క‌ర్ణావ‌తి: ఈ సంవత్సరం భారతదేశం జరుపుకొంటున్న స్వాతంత్య్ర అమృత్ మహోత్సవ్‌ను స్వేచ్ఛ నుండి స్వీయత్వం(స్వీయ నిర్ణయం) వైపు ప్రయాణంగా జరుపుకోవాలని రాష్ట్రీయ స్వయం సేవక సంఘ‌ సర్ కార్యవాహ దత్తాత్రేయ హోసబలే పిలుపునిచ్చారు. గుజరాత్ కర్ణావతిలో మూడు రోజులపాటు జరుగుతున్న సంఘ్ అఖిల భారతీయ ప్రతినిధి సభల సందర్భంగా విడుద‌ల ఒక ప్రకటనలో ఈ ఉత్సవాల ప్రాధాన్యతను ఆయన వివరించారు.

ఈ సందర్భం మన వీర స్వాతంత్య్ర సమరయోధుల త్యాగం, వారి అంకితభావానికి అద్భుతమైన చిహ్నంగా, స్వయం పాలన కోసం శతాబ్దాల నాటి చారిత్రాత్మక పోరాట ఫలితాన్ని సూచిస్తుందని హోస‌బ‌లే అన్నారు. భారతదేశ స్వాతంత్య్ర పోరాటం గొప్ప లక్షణం ఏమిటంటే, ఇది రాజకీయ పోరాటం మాత్రమే కాదని, సమాజంలోని అన్ని వర్గాల భాగస్వామ్యంతో జాతీయ జీవితంలోని అన్ని అంశాలను స్పృశించే సామాజిక-సాంస్కృతిక ఉద్యమం అని ఆయన పేర్కొన్నారు.

జాతీయ స్వాతంత్య్ర ఉద్యమాన్ని మన అస్తిత్వానికి, అంటే మన జాతీయ స్వయం సమృద్ధికి సంబంధించిన అత్యంత ప్రాథమిక అంశాన్ని తెరపైకి తెచ్చే ప్రయత్నాల కొనసాగింపుగా భావించడం సముచితం అని సూచించారు. వాణిజ్య ప్రయోజనాలతో పాటు, ఈ వలసవాద ఆక్రమణదారులకు భారతదేశంలో రాజకీయ, సామ్రాజ్య, మతపరమైన బానిసత్వపు ఖచ్చితమైన లక్ష్యం ఉందని ఆయన స్పష్టం చేశారు.

ఆంగ్లేయులు భారతదేశ ప్రజల మధ్య ఐక్యత ప్రాథమిక ప్రాథమికాలను బద్దలు కొట్టడం ద్వారా మన మాతృభూమితో భావోద్వేగ, ఆధ్యాత్మిక అనుబంధాన్ని బలహీనపరిచేందుకు కుట్ర పన్నారని గుర్తు చేశారు. వారు మన స్వదేశీ ఆర్థిక, రాజకీయ వ్యవస్థలు, విశ్వాసాలు, విద్యా వ్యవస్థల వంటి మన స్వయం-ఆధారిత వ్యవస్థలపై దాడి చేసి నాశనం చేయడానికి ప్రయత్నించారని చెప్పారు.

ఈ జాతీయ ఉద్యమం అందరినీ కలుపుకొని మొత్తం భారత్‌ వ్యాప్తంగా జరిగినదని చెబుతూ స్వామి దయానంద్ సరస్వతి, స్వామి వివేకానంద, మహర్షి అరబిందో , ఇతర ఆధ్యాత్మిక నాయకులు ఆంగ్లేయుల అధీనంలో స్థిరమైన ప్రతిఘటనను అందించడానికి భారతదేశ ప్రజలను, నాయకులను ప్రేరేపించారని దత్తాత్రేయ వివరించారు.

ఈ ఉద్యమం మహిళలు, గిరిజన వర్గాలలో అలాగే కళ, సంస్కృతి, సాహిత్యం, సైన్స్‌తో సహా జాతీయ జీవితంలోని అన్ని కోణాలలో స్వాతంత్య్రం కోసం చైతన్యాన్ని మేల్కొల్పిందని చెప్పారు. లాల్-బాల్-పాల్, మహాత్మా గాంధీ, వీర్ సావర్కర్, నేతాజీ సుభాష్ చంద్రబోస్, చంద్రశేఖర్ ఆజాద్, భగత్ సింగ్, వేలు నాచియార్, రాణి గైడిన్లియు, ఇతర తెలిసిన, తెలియని స్వాతంత్య్ర సమరయోధులు ఆత్మగౌరవం, జాతీయ భావాన్ని మరింత బలోపేతం చేశారని తెలిపారు.

దృఢమైన దేశభక్తుడు డాక్టర్ హెడ్గేవార్ నాయకత్వంలో స్వయంసేవకులు కూడా తమ పాత్రను పోషించారని చెప్పారు. స్వాతంత్య్రోద్యమ సమయంలో ప్రగతిశీల భావాల బలహీనతకు దారితీసిన కొన్ని స్వార్థ‌పూరిత కారణాల వల్ల దేశం విభజనపు భయానక పరిస్థితులను ఎదుర్కోవలసి వచ్చిందని గుర్తు చేశారు.

స్వాతంత్య్రానంతరం జాతీయ జీవితంలోని అన్ని రంగాలలో ఈ స్వార్థాన్ని వ్యక్తపరిచే అవకాశాన్ని వినియోగించుకోవడంలో మనం ఎంతవరకు సఫలమయ్యామో అంచనా వేయడానికి కూడా ఇదే సరైన సమయం అని సూచించారు.

భారతీయ సమాజాన్ని ఒకే దేశంగా ఉంచడానికి, భవిష్యత్ సంక్షోభాల నుండి జాతిని రక్షించడానికి, స్వీయ-ఆధారిత జీవిత దృష్టిని దృఢ సంకల్పంతో పునఃస్థాపించుకోవడం అవసరం అని దత్తాత్రేయ పిలుపిచ్చారు. 75వ స్వాతంత్య్ర వార్షికోత్సవం మనకు ఈ దిశలో తిరిగి అంకితం కావడానికి ఒక అవకాశాన్ని ఇస్తుందని చెప్పారు.

ఎన్నో ఆటంకాలు ఎదురైనా భారత్ వివిధ రంగాల్లో మెచ్చుకోదగ్గ ప్రగతిని సాధించడం సంతృప్తిని కలిగించే విషయమే అయినా భారత్‌ను సంపూర్ణంగా స్వావలంబనగా మార్చాలనే లక్ష్యం ఇంకా నెరవేరలేదన్నది నిజం అని స్పష్టం చేశారు. అయితే, ఇప్పుడు దేశం దార్శనికతతో కూడిన ఆలోచనతో స్వావలంబన భారత్ అనే తీర్మానాన్ని తీసుకొని సరైన దిశలో పయనించడానికి సమాయత్తమవుతోందని ద‌త్తాత్రేయ హోస‌బ‌లే విశ్వాసం వ్యక్తం చేశారు.

ఈ మహత్తర ప్రయత్నంలో విద్యార్థులను, యువతను నిమగ్నం చేయడం ద్వారా, భారత్ కేంద్రీకృత విద్యా విధానాన్ని సమర్ధవంతంగా అమలు చేయడం ద్వారా భారత్‌ను విజ్ఞాన సంపన్న సమాజంగా అభివృద్ధి చేసి, విశ్వగురువు పాత్రను పోషించేలా చేయడం అవసరం అని సూచించారు.

స్వాతంత్య్ర అమృతోస్తావ్ సందర్భంగా, మన మూలాలతో అనుసంధానం కావడానికి, జాతీయ సమైక్యత స్ఫూర్తిని నిలబెట్టడానికి అవకాశం కల్పించే మన స్వార్థాన్ని మ‌ళ్ళీ ఆవిష్కరించుకోవడానికి మనం సంకల్పం తీసుకోవాలని దత్తాత్రేయ కోరారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post స్వేచ్ఛ నుండి స్వీయత్వం వైపుగా స్వాతంత్ర అమృత్ మహోత్సవ్ appeared first on Vishwa Samvad Kendra Andhra Pradesh.

గౌహతి: భారతీయ సంస్కృతీసంప్రదాయాలను రక్షించుకోవడం నేటి అవసరమని రాష్ట్రీయ స్వయం సేవక్‌ సంఘ్‌(ఆర్‌ఎస్‌ఎస్‌) సర్‌ కార్య‌వాహ్‌ దత్తాత్రేయ హోసబలే అన్నారు. గువాహటిలో గురువారం(సెప్టెంబర్‌ 30) ‘గిరిజనుల సామాజిక`ఆర్థిక, సాంస్కృతిక అభివృద్ధి, ప్రభుత్వ పథకాలు’ అనే అంశంపై ఏర్పాటు చేసిన సెమినార్‌లో దత్తాత్రేయ హోసబలే మాట్లాడారు.

మూడు, నాలుగు తరాల ‘టీ కథ’లను తీసుకొని ‘చిత్ర ప్రదర్శన’ను ఏర్పాటు చేయాలని సూచించారు. అసోంలోని ఈ తెగలు భవిష్యత్‌ తరానికి మార్గదర్శకంగా, స్ఫూర్తిదాయకమైన అసలైన చరిత్రను అందజేస్తాయన్నారు. భారతీయ సంస్కృతి యొక్క గొప్ప వారసత్వాన్ని, సాహిత్యంలో దాని పురాతన సంప్రదాయాలను పరిరక్షించడం తక్షణావసరం అని పేర్కొన్నారు.

బిటీష్‌ కాలంలో అసోంతో సహా ప్రపంచంలోని వివిధ ప్రాంతాలకు విస్తరించిన టీ తెగ చరిత్రను హోసబాలే గుర్తుచేసుకుంటూ, ‘వారు కష్టపడి, చెమటతో దేశాన్ని నిర్మించే వారిగా ప్రసిద్ధి పొంది, దేశానికి ఉత్తమ మార్గాన్ని చూపారు’ అని అన్నారు. ట్రినిడాడ్‌, గయానాల ప్రజలు లెక్కలేనన్ని సవాళ్లు ఎదుర్కొన్నప్పటికీ వారి సంస్కృతి, మతాన్ని మరచిపోలేదని ఉదహరించారు.

మన పురాతన సంస్కృతిని కాపాడటంలో సాహిత్యం ప్రాముఖ్యతను దత్తాత్రేయాజీ నొక్కిచెప్పారు. ‘ప్రజల ఆర్థిక పరిస్థితులు సుసంపన్నం అయినప్పుడు జీవితం విలువ బాగా అర్థం అవుతుంది. నైతిక మార్గాల ద్వారా ఒకరి ఆర్థిక స్థితిని మెరుగుపరచడం అనేది గౌరవించదగినది’ అని అన్నారు.

సంక్షోభ కాలంలో, మెరుగైన జీవనోపాధి కోసం ఒకరికొకరు సహకరించుకోవడం అవసరం… ఆరోగ్యం, విద్యా అవసరాల కోసం వివిధ ప్రభుత్వ సంక్షేమ పథకాలను సరిగ్గా వినియోగించుకోవాలని దత్తాత్రేయ అన్నారు. సమాజంలో విద్యావంతులైన ఉన్నత వర్గాలు ఇతర వర్గాలకు తప్పక మార్గనిర్దేశం చేయాలని కోరారు. మాధబ్‌ దేవ్‌ ఇంటర్నేషనల్‌ ఆడిటోరియంలో జరిగిన ఈ సెమినార్‌లో పెట్రోలియం రామేశ్వర్‌ టెలి యూనియన్‌ మోస్‌, తేయాక పంటపై ఆధారపడి జీవిస్తున్న 108 టీ సామాజిక వర్గాల ప్రముఖులు పాల్గొన్నారు.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భారతీయ సంస్కృతిని రక్షించుకోవడం నేటి అవసరం appeared first on Vishwa Samvad Kendra Andhra Pradesh.