పొన్ముడి చేసిన వ్యాఖ్యలపై తమిళనాట తీవ్ర విమర్శలు వ్యక్తమవుతున్నాయి. సినీ తారల దగ్గర్నుంచి అధికార పార్టీ సభ్యులు కూడా ఆయన వైఖరిపై మండిపడుతున్నారు. DMK ఎంపీ K కనిమొళి కూడా పొన్ముడి వ్యాఖ్యల్ని తీవ్రంగా ఖండించారు. “ పొన్ముడి ఇటీవలి ప్రసంగం ఆమోదయోగ్యం కాదు. దానికి కారణం ఏదైనా, ఇటువంటి అసభ్యకరమైన వ్యాఖ్యలు ఖండించదగినవి,” అని కనిమొళి X(సామాజిక మాధ్యమం)లో పేర్కొంది. కాగా, ఒక బహిరంగ కార్యక్రమానికి హాజరైన మంత్రి పొన్ముడి హిందూ మహిళలు నుదుట ధరించే తిలకాలను ప్రైవేట్‌ పార్ట్స్‌తో పోల్చాడు. దీంతో తమిళనాట అందరూ పార్టీలకతీతంగా విరుచుకుపడుతున్నారు. ఈ ఘటన హిందూ విశ్వాసాలపై దాడిగా బీజేపీ అభివర్ణించింది.

డిఎంకె ప్రభుత్వంలోని అత్యంత సీనియర్ మంత్రులలో పొన్ముడి ఒకరు. మనీలాండరింగ్ నిరోధక చట్టం కింద 2023లో పొన్ముడిని, ఆయన కుమారుడు, కళ్లకురిచ్చి పార్లమెంటు సభ్యుడు గౌతమ్ సిగమ్నైని ఇంకా వారి కుటుంబ సభ్యులను ఎన్‌ఫోర్స్‌మెంట్ డైరెక్టరేట్ (ఇడి) ప్రశ్నించింది. ఈ కేసులో ED ₹14 కోట్లకు పైగా విలువైన ఆస్తులను జప్తు చేసింది.మార్చి 2024లో, సుప్రీంకోర్టు పొన్ముడిని దోషిగా నిర్ధారించి, నాలుగు సంవత్సరాల జైలు శిక్ష విధించి, స్టాలిన్ మంత్రివర్గంలోకి తిరిగి చేర్చుకోవడానికి అనుమతించింది. మద్రాస్ హైకోర్టు 2023లో ఆయనను దోషిగా నిర్ధారించింది, దీని ఫలితంగా ఆయన వెంటనే శాసనసభ్యుడిగా అనర్హత వేటు పడడంతో అప్పట్లో మంత్రి పదవి నుంచి వైదొలగాల్సి వచ్చింది. ఇప్పుడు మళ్లీ ఇలాంటి మాటలతో మంత్రి పదవి పోగొట్టుకున్నారు పొన్ముడి.

The post హిందూ మహిళలపై మంత్రి వెకిలి వ్యాఖ్యలు.. మంత్రి పదవి నుంచి తొలగింపు appeared first on Vishwa Samvad Kendra Andhra Pradesh.

కొన్ని నెలల కింద‌ట‌ తంజావూరులోని తిరుకట్టుపలిలోని సేక్రేడ్ హార్ట్ హయ్యర్ సెకండరీ స్కూల్‌లో 12వ తరగతి చదువుతున్న బాలిక క్రైస్తవ మతంలోకి మారడానికి నిరాకరించినందుకు పాఠశాల అధికారులు ఆమెను చిత్రహింసలకు గురిచేయడంతో ఆ బాలిక త‌న జీవితాన్ని ముగించుకున్న విష‌యం విదిత‌మే.

“కుట్టు టీచర్ మమ్మల్ని బైబిల్ చదవమని అడుగుతారు. మేం హిందువులమని, భగవద్గీత మాత్రమే చదువుతామని ఆమెకు చెప్పాం. భగవద్గీత చెడ్డదని, చదవకూడదని చెప్పింది. బైబిల్‌లో మంచి తత్వశాస్త్రం ఉన్నందున దానిని చదవమని, దాని నుండి మాకు కథలు చెబుతుంది… ”అని విద్యార్థి వీడియోలో చెప్పారు. హిందువుల దేవుళ్లను డెవిల్స్‌గా పేర్కొంటూ టీచర్ క్రిస్టియన్, ‘సాతాను’ గురించి కథలు చెప్పార‌ని విద్యార్థి వీడియోలో చెప్పాడు.

ఆ టీచ‌ర్ హిందూ విద్యార్థులందరితో అలా చేస్తారని విద్యార్థి చెప్పాడు. ఉపాధ్యాయుడు విద్యార్థులను క్రిస్టియన్ క్రాస్‌ను కుట్టేలా చేసి, వారిని మోకాళ్లపై కూర్చోబెట్టి క్రైస్తవ ప్రార్థనలు చదివేలా చేయిస్తున్నారని కూడా ఆమె అన్నారు. జిల్లా విద్యాశాఖ అధికారి (డీఈవో) పుగజేంధి ప్రాథమిక విచారణ జరిపి, తరగతి గదిలో క్రైస్తవ మతాన్ని ప్రచారం చేసి మత మార్పిడికి ప్రయత్నించారని ఆరోపణలు ఎదుర్కొంటున్న ఆ టీచ‌ర్‌ను సస్పెండ్ చేశారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post స్కూల్‌లో బైబిల్ చ‌ద‌వ‌మ‌ని బ‌ల‌వంతం… టీచ‌ర్ స‌స్పెన్ష‌న్‌! appeared first on Vishwa Samvad Kendra Andhra Pradesh.