ఆంగ్లేయులు తమ అణచివేతను, దోపిడీని సమర్థించుకోవడానికి జాతి పరంగానూ, సంస్కృతి పరంగానూ అనేక వక్రీకరణలకు పాల్పడ్డారు. అమెరికన్, ఇంగ్లండ్ పత్రికలలో అనేక వ్యాసాలు వ్రాశారు. ఆ వ్యాసాల నిండా అనేక అతిశయోక్తులు, అబద్ధాలు, అసత్యాలు ఉండేవి. వాటి ఆధారంగా భారతదేశ చరిత్రను నిర్మాణం చేయించారు వలస పాలకులు.

పేద దేశమైతే వాణిజ్య సంబంధాలకై పాశ్చాత్య దేశాల ఆరాటమెందుకు?

హిందువులు మొరటు వారని, నాగరికత తెలియని వారని, విగ్రహాలను, పాములను పూజించేవారని, ఏ పనీ చేయకుండా తినే సోమరిపోతులని, దేశద్రిమ్మరులని, మూఢనమ్మకాలతో బ్రతికే వారనే అవాకులూ చవాకులు వ్రాశారు. హిందువులు నిజంగా చేతకానివారైతే, అకర్మణవాదులైతే అంత సంపద ఎలా సృష్టించగలిగారు? ఎందుకు పాశ్చ్యాత్య క్రైస్తవ దేశాల వారు శతాబ్దాలపాటు భారతదేశాన్ని కబళించాలని అనేక కుట్రలకు, కుతంత్రాలకు పాల్పడ్డారు? భారతదేశానికి సముద్ర మార్గాన్ని కనుగొనేందుకు కొలంబస్ ఎందుకు బయల్దేరాడు? ఒక పేద దేశంతో వాణిజ్య సంబంధాలు నెలకొల్పుకోవడానికి పాశ్చ్యాత్య క్రైస్తవ దేశాలు పోటీకి దిగి దశాబ్దాలపాటు ఎందుకు ఆధిపత్యం కోసం యుద్ధాలు చేసుకున్నాయి?

భారతదేశాన్ని విడిచిపెట్టి వెళ్లిన తర్వాత కూడా దేశం పట్ల వారి వైఖరిలో ఎలాంటి మార్పూ రాలేదు. భారత్ లో ఏ చిన్న సంఘటన జరిగినా దానిని పెద్దదిగా చేసి అంతర్జాతీయంగా దేశాన్ని అప్రతిష్టపాలు చేయడానికి నిర్విరామంగా కృషి చేస్తూనే ఉన్నారు. క్రైస్తవ మిషనరీల ద్వారా మత ప్రచారం జోరుగా సాగిస్తూనే ఉన్నారు. అనేక అసత్యాలను, అబద్ధాలను ప్రచారం చేస్తూనే ఉన్నారు.

వలసపాలకులకు వంత పాడుతున్న వామపక్ష మేథావుల సరికొత్త కుట్ర

వలస పాలకులను వామపక్ష మేథావులు అనుసరిస్తున్నారు. శతాబ్దాల తరబడి హిందువులపై జరిగిన అత్యాచారాలను వారు కప్పిపుచ్చారు. హిందువులపై జరిగిన కనీవినీ ఎరుగని నరమేథం గురించి వారెన్నడూ మాట్లాడలేదు. ఈనాటికీ హిందువులపై జరుగుతున్న అఘాయిత్యాలను వారెన్నడూ ఖండించలేదు. హైందవ సమాజంలోని లోపాలను పదే పదే ఎత్తి చూపి కువిమర్శలకు పాల్పడే వీరు ఇతర మత సమూహాల, సమాజాల లోటుపాట్ల గురించి చర్చించటానికి సైతం భయపడుతూ వుంటారు. భారతదేశ వారసత్వానికి, సంస్కృతికి వలస పాలకుల కంటే ఈ కుహనా మేథావులే ఎక్కువ ద్రోహం  చేస్తున్నారు. అందులో భాగంగానే Dismantling Global Hindutva అనే సదస్సును వారు సెప్టెంబరు 10 – 12 తేదీల మధ్య నిర్వహించదలచారు. వామపక్ష మేధావులు ఆ సదస్సులో పాల్గొని హిందూ ధర్మం, రాష్ట్రీయ స్వయంసేవక సంఘ్ లకు సంబంధించి అనేక విషయాలపై విశ్లేషించనున్నట్లు పెద్ద ఎత్తున ప్రచారం చేశారు. ఆ సదస్సు నిర్వాహకుల పేర్లు మాత్రం బయటకు రాలేదు. అమెరికాలో ప్రసిద్ధ విశ్వవిద్యాలయాలను భాగస్వాములుగా చేసి పెద్ద ఎత్తున సన్నాహాలు చేశారు.

అయితే మనదేశంలోనూ, అమెరికాలోనూ హిందూ సంస్థలు అందుకు దీటుగా నిర్వాహకుల దురుద్దేశాలను ప్రపంచానికి తెలియజేయగలిగాయి. హిందూ ధర్మం మీద విషాన్ని చిమ్మడానికి, తద్వారా జాతికి ద్రోహం చేయడానికి సిద్ధమైన వామపక్ష మేధావుల దురాశ నెరవేరలేదు. ఆ సదస్సును వారు జరుపలేక పోయారు.

ఇంతకూ హిందువులకు ప్రపంచవ్యాప్తంగా హిందూ ధర్మాన్ని వ్యాప్తి చెయ్యాలన్న ఎజెండా ఉందా? ప్రపంచంలో రెండే హిందూ దేశాలున్నాయి. ఒకటి నేపాల్ రెండవది మనది. మిగతా దేశాలలో హిందువులు ఉండవచ్చు. హిందూ సంస్కృతి, ధర్మం వ్యాప్తి చెంది ఉండవచ్చు. ప్రపంచాన్ని మొత్తం హైందవమయం చేయాలన్న ఎజెండా హిందువులకు ఎన్నడూ లేదు. అందుకు కావలసిన ఆర్థిక వనరులు లేవు. దేశంలో హిందూ ధర్మం అబ్రహామిక్ మతాల నుంచి తీవ్రమైన సవాలును ఎదుర్కొంటోంది. చాప కింద నీరులా విస్తరిస్తున్న క్రైస్తవ మత వ్యాప్తిని అరికట్టే ప్రయత్నాలు ఇప్పుడిప్పుడే మన దేశంలో మొదలయ్యాయి. స్వదేశంలోనే స్వధర్మాన్ని కాపాడుకోలేని పరిస్థితులలో ఉన్న హిందువులు ప్రపంచాన్ని హైందవీకరణ ఎలా చేయగలరు? చాలా హాస్యాస్పదమైన ఆలోచన. లేని అజెండాను హిందువుల పై రుద్ది, హిందూ దేశం మీద, హిందూ ధర్మం మీద విషం కక్కటమే ఈ సదస్సు నిర్వాహకుల లక్ష్యం.

అసలిదంతా ఎందుకు చేస్తున్నట్టు?

అంతేకాదు అమెరికా మీద జిహాదీల దాడి జరిగి ఈ సెప్టెంబర్ కు రెండు దశాబ్దాలు అవుతుంది. ఆఫ్ఘనిస్థాన్ ను తాలిబన్ జిహాదీలు ఆక్రమించారు. ఈ అంశంపై నుండి ప్రపంచం దృష్టిని మరల్చడానికి ఈ సదస్సును నిర్వహించదలచుకున్నారా?

పాశ్చ్యాత్య క్రైస్తవ దేశాలకు ఇస్లామిక్ దేశాలకు మధ్య కొన్ని శతాబ్దాల పాటు పవిత్ర మత యుద్ధాలు, అంటే క్రూసేడులు జరిగాయి. క్రైస్తవం, ఇస్లాంలు రెండూ ప్రపంచవ్యాప్తంగా విస్తరించాలనే ఎజెండా కలిగినవే. మొదటిది ప్రలోభాలతో, రెండవది బలప్రయోగంతో విస్తరించాయి. ప్రపంచవ్యాప్తంగా ఆ రెండు అబ్రహామిక్ మతాల మధ్య పోటీ, వైరం తీవ్ర స్థాయిలో ఉన్నాయి. హిందువులకు అసలు ప్రపంచవ్యాప్తంగా విస్తరించాలన్న ఆకాంక్షే లేదు.

కానీ అబ్రహామిక్ మతాలకు మాత్రం హిందువుల పట్ల ఒక ఉమ్మడి అజెండా ఉంది. ఎలాగైనా ఈ దేశం నుంచి హైందవాన్ని పారద్రోలాలని అవి నిర్విరామంగా పనిచేస్తున్నాయి. శత్రువుకు శత్రువు మిత్రుడు అన్న చందాన హైందవానికి బద్ధ శత్రువులైన అబ్రహామిక్ మత పెద్దలు చేతులు కలిపారు. హిందూ వ్యతిరేక సదస్సులకు, పత్రికా ప్రసార సాధనాలకు, రాజకీయ నాయకులకు వారు ఉమ్మడిగా అన్ని రకాల సహాయ సహకారాలూ అందిస్తున్నారు. వారు వామపక్ష మేథావులను చేరదీశారు. ప్రత్యక్షంగా విమర్శించడం, కించపరచడం కంటే నాస్తికులైన వామపక్ష మేధావుల ద్వారా హిందూ వ్యతిరేక ప్రచారం చేయించటం మెరుగైన వ్యూహంగా వారికి తోచింది.  ఆ వ్యూహంలో భాగంగానే ఈ కుహనా మేథావులను ముందు పెట్టి ఆ హిందూ వ్యతిరేక సదస్సును నిర్వహించదలచారు.

ఏకైక దైవ మతాలు తమ మార్గమే సరియైనదని విశ్వసించి, ఇతరులపై తమ నమ్మకాలను రుద్దుతాయి. అందుకు భిన్నంగా హిందూ ధర్మం ఆధ్యాత్మిక స్వేచ్ఛను, సత్యాన్వేషణను ప్రోత్సహిస్తుంది. అందువల్ల హిందువులకు ఒక కేంద్రీకృత మత వ్యవస్థ లేదు. క్రైస్తవంలో పోపు, ఇస్లాంలో ఖలీఫాల వలె మత విషయాలలో సర్వాధికారాలు గల మత పెద్ద ఎవరూ లేరు.   కానీ ఆ లోటును రాష్ట్రీయ స్వయంసేవక సంఘ్ భర్తీ చేస్తుందని హిందూ వ్యతిరేకుల గట్టి నమ్మకం. దేశవ్యాప్తంగా పని చేస్తున్న ఏకైక హిందూ సంస్థ ఆర్ ఎస్ ఎస్. త్వరలోనే శతజయంతిని జరుపుకోబోతున్న ఆర్ఎస్ఎస్ ను బలహీనపరచడం ద్వారా హిందూ ధర్మాన్ని కోలుకోలేని దెబ్బ కొట్టాలన్నది వారి ఉద్దేశ్యం.

ఆ ఉద్దేశ్యాన్ని వారేమీ దాచుకోలేదు కూడా. ఆ సదస్సు వివరణ పత్రంలో కాషాయ ధ్వజం కింద ధ్వజప్రణామ్ చేస్తున్న స్వయంసేవకులను పెకిలించి వేస్తున్నట్లుగా కూడా చూపించారు. కానీ వామపక్ష మేథావుల కల ఎన్నటికీ నెరవేరదు. ఇప్పుడు హిందువులు మేల్కొని ఉన్నారు. ఇప్పటి హిందువులు వలస పాలన కాలం నాటి అమాయక హిందువులు కాదు. అన్ని రంగాలలోనూ ఎంతో ముందంజలో ఉన్నారు. తమ తప్పుడు వ్రాతలతో హిందువులను వారు ఇకపై మోసగించలేరు. ఖండాంతరాలలో విస్తరించిన హిందువులు ధర్మాన్ని కాపాడుకోవడానికి ధర్మంపై దాడి జరిగినప్పుడు పెద్దపెట్టున ఏకోన్ముఖులై ఖండిస్తున్నారు. ఏకపక్ష, పక్షపాత విమర్శలను తిప్పికొడుతున్నారు. వలసవాదులు, అబ్రహామిక్ మతాలు, వామపక్షాల అపవిత్ర కలయికను ఎండగడుతున్నారు.

హిందూ సమాజం జాగృతమై ఉంది. జర జాగ్రత్త !

హిందూ సమాజం జడంగా లేదు. నిరంతరంగా ప్రగతి శీలంగా ఉంది. మహిళలపై ఆంక్షలు లేవు. ‘నిమ్న కులాలు’ అని ఒకప్పుడు పిలవబడిన వారి చేతుల్లోనే ఇప్పుడు రాజ్యాధికారం ఉంది. ప్రభుత్వ ఉద్యోగులలో దళిత, గిరిజనులకు చెందిన వారే అధికం. ఇప్పుడు కులాంతర వివాహాలు సైతం పెద్ద ఎత్తున జరుగుతున్నాయి. వాటిని సమాజం ఆమోదిస్తున్నది కూడా. ప్రతి కుటుంబంలో ఎవరో ఒకరు కులాంతర వివాహం చేసుకున్నవారు కనబడుతున్నారు. అన్ని కులాల కంటే అణగారిన వర్గాలలోనే స్వాతంత్రం వచ్చాక విద్య, ఉద్యోగ, ఆర్థిక సాధికారత విస్తరించింది. దేశం, సమాజం గర్వపడే అంశాలివి.

వలస కాలపు చరిత్రకారులు వ్రాసిన అబద్ధాలు, అసత్యాలు పట్టుకొని ఆ దృక్కోణంలోంచే చూస్తూ హిందూ సమాజం అచేతనావస్థలో ఉందని, అసమానతలను ప్రోత్సహిస్తోందని, అవి కొనసాగుతున్నాయని, మహిళలపై, అల్పసంఖ్యాక వర్గాలపై దాడులు జరుగుతున్నాయని చేసే ప్రచారమంతా బూటకమే. గోరంతలు కొండంతలు చేసి, పదే పదే చెప్పి, వ్రాసి హిందూ సంస్థలను తాలిబన్లతోనూ, క్రూసేడర్లతోనూ పోల్చే ప్రయత్నం అసమంజసం. దురుద్దేశాలతో కూడినది. ఈ సవాలును స్వీకరించడానికి, తాత్వికంగానూ, ధార్మికంగాను ఎదుర్కోవడానికి హిందూ సమాజం సిద్ధంగా ఉంది. తన బలహీనతలను ఎప్పటికప్పుడు సరిదిద్దుకునేందుకు ఏమాత్రం వెనుకాడని హిందూ సమాజం ఈ దేశ ద్రోహులకు దీటైన సమాధానం చెప్పగలదు. ఇప్పటికైనా కుయుక్తులు మాని తమ హిందూ వ్యతిరేకతను మానుకోకపోతే విదేశీ ముస్లిములకు, ఆంగ్లేయులకు పట్టిన గతే ఈ వామపక్ష మేథావులకూ పడుతుంది. 1893 సెప్టెంబర్ 9న చికాగోలో స్వామి వివేకానంద పూరించిన హిందూ శంఖారావం ఇంకా హిందువుల చెవుల్లో మార్మ్రోగుతూనే ఉంది. ఖబడ్దార్.

– డాక్టర్ బి. సారంగపాణి

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post నేటి జాగృత హిందూ సమాజం ముందు మీ జిత్తులేవీ పారవిక appeared first on Vishwa Samvad Kendra Andhra Pradesh.

బ్రిటిష్ వారిని గడగడలాడించిన టిప్పు సుల్తాన్…
మైసూర్ టైగర్ టిప్పుసుల్తాన్…..
తండ్రిని మించిన శూరుడు టిప్పు సుల్తాన్….
మహా దేశభక్తుడు టిప్పు సుల్తాన్‌…….
మైసూరు పులిగా పేరు తెచ్చుకున్న టిప్పు సుల్తాన్….
ఒక వీరుడు మాతృదేశంకోసం నేలకొరిగాడు…..
బ్రిటీషర్స్ ని గడగడలాడించిన మైసూర్ బెబ్బులి….

ఇలాంటి హెడ్డింగ్ లతో వ్యాసాలు వ్రాసి ఎవర్ని మెప్పించాలని చూస్తున్నవి ఈ పత్రికలు.. ఈ టైటిల్స్ తో వ్రాసిన వెబ్ సైట్ లు, పత్రికలు అన్నీ తెలుగువే. నిజంగా మహమ్మదీయ సమాజం తెలుగుని వారి మాతృభాషగా చదువుతున్నారా? అంటే లేదు… వారి మాతృభాష అరబిక్ నే నేర్చుకుంటారు.. ఉర్దూ కూడా మనదేశంలో అత్యధికంగా ముస్లింలు మాట్లాడుతారు. మరి అటువంటప్పుడు తెలుగు పత్రికలు, వెబ్ సైట్ లు ఎందుకు టిప్పుని ఇంతగా మోస్తున్నవి? అనేది అర్ధంకాని ప్రశ్న. నిజంగా ఈ పత్రికలన్నీ ఇలాంటి హెడ్డింగ్ లు, టైటిల్స్ తో వ్యాసాలు వ్రాసినందుకు, అలాగే విగ్రహాలు పెడతాం, జయంతులు నిర్వహిస్తాం అనే మేథావులు కన్నడ సమాజానికి, దక్షిణ భారతదేశంలో ఉన్న హిందూ సమాజానికి క్షమాపణలు చెప్పాలి… ఎందుకంటే….

టిప్పు సుల్తాన్ ఎవరి సంతానం? :

నవంబర్ 20, 1750, దేవనహళ్ళిలో మహా కౄరుడు మైసూర్ సుల్తాన్ గా వున్న హైదర్ అలీ అతని రెండవ భార్య ఫాతిమలకు మొదటి సంతానం టిప్పు. తండ్రి హైదర్ అలీ మరణానంతరం 1782 లో మైసూర్ సుల్తాన్ అయ్యాడు. అప్పటి నుండి 1792 వరకు అంటే పదేళ్ళపాటు తను మైసూర్ మొత్తాన్ని సర్వనాశనం చేశాడు. ఆ తరువాత సమయంలో 7 ఏళ్ళపాటు పూర్తి గా బ్రిటీషర్స్ తో పోరాటం చేస్తూ మే 4, 1799 న చచ్చాడు.

చచ్చాడు అని ఎందుకనాల్సి వచ్చిందో చూద్దాం:

మైసూరు దక్షిణాదిలో బలిష్టమైన రాజ్యంగా ఉండేది. దాని పాలకులు వడయార్ లు. వారి దగ్గర సైనికుడిగా ఉన్న హైదర్‌ అలీ వడయార్ లపై తిరగబడి మైసూర్ సంస్థానాన్ని దక్కించుకున్నాడు. హైదర్ అలి రాజయ్యాక ఎన్నో వేలమందిని‌ ఇస్లాంలోకి మతం మార్చాడు అతనికి సహాయంగా అతని కొడుకు టిప్పు సుల్తాన్ 15 ఏళ్ళ వయసు‌ నుండే తండ్రితో పాటు మలబార్ పై దండెత్తి యుద్ధంలో పాల్గొనేవాడు. హైదర్ అలి ఒక వైపు వడయార్ లు, అలాగే అప్పుడే దేశంలో రాజ్యాన్ని సుస్థిరం చేసుకుంటున్న బ్రిటీషర్స్ పై పోరాటం చేయాల్సి వచ్చేది. తన జీవితంలోని అత్యధిక కాలం రణభూమిలోనే గడిపాడు. శత్రువుతో కలబడుతూనే 1782 నవంబరు 6న మరణించాడు. అదే సమయంలో మలబార్‌ తీరాన కల్నల్‌ హంబర్‌ స్టోన్‌ను తరిమి కొడుతున్నాడు టిప్పు. తండ్రి కన్నుమూసిన వార్త విన్న టిప్పు సత్వరమే శ్రీరంగపట్నం చేరుకుని, తన 31వ ఏట 1782 డిసెంబర్‌ మాసంలో మైసూరుకు రాజయ్యాడు.

ఆ తరువాత టిప్పు పదేళ్ళపాటు మైసూర్ సంస్థానంలో విధ్వంసం సృష్టించాడు. 1783 నుంచి 1791 వరకు మలబార్‌లో టిప్పు సుల్తాన్ రాక్షస కృత్యాల మూలంగా 30,000 మంది బ్రాహ్మణులు, ఇంకా ఎన్నో వేలమంది నాయర్లు… ఇళ్లు, ఆస్తులు విడిచిపెట్టి ప్రాణభయంతో తిరువాన్కూరు రాజ్యానికి పారిపోయారని టిప్పు మరణానంతరం బ్రిటిషు ఈస్టిండియా కంపెనీ వారు నియమించిన విచారణ సంఘం దర్యాప్తులో తేలింది. టిప్పు చేయించిన అత్యాచారాలు, సామూహిక సున్తీలు, ‘కత్తి లేదా టోపీ’ నినాదంతో నెత్తిన ముస్లిం టోపీ పెట్టుకోవటానికి ఒప్పుకోని వారిని వేల సంఖ్యలో నరికేసిన ఉదంతాలు, దేవాలయాలను మలిన పరిచి, బలవంతంగా ఆవు మాసం నోట కుక్కించి, స్త్రీలను చెరిచి, పసిపిల్లలనూ చంపించిన పైశాచిక కృత్యాలు ఎన్నో ఉన్నాయి.

1790లో టిప్పు యుద్ధ బీభత్సాన్ని అక్కడే ఉండి కళ్లారా చూసిన పోర్చుగిసు యాత్రికుడు Barthoelomeo తరవాత కాలంలో రాసిన ‘A Voyage to East Indies’ లో ఓ సంఘటన ఈ విధంగా వుంది… టిప్పు ఏనుగుకి ముందు 30 వేల మంది‌ ముస్లిం సైనికులు దారిలో కనపడ్డ వాళ్లనల్లా నరికేశారు…. టిప్పు ఏనుగు మీద ఉన్నాడు. ఇంకో 30వేల మంది సైనికులు అతడి వెనుక నడిచారు. కాలికట్‌లోని అత్యధిక సంఖ్యాకులను ఉరి తీశారు. బిడ్డలని మెడలకు కట్టి తల్లులను ఉరి తీశారు. కిరాతకుడు టిప్పు సుల్తాన్ క్రైస్తవులను, హిందువులను నగ్నంగా ఏనుగుల కాళ్లకు కట్టేయించి, వారు పచ్చడయ్యేదాకా ఏనుగుల చేత తొక్కించాడు. దేవాలయాలను, చర్చిలను తగులబెట్టి, మలినపరిచి, నాశనం చేయించాడు. ఇప్పటికైనా అర్దమయ్యిందా? లేదంటే ఇంకొన్ని తెలుసుకుందాం….

టిప్పు ధ్వంసం చేసిన దేవాలయాలు:

19వ శతాబ్దపు ‘మైసూర్ గెజిటీర్’ని చూడండి. దక్షిణ భారతంలో టిప్పు సేనలు 8000 దేవాలయాలను సర్వనాశనం చేసినట్టు కనపడుతుంది. ముఖ్యంగా మలబార్, కొచ్చిన్‌లలో జరిగిన దోపిడీలకు, దేవాలయ విధ్వంసాలకు లెక్క లేదని అర్థమవుతుంది. కుశాలానగర్ నుండి పొన్నంపేట వరకు టిప్పు నాశనం చేసిన దేవాలయాల ఆనవాళ్లు ఉన్నాయి. అతని క్రూరత్వం వలన ఎన్ని ప్రసిద్ధ దేవాలయాలు నేలమట్టమయ్యాయో లెక్కలేదు. వాటిలో కొన్ని‌ ముఖ్యమైనవి…

కుల్కేరి గ్రామంలోని ఉమామహేశ్వర ఆలయం (1956 లో పునరుద్ధరించబడింది)…
కులుకేరి మహాదేవర ఆలయం (2005 లో పునరుద్ధరించబడింది)….
పొన్నంపేట సమీపంలోని నాదికేరి గోవింద స్వామి ఆలయం (హైదర్ దాడి)….
పొన్నంపేట సమీపంలోని బేగుర్ ఒనలియప్ప ఆలయం (హైదర్ దాడి)….
అప్పంగల మధురప్ప ఆలయం (2014 లో పునరుద్ధరించబడింది)…..
అరమేరియా భగవతి ఆలయం (ఇప్పటికీ నిలబడి ఉంది)…
అర్వట్టోక్కులు ఈశ్వర్ ఆలయం…
కదనూర్ భగవతి ఆలయం….
మాలతికేరి ఆలయం…
బోలుమమదు ఈశ్వర ఆలయం….
అయమంగళ ఈశ్వర ఆలయం….
కుశాలానగర్ మరియు జింజర్కోప దేవాలయాలన్నీ…
విరాజ్పేట సమీపంలోని అరామేరి భగవతి ఆలయం…..

నవంబర్ 10, 1783 దీపావళి నాడు ఏమి జరిగిందో తెలుసా?:

దీపావళి పండుగను ఎంతో వైభవంగా జరుపుకుంటున్న మేల్కోటలోని అయ్యంగార్లు సుమారు 800 మంది ఉన్నారు… అందరూ పండుగ జరుపుకుంటున్నారు. ఆ ఆనంద సమయంలో అటువైపుగా వెళ్తున్న టిప్పు ఒక్కసారిగా ముస్లిం సైనికులతో దాడి చేయించి ఆ 800 మందిని చంపించివేశాడు. మహిళలను, పసిపిల్లలను, వృద్ధులను ఏ ఒక్కరిని వదలకుండా ఖండఖండాలుగా నరకడం మూలాన రక్తం ఒక నదిలా ప్రవహించింది. ఆ దుర్దినం జరిగినప్పటి నుండి అక్కడి అయ్యంగార్లు నేటి వరకు దీపావళి జరుపుకోవడం లేదంటే నమ్ముతారా? … నమ్మాలి ఇదే సత్యం.

టిప్పుకి మహిళలంటే గౌరవమా?

టిప్పు అందగాడా? మన పత్రికలు, వెబ్‌సైట్ లు అందగా చూపిస్తున్నాయి మరి… నిజం చెప్పాలంటే టిప్పు ఒక కామ పిశాచి. స్వతహాగా జన్మతః ముస్లిం కావడం మూలాన ముస్లిం మతాచారాల ప్రకారం బహు భార్యత్వంలో ఆరితేరాడు. ఇందాక అందగాడా? అన్నాను కదా? కాదు అతడో పిశాచిలా ఉంటాడు. కానీ మన తెలుగు, కన్నడ పత్రికల వాళ్ళు అతన్ని అంత అందంగా తయారుచేశారు. టిప్పు ఆడవాళ్ళను భోగ వస్తువుగానే చూశాడు. అతను ఓడిపోయిన భూభాగాల రాజవంశాల ఆడవారు మొదలుకుని, అతను కోరుకున్న ప్రతి స్త్రీనీ శ్రీరంగ పట్టణానికి తీసుకువచ్చాడు. అతను జయించిన, నాశనం చేసిన, అణచివేసిన పట్టణాల పాలకులు, మాండలిస్టులు మరియు గవర్నర్ల కుమార్తెలు కూడా తీసుకువచ్చిన వారిలో ఉన్నారు.

భారతదేశంలోని ఆర్కాట్, తంజావూర్ నుండి ఆడవారు, అలాగే టర్కీ, పర్షియా, జార్జియా వంటి సుదూర దేశాల నుండి తీసుకువచ్చిన స్త్రీలు కూడా ఉన్నారు. అతని భార్య మరియు ఉంపుడుగత్తెలతో సహా మొత్తం మూడు వందలకు పైగా మహిళలను అంత:పురంలో చేర్చాడు. ప్రతి భార్యకూ గదిని, వేచి ఉండటానికి ఒక హాలుని ఏర్పాటు చేశాడు. ఈ లెక్కలో ఎంతమంది హిందూ మహిళలను చెరచి ఉంటారో ఆలోచించండి…

మలబార్ ముస్లింలు మళయాళం చదువుతారు, వ్రాస్తారు. తమిళ ముస్లింలు ఇప్పటికీ తమిళం మాట్లాడతారు. కానీ మైసూర్ ముస్లింలు నేటికీ ఉర్దూలో, అరబిక్ లో మాత్రమే మాట్లాడుతున్నారు. కన్నడ వ్యతిరేక వైఖరి కారణంగా టిప్పు పర్షియన్ భాషను కన్నడ ప్రజల మీద రుద్దాడు. టిప్పు ప్రారంభించిన ఉర్దూ విద్యా విధానం కన్నడ రాజ్యంలో మతం మారిన హిందువుల మాతృభాష అరబిక్ మరియు ఉర్దూలుగా మారిపోయింది. టిప్పు 1796 లో మైసూర్ రాజుల రాజభవనాన్ని కొల్లగొట్టినప్పుడు, ప్యాలెస్ లైబ్రరీలో విలువైన గ్రంథాలు, మతసంబంధమైన లిఖిత ప్రతులు మరియు ఫైళ్ళను తగులబెట్టించాడు. కర్ణాటక ప్రజలు గర్వించదగిన విజయనగర సామ్రాజ్యం యొక్క సంప్రదాయం టిప్పు యొక్క జీహాదీ మనస్తత్వం కారణంగా నాశనం అయినది అని కూడా మనం గమనించాలి.

ఇకపోతే చివరగా ఈ పత్రికలు లేదా వెబ్ సైట్ లు ఎందుకు వీరుణ్ణి చేశాయో చూద్దాం:

తన రాజ్యంలో వరుసగా తిరుగుబాట్లు వస్తూండటంతో టిప్పు సుల్తాన్‌ ఆత్మస్థైర్యం సన్నగిల్లింది. 1792లో శ్రీరంగపట్నం యుద్ధంలో జరిగిన పరాభవం అతని స్థైర్యాన్ని పూర్తిగా దెబ్బతీసింది. ఈ యుద్ధంలో అతడు పెద్దమొత్తంలో ధనాన్ని నష్టపోయాడు. తన రాజ్యంలో సగ భాగాన్ని కోల్పోయాడు. అతడి ఇద్దరు కుమారులూ బందీలయ్యారు. 1782-92 కాలంలో అతనిలో పెల్లుబికిన గర్వమంతా అణగారిపోయింది. తాను నిలదొక్కుకోవడమే కష్టమైపోయింది. అప్పుడు జరిగిన సంధి ప్రకారం తను సంపాదించిన రాజ్యాన్ని బ్రిటిష్‌ వారికి అప్పగించాల్సి ఉంది.

వెనకటి సామ్రాజ్యాన్నీ, వైభవాన్నీ పొందటమే ఇప్పుడు టిప్పు ముందున్న లక్ష్యం. ఈ పరిస్థితుల్లో తనకన్నా బలవంతులైన బ్రిటిష్‌ వారితో తలపడాలంటే తన రాజ్యంలో అధిక సంఖ్యాకులైన హిందువుల విశ్వాసాన్ని చూరగొనాలి. హిందువుల ఆగ్రహానికి గురైతే తన ఉనికికే ప్రమాదం వాటిల్లుతుందని గ్రహించాడు. నాటి నుంచి హిందువులను మచ్చిక చేసుకోవటం కోసం రకరకాల వేషాలు వేశాడు. అవే టిప్పూ రోడ్లు వేశాడు, శృంగేరి పీఠానికి‌ ధన సహాయం చేశాడు. అసలు ఇక్కడ ఇంకో‌ ప్రశ్న ఎవడి ధనాన్ని పీఠానికి ఇచ్చాడు? అలాగే రోడ్లు వేశాడు అంటే హిందువులపై వేసిన విచ్చలవిడి పన్నులతో చేశాడు. బాగ్దాద్ నుండో ఖలీఫాల దగ్గర నుండో అరబ్బుల నుండో తెచ్చి ఇక్కడి దేవాలయానికి ఇవ్వలేదు. అది అర్దంకాని పత్రికలు ఈ రకంగా కీర్తిస్తు‌న్నాయి. అలాగే దీని వెనుక ద్రవిడ, కమ్యునిష్ట్, ముస్లింల‌ కుట్రలు, స్వాతంత్ర్యానంతరం దేశాన్ని, కర్ణాటకను అత్యధిక కాలం పాలించిన కాంగ్రెస్ యొక్క ముస్లిం సంతుష్టీకరణ విధానాలు ఉన్నాయనే చెప్పాలి.

టిప్పు జయంతిని జరుపుకుంటే తప్పేంటి అని కారు కూతలు కూస్తు‌న్న వారికి సూటి ప్రశ్న. వేల సంఖ్యలో మతమార్పిడులు చేసినవాడు ఈ దేశీయుడు ఎలా అవుతాడు? అతని కారణంగా చనిపోయిన ఆ కుటుంబాలు ఎలా ఉంటాయి? వారి మానసిక స్థితి ఎలా ఉంటుంది? ఆ గొప్ప వ్యక్తులు అందరూ టిప్పు, హైదర్ల దుష్ట పాలన నుంచి విముక్తి కోసం, స్వాతంత్ర్యం కోసం పోరాడారు. వాళ్ళ త్యాగాలను అవమానిద్దామా? టిప్పుని కీర్తిద్దామా? కేవలం తన స్వార్థం కోసం బ్రిటిషు వారిని ఎదిరించిన టిప్పు సుల్తాన్‌ని మనదేశంలోని సెక్యులర్‌ మేథావులు దేశభక్తుడిని చేసేశారు! అసలైన యోధులను మరచారు! అందుకే టిప్పు చచ్చాడు అని వ్రాశాను. ఆ తరువాత తిరిగి వడయార్ ల పాలన మొదలయ్యింది. కనుక‌ ఒకటే మాట. ఈ దేశ సంస్కృతిని, సాంప్రదాయాలను నాశనం చేయజూసినవాడు, మహిళలపై‌ అత్యాచారాలు చేసినవాడు ఎంతడివాడైనా సరే విగ్రహాలు పెట్టడానికి, జయంతులు నిర్వహించడానికి అనర్హుడు.

హిందూ సమాజానికి వీరంతా క్షమాపణలు చెప్పాలి :

పరమ క్రూరుడు టిప్పును చరిత్ర పుటలలో బ్రిటిష్ వారిని ఎదిరించిన యోధుడిగా చిత్రించిన చరిత్రకారులు, ఆ తప్పుడు భావనను పెంచి పోషించి టిప్పును 7 దశాబ్దాలు నెత్తికెత్తుకుని ఊరేగిన కుహనా సెక్యులర్ కాంగ్రెసు, కమ్యూనిష్టులు, టిప్పును వీరుడిగా, స్వాతంత్ర్య సమర యోధుడిగా యథాశక్తి కీర్తిస్తూ వస్తున్న వివిధ పత్రికలు, వెబ్ సైట్లు, తమ రాజకీయ ప్రయోజనాలే పరమావధిగా టిప్పు జయంతులు నిర్వహిస్తాం, విగ్రహాలు పెడతాం అంటూ తెగ ఉత్సాహపడుతున్న చౌకబారు రాజకీయ నేతలు తదితరులంతా టిప్పు కత్తికి బలైపోయిన, తమ పవిత్ర దేవాలయాలను, సాహిత్యాన్నీ కోల్పోయిన, టిప్పు దుర్మార్గ పాలనలో ఎన్నో అవమానాలకు, అఘాయిత్యాలకు గురైన అమాయక హిందూ సమాజాన్ని క్షమాపణలు వేడాలి. లేదంటే ఏదో ఒకరోజు జాగృత హిందూ సమాజపు ఆగ్రహ జ్వాలల్లో వీరంతా దహించుకుపోక తప్పదు.

– రాజశేఖర్ నన్నపనేని.

మెగా మైండ్స్ సౌజన్యంతో…..

గమనిక : ఈ వ్యాసంలో వెలిబుచ్చిన అభిప్రాయాలు, భావాలు పూర్తిగా రచయిత వ్యక్తిగతం.

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post టిప్పు కత్తికి బలైన హిందూ సమాజానికి వీరంతా క్షమాపణలు చెప్పాలి…. appeared first on Vishwa Samvad Kendra Andhra Pradesh.

మతపరమైన అణచివేతకు కొనసాగింపుగా, చైనా అధికారులు క్రైస్తవులను తమ విశ్వాసాన్ని త్యజించి, శిలువలను, చర్చిలలో యేసు చిత్రాలను తొలగించి ఆ స్థానంలో ఛైర్మన్ మావో ప్రెసిడెంట్ జి జిన్‌పింగ్ చిత్రాలను ఉంచకపోతే వారు ప్రభుత్వ సంక్షేమ ప్రయోజనాలను కోల్పోయే ప్రమాదం ఉందని ఆదేశించారు.

డైలీ మెయిల్‌లో ప్రచురించిన ఒక కథనం ప్రకారం, దేశంలో మతం యొక్క అభివ్యక్తిని అణిచివేసేందుకు చైనా అధికారులు సమష్టి ప్రయత్నం చేస్తున్నారు. క్రైస్తవ మైనారిటీలపై ప్రభుత్వ అనుమతి పొందిన హింసలో భాగంగా చైనా అధికారులు ఇటీవల అన్హుయి, జియాంగ్సు, హెబీ మరియు జెజియాంగ్‌తో సహా పలు ప్రావిన్సులలోని చర్చిలలో మతపరమైన చిహ్నాలను బలవంతంగా పడగొట్టారు.

చర్చి పైనున్న శిలువను భారీ యంత్రాలతో తొలగిస్తున్న దృశ్యం

స్వతంత్ర అవుట్లెట్ బిట్టర్ వింటర్ ను ఉటంకిస్తూ, డైలీ మెయిల్‌లో ప్రచురించిన కథనం క్రైస్తవులను మతపరమైన చిత్రాలను తీసివేసి, వాటి స్థానంలో కమ్యూనిస్ట్ నాయకుల చిత్రాలను ఉంచాలని షాంకి ప్రావిన్స్ అధికారులు ఆదేశించారని వెల్లడించింది.

చైనా ప్రావిన్స్ లోని హువైనాన్‌లో మతపరమైన వ్యవహారాల అధికారులు గడచిన శని, ఆదివారాలలో స్థానిక శివాన్ క్రైస్ట్ చర్చిలోకి బలవంతంగా ప్రవేశించి దానిలోని శిలువను ధ్వంసం చేశారని ఆరోపించారు. ఒక వారం ముందే చర్చిలోని శిలువను తొలగించమని అధికారులు ఆదేశించినట్లు స్థానిక వనరులను ఉటంకిస్తూ రేడియో ఫ్రీ ఆసియా సమాచారాన్ని వెల్లడించింది.

శిలువను పడగొట్టడానికి చైనా అధికారులు ఆ ప్రదేశానికి వచ్చినప్పుడు, వారు అక్కడే వున్న డజన్ల కొద్దీ విశ్వాసుల నుండి తీవ్ర ప్రతిఘటనను ఎదుర్కొన్నారని, వారు శిలువను పడగొట్టకుండా అధికారులను ఆపడానికి గుమిగూడారని కూడా రేడియో ఫ్రీ ఆసియా పేర్కొంది.

జూలై 7 న జెజియాంగ్ ప్రావిన్స్‌లోని యోంగ్జియాలో కూడా ఇలాంటి సంఘటనలు జరిగాయి. స్థానిక ప్రభుత్వం అయోడి క్రైస్ట్ చర్చి మరియు యిన్‌చాంగ్ క్రైస్ట్ చర్చిపై వున్న శిలువలను పడగొట్టడానికి 100 మంది కార్మికులను పంపినట్లు అమెరికాకు చెందిన చైనా ఎయిడ్ పేర్కొంది. స్థానిక సమాచారం మేరకు ప్రభుత్వ ఉద్యోగులు చర్చిలలోకి బలవంతంగా ప్రవేశించారు. చర్చిల ఆస్తులను ధ్వంసం చేశారు. వారిని అడ్డుకోవడానికి ప్రయత్నించిన 80 ఏళ్ళ మహిళతో సహా అక్కడ వున్న క్రైస్తవులను కొట్టారు.

గ్రామీణ ప్రాంతాల్లో నివసిస్తున్న పేద క్రైస్తవులు ప్రభుత్వం నుండి సంక్షేమ పథకాల ప్రయోజనాలను పొందడం కొనసాగించాలనుకుంటే వారు తమ మతపరమైన చిహ్నాలను ధ్వంసం చేయాలని, ఆ స్థానంలో కమ్యూనిస్ట్ నాయకుల పోస్టర్లను ప్రదర్శించాలని ప్రభుత్వ అధికారులు బెదిరిస్తున్నారని ఆ నివేదిక పేర్కొంది.

చర్చిలోని మత చిహ్నాలను తొలగించడానికి యంత్రాలతో వస్తున్న అధికారులు

ఈ చర్య చైనా అంతటా మత సంస్థలపై చైనా కమ్యూనిస్ట్ పార్టీ (CCP) యొక్క భారీ అణచివేత వ్యూహానికి అనుగుణంగా ఉంది. దేశ ప్రధానమంత్రిగా జి జిన్‌పింగ్ రావడంతో, దేశంలో మతపరమైన కార్యకలాపాలను ప్రక్షాళన చేయడానికి CCP చర్యలు దృఢముగా కొనసాగుతున్నాయి. చర్చిలు మరియు మసీదులను కూలగొట్టాలని, టిబెటన్ పిల్లలు బౌద్ధ మత అధ్యయనాలను కొనసాగించకూడదని, అలాగే ఉఘర్ ముస్లిం మైనారిటీలలో ఒక మిలియన్ మందికి పైగా సభ్యులను నిర్బంధ శిబిరాల్లో విద్యాభ్యాసం చేయించటానికి చైనా కమ్యూనిస్ట్ పార్టీ ఆదేశాలు జారీ చేసింది.

ఈ అణిచివేత చైనా అధ్యక్షుడు జి జిన్‌పింగ్ జారీ చేసిన స్పష్టమైన సూచనల ప్రకారమే జరుగుతున్నాయి. అన్ని మతాలు కమ్యూనిస్ట్ పార్టీకి విధేయులుగా ఉండడం తప్పనిసరి. నవంబర్ 2019 లో అన్ని మత గ్రంథాల యొక్క బోధనలను సమీక్షించి, సవరించడానికి కూడా CCP ఒక ఉత్తర్వు జారీ చేసింది. కమ్యూనిస్ట్ పార్టీ నమ్మకాలకు వ్యతిరేకంగా ఉండే కొత్త కంటెంట్ ఏదీ వాటిలో ఉండకూడదని దేశ ఉన్నతాధికారులు ఆదేశించారు. చైనాలోని జాతి మరియు మతపరమైన సమస్యలకు బాధ్యత వహిస్తున్న చైనీస్ పీపుల్స్ పొలిటికల్ కన్సల్టేటివ్ కాన్ఫరెన్స్ జాతీయ కమిటీ యొక్క జాతి మరియు మతపరమైన వ్యవహారాల కమిటీ నిర్వహించిన సమావేశంలో ఈ ఉత్తర్వు జారీ చేయబడింది. సమావేశాన్ని పర్యవేక్షించిన చైనా పీపుల్స్ పొలిటికల్ కన్సల్టేటివ్ కాన్ఫరెన్స్ చైర్మన్ వాంగ్ యాంగ్ మాట్లాడుతూ, అధ్యక్షులు జి యొక్క ఆదేశాలకు మతపరమైన అధికారులు కట్టుబడి ఉండాలని మరియు ‘సోషలిజం యొక్క ప్రధాన విలువలు’ మరియు అవసరాలకు అనుగుణంగా వివిధ మతాల సిద్ధాంతాలను వివరించాలని అన్నారు.

SOURCE : OPINDIA

https://www.opindia.com/2020/07/china-jesus-christian-cross-demolish-communist-party-xi-jinping-mao-symbols/

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post శిలువలను, యేసు చిత్రాలను ధ్వంసం చేయండి, ఆ స్థానంలో మావో, జిన్‌పింగ్ చిత్రాలను ఉంచండి: క్రైస్తవులకు చైనా ప్రభుత్వం ఆదేశాలు appeared first on Vishwa Samvad Kendra Andhra Pradesh.

భారత్‌లోని లిపులేఖ్‌, కాలాపానీ, లింపియాధురాలు ప్రాంతాలు నేపాల్‌కు చెందినవేనని ఆ దేశ ప్రధానమంత్రి కేపీ శర్మ ఓలీ మంగళవారం అన్నారు. రాజకీయ, దౌత్యపరమైన మార్గాల ద్వారా వీటిని భారత్‌ నుంచి తిరిగి స్వాధీనం చేసుకుంటామని చెప్పారు. ఈ మూడు ప్రాంతాలను తమ దేశ అంతర్గత భూభాగాలుగా చూపుతూ రూపొందించిన కొత్త పటాన్ని నేపాల్‌ మంత్రిమండలి ఆమోదించిన సంగతి తెలిసిందే.

‘భారత్‌ నుంచి అక్రమ మార్గాల్లో వస్తున్న వారి ద్వారానే నేపాల్లో వైరస్‌ వ్యాపిస్తోంది. సరైన పరీక్షలు చేయకుండానే అధికారులు, పార్టీ నాయకులు వారిని అనుమతిస్తున్నారు. బయట నుంచి జనాలు వస్తుండటంతో కొవిడ్‌-19ను కట్టడి చేయడం కష్టమవుతోంది. ఇటలీ, చైనాతో పోలిస్తే భారత వైరస్‌ మరింత ప్రమాదకరంగా కనిపిస్తోంది. ఎక్కువ మందికి సోకుతోంది’ అని ఓలీ ఆరోపించారు.

దురుద్దేశపూర్వకంగానే నేపాల్‌ ప్రధాని భారత్‌పై ఆరోపణలు చేస్తున్నారని తెలుస్తోంది. కొన్ని కారణాల వల్ల ఓలితో చైనా ఈ వ్యాఖ్యలు చేయిస్తున్నట్టు అనుమానిస్తున్నారు. వైరస్‌ కారణంగా డ్రాగన్‌ దేశం నుంచి కంపెనీలు భారత్‌కు తరలివచ్చే అవకాశం ఉండటంతో ఇలా దొంగదారిలో ఆరోపణలు చేయిస్తున్నట్టు సమాచారం. కరోనా వైరస్‌ వాస్తవంగా చైనాలోని వుహాన్‌లోనే పుట్టిన సంగతి తెలిసిందే. వైరస్‌ ఆవిర్భావంపై స్వతంత్ర విచారణ చేపట్టాలని అన్ని దేశాలు ఒత్తిడి చేస్తున్నాయి. అందులో కొన్ని దేశాలను దారికి తెచ్చుకొనేందుకు వివాదాస్పద ప్రాంతాలపై కవ్వించడం, ఎగుమతులు, దిగుమతులను అడ్డుకోవడం వంటివి చేస్తుంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post భారత్‌పై నేపాల్‌ ప్రధాని దురుద్దేశపూర్వక వ్యాఖ్యలు appeared first on Vishwa Samvad Kendra Andhra Pradesh.