ఉత్తర బెంగాల్‌లోని సిలిగురిలో జరిగిన బహిరంగ సభలో షా మాట్లాడుతూ, “సీఏఏను అమలు చేయడం లేదని తృణమూల్ కాంగ్రెస్ పుకార్లు వ్యాప్తి చేస్తోంది. కరోనా మహమ్మారి ప్రమాదం తొలగిన తర్వాత, ఈ చట్టాన్ని అమలు చేస్తాము. మన శరణార్థ సోదరులు, సోదరీమణులకు పౌరసత్వ హక్కులను కల్పిస్తామని ఈ రోజు నేను మీకు హామీ ఇస్తున్నాను” అని ప్రకటించారు.

ముఖ్యమంత్రి మమతా బెనర్జీ గురించి ప్రస్తావిస్తూ, “మమతా దీదీ బెంగాల్‌లోకి చొరబాటుదారులకు అవకాశం కల్పిస్తూ, మన శరణార్థ సోదరులు పౌరసత్వం పొందకుండా చూడాలని మాత్రమే కోరుకుంటున్నారు. అయితే, సీఏఏ అనేది వాస్తవమని, అది అమలు జరిగి తీరుతుందని గుర్తించాలి. తృణమూల్ కాంగ్రెస్ దీనిని మార్చలేదు” అని స్పష్టం చేశారు.

2019లో అమల్లోకి వచ్చిన సీఏఏ ఆఫ్ఘనిస్తాన్, బంగ్లాదేశ్, పాకిస్తాన్‌లలో హింసను ఎదుర్కొని భారతదేశానికి వలస వచ్చిన హిందూ, సిక్కు, బౌద్ధ, జైన్, పార్సీ , క్రిస్టియన్ వర్గాల వారికి పౌరసత్వం మంజూరు చేయాలని లక్ష్యంగా పెట్టుకుంది.

పశ్చిమ బెంగాల్‌ రెండు రోజుల పర్యటనలో రాష్ట్రంలో రాజకీయ హత్యలు, ఎన్నికల అనంతర హింస, అవినీతిని అరికట్టడంలో విఫలమైందని మమతా బెనర్జీ ప్రభుత్వంపై అమిత్ షా మండిపడ్డారు. యాదృచ్ఛికంగా, తృణమూల్ కాంగ్రెస్ ప్రభుత్వం గత ఏడాది వరుసగా మూడోసారి అధికారంలోకి వచ్చిన తర్వాత ఒక సంవత్సరం పూర్తి చేసుకుంది.

“బెంగాల్ ప్రజలు మమతా బెనర్జీకి మూడోసారి ముఖ్యమంత్రి కావాలని అవ‌కాశం క‌ల్పించారు. మమతా బెనర్జీ తన విధానాలను చక్కదిద్దుతారని, ఆమె పనితీరును మార్చుకోవాలని మేము ఆశించాము. ఆమె తనను తాను సరిదిద్దుకోవడానికి మేము ఒక సంవత్సరం పాటు వేచి ఉన్నాము. కానీ ఆమె మారలేదు, ”అని షా మండిప‌డ్డారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post కరోనా మహమ్మారి తర్వాత సీఏఏ అమలు తథ్యం: కేంద్ర హోం మంత్రి అమిత్ షా appeared first on Vishwa Samvad Kendra Andhra Pradesh.

ఆ ప్రతినిధి బృందానికి స్వాగతం పలికి ప్రధాని మోదీ వారు అతిథులు కారని, భారత్ వారికి స్వప్రదేశమని తెలిపారు. పంజాబ్ అసెంబ్లీ ఎన్నికలకు ముందు అనేక మంది సిక్కు ప్రముఖులతో ప్రధాని తన నివాసంలో భేటీ అయ్యారు. కాగా, ఇప్పుడు ఆయన ఆప్ఘనిస్థాన్ నుంచి వచ్చిన సిక్కు, హిందూ ప్రతినిధి బృందానికి తన నివాసంలో ఆతిథ్యం ఇచ్చారు.

భవిష్యత్తులో కూడా వారికి నిరంతరం మద్దతునిస్తానని ప్రధాని మోదీ ఈ సందర్భంగా వారికి హామీని ఇచ్చారు. తాను కాబుల్‌ను సందర్శించినప్పుడు ఆఫ్ఘన్‌ల నుంచి లభించిన ప్రేమను కూడా ప్రధాని ఈ సందర్భంగా ప్రస్తావించారు. ఈ భేటీ సందర్భంగా బీజేపీ నాయకుడు మంజిందర్ సింగ్ సిర్సా, కేంద్ర మంత్రి హర్దీప్ సింగ్ పూరీ, కేంద్ర సహాయ మంత్రి మీనాక్షి లేఖి కూడా హాజరయ్యారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఆఫ్ఘన్ సిక్కు, హిందూ ప్రతినిధి బృందంతో ప్రధాని మోదీ భేటీ appeared first on Vishwa Samvad Kendra Andhra Pradesh.

రాం భక్త గోపాల్ తన 17 సంవత్సరాల వయసులో ఢిల్లీలోని జామియా మిలియా యూనివర్సిటీలో కేంద్ర ప్రభుత్వం తీసుకువచ్చిన పౌరసత్వ సవరణ చట్టానికి వ్యతిరేకంగా కొంతమంది నిరసనకారులు చేపట్టిన నిరసన ప్రదర్శనపై కాల్పులు జరిపింది కూడా ఈ యువకుడే కావడం గమనార్హం.

ఈ సంఘటన యొక్క వీడియో రికార్డింగ్ ను చూసి దిగ్భ్రాంతికి గురైనామని గుర్గావ్ కోర్టు పేర్కొంది. ఇలాంటి సంఘటనలు పునరావృతం కాకుండా భారతీయ సమాజం జాగ్రత్త వహించవలసిన అవసరం ఉన్నదని కోర్టు అభిప్రాయపడింది. అవకాశం ఇస్తే…. ఇలాంటి వ్యక్తులు తమ స్వంత అభిప్రాయాలు, మత విద్వేషాల ఆధారంగా అమాయకులను మూకుమ్మడిగా హత్య చేయడానికి కూడా వెనుకాడరని కోర్టు వ్యాఖ్యానించింది.

“కోర్టు ముందు నిలబడిన నిందితుడు ఏమీ తెలియని సాధారణ, అమాయక యువకుడు కాదు. అతను గతంలో చేసిన పనులు, ఇప్పుడు నిర్భీతిగా తన ద్వేషాన్ని వ్యక్తం చేయడం చూస్తే… అతను జన సమూహాన్ని కూడా తన ద్వేషంలో పాలు పంచుకునేలా చేసే ప్రమాదమున్నదనిపిస్తోంది.” అని కోర్టు వ్యాఖ్యానించింది.

‘స్వేచ్ఛా ప్రసంగం’ మరియు ‘భావ ప్రకటనా స్వేచ్ఛ’ అంటే ప్రస్తుతం ఈ నిందితుడు చేసినట్లుగా వివాదాస్పదమైన, దారుణమైన, విద్వేషపూరితమైన వ్యాఖ్యలు చెయ్యడం కాదని, అవి ఎంతమాత్రమూ ఆమోదయోగ్యమైనవి కావని కోర్టు అభిప్రాయపడింది.

“భారతదేశ పౌరులు, ఏ మత విశ్వాసానికి లేదా కులానికి చెందిన వారైనా అభద్రతా భావానికి లోను కాకుండా ఉండాలంటే ఇలాంటి ద్వేష భావం కలిగిన వారు స్వేచ్చగా సంచరించకుండా చూడాలి.” అని పేర్కొనడం ద్వారా కోర్టు పోలీసులకు మరియు రాష్ట్ర ప్రభుత్వానికి తన రాజ్యాంగ విధిని గుర్తు చేసింది.

“ఒక నిర్దిష్ట మతానికి చెందిన బాలికలను అపహరించి చంపాల్సిందిగా పిలుపునిస్తూ నిందితుడు చేసిన విద్వేషపూరిత ప్రసంగం కూడా ఒక రకంగా హింసతో సమానమేనని కోర్టు అభిప్రాయపడింది. అలాంటి వ్యక్తుల రెచ్చగొట్టే ప్రసంగాలు నిజమైన ప్రజాస్వామ్య స్ఫూర్తికి విఘాతం కలిగిస్తాయి.” అని కూడా కోర్టు నొక్కి చెప్పింది.

నిందితుడిని పోలీసులు సోమవారం అరెస్టు చేశారు. ఒక నిర్దిష్ట సమూహం లేదా మతంపై దాడులను ప్రేరేపించడం, ఒక సమూహం యొక్క మతపరమైన భావాలను రెచ్చగొట్టడం, ఉద్దేశపూర్వకంగా హానికరమైన చర్యలకు పాల్పడడం వంటి అభియోగాలను పోలీసులు అతనిపై నమోదు చేశారు.

ఢిల్లీలో సిఎఎ వ్యతిరేక నిరసనకారులపై కాల్పులు జరిపినందుకు గత ఏడాది జనవరిలో అరెస్టయిన నిందితుడు ఇటీవలే బెయిల్ ‌పై బయటకు వచ్చాడు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post విద్వేషపూరిత ప్రసంగం చేసిన కేసులో, నిందితుడికి బెయిల్ నిరాకరించిన కోర్టు – CAA వ్యతిరేక నిరసనకారులపై కాల్పులు జరిపిన వ్యక్తే ఈ కేసులోనూ నిందితుడు appeared first on Vishwa Samvad Kendra Andhra Pradesh.

పొరుగు దేశాల్లో మతపరమైన హింస కారణంగా భార‌త్ కు వ‌చ్చిన ఈ హిందూ వలసదారులకు సి.ఏ.ఏ చ‌ట్టం కింద వారికి భారత పౌరసత్వం అందించ‌బ‌డింద‌ని, రాష్ట్ర ప్రభుత్వం ఈ ప్రక్రియను పూర్తి చేసి వారికి భారత పౌరసత్వ ధృవీకరణ పత్రాలను అందజేశామ‌ని మ‌ధ్య‌ప్ర‌దేశ్ రాష్ట్ర హోంమంత్రి నరోత్తం మిశ్రా తెలిపారు.

భారతీయ పౌరసత్వం పొందిన వారిలో భోపాల్‌కు చెందిన నందలాల్, అమిత్ , మాండ్‌సౌర్‌కు చెందిన అర్జుందస్ మంచందాని, జైరామ్ దాస్, నారాయణ దాస్ సౌశల్య బాయి ఉన్నారు.

ఆఫ్ఘనిస్తాన్, బంగ్లాదేశ్, పాకిస్తాన్లోని హిందూ, సిక్కు, బౌద్ధ, జైన, పార్సీ లేదా క్రైస్తవ మ‌తానికి చెందిన వారు ఆయా దేశాల్లో మ‌త‌ప‌ర‌మైన హింస‌కు గురై భార‌త్ దేశానికి వ‌చ్చిన వారికి భార‌త పౌర‌స‌త్వం క‌ల్పించ‌డానికి వీలుగా కేంద్రంలో బీజేపీ ప్ర‌భుత్వం పౌర‌స‌త్వ చ‌ట్టానికి స‌వ‌ర‌ణలు చేసింది. ఈ చ‌ట్టం ప్ర‌కారం భారతదేశంలోకి వ‌చ్చిన వారు ప్ర‌స్తుతం సి.ఏ.ఏ చ‌ట్టం ద్వారా ద‌ర‌ఖాస్తు చేసుకున్న త‌ర్వాత ప్ర‌భుత్వం అన్ని ప‌త్రాల‌ను ప‌రిశీలించి వారికి భార‌త పౌర‌స‌త్వం క‌ల్పిస్తుంది.

Source : ORGANISER & VSK TELANGANA

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post C.A.A : ఆరుగురు పాకిస్తానీ హిందువుల‌కు భార‌త పౌర‌స‌త్వం appeared first on Vishwa Samvad Kendra Andhra Pradesh.