న్యూఢిల్లీ: ఫేస్‌బుక్‌పై ఆ సంస్థ మాజీ డాటా సైంటిస్టు ఫ్రాన్సెస్‌ హాగెన్‌ సంచలన ఆరోపణలు చేశారు. ఎఫ్‌బీ, ఇన్‌స్టాగ్రామ్‌ల వినియోగం వల్ల పిల్లల మానసిక ఆరోగ్యం దెబ్బతినే ముప్పు ఉంటుందని హెచ్చరించారు. యువత ఆహారపు అలవాట్లు, ఆలోచనా విధానాన్ని ప్రతికూలంగా ప్రభావితం చేసేందుకు ఈ యాప్‌లు కారణమవుతున్నాయని ఆమె అన్నారు. ఎఫ్‌బీ వల్ల సామాజిక విభేదాలు తలెత్తుతున్నాయని, ఫలితంగా ప్రజాస్వామ్య వ్యవస్థలు బలహీనపడే పరిస్థితి ఉందని హాగెన్‌ ఆవేదన వ్యక్తంచేశారు.

ఇందుకు సంబంధించిన పలు ఆధారాలను అమెరికా కాంగ్రెస్‌, సెక్యూరిటీస్‌ అండ్‌ ఎక్స్ఛేంజ్‌ కమిషన్‌, ద వాల్‌ స్ట్రీట్‌ జర్నల్‌లకు ఆమె అందించారంటూ పలు మీడియా సంస్థలు కథనాలు ప్రచురించాయి. ‘వినియోగదారుల భద్రత కంటే లాభాలే ఫేస్‌బుక్‌కు ఎక్కువ.. ఆ కంపెనీ అల్గారిథమ్‌ లాభాలు పండిరచేలా ఉన్నాయే తప్ప వినియోగదారుల భద్రతకు భరోసా ఇచ్చేలా లేవు. దాన్ని వెంటనే కట్టడి చేయాలి’ అని అమెరికా కాంగ్రెసకు చెందిన ఎగువ సభ అయిన సెనెట్‌ ఏర్పాటుచేసిన ఓ కమిటీకి హాగెన్‌ నివేదించారు. ఆమె ఆరోపణలపై ఫేస్‌బుక్‌ సీఈవో మార్క్‌ జుకర్‌బర్గ్‌ స్పందించారు. తన ఎఫ్‌బీ అకౌంట్‌  వేదికగా సంస్థ ఉద్యోగులను ఉద్దేశించి ఒక ప్రకటన విడుదల చేశారు. ఆ ఆరోపణల్లో హేతుబద్ధత లేదని స్పష్టం చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఫేస్‌బుక్‌తో ప్రజాస్వామ్య వ్యవస్థ బలహీనం appeared first on Vishwa Samvad Kendra Andhra Pradesh.