కలబుర్గి(కర్ణాటక): హిజాబ్‌పై వివాదాస్పద ప్రకటన చేసినందుకు కలబుర్గిలో కాంగ్రెస్ నాయకుడు ముఖరం ఖాన్‌పై కర్ణాటక పోలీసులు గురువారం ఎఫ్‌ఐఆర్ నమోదు చేశారు.

హిజాబ్ ధరించడాన్ని వ్యతిరేకించే విద్యార్థులను ముక్కలుగా నరికివేస్తామని ముకర్రం ఖాన్ వివాదాస్ప‌ద వ్యాఖ్య‌లు చేశారు. ఆ వీడియో వైర‌ల్ అయింది. అంతేకాదు… “ఇక్కడే పుట్టి, పెరిగి, భారతదేశంలోనే జీవిస్తూ, జీవితాన్ని ముగించుకుంటున్నారు. హిజాబ్ ధరించడాన్ని వ్యతిరేకించే విద్యార్థులను ‘ముక్కలుగా నరికేస్తారు.’ ఏదో ఒక రోజు మనం చనిపోతాం, మా కులాన్ని (మతాన్ని) బాధించకండి… అన్ని కులాలు సమానం, మీరు ఏదైనా ధరించవచ్చు, ఎవరు అడ్డుకుంటారు? ఈ పనిని మేము సహించము, ” అని అన్నారు.

ఈ ఏడాది జనవరిలో ఉడిపి జిల్లాలోని ప్రభుత్వ బాలికల పీయూ కళాశాల విద్యార్థులు హిజాబ్ వ‌ల్ల తమను తరగతులకు హాజరుకాకుండా అడ్డుకున్నారని ఆరోపించడంతో కర్ణాటకలో హిజాబ్ నిరసనలు ప్రారంభమయ్యాయి. నిరసనల సందర్భంగా, కొందరు విద్యార్థులు హిజాబ్ ధరించి కళాశాలలోకి ప్రవేశించడానికి నిరాకరించారని పేర్కొన్నారు.

ఈ ఘటనతో వివిధ కళాశాలల విద్యార్థులు కుంకుమ బొట్టు పెట్టుకుని విజయపురలోని శాంతేశ్వర్‌ ఎడ్యుకేషన్‌ ట్రస్ట్‌కు చేరుకున్నారు. ఉడిపి జిల్లాలోని పలు కళాశాలల్లోనూ ఇదే పరిస్థితి నెలకొంది.

విద్యార్థులు స్కూల్ అడ్మినిస్ట్రేషన్ ఆమోదించిన యూనిఫాం మాత్రమే ధరించవచ్చని, కాలేజీల్లో ఇతర మతపరమైన ఆచారాలను అనుమతించబోమని పేర్కొంటూ ప్రీ-యూనివర్శిటీ ఎడ్యుకేషన్ బోర్డు సర్క్యులర్ విడుదల చేసింది.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ముక్క‌లుగా న‌రికేస్తామ‌న్న ముఖరం ఖాన్‌పై ఎఫ్‌.ఐ.ఆర్! appeared first on Vishwa Samvad Kendra Andhra Pradesh.