunna — Tue, 07 Sep 2021 13:29:40 +0000

విశాఖ‌ప‌ట్నం: వినాయ‌క చ‌వితి పండ‌గ వ‌ల్ల ప‌ర్యావ‌ర‌ణానికి విఘాతం క‌ల‌గ‌కుండా ఉండేందుకు విద్యార్థులు ముందుకొచ్చారు. విశాఖ‌ప‌ట్నం న‌గ‌రంలోని విశాలాక్షిన‌గ‌ర్ భార‌తీయ విజ్ఞాన కేంద్రం విద్యార్థులు ఆ పాఠశాల ప్రాంగణంలో వినాయ‌క మ‌ట్టి విగ్ర‌హాలు మంగ‌ళ‌వారం ఆనందోత్స‌వాల న‌డుమ త‌యారు చేశారు. వీటిని ఉచితం పంపిణీ చేస్తామ‌ని తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ప్ర‌కృతిపై భ‌క్తిని చాటుకున్న విద్యార్థులు appeared first on Vishwa Samvad Kendra Andhra Pradesh.