ఉగ్రవాద నిరోధక చట్టం యుఎపిఎ కింద మాజీ జెఎన్‌యు విద్యార్థి నాయకుడిపై దర్యాప్తు జరిపేందుకు కేంద్ర హోం మంత్రిత్వ శాఖ (ఎంహెచ్‌ఏ) గ్రీన్ సిగ్నల్ ఇచ్చింది. చట్టం ప్రకారం, UAPA కింద ఒక వ్యక్తిని విచారించడానికి, ముందు MHA నుండి అనుమతి తీసుకోవాలి.

ఫిబ్రవరి 2020 లో ఈశాన్య ఢిల్లీ అల్లర్ల వెనుక ఉన్న పెద్ద కుట్రకు సంబంధించిన కేసులో చట్టవిరుద్ధ కార్యకలాపాలు (నివారణ) (UAPA) చట్టం కింద ఉమర్ ఖలీద్‌ను సెప్టెంబర్‌లో అరెస్టు చేశారు. ఈ ఏడాది ఫిబ్రవరిలో జరిగిన అమెరికా అధ్యక్షుడు డొనాల్డ్ ట్రంప్ పర్యటన సమయంలోనే దేశ రాజధాని ఢిల్లీలో అల్లర్లు చెలరేగిన సంగతి తెలిసిందే. ఈ అల్లర్ల సమయంలో హింసను ప్రేరేపించారనే ఆరోపణతో 15 మంది నిందితులపై ఢిల్లీ పోలీసులు 17,500 పేజీల భారీ చార్జిషీట్ ను దాఖలు చేశారు.

” ఢిల్లీ అల్లర్లకు సంబంధించి పోలీసులు నమోదు చేసిన అన్ని కేసులలో మేము ప్రాసిక్యూషన్ కు అనుమతి ఇచ్చాము. ఇప్పుడు, నిందితులు ఎవరో తేల్చే బాధ్యత కోర్టులదే” అని ప్రభుత్వ సీనియర్ అధికారి ఒకరు చెప్పారు. ఢిల్లీ పోలీసులు ఇప్పుడు తమ అనుబంధ చార్జిషీట్‌లో ఖలీద్‌ పేరు కూడా చేర్చవచ్చు.

“యుఎపిఎ సెక్షన్ 13 కింద ఒకరిని విచారించడానికి, అవసరమైన అనుమతులు కేంద్ర హోం వ్యవహారాల మంత్రిత్వ శాఖ నుండి ఇప్పటికే మాకందాయి. యుఎపిఎ సెక్షన్ – 16,17 మరియు 18 కింద ప్రాసిక్యూషన్ కోసం అవసరమైన, ఢిల్లీ ప్రభుత్వ అనుమతి కూడా లభించింది” అని అధికార వర్గాలు తెలిపాయి.

మత హింసకు సంబంధించిన కేసులో సెప్టెంబర్ 13 న ఖలీద్‌ను యుఎపిఎ చట్టం కింద అరెస్టు చేశారు. తమ ఆరోపణలను రుజువు చేయడానికి, అల్లర్లు జరుగుతున్న సమయంలో ‘ఫిబ్రవరి 24 నుండి వారు జరిపిన వాట్సప్ సంభాషణలను (వాట్సప్ చాట్) చార్జిషీట్ లో తాము పొందు పరచామని కూడా పోలీసులు గతంలో పేర్కొన్నారు.

శిక్షార్హమైన కాశ్మీరీ వేర్పాటువాదులు అఫ్జల్ గురు మరియు మక్బూల్ భట్ లకు మరణశిక్ష విధించడాన్ని నిరసిస్తూ జవహర్ లాల్ నెహ్రూ విశ్వవిద్యాలయం (JNU) లో జరిగిన దేశ వ్యతిరేక ప్రదర్శనలలో ఉమర్ ఖలీద్ కూడా పాల్గొన్నట్లు ఆరోపణలు ఉన్నాయి. 2016 నుండి ఇదే కేసుపై క్రిమినల్ ప్రొసీడింగ్స్ కూడా జరుగుతున్నాయి. 2020 ఫిబ్రవరి 28 న ఢిల్లీ ప్రభుత్వం 2016 కేసులో విచారణకు తమ అనుమతి ఇచ్చింది.

ఫిబ్రవరి 2016 లో జెఎన్‌యులో దేశ వ్యతిరేక ప్రదర్శనలు నిర్వహించిన నాలుగు రోజుల తరువాత, భారత శిక్షాస్మృతిలోని సెక్షన్ 124 కింద దేశద్రోహం, నేరపూరిత కుట్ర ఆరోపణలపై జెఎన్‌యు స్టూడెంట్ యూనియన్ అధ్యక్షుడు కన్హయ్య కుమార్‌ను ఢిల్లీ పోలీసులు అరెస్ట్ చేశారు. కన్హయ్య కుమార్‌ను అరెస్టు చేసిన తరువాత ఉమర్ ఖలీద్, అనిర్బన్ భట్టాచార్య, రామ నాగ, అనంత్ ప్రకాష్, అశుతోష్ కుమార్ సహా మరో ఐదుగురు అజ్ఞాతంలోకి వెళ్లి 10 రోజుల తరువాత తిరిగి వచ్చారు.

పోలీసులకు లొంగిపోయిన ఖలీద్, అనిర్బన్ భట్టాచార్యలను అదుపులోకి తీసుకున్నారు. దర్యాప్తు అనంతరం జెఎన్‌యు అడ్మినిస్ట్రేటివ్ ప్యానెల్ పలువురు విద్యార్థులకు పలు రకాల శిక్షలు విధించింది. కన్హయ్య కుమార్‌కు 10,000 రూపాయల జరిమానా విధించింది. తరువాత ఉమర్ ఖలీద్, అనిర్బన్ భట్టాచార్యలను ఒక సెమిస్టర్ పాటు విశ్వవిద్యాలయం నుండి తొలగించారు.

Source : Organiser

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఢిల్లీ అల్లర్లు 2020: యుఎపిఎ చట్టం కింద ఉమర్ ఖలీద్‌ విచారణకు అనుమతించిన కేజ్రీవాల్ ప్రభుత్వం మరియు కేంద్ర హోంశాఖ appeared first on Vishwa Samvad Kendra Andhra Pradesh.

ఫిబ్రవరిలో  సిఏఏ వ్యతిరేక నిరసనల పేరుతో జరిగిన హిందూ వ్యతిరేక అల్లర్లపై ఆరోపణలు ఎదుర్కొంటున్న ఉమర్ ఖలీద్ ను ఢిల్లీ పోలీసులు అరెస్టు చేయడంపై నటుడు ప్రకాష్ రాజ్ అభ్యంతరం వ్యక్తం చేస్తున్నాడు. ప్రజాస్వామ్య దేశంలో మాట్లాడే హక్కు లేదా అని ప్రశ్నిస్తూ ఉమర్ ను విడుదల చేయాలని ఒక ట్వీట్ చేశాడు.

మరికొంతమంది రాజకీయ నాయకులు కూడా ఉమర్ ఖలీద్ కు మద్దతుగా ట్వీట్లు చేస్తున్నారు. అందులో కాంగ్రెస్ పార్టీ సీనియర్ నాయకులు దిగ్విజయ్ సింగ్, శశిథరూర్,  కాంగ్రెస్ జాతీయ ప్రతినిధి సల్మాన్ అనిజ్, కాంగ్రెస్ ఐటీ సెల్ సభ్యులు శ్రీవాస్తవ, గౌరవ్ పండి లు ఉన్నారు.

ఢిల్లీ అల్లర్లకు కారకుడిగా ఆరోపణలు ఎదుర్కొంటున్న జే ఎన్ యూ పూర్వ విద్యార్థి నాయకుడు ఉమర్ ఖలీద్ ను ఉపా(UAPA) చట్టం కింద ఆదివారం రాత్రి ఢిల్లీ పోలీసులు అరెస్టు చేశారు.

అతను గతంలో జూలై 31న  విచారణ ఎదుర్కొన్నాడు.  మళ్లీ సెప్టెంబర్ 13 ఆదివారం  దాదాపు 11 గంటల విచారణ అనంతరం పోలీసులు అతన్ని అరెస్ట్ చేశారు.

పోలీసులు తెలిపిన వివరాల ప్రకారం  మార్చ్ 6న ఖలీద్ పై ఎఫ్ఐఆర్ నమోదు చేయబడింది. ఎఫ్ఐఆర్ ప్రకారం ఫిబ్రవరిలో జరిగిన ఈశాన్య ఢిల్లీ అల్లర్ల లో ఉమర్,  డానిష్, వివిధ సంస్థలతో సంబంధం ఉన్న మరో ఇద్దరు వ్యక్తులు కుట్రలో భాగమని పోలీసులు చెప్పారు.

ఖలిధ్ రెండు వేర్వేరు ప్రదేశాల్లో రెచ్చగొట్టే ప్రసంగాలు చేశాడని అందులో ఒకటి భారతదేశంలో మైనారిటీలు ఎలా ఉన్నారనే దానిపై అంతర్జాతీయ లో ప్రచారం చేయాలని, మరొకటి అమెరికా అధ్యక్షుడు డొనాల్డ్ ట్రంప్ పర్యటన సందర్భంగా వీధుల్లోకి వచ్చి రోడ్లను అడ్డుకోవాలని ప్రజలను రెచ్చగొట్టే విధంగా ప్రసంగాలు చేసినట్టు ఎఫ్ఐఆర్ లో నమోదు చేశారు. ఈ కుట్రలో భాగంగా కర్ధాంపురి, జఫరాబాద్, జఫ్రాబాధ్, చంద్ బాగ్, గోకుల్ పురి, శివ విహార్ ప్రాంతాల్లోని ఇండ్లలో తుపాకీ, పెట్రోల్ బంబులు, యాసిడ్ బాటిళ్లు, రాళ్లను నిల్వచేసినట్టు, అల్లర్లు సృష్టించడానికి వివిధ ప్రాంతాల నుండి ప్రజలను సమీకరించే బాధ్యత దనిష్ కు అప్పగించినట్లు ఎఫ్ఐఆర్ లో నమోదు చేశారు.

అల్లర్లు జరిగే నెల రోజుల ముందు (జనవరి 8న) ఆమ్ ఆద్మీ పార్టీ నుండి సస్పెండ్ అయిన కౌన్సిలర్ తాహిర్ హుస్సేన్, ఉమర్ ఖలిధ్, ఖలీల్ సైఫ్ షాహిన్ బాగ్ లో సమావేశమయ్యారు. ఈ సందర్భంగా ఉమర్ ఖలీద్ మాట్లాడుతూ ట్రంప్ పర్యటన లో భారీ అల్లర్లు సృష్టించడానికి తమకు మద్దతు తెలపాలని  తాహిర్ హుస్సేన్ ను  కోరాడు. ఆ చార్జీ షీట్ కర్కర్దూమా కోర్టులో దాఖలైంది.

ఈ అంశాలన్నీ పరిగణనలోకి తీసుకొని ఉమర్ ఖలీద్ ను పది రోజులు పాటు రిమాండ్ కు తరలించాలని కర్కడూమా కోర్టు ఢిల్లీ పోలీసులకు  సూచించింది.

Source : VSK TELANGANA

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post అల్లర్లు సృష్టించే వారిని అరెస్టు  చేయడం అన్యాయమా ?  appeared first on Vishwa Samvad Kendra Andhra Pradesh.

ఐబి ఆఫీసర్ అంకిత్ శర్మను హత్య చేసిన తరువాత పోలీసులకు దొరక్కుండా అజ్ఞాతంలో ఉన్నప్పుడు తాహిర్ హుస్సేన్ కు అర్ఫా ఖానుమ్ సహాయం చేసిందని Kreately.in పేర్కొంది. ఐ. బి ఆఫీసర్ అంకిత్ శర్మను అత్యంత క్రూరంగా పదేపదే కత్తులతో పొడిచి దారుణంగా హత్య చేసిన ఘటన దేశవ్యాప్తంగా సంచలనం రేపిన సంగతి తెలిసిందే. తాహిర్ హుస్సేన్ వీడియో ఇంటర్వ్యూ ను అర్ఫాఖానుమ్ తానే స్వయంగా రికార్డ్ చేసి అనంతరం మీడియాకు విడుదల చేసిందని Kreately.in వెల్లడించింది.

అర్ఫా ఖానుమ్ జామియా ప్రాంతంలోని ఒక మసీదులో ఆ ఇంటర్వ్యూను ఏర్పాటు చేసింది. దీనికి ముందు ఆమె ‘తాహిర్ హుస్సేన్ కు మీడియా ప్రశ్నలకు ఎలా సమాధానం ఇవ్వాలి? బాధితుల లాగా ఎలా నాటకం ఆడాలి ? అనే దానిపై శిక్షణ ఇచ్చింది.

“అంకిత్ శర్మ హంతకులతో ఆమె సన్నిహితంగా మెలిగింది. ఖలీద్ సైఫీ, తాహిర్ హుస్సేన్ లు హత్యలు ప్రారంభించినప్పుడు, ఐబి ఆఫీసర్ అంకిత్ శర్మను హత్య చేసిన తరువాత కూడా అర్ఫా ఖనుమ్ ఇస్లామిక్ ఉగ్రవాది తాహిర్ హుస్సేన్ కు సహాయం చేస్తూనే ఉంది. అతనికి ఆశ్రయం కల్పించింది. ఢిల్లీ పోలీసులు అరెస్టు చేయడానికి ముందే ఆమె అతని ఇంటర్వ్యూను ఏర్పాటు చేసింది.  ఆ ఇంటర్వ్యూను మీడియాకు అందించింది.” అని Kreately.in న్యూస్ పోర్టల్ నివేదిక తెలుపుతోంది.

వైర్ సీనియర్ ఎడిటర్ అర్ఫా ఖానుమ్ అంకిత్ శర్మ హంతకుడు తాహిర్ హుస్సేన్ కోసం ఒక ప్రణాళికను సిద్ధం చేసిందని, తాహిర్ హుస్సేన్ మీడియాకు ప్రత్యేక ఇంటర్వ్యూలు ఇచ్చి కోర్టులో లొంగిపోవడం ఆ ప్రణాళికలో భాగమని Kreately.in నివేదిక పేర్కొంది. “తాహిర్ హుస్సేన్ కోర్టుకు వెళుతున్నప్పుడు అతనిని అరెస్టు చేయడం ద్వారా ఢిల్లీ పోలీసులు ఈ ప్రణాళికను విఫలం చేశారు. తాహిర్ హుస్సేన్ యొక్క న్యాయవాదులు అప్పటికే కోర్టులో లొంగిపోయే దరఖాస్తుతో ఉన్నారు” అని ఆ న్యూస్ పోర్టల్ పేర్కొంది.

ఢిల్లీ హిందూ వ్యతిరేక అల్లర్లలో తన పాత్రను తాహిర్ హుస్సేన్ పోలీసుల ముందు అంగీకరించాడు. అక్కడ అల్లర్లకు కొన్ని వారాల ముందు పేలుడు పదార్థాలు, బాంబులు సేకరించడంలో అల్లరి మూకలకు సహాయం చేశాడు. ఢిల్లీ అల్లర్లలో ముస్లిం యువత హిందువులపై దాడి చేయడానికి మరియు హిందూ దుకాణాలను తగలబెట్టడానికి అనుకూలంగా తన ఇంటి పై భాగాన్ని ఉపయోగించుకోవటానికి అనుమతించినందుకు అతను దోషిగా నిర్ధారించబడ్డాడు. తాహిర్ హుస్సేన్, అతని సోదరుడు ఇద్దరూ ప్రస్తుతం ఢిల్లీ పోలీసుల అదుపులో ఉన్నారు.

Source : Organiser

https://www.organiser.org/Encyc/2020/7/21/Hinduphobic-Wire-journo-colluded-with-Tahir-Hussain-to-play-the-victim-card-in-Delhi-anti-Hindu-riots.html

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఢిల్లీ అల్లర్ల నిందితునికి సహకరించిన ప్రముఖ మీడియా సంస్థ? appeared first on Vishwa Samvad Kendra Andhra Pradesh.