18 ఏళ్లు పైబడిన వారికి ఇంట్రానాసల్‌ కోవిడ్‌ వ్యాక్సిన్‌ ఇన్‌కోవ్యాక్‌ (బీబీవీ154) అత్యవసర వినియోగానికి డీసీజీఐ ఈ నెల 6న అనుమతి ఇచ్చిన సంగతి తెలిసిందే. ఇప్పుడు తాజాగా 5-18 ఏళ్ల వయసు వారికి ముక్కు ద్వారా ఇచ్చే చుక్కల మందు (ఇంట్రానాసల్‌) కొవిడ్‌-19 వ్యాక్సిన్‌ మూడో దశ (ఫేజ్‌-3) ప్రయోగాలు నిర్వహించేందుకు ఔషధ నియంత్రణ సంస్థ ‘డ్రగ్స్‌ కంట్రోలర్‌ జనరల్‌ ఆఫ్‌ ఇండియా-డీసీజీఐ’ను భారత్‌ బయోటెక్‌ అనుమతి కోరింది. 5-18 ఏళ్ల వారికి మూడో దశ పరీక్షల్లో ఆయా వయసుల వారికి ఇది అందించే భద్రత, రోగనిరోధక శక్తి తదితరాలపై మదింపు జరుపుతారు. కొవాగ్జిన్ ‌తో బీబీవీ154 రోగ నిరోధక శక్తి, భద్రతను పోల్చి చూసేందుకు మూడోదశ క్లినికల్‌ ట్రయల్స్‌ నిర్వహించేందుకు భారత్‌ బయోటెక్ ‌కు డీసీజీఐ అనుమతి మంజూరు చేసింది. దేశంలో 9 ప్రాంతాల్లో ఈ ప్రయోగాలు నిర్వహించేందుకు అనుమతించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post 5-18 ఏళ్ల పిల్లలకు ఇంట్రానాసల్‌ కోవిడ్‌ వ్యాక్సిన్… appeared first on Vishwa Samvad Kendra Andhra Pradesh.

అయితే.. బయోలాజికల్‌ ఇ కార్బివాక్స్‌ కూడా మూడో దశ క్లినికల్ ట్రయల్స్‌లో దాదాపు 90శాతానికిపైగా ప్రభావశీలత చూపిస్తున్నట్లు వైద్య నిపుణులు అంచనా వేస్తున్నారు. దీంతోపాటు నొవావాక్స్‌ టీకా ఫలితాలు కూడా ఆశాజనకంగా ఉన్నాయి. అయితే.. భారత్‌లోనే ఏటా దాదాపు వంద కోట్ల డోసులు ఉత్పత్తి కానుండడంతో ఈ టీకాలపై అంచనాలు మరింత పెరిగాయి. 90 శాతం సామర్థ్యం కలిగిన ఈ టీకాలు చౌక ధరలోనే అందుబాటులోకి రానున్నాయి. బయోలాజికల్‌ ఇ (బీఈ) వ్యాక్సిన్‌ మంచి ఫలితాలు కనబరుస్తుందని కొవిడ్ వర్కింగ్ గ్రూప్ చీఫ్ డాక్టర్‌ ఎన్‌కే అరోరా పేర్కొన్నారు. అంతేకాకుండా గతంలో వినియోగించిన సాంకేతికతతో అభివృద్ధి చేసిన ఈ టీకాలు అన్ని వయసులవారికీ సురక్షితమని పేర్కొన్నారు. అక్టోబర్‌ నాటికి ఈ వ్యాక్సిన్‌ అందుబాటులోకి వచ్చే అవకాశం ఉందన్నారు.

తుది ఫలితాలు ఇదే విధంగా ఉంటే.. కోవిడ్ పోరులో కార్బివాక్స్, నోవావాక్స్ వ్యాక్సిన్‌లు గేమ్‌ ఛేంజర్‌గా మారుతాయని ఆయన ఆశాభావం వ్యక్తం చేశారు. కార్బివాక్స్‌ మూడోదశ ప్రయోగాలు జులై నాటికి పూర్తయ్యే అవకాశాలు కనిపిస్తున్నాయి.

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post 90 శాతం సమర్థత కలిగిన చౌక ధర స్వదేశీ టీకా…… appeared first on Vishwa Samvad Kendra Andhra Pradesh.