భర్త తాను చెప్పిన మతం తీసుకోలేదని మనస్తాపం చెందిన భార్య ఆత్మహత్య చేసుకున్న ఘటన ఏలూరు జిల్లా భీమడోలు మండలం పోలసానిపల్లి గ్రామంలో చోటు చేసుకుంది.

భీమడోలు మండలం పోలసానిపల్లి గ్రామానికి చెందిన పావని(31)కి, మిరియాల ఈశ్వర అనిల్ ‌కుమార్ ‌కు ఎనిమిదేళ్ల కిందట వివాహం జరిగింది. అనిల్‌ కుమార్‌ భీమడోలులో ఒక ప్రైవేటు సంస్థలో పని చేస్తున్నాడు. పావని పెళ్లికి ముందు నుంచే తన తల్లిదండ్రులతో కలిసి చర్చికి వెళ్ళేది. పెళ్ళైనప్పటి నుంచే భర్తను కూడా క్రైస్తవ మతం తీసుకోమని పావని ఒత్తిడి చేస్తోంది. కానీ హిందువైన భర్త అందుకు విముఖత చూపిస్తున్నారు. ఇటీవల అతని చరవాణిలో ముఖచిత్రంగా యేసు ప్రభువు ఫొటోను ఆమె పెట్టగా… అది ఇష్టంలేని అతను దాన్ని తొలగించాడు. ఈ నేపథ్యంలో వారిద్దరి మధ్య ఆగస్టు 29వ తేదీ రాత్రి వాగ్వాదం జరిగింది. మరుసటి రోజు భర్త పని నిమిత్తం బయటకు వెళ్లి, రాత్రి తిరిగి ఇంటికి రాగా తలుపు లోపల నుంచి గడియ పెట్టి ఉంది. అనుమానంతో పరిశీలించగా భార్య పావని సీలింగ్‌ ఫ్యాన్ ‌కు వేలాడుతూ కనిపించింది. మృతురాలు సోదరుడు ఇచ్చిన ఫిర్యాదు మేరకు అనుమానాస్పదస్థితి మృతి కేసుగా నమోదు చేశామని ఎస్సై చావా సురేష్ తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post పచ్చని కాపురంలో చిచ్చు పెట్టిన చర్చి appeared first on Vishwa Samvad Kendra Andhra Pradesh.

ఫారిన్ కంట్రిబ్యూషన్ రెగ్యులేషన్ యాక్ట్ కింద 6000 పైగా ఎన్జీవోల లైసెన్సుల గడువు ముగిసిపోయింది. ఆ గడువును పొడిగించాలని కోరుతూ ఆ 6000 NGOలు సుప్రీంను ఆశ్రయించాయి.

పిటిషనర్-NGO తరఫు సీనియర్ న్యాయవాది సంజయ్ హెగ్డే, NGOలు వచ్చే రెండు వారాల్లోపు దరఖాస్తు చేసుకుంటే వారి FCRA లైసెన్సులను పొడిగించేలా ప్రత్యామ్నాయ ఆదేశాల కోసం కోర్టును  అభ్యర్ధించారు.

అయితే ఆ విధంగా మధ్యంతర ఉపశమనం కల్పించేందుకు జస్టిస్ ఏఎం ఖాన్విల్కర్, జస్టిస్ సీటీ రవికుమార్, జస్టిస్ దినేష్ మహేశ్వరిలతో కూడిన ధర్మాసనం నిరాకరించింది. అవకాశముంటే పిటిషనర్ అధికారులను అభ్యర్ధించుకోవచ్చని, అధికారులు కూడా పిటిషనర్ల అభ్యర్ధనను పరిశీలించవచ్చని బెంచ్ పేర్కొంది.

హోం వ్యవహారాల మంత్రిత్వ శాఖ సూచనల ఆధారంగా, కటాఫ్ తేదీలోపు లైసెన్స్ పునరుద్ధరణ కోసం దరఖాస్తు చేసుకున్న 11,594 NGOల FCRA లైసెన్స్‌లను పొడిగించినట్లు సొలిసిటర్ జనరల్ తుషార్ మెహతా ధర్మాసనానికి తెలిపారు.

“భారత్ లోని NGOల లైసెన్సుల గడువు పొడిగించకపోతే హూస్టన్ లోని సంస్థ ఆందోళన చెందడమేంటి?” అని పిటిషన్ వేసిన సంస్థ యొక్క కేంద్రాన్ని, దాని ఉద్దేశ్యాలను కూడా సొలిసిటర్ జనరల్ ప్రశ్నించారు. “ఈ PIL వేయడం వెనుక వారి ఉద్దేశ్యం ఏమిటో నాకు తెలియదు. ఎక్కడో ఏదో తేడా ఉంది” అని సొలిసిటర్ జనరల్ అన్నారు.

6000 సంస్థల లైసెన్సులను భారత ప్రభుత్వం నిలిపివేసినట్లు గుర్తించినందునే పిటిషనర్ కోర్టు ముందుకు వచ్చినట్లు పిటిషనర్ తరపు న్యాయవాది హెగ్డే కోర్టుకు వివరించారు. ఇటీవల సవరింపబడిన FCRA చట్టం ప్రకారం తాము లైసెన్సు గడువును పెంచడానికి అనుమతులు కోరడానికి సదరు NGOలు అన్నీ విముఖత చూపుతున్న విషయాన్ని కూడా కోర్టు గుర్తించింది.

బెంచ్ ఈ క్రింది ఉత్తర్వులను జారీ చేసింది:

“మేము NGOలు కోరుతున్న మధ్యంతర ఉపశమనంపై ఇరు పక్షాల న్యాయవాదుల వాదనలూ విన్నాము. పిటిషనర్లు 30.09.2021 నాటికి FCRA లైసెన్స్ చెల్లుబాటు అయ్యే అన్ని సంస్థల లైసెన్సులనూ తదుపరి ఉత్తర్వులు వచ్చే వరకు కొనసాగించాలని మధ్యంతర ఆదేశాలు ఇవ్వవలసినదిగా కోర్టును కోరారు. వారి వాదనకు ప్రతిస్పందనగా, కట్-ఆఫ్ సమయం లోపు దరఖాస్తు చేసుకున్న 11, 594 NGOల లైసెన్సు గడువును పొడిగించామని తెలుపుతూ సదరు వివరాలను సొలిసిటర్ జనరల్ కోర్టుకు సమర్పించారు. అధికారులు తీసుకున్న ఈ నిర్ణయాన్ని కాదని మేము మీరు కోరినట్లుగా ఎటువంటి మధ్యంతర ఉత్తర్వులనూ వెలువరించాలని భావించడం లేదు. అవకాశముంటే పిటిషనర్లు అధికారుల ముందు ఒక రిప్రజెంటేషన్‌ను దాఖలు చేయవచ్చు. తమ విచక్షణాధికారం మేరకు అధికారులు ఆ విజ్ఞప్తులను పరిశీలించవచ్చు.

FCRA సవరణలను సవాల్ చేస్తూ దాఖలైన పిటిషన్లపై కోర్టు తీర్పు వెలువరించిన తర్వాత ఈ రిట్ పిటిషన్ మళ్ళీ పరిశీలనకు వస్తుంది.

యునైటెడ్ స్టేట్స్ ఆఫ్ అమెరికాలోని టెక్సాస్ రాష్ట్రంలో ప్రధాన కార్యాలయం వుండి, భారత్ తో సహా ప్రపంచ వ్యాప్తంగా కార్యాలయాలున్న గ్లోబల్ పీస్ ఇనిషియేటివ్ అనే సంస్థ ఈ పిటిషన్ ను దాఖలు చేసింది. ప్రముఖ సువార్తికుడు డాక్టర్ కె.ఎ. పాల్ దాని వ్యవస్థాపకుడు.

విదేశీ విరాళాల నియంత్రణ చట్టం, (FCRA) 2010లోని సెక్షన్ 50 ప్రకారం కేంద్ర ప్రభుత్వం తన అధికారాలను వినియోగించుకునేలా ఆదేశించాలని, కోవిడ్-19 నిబంధనలు కొనసాగినంత వరకు విపత్తు నిర్వహణ చట్టం కింద అవసరమైన అత్యవసర సేవలకుగానూ అన్ని ప్రభుత్వేతర సంస్థలను (NGO) సవరించిన FCRA చట్టం పరిధి నుంచి మినహాయించాలని పిటిషనర్లు కోర్టును కోరారు.

గతంలో ఈ NGOలు చేసిన పని మిలియన్ల మంది భారతీయులకు సహాయపడిందని, ఇలా వేలాది NGOల FCRA రిజిస్ట్రేషన్ ఆకస్మిక, ఏకపక్ష రద్దు వలన ఆ సంస్థలు, వారి కార్మికులు వారి సేవలను పొందే మిలియన్ల భారతీయుల హక్కులకు ఇది భంగం కలిగిస్తుందని కూడా పిటిషనర్ తరపు న్యాయవాదులు వాదించారు. కోవిడ్ మహమ్మారిని ఎదుర్కోవడంలో ఎన్జీవోల పాత్రను కేంద్ర ప్రభుత్వం, నీతి ఆయోగ్ మరియు ప్రధానమంత్రి కార్యాలయాలు స్వయంగా గుర్తించాయని పిటిషన్‌లో పేర్కొంది. అయినప్పటికీ పిటిషనర్ అభ్యర్థనను కోర్టు తిరస్కరించింది.

Source : LiveLaw.in

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post క్రిస్టియన్ ఎన్జీవోల లైసెన్సుల గడువు పొడిగింపుకు నో అన్న సుప్రీం appeared first on Vishwa Samvad Kendra Andhra Pradesh.

ఒక పెద్దాయన్ని అనారోగ్య సమస్యలతో ఓ ప్రైవేట్ ఆసుపత్రిలో వారి అబ్బాయి చేర్పించాడు. వారి బెడ్ దగ్గరకు ఒక పాష్టర్ వచ్చి “ప్రార్ధన చేస్తాను… తలకింద బైబిల్ పెట్టుకో… నీకు వచ్చిన రోగం త్వరగా తగ్గిపోతుంది” అని చెప్పాడు. వారి అబ్బాయి, ఆ పెద్దాయన ఇద్దరూ వద్దు పొమ్మన్నారు. అయినా ఆ పాష్టర్ విడిచిపెట్టలేదు. రోజూ వస్తూనే ఉన్నాడు. ప్రయత్నం చేస్తూనే ఉన్నాడు.

కొన్ని రోజులకు ఆ పెద్దాయన ఆలోచన మారింది. ఏ పుట్టలో ఏ పాముందో…. ప్రయత్నించి చూద్దామనుకున్నాడు. పాస్టర్ చెప్పినట్లుగా ప్రార్థన చేయించుకుని బైబిల్ తలకింద పెట్టుకున్నాడు. తెల్లవారేసరికి ఆ పెద్దాయనకి హుషారు వచ్చినట్లు అనిపించి వాళ్ళ అబ్బాయి రాగానే “నాకు చాలా వరకు తగ్గిపోయింది. పాస్టర్ చెప్పినట్లుగా తలకింద బైబిల్ పెట్టుకున్నాను” అని సంతోషంగా అబ్బాయికి చెప్పాడు. అబ్బాయికి అనుమానం వచ్చింది. ఆ రాత్రి వాళ్ళ నాన్న గారికి ఏ మందులిచ్చారో చెప్పమని నర్సును గట్టిగా బెదిరించాడు. అప్పుడు అసలు విషయం బైటకొచ్చింది. పాస్టర్ ప్రార్థన చేసిన తరువాత వారి మాయలో భాగంగా… సదరు నర్సు ఆ రాత్రి ఆయనకు స్టెరాయిడ్ ఇంజక్షన్ ఇచ్చింది. నిజానికి చివర దశలో ఉన్నవారికి ఇవ్వవలసిన ఇంజక్షనది. అవసరం లేనివారికి ఆ ఇంజక్షన్ ఇస్తే బాడీలోని కొన్ని భాగాలు త్వరగా దెబ్బతింటాయి. కానీ తాత్కాలికంగా కొద్దిసేపు మనిషి హుషారు వచ్చి ఆరోగ్యంగా ఉన్నట్టుగా ఫీలవుతారు. అమాయకులను మతం మార్చటానికి పాష్టర్లకి ఆ గ్యాప్ చాలు. చదువుకున్నవారే క్రైస్తవ మతమార్పిడి మాఫియా కుట్రలకు ఆ విధంగా భోల్తా పడిపోతూ ఉంటే ఇక అమాయకుల పరిస్థితేమిటి ? ఇక్కడ మీకు ఆ పాష్టరు గాడి మోసం కనుబడుతున్నదేమో గానీ నాకు మాత్రం వాడి పట్టుదల కనిపిస్తోంది. మన వారిని మన ధర్మంలోనే నిలిపి ఉంచుకోవడానికి, ఏదో కారణం వల్ల వీడి వెళ్ళినవాళ్ళని తిరిగి మన ధర్మంలోకి తెచ్చుకోవడానికి మనం కూడా అంతే తీవ్రంగా, ఆర్తిగా, పట్టుదలగా ఏనాడన్నా ప్రయత్నించామా?

నిజానికి మతం మారారంటే…. వారి అమాయకత్వం అది. వారికి మంచీచెడూ వివరించి చెప్పేవాళ్ళు లేరిక్కడ. ఆదరించేవాళ్ళు లేరు. ఖర్చుతో కూడుకున్న పూజా విధానమే తప్ప, సరళమైన పూజా విధానం నేర్పేవారు లేరు. కష్టకాలంలో పలుకరించి, ఓదార్పును, స్వాంతనను చేకూర్చేవాళ్ళు లేరు. అవతలివాడు ఊదరగొడుతున్నాడు. చెవినిల్లుగట్టుకుని పోరుతున్నాడు. మతం మారితే నీకంతా మంచే జరుగుతుందంటూ ఊరిస్తున్నాడు. తృణమో, ఫణమో ముట్టజెబుతున్నాడు. మతం మారాకెలాగూ దశమభాగం పేరుతో వాడిదగ్గరెలాగూ అంతకంత గుంజుతాడనుకోండి…. అది వేరే విషయం. వాడికి ఆరోగ్యం బాగోకపోతే ప్రార్థనలు చేస్తున్నాడు. ఏవేవో కల్లబొల్లి కబుర్లు చెబుతున్నాడు. మసిపూసి మారేడుకాయ చేస్తున్నాడు. ఇలా అనేకానేక ప్రయత్నాల తర్వాతనే అమాయకులు వారి వలలో చిక్కుతున్నారు. ఈ మధ్యలో మనం వాడిని ఒక్కసారి కూడా పలుకరించి ఉండం. వాడి కష్టం తెలుసుకుని తీర్చే ప్రయత్నం చేసుండం…. ఒక్కరైనా ఒక్కసారైనా పలుకరించుంటే, వాడి కష్టం తెలుసుకుని ఓదార్చి ఉంటే, వాడి కష్టం తీర్చే ప్రయత్నమేదన్నా చేసుంటే వాడు ఖచ్చితంగా మతం మారుండేవాడు కానే కాదు.

ఇప్పుడు కూడా చూడండి…. SSF రూపంలోనో, ధర్మజాగరణ సమితి రూపంలోనో ఎవరైనా వెళ్లి అలా పలుకరించగానే…. వారు పులకరించిపోతున్నారు. కన్నీరు కారుస్తూ చేసిన తప్పుకి పశ్చాత్తాప పడుతూ తిరిగి అమ్మ ఒడి చేరడానికి ఉబలాటపడుతున్నారు. తిరిగి రావాలనున్నా రాలేక, ఎలా రావాలో తెలీక సతమతమవుతున్నవారూ ఎందరో ఉన్నారు. మనం మాత్రం వారిని గొఱ్ఱెలు, బఱ్ఱెలంటూ అవమానించి మరింత దూరం చేసుకుంటున్నాం. వారందరూ మన సోదరులే…. రేపో మాపో మన ఇళ్లు (వారి సొంత ఇంటికి) చేరవలసినవారే. మనం సదా ఆ ప్రయత్నంలోనే ఉండాలి. అందుకై వారికి అన్ని విషయాలనూ ఓపిగ్గా వివరించాలి. వారు వినరు, వాదిస్తారు, గొడవ కూడా పెట్టుకుంటారు, దుర్భాషలాడతారు, అవకాశముంటే ఇబ్బందులకు కూడా గురిచేస్తారు. ఇన్నాళ్ళూ చర్చిలలో వాళ్ళకి ఆ మౌఢ్యాన్ని, అజ్ఞానాన్ని, వారి మాతృధర్మం పట్ల ద్వేషాన్ని నూరిపోశారు. ఆ మత్తులో, మాయలో ఉన్నారు వారు. ఆ మాయ తెరలను మనం ఓపిగ్గా తొలగించాలి. చైతన్యవంతులను చెయ్యాలి. అందుకు కావలసింది వారిపట్ల మనకు అపారమైన ప్రేమ, కరుణ, ఆత్మీయత, బంధుభావన… అంతేతప్ప తక్కువ భావన కాదు. అవమానించడం కాదు, అవహేళన చెయ్యడం కాదు. వారు గొఱ్ఱెలు కాదు. తప్పిపోయి గొఱ్ఱెల మందలో కలిసిన సింహాలు వాళ్ళు. మనవారే… మన సోదరులే వాళ్ళు. వారిని తిరిగి మన సింహం గూటిలోకి తెచ్చుకుందాం. మన చిట్టచివరి సోదరుడు సైతం తిరిగి మన చెంత చేరేవరకూ మనం అవిశ్రాంతంగా, అలసిపోకుండా ప్రయత్నిస్తూనే ఉందాం… భారత్ మాతాకీ జయ్.

– శ్యాంప్రసాద్ రెడ్డి కోర్శిపాటి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post తప్పిపోయి గొఱ్ఱెల మందలో కలిసిన సింహాలు వాళ్ళు appeared first on Vishwa Samvad Kendra Andhra Pradesh.

జిల్లా సామాజిక భద్రతా అధికారి మయాంక్ త్రివేది ఫిర్యాదు మేరకు ఆదివారం మకర్‌పురా పోలీస్ స్టేషన్‌లో ఎఫ్‌ఐఆర్ నమోదైంది. మయాంక్ త్రివేది ఇటీవల జిల్లా శిశు సంక్షేమ కమిటీ చైర్మన్‌తో కలిసి మకర్‌పురా ప్రాంతంలో మిషనరీ ఆఫ్ ఛారిటీ నిర్వహిస్తున్న బాలికల పిల్లల గృహాన్ని సందర్శించారు. బాలల గృహాల్లోని బాలికలను క్రైస్తవ మత గ్రంథాలను చదవడానికి, క్రైస్తవ ప్రార్థనలలో పాల్గొనేలా చేస్తూ.. వారిని “క్రైస్తవ మతంలోకి తీసుకెళ్లే” ఉద్దేశ్యంతో ఒత్తిడి చేస్తున్నారని తన పర్యటనలో తేలిందని త్రివేది ఎఫ్ఐఆర్ లో పేర్కొన్నారు.

ఫిర్యాదు ప్రకారం ‘ఫిబ్రవరి 10, 2021 మరియు డిసెంబర్ 9, 2021 మధ్య, హిందువుల మతపరమైన మనోభావాలను దెబ్బతీసే కార్యకలాపాలకు సంస్థ ఉద్దేశపూర్వకంగా ప్రయత్నించిందని’ అన్నారు. బాలికల మెడలో శిలువలు వేసి క్రైస్తవ మతంలోకి మార్చడానికి ప్రలోభపెడుతున్నారని ఫిర్యాదులో తెలిపారు. బాలికలు బైబిల్ ను తప్పక చదవాలని బలవంతం చేస్తున్నారని కూడా ఆయన తన ఫిర్యాదులో పేర్కొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post మదర్ థెరెసా మిషనరీపై కేసు నమోదు appeared first on Vishwa Samvad Kendra Andhra Pradesh.

కబీర్‌ధామ్ పోలీసు సూపరింటెండెంట్ మోహిత్ గార్గ్ మాట్లాడుతూ.. ‘ప్రాథమిక సమాచారం ప్రకారం 100 మందికి పైగా స్థానికులు అతని ఇంట్లోకి చొరబడ్డారని.. ఆరాధనకు సంబంధించిన వస్తువులను ధ్వంసం చేసి, పత్రికలను కూడా చింపివేశారు’ అని చెప్పారు. మత మార్పిడులను ఆపాలని నినాదాలు చేశారని ఆయన అన్నారు. దాడి గురించి అప్రమత్తమైన వెంటనే పోలీసు బృందం ఘటనా స్థలానికి చేరుకుందని గార్గ్ సమాచారం అందించారు. ఈ విషయంలో కేసు నమోదైంది తదనుగుణంగా తదుపరి చర్యలు తీసుకోబడతాయని గార్గ్ చెప్పారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ట్రైబల్స్ ను మతం మారుస్తున్న పాస్టర్ పై దాడి appeared first on Vishwa Samvad Kendra Andhra Pradesh.

It is learned that Christian conversions targeting SCs are rampant in the state of Andhra Pradesh and the National SC Commission has issued notices to the state government on a joint report submitted by the Legal Rights Protection Forum and the SC-ST Rights Forum on the attack on the cultural traditions of the SC castes.The commission, in the notice to the Andhra Pradesh chief secretary, has asked the state government to take appropriate action on the issue of conversions and submit their details within 15 days.The notice also states that in case of non-compliance, appropriate action will have to be taken using the exclusive powers of the civil court.

In this context, the government has decided to conduct a statewide survey.Social Welfare department Chief Secretary Kantilal Dande issued directives to officials in all 13 districts.The survey has already started in Anantapur district.A memo was issued by the Deputy Director, Department of Social Welfare to the hostel welfare officers and assistant social welfare officers in the all districts.They want to calculate the number of churches in the municipalities and mandals.Government directed the officials to Go to some SC colonies and do the survey either they are practicing the Hinduism or Converted to Christianity? And also Ordered to submit these reports within five days.

Objections from Communists :

The Andhra Pradesh Communist Party has opposed the survey on Converted SCs who are availing the rights and reservations of original SCs.CPI (M) state secretary Penumalli Madhu said in an open letter to the chief minister that the process was leading to unnecessary controversy and would lead to rifts in the SCs.

SCST Rights Forum outrage over CPI letter to C.M :

The SCST Rights Forum has expressed outrage on the Communist Party (Marxist) for opposing the survey launched by the government.The forum said on its Twitter account that over the years, the cultural traditions of the SCs have been attacked by proselytizers, and that such conspiracies and intrigues will have no long future.

We will also submit a report: Announcement by Legal Rights Protection Forum

The Legal Rights Protection Forum has welcomed the latest survey conducted by the Andhra Pradesh government.”We have officially collected the details of a few hundred illegal churches in the state of Andhra Pradesh.These included mainly many churches built in the SC colonies.”The Legal Rights Protection Forum said that “we will submit our report also along with the report which will submitted by the government to the National SC Commission”.

Source : NIJAM TODAY

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post Andhra Pradesh: Government survey on Conversions in SCs. appeared first on Vishwa Samvad Kendra Andhra Pradesh.

ఆంధ్రప్రదేశ్ రాష్ట్రంలో ఎస్సీలను లక్ష్యంగా చేసుకుని క్రైస్తవ మతమార్పిడులు సాగుతున్నాయని, ఎస్సీ కులాలకు చెందిన సంస్కృతీ సాంప్రదాయాలపై దాడి జరుగుతోందన్న లీగల్ రైట్స్ ప్రొటెక్షన్ ఫోరమ్, ఎస్సీ-ఎస్టీ  రైట్స్ ఫోరమ్ సంస్థలు సంయుక్తంగా సమర్పించిన నివేదికపై జాతీయ ఎస్సీ కమిషన్ రాష్ట్ర ప్రభుత్వానికి నోటీసులు జారీ చేసిన సంగతి తెలిసిందే. ఈ మతమార్పిళ్ల వ్యవహారంపై తగిన చర్యలు తీసుకుని, వాటి వివరాలు 15 రోజుల్లో తమకు సమర్పించాల్సిందిగా కమిషన్ ఆంధ్రప్రదేశ్ ప్రధాన కార్యదర్శికి పంపిన నోటీసులో కోరింది. లేని పక్షంలో తమకున్న విశేషమైన సివిల్ కోర్ట్ అధికారాలు ఉపయోగించుకుని తగిన చర్యలు చేపట్టాల్సి ఉంటుంది అని కూడా నోటీసులో పేర్కొనడం విశేషం.

ఈ నేపథ్యంలో రాష్ట్రవ్యాప్తంగా ఒక ‘సర్వే’ చేయాలని ప్రభుత్వం నిర్ణయించుకుంది. సాంఘిక సంక్షేమశాఖ ముఖ్యకార్యదర్శి కాంతిలాల్‌ దండే మొత్తం 13 జిల్లాల అధికారులకు దీనిపై ఆదేశాలు జారీ చేశారు. అనంతపురం జిల్లాలో ఇప్పటికే సర్వే ప్రారంభమైంది. జిల్లాలోని హాస్టల్‌ వెల్ఫేర్‌ అధికారులు, అసిస్టెంట్‌ సోషల్‌ వెల్ఫేర్‌ ఆఫీసర్లకు సాంఘిక సంక్షేమ శాఖ డిప్యూటీ డైరెక్టర్‌ ఓ మెమో జారీచేశారు. మునిపాలిటీలలో, మండలాల్లో ఎన్ని చర్చిలున్నాయో లెక్క తీయాలన్నారు. కొన్ని ఎస్సీ కాలనీలకు వెళ్లి వారు హిందూమతాన్ని ఆచరిస్తున్నారా… క్రైస్తవం స్వీకరించారా? తెలుసుకోవాలని… ఐదు రోజుల్లోపు ఈ నివేదికలను అందించాలని ఆదేశించారు.

అభ్యంతరం వ్యక్తం చేసిన కమ్యూనిస్టులు:

ఎస్సీలకు దక్కాల్సిన హక్కులు, రిజర్వేషన్లు మతం మారిన క్రైస్తవులకు దక్కుతుండటంపై జరుపుతున్న ఈ సర్వేను ఆంధ్రప్రదేశ్ కమ్యూనిస్ట్ పార్టీ వ్యతిరేకించింది. ఈ ప్రక్రియ అనవసర వివాదాలకు తావిస్తోందని, ఇది ఎస్సీల్లో చీలికలు తీసుకువస్తుందని  సీపీఐ రాష్ట్ర కార్యదర్శి పెనుమల్లి మధు ముఖ్యమంత్రికి రాసిన బహిరంగ లేఖలో పేర్కొన్నారు.

సీపీఐ లేఖపై ఎస్సీ ఎస్టీ రైట్స్ ఫోరమ్ ఆగ్రహం:

ప్రభుత్వం ప్రారంభించిన సర్వేపై వ్యతిరేకత వ్యక్తం చేస్తున్న కమ్యూనిస్ట్ పార్టీ (మార్క్సిస్ట్)పై ఎస్సీ ఎస్టీ రైట్స్ ఫోరమ్ ఆగ్రహం వ్యక్తం చేసింది. ఇన్నేళ్లు మతమార్పడుల ద్వారా ఎస్సీల సంస్కృతీ సాంప్రదాయాలపై దాడి చేశారని, ఇలాంటి కుట్రలు, కుతంత్రాలకు ఇక కాలం చెల్లిందని, ఇలాంటి చర్యలు ఇకపై సాగనివ్వం అని ఫోరమ్ తమ ట్విట్టర్ ద్వారా పేర్కొంది.

మేము కూడా నివేదిక సమర్పిస్తాం: లీగల్ రైట్స్ ప్రొటెక్షన్ ఫోరమ్ ప్రకటన

తాజాగా ఆంధ్రప్రదేశ్ ప్రభుత్వం చేపట్టిన సర్వేను లీగల్ రైట్స్ ప్రొటెక్షన్ ఫోరమ్ స్వాగతించింది. ఆంధ్రప్రదేశ్ రాష్ట్రంలో కొన్ని వందల అక్రమ చర్చిల వివరాలు తాము అధికారికంగా సేకరించాము. వీటిలో ఎస్సీ కాలనీల్లో నిర్మించిన అనేక చర్చిలు ప్రధానంగా ఉన్నాయి. ప్రభుత్వం ఎస్సీ కమిషనుకు అందజేసే నివేదికతో పాటు మేము కూడా తమ నివేదిక  జాతీయ ఎస్సీ కమిషనుకు అందజేస్తాం అని లీగల్ రైట్స్ ప్రొటెక్షన్ ఫోరమ్ పేర్కొంది.

Source : NIJAM TODAY

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఆంధ్రప్రదేశ్: ఎస్సీల మతమార్పిడులపై ప్రభుత్వం సర్వే appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఆంధ్రలో మతమార్పిడులపై నివేదిక ఇవ్వండి.. ఏపీ సీఎస్ కు జాతీయ ఎస్సీ కమిషన్ ఆదేశం.. appeared first on Vishwa Samvad Kendra Andhra Pradesh.

బాధితులు పేర్కొన్న వివరాల ప్రకారం.. క‌ర్నూల్ జిల్లా నంద‌వ‌రం మండ‌లంలోని గుఱ‌జాల గ్రామంలో ప్ర‌భుత్వం నుంచి ఎటువంటి అనుమ‌తులు తీసుకోకుండా 2018లో  ఐఎంబీ చర్చి పేరిట ఒక క్రైస్తవ ప్రార్ధనా మందిరాన్ని నిర్మించారు. అంతటితో ఊరుకోకుండా ఆ గ్రామంలో ఉండే ఎస్సీ సామజిక వర్గానికి చెందిన ప్రజలను క్రైస్తవంలోకి మార్చడం మొదలైంది. ఈ క్రమంలో ఇటీవల ఐఎంబీ చర్చి చుట్టూ ప్ర‌హ‌రీ గోడ నిర్మాణం చేపట్టేందుకు చర్చి పాస్టర్ ప్రయత్నించగా, దీని కారణంగా సమీపంలోని ప్రాచీన శివాలయం వద్ద జరిగే ఊరేగింపు ఉత్సవాలకు ఆటంకం ఏర్పడుతుందని, ఈ ప్రయత్నం విరమించుకోవాలని గ్రామస్థులు విజ్ఞప్తి చేసినప్పటికీ చర్చి పాస్టర్ పట్టించుకోలేదు. దీంతో గ్రామస్థులు మండల పరిషత్ అభివృద్ధి అధికారికి ఫిర్యాదు చేయడంతో ఎంపీడీఓ ఫజల్ భాషా స్వయంగా విచారణ చేసి, నిర్మాణం చేసిన చర్చి గ్రామకంఠంలో ఉందని, ఇప్పుడు నిర్మించ తలపెట్టిన ప్రహారీ గోడ స్థలం కూడా గ్రామకంఠానిదే అని, దీని కారణంగా ప్రాచీన శివాలయంలో జరిగే ఉత్సవాలకు ఆటంకం కలుగుతుంది కనుక దీని నిర్మించకూడదు అని చర్చి యాజమాన్యానికి, గ్రామ అధికారులతో పాటు పోలీస్ డిపార్ట్మెంట్ కు కూడా నోటీసులు జారీ చేశారు. దీంతో ప్రహరీ గోడ నిర్మాణం ఆగిపోయింది.

తాజాగా ఇదే గ్రామానికి చెందిన వ్యక్తులపై ఎస్సీ ఎస్టీ అట్రాసిటీ చట్టం కింద స్థానిక పోలీస్ స్టేషన్లో కేసు నమోదైంది. తమను పనిలోకి రానివ్వడంలేదని, తమను వివక్షకు గురిచేస్తున్నారని ఆరోపించిన బాధితులు, చర్చికి ప్రహారీ గోడ నిర్మాణం విషయంలో కూడా తమకు అడ్డుపడుతున్నారని తమ ఫిర్యాదులో పేర్కొన్నారు. దీంతో గ్రామంలోని 12 మందితో పాటు మరికొందరిపై పోలీసులు కేసు రిజిస్టర్ చేశారు.

తమపై అన్యాయంగా కేసు నమోదు చేశారని, తాము ఎస్సీల పట్ల ఎలాంటి వివక్ష ప్రదర్శించలేదని, కేవలం చర్చి ప్రహారీ గోడ నిర్మాణంపై అధికారులకు ఫిర్యాదు చేసినందుకే తమపై తప్పుడు కేసు పెట్టినట్టు గ్రామస్థులు ఆవేదన వ్యక్తం చేశారు. అంతేకాకుండా తమపై ఫిర్యాదు చేసిన వ్యక్తి క్రైస్తవ సంప్రదాయాలను ఆచరిస్తాడని కూడా తెలిపారు.

దీంతో న్యాయపోరాటం చేయాలని నిర్ణయించుకున్న గ్రామస్థులు జిల్లా కలెక్టరుతో పాటు ఏకంగా రాష్ట్రపతి దాకా తమ ఫిర్యాదు కాపీలను పంపించారు.

గ్రామస్థులు తమ ఫిర్యాదులో పేర్కొన్న వివరాలు ఈ క్రింది విధంగా ఉన్నాయి:

– 2011 జ‌నాభా లెక్క‌ల ప్ర‌కారం మొత్తం నందవరం మండలంలో క్రైస్త‌వుల జ‌నాభా 59 మాత్ర‌మే.. ఈ లెక్కన నందవరం మండలంలోని గుఱజాల గ్రామంలో క్రైస్తవులు ఎవరూ లేనప్పటికీ ఎవరి కోసం చర్చిని నిర్మాణం చేశారు?

– జీవో నెంబర్ 376 ఆంధ్ర‌ప్ర‌దేశ్ గ్రామ పంచాయ‌తీ ల్యాండ్ డెవ‌ల‌ప్‌మెంట్‌(లేఅవుట్ & బిల్డిండ్‌) రూల్స్ – 2002 లోని రూల్ నెంబర్ 26 ప్రకారం జిల్లా కలెక్టర్ అనుమతి లేకుండా ఎటువంటి స్థలంలోనూ మతపరమైన కట్టడాలు నిర్మాణం చేయరాద‌ని నిబంధ‌న‌లు ఉన్న‌ప‌టికీ గ్రామంలో చ‌ర్చి నిర్మాణం చేప‌ట్టి నిబంధ‌న‌ల‌ను అతిక్ర‌మించారు. ఇప్పటి వరకూ ఆ నిర్మాణంపై ఎలాంటి చర్యలు తీసుకోలేదు.

– గ్రామంలోని ఎస్సీ కులానికి చెందినవారు క్రైస్తవులుగా మారి ఈ చర్చిలో ప్రార్ధనలు నిర్వహిస్తున్నారు. The Constitutional (Scheduled Castes) Order 1950 ప్రకారం ఎస్సీ సామాజిక వర్గానికి చెందిన వ్యక్తులు ఇస్లాం లేదా  క్రెస్తవ మతానికి చెందిన ఆచారవ్యవహారాలు పాటిస్తూ, ఇస్లాం/క్రైస్తవ సంప్రదాయాలు పాటిస్తున్నట్లైతే అట్టి వారు షెడ్యూల్డ్ కుల హోదాకు అనర్హులవుతారు. కానీ గ్రామంలో అనేకమంది షెడ్యూల్డ్ కులానికి చెందిన వ్యక్తులు క్రైస్తవ ఆచార సంప్రదాయాలు పాటిస్తూ కూడా ఎస్సీ సర్టిఫికెట్లు కలిగివున్నారు. ఇది పూర్తిగా చట్టవ్యతిరేకం, రాజ్యాంగ విరుద్ధం అవుతుంది.

–  క్రైస్తవులుగా మారి కూడా ఎస్సీ సర్టిఫికెట్లు ఉన్న వ్యక్తులు ఐఎంబీ చర్చివారి ప్రోద్బలంతో, దురుద్దేశపూర్వకంగా అక్రమ కాంపౌండ్ గోడ నిర్మాణాన్ని వ్యతిరేకిస్తున్న గ్రామంలోని ఇతర కులాలకు చెందిన వ్యక్తులపై ఎస్సీ – ఎస్టీ అత్యాచారాల నిరోధక చట్టం కింద తప్పుడు కేసులు పెడుతూ, వారిని అనేక విధాలుగా ఇబ్బందులకు గురిచేస్తూ గ్రామంలో శాంతిభ‌ద్ర‌త‌ల‌కు విఘాతం కలిగిస్తున్నారు.

– క్రైస్తవులుగా మారి, క్రైస్తవ సంప్రదాయం పాటిస్తున్న వ్యక్తులకు ఎస్సీ కుల ధ్రువీకరణ సర్టిఫికెట్లు ఇవ్వడం నేరమని, అట్టి అధికారులపై భారతీయ శిక్షాస్మృతిలోని సెక్షన్ 420, మరియు ఇతర సంబంధిత సెక్షన్ల ప్రకారం కేసు నమోదు చేసి చర్యలు తీసుకోవాలని 1989లో కేంద్ర హోమ్ శాఖ అన్ని రాష్ట్ర ప్రభుత్వ ప్రధాన కార్యదర్శులకు ఆదేశాలు జారీ చేసింది.

 గ్రామస్థులు తమ ఫిర్యాదులో కోరిన చర్యలు:

కలెక్టర్ నుండి రాష్ట్రపతి భవన్ దాకా వివిధ శాఖలకు ఫిర్యాదు చేసిన గ్రామస్థులు, తమ ఫిర్యాదులో పేర్కొన్న విష‌యాల‌న్నింటిని ప‌రిగ‌ణ‌లోకి తీసుకుని ఈ క్రింది విధంగా చర్యలు చేపట్టాలని అధికారులను కోరారు:

• త‌మ‌ గ్రామంలో గ్రామకంఠం స్థలంలో అక్రమంగా నిర్మించిన ఐఎంబీ చర్చిని తొలగించాలి.
• చర్చికి వెళ్తూ, క్రైస్తవ సంప్రదాయాలు పాటిస్తున్న వారందరినీ రెవెన్యూ అధికారిక రికార్డుల్లో క్రైస్తవులుగా నమోదు చేయాలి.
• క్రైస్తవులుగా మారిన ఎస్సీ సామాజిక వర్గానికి చెందిన వ్యక్తుల ఎస్సీ కులధ్రువీకరణ పత్రాలను రద్దు చేసి వారికి బీసీ-సీ సర్టిఫికెట్లు కేటాయించాలి.
• సరైన విచారణ జరపకుండా, ప్రలోభాలకు గురై, మతం మారిన క్రైస్తవులకు ఎస్సీ సర్టిఫికెట్లు జారీ చేస్తున్న సంబంధిత రెవెన్యూ అధికారులపై చట్టపరమైన చర్యలు తీసుకోవాలి.

ఈ అంశంపై న్యాయపోరాటానికి సిద్ధం అని గ్రామ‌స్తులు తమ ఫిర్యాదులో తెలియజేశారు.

Source : NIJAM TODAY

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post AP : మతమార్పిళ్లు, ఎస్సీ హోదా దుర్వినియోగంపై రాష్ట్రపతికి గ్రామస్థుల ఫిర్యాదు appeared first on Vishwa Samvad Kendra Andhra Pradesh.

గురువారం రాజ్యసభలో బీజేపీ సభ్యుడు జీవీఎల్‌ నరసింహారావు అడిగిన ప్రశ్నకు మంత్రి ఈమేరకు సమాధానమిచ్చారు. ఎస్సీ సామాజిక వర్గానికి చెందిన వ్యక్తులు అనేకమంది క్రైస్తవంలోకి మారుతున్నప్పటికీ ఎస్సీ రిజర్వ్‌డ్‌ నియోజకవర్గాల నుంచి ప్రజాప్రతినిధులుగా పోటీ చేసి, పదవులు అనుభవిస్తున్నారని, అలాంటి వారిని అనర్హులుగా ప్రకటించేందుకు రాజ్యాంగ సవరణ చేసే ఆలోచన ఏమైనా ఉందా అని జీవీఎల్‌ నరసింహారావు సభలో ప్రశ్నించారు.

దీనికి మంత్రి రవిశంకర్‌ ప్రసాద్‌ బదులిస్తూ.. ప్రస్తుతం కేంద్రం వద్ద అలాంటి ప్రతిపాదనేదీ లేదన్నారు. ఈ సందర్భంగా 1950 రాష్ట్రపతి ఉత్తర్వులలోని అంశాలను ఉటంకిస్తూ.. సిక్కు లేదా బౌద్ధమతం కాకుండా క్రైస్తవం, ఇస్లాం మతాలను స్వీకరించిన ఎస్సీలు తమకు రాజ్యాంగం కేటాయించిన రిజర్వేషన్లు కోల్పోతారని, అటువంటి వ్యక్తులు ఎస్సీ రిజర్వుడ్ నియోజకవర్గాల నుండి ప్రాతినిధ్యం వహించేందుకు చట్టబద్ధమైన అవకాశం లేదని స్పష్టం చేశారు.
మతం మారిన ఎస్సీలు ఎస్సీ రిజర్వుడ్ నియోజకవర్గాల నుండి పోటీకి దిగుతున్న సమయంలోనే వారు మతం మార్చుకున్నట్టు రిటర్నింగ్‌ అధికారులకు సాక్ష్యాలతో ధ్రువీకరిస్తే వారి నామినేష్లను తిరస్కరించవచ్చని చెప్పారు.

Source : VSK TELANGANA

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post మతం మారిన ఎస్సీలకు రిజర్వేషన్లు వర్తించవు: కేంద్ర న్యాయశాఖ మంత్రి స్పష్టీకరణ appeared first on Vishwa Samvad Kendra Andhra Pradesh.