ఈ సీరియల్‌ను ఈ నెల 20వ తేదీ నుంచి ‘డీడీ యాదగిరి’ చానెల్‌లో తెలుగులో ప్రసారం చేయనున్నట్టు దూరదర్శన్​ హైదరాబాద్ ​కేంద్రం డిప్యూటీ డైరెక్టర్ జనరల్ ఎన్వీ రమణ, డిప్యూటీ డైరెక్టర్ సురేఖ వెల్లడించారు. ప్రతి శనివారం రాత్రి ఎనిమిది గంటలకు ఈ సీరియల్ ప్రసారమవుతుందని తెలిపారు.

అలాగే ఆదివారం రాత్రి 9.30 గంటలకు, బుధ, శుక్రవారాల్లో ఉదయం 11 గంటలకు మ‌ళ్ళీ ప్రసారం అవుతుందని చెప్పారు. 75 ఎపిసోడ్ల ఈ సీరియల్​ను ప్రజలు తప్పనిసరిగా చూడాలని సూచించారు. ప్రధాని నరేంద్ర మోడీ సీరియల్​ మొదటి ఎపిసోడ్​ను ఇటీవలే కేంద్ర మంత్రులతో కలిసి న్యూఢిల్లీలో చూశారని తెలిపారు.

ప్రముఖ సినీ నటుడు మనోజ్‌ జోషి ఈ సీరియల్‌కు వ్యాఖ్యాతగా వ్యవహరించి, ఒక పాత్రను పోషించారు. స్వరాజ్‌ ధారావాహిక సీరియల్‌ ఆడియో వెర్షన్‌ ఆలిండియా రేడియో నెట్‌వర్క్‌లో ప్రతి శనివారం ఉదయం 11 నుంచి ప్రసారమవుతుంది.

ఈ సీరియల్ తెలుగుతో పాటు తమిళం, కన్నడ, మలయాళం, మరాఠీ, గుజరాతీ, బెంగాలీ, ఒడియా, అస్సామీ, ఇంగ్లీషులలో ఎనిమిది ప్రాంతీయ భాషలలో కూడా డబ్ చేశారు. ‘స్వరాజ్- భారత్ కే స్వతంత్రత సంగ్రామ్ కి సమగ్ర గాథ’, వాస్కో-డగామా భారతదేశంలో అడుగుపెట్టిన 15వ శతాబ్దం నుండి భారతదేశ స్వాతంత్య్ర‌ పోరాటపు అద్భుతమైన చరిత్రను వివరించే 75-ఎపిసోడ్ మెగా షో.

ఈ సీరియల్ స్వాతంత్య్ర‌ పోరాటంలో అంతగా తెలియని వీరుల జీవితాలు, త్యాగాలతో పాటు భారతీయ చరిత్రలోని అనేక అంశాలను ప్రదర్శిస్తుంది. డాక్యుమెంట్-డ్రమా ఫార్మాట్‌లో ప్రదర్శించబడుతున్న ఈ సీరియల్‌ను ప్రముఖ చరిత్రకారుల బృందం బాగా పరిశోధించింది. ప్రముఖ సినీ నటుడు మనోజ్ జోషి ఈ సీరియల్ వ్యాఖ్యాతగా (సూత్రధార్) ఒక అద్భుతమైన పాత్రను పోషిస్తున్నారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ​20వ తేదీ నుంచి తెలుగులో స్వరాజ్ సీరియల్ appeared first on Vishwa Samvad Kendra Andhra Pradesh.

అలా భారత జాతి మొత్తం ఛాతి విరుచుకునే నిర్ణయాలనెన్నింటినో మోడీ ప్రభుత్వం తీసుకున్నది. అలాంటిదే మరొకటి. ఒకప్పుడు సంఘ, దేశ విద్రోహ శక్తులకు ఆలవాలంగా నిలచిన అందాల కాశ్మీరంలో దూరదర్శన్ చానల్ ద్వారా “వార్తావళి” పేరుతో సంస్కృత వార్తలు ప్రసారం చేయడం నిజంగా ఒక మహాద్భుత ఘట్టం. ఇదేం పెద్ద విషయం? అని కొందరు రొటీన్ గా పెదవి విరవవచ్చు. కానీ తీవ్రవాదుల కర్కశ పదఘట్టనలలో దశాబ్దాలపాటు నలిగిన కాశ్మీర్ లాంటి చోట ఇలాంటి ఒక సాహసోపేత ముందడుగు దేశంలో ఎవరూ ఊహించని మహత్తర పరిణామం. ఇప్పటి ఈ సంస్కృత వార్తలు విభజనవాదుల గుండెల్లో మ్రోగే భేరీ నాదాలనే చెప్పవచ్చు.

రాజకీయాలకతీతంగా యావద్దేశమూ మోడీ ప్రభుత్వం యొక్క ఇలాంటి నిర్ణయాలను హర్షాతిరేకాల మధ్య స్వాగతించాల్సిన అవసరం ఉంది. కానీ మోడీ ప్రభుత్వాన్ని బద్నాం చేయడానికి మందులేని రోగం కరోనా సృష్టించిన సంక్షోభాన్ని కూడా వదలని మన దేశంలోని సంకుచిత రాజకీయ నాయకులు జాతి ఏకతను, ఏకాత్మతను, సార్వభౌమత్వాన్ని ప్రతిఫలింపజేసే ఇలాంటి నిర్ణయాలను స్వాగతిస్తారనుకోవడం అత్యాశే అవుతుందేమో?

కానీ ఎవరు హర్షించినా హర్షించకపోయినా…. ఎవరు స్వాగతించినా స్వాగతించకపోయినా….. ఇది మాత్రం మోడీ ప్రభుత్వంలో…… అవును మోడీ భారతంలో మాత్రమే సాధ్యమైన, ఆవిష్కృతమైన ఒక మహాద్భుతం.

– శ్యాంప్రసాద్ రెడ్డి కోర్శిపాటి.

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post జాతి మొత్తం ఛాతి విరుచుకునే మరో ఘట్టం appeared first on Vishwa Samvad Kendra Andhra Pradesh.