ఢిల్లీ ప్రొఫెసర్ రతన్ లాల్ తన అభిప్రాయాన్ని సమర్థిస్తూ, ఒక చరిత్రకారుడిగా తాను అనేక పరిశీలనలు చేశానని పేర్కొన్నారు. ప్రొఫెసర్ లాల్ పై ఐపీసీ 153 ఏ, 295 ఎల కింద కేసు నమోదు చేశామని పోలీసులు చెప్పారు. ఢిల్లీకి చెందిన ఓ న్యాయవాది దాఖలు చేసిన ఫిర్యాదు మేరకు లాల్‌పై పోలీసులు కేసు నమోదు చేశారు. లాల్ ఇటీవల శివలింగంపై అవమానకరమైన, రెచ్చగొట్టేలా పోస్టు చేశారని తన ఫిర్యాదులో న్యాయవాది వినీత్ జిందాల్ తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post శివలింగాన్ని అవమానించిన ఢిల్లీ ప్రొఫెసర్‌ అరెస్టు appeared first on Vishwa Samvad Kendra Andhra Pradesh.

న్యూఢిల్లీ: ప్రపంచంలో మరో దేశానికి చెందిన అంగుళం భూమిని కూడా ఆక్రమించని ఒకే ఒక్క దేశం ఇండియా అని కేంద్ర రక్షణ శాఖా మంత్రి రాజ్‌నాథ్ సింగ్ అన్నారు. న్యూఢిల్లీలో శనివారం జరిగిన ఢిల్లీ యూనివర్సిటీ 98వ స్నాతకోత్సవంలో ఆయన పాల్గొన్నారు. ఈ సందర్భంగా రాజ్‌నాథ్ మాట్లాడుతూ ఏ దేశంపైనా దురాక్రమణ చేయని దేశం ఇండియా అన్నారు.

‘‘భారత దేశానికి ఉన్న శక్తి ప్రపంచ సంక్షేమం కోసమే. ఏ దేశాన్నో భయపెట్టడం కోసం కాదు. మా లక్ష్యం దేశాన్ని విశ్వ గురువుగా నిలపడమే. దేశాన్ని శక్తివంతంగా, ఆర్థికంగా, ఉన్నత విలువలతో తీర్చిదిద్దాలనుకుంటున్నాం. 75వ స్వాతంత్ర దినోత్సవం జరుపుకోబోతున్న సందర్భంగా దేశ సమగ్రత, సమానత్వం, స్వేచ్ఛ గురించి తలచుకోవాలి. మన దేశానికి చెందిన ఎందరో గురువులు ప్రపంచానికి జ్ఞానాన్ని అందించారు. జీసస్ పుట్టుకకు ముందే మన దేశంలో సర్జరీలు జరిగాయి’ అని రాజ్‌నాథ్ చెప్పుకొచ్చారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ప్రపంచంలో అంగుళం భూమి కూడా ఆక్రమించని దేశం భారతదేశం appeared first on Vishwa Samvad Kendra Andhra Pradesh.

ఢిల్లీ యూనివర్సిటీ అధ్యాపకుడు జి ఎన్ సాయిబాబాకు మావోయిస్టులతో అతి దగ్గరి సంబంధ బాంధవ్యాలు ఉన్నాయని తేలడంతో మహారాష్ట్రలోని గడ్చిరోలి సెషన్స్ కోర్టు 2017 మార్చిలో ఆయనకు యావజ్జీవిత శిక్షను ఖరారు చేసింది. దాంతో ఢిల్లీ యూనివర్సిటీ ఆయనను గత వారం విధుల నుంచి తొలగించింది.

అయితే ఆయనను తిరిగి విధుల్లోకి తీసుకోవాల్సిందిగా కోరుతూ ఢిల్లీ యూనివర్సిటీ టీచర్స్ అసోసియేషన్ ( DUTA) యూనివర్సిటీ వైస్ ఛాన్సలర్ కు లేఖ వ్రాసింది. ఈ విషయం తెలిసిన మేధావులు మరియు విద్యావేత్తల బృందం (Group of intellectuals and academicians (GIA)), DUTA చర్యను తీవ్రంగా ఖండించింది.

తీవ్రమైన కేసులో శిక్ష పడిన ఒక నేరస్తుణ్ణి తిరిగి విధుల్లోకి తీసుకోమని కోరుతూ DUTA వైస్ ఛాన్సలర్ కు ఎలా లేఖ వ్రాస్తుందని వారు ప్రశ్నిస్తున్నారు. జి ఎన్ సాయిబాబా సాదాసీదా మావోయిస్టు కాదని తీవ్రమైన నేరాలతో ప్రత్యక్ష సంబంధం ఉన్న నేరస్తుడనే విషయాన్ని వారు ఈ సందర్భంగా గుర్తు చేస్తున్నారు. ఒక శిక్ష పడిన దోషిని సమర్థిస్తూ లేఖ వ్రాయడంపై DUTA ను మేధావుల వేదిక తీవ్రంగా విమర్శిస్తోంది. ఎంతో ప్రాధాన్యత కలిగిన జాతీయ రక్షణకు అంశంపై యూనివర్సిటీలోని ఇతర అధ్యాపకులు మరియు సిబ్బంది అభిప్రాయాలను తెలుసుకోకుండా DUTA వ్యవహరించడాన్ని GIA తీవ్రంగా దుయ్యబడుతోంది.

చత్తీస్గడ్ లోని బీజాపూర్ వద్ద మావోయిస్టులు జరిపిన దమనకాండలో సుమారు 24 మంది జవాన్లు మృతి చెందడంతో పాటు మరో 30 మంది గాయపడిన సంఘటన దృష్ట్యా ప్రభుత్వం కేవలం మావోయిస్టుల చర్యలను ఎదుర్కోవడానికి మాత్రమే పరిమితం కాకుండా వారి విద్వేషపూరిత సిద్ధాంతాన్నే పూర్తిగా నిర్మూలించవలసిన అవసరాన్ని ప్రభుత్వం గుర్తించాలని పలువురు మేధావులు, విద్యావేత్తలు ప్రభుత్వాన్ని డిమాండ్ చేస్తున్నారు.

Source : Organiser.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post నేరస్తుణ్ణి వేనకేసుకొస్తారా? – DUTA చర్యలపై మేథావులు, విద్యావేత్తల ఆగ్రహం appeared first on Vishwa Samvad Kendra Andhra Pradesh.