బీజింగ్‌: ఇండో-పసిఫిక్‌ ప్రాంతంలో స్వేచ్ఛాయుత పరిస్థితులు నెలకొనేలా చూసేందుకు తెరపైకి తెచ్చిన ‘ఇండో-పసిఫిక్‌ ఇనీషియేటివ్‌’ను చైనా తొలిసారి అధికారికంగా గుర్తించింది. చైనా అధ్యక్షుడు జిన్‌పింగ్​ వీడియో లింక్‌ ద్వారా ఆధ్వర్యం వహించిన ‘ఆసియాన్‌- చైనా డైలాగ్‌ రిలేషన్స్‌’ 30వ వార్షికోత్సవం సందర్భంగా ఆ దేశ విదేశాంగ శాఖ అధికార ప్రతినిధి ఝావో లిజియాన్‌ ఈ విషయాన్ని స్పష్టం చేశారు.

“భారత ఇండో-పసిఫిక్‌ ఇనిషియేటివ్​ను చైనా గుర్తించింది. ఈ ప్రాంతంలోను, అంతర్జాతీయంగా ఆసియాన్‌ నిర్వహిస్తున్న కీలకపాత్రకు చైనా ఎప్పుడూ మద్దతిస్తుందని నొక్కి చెబుతున్నాను” అని స్పష్టం చేశారు. భారత్‌తో పాటు, ఆసియాన్‌ దేశాల చొరవతో ఇండో-పసిఫిక్‌ ఇనిష్షియేటివ్‌ను ఏర్పాటైంది.

స్వాగతించిన భారత్..

నిబంధనలతో కూడిన, స్వేచ్ఛాయుత ఇండో-పసిఫిక్‌ ప్రాంతాన్ని అభిలషిస్తున్నట్టు భారత్ స్పష్టం చేసింది. ఈ ప్రాంతంలోని అన్ని దేశాల సార్వభౌమత్వం, ప్రాదేశిక సమగ్రతలను గౌరవిస్తున్నట్టు తెలిపింది. ఈ మేరకు అయిదో తూర్పు ఆసియా సదస్సు సందర్భంగా విదేశీ వ్యవహారాల శాఖ కార్యదర్శి రివా గంగూలీ దాస్‌ మాట్లాడారు. ఇండో-పసిఫిక్‌ ప్రాంతంలో వివాదాలు శాంతియుతంగా పరిష్కరించుకోవాలని పేర్కొన్నారు. అంతర్జాతీయ చట్టాలకు అనుగుణంగా నడుచుకోవాలని.. బల ప్రయోగం వంటివి చేయరాదని అన్నారు. ఈ సందర్భంగా ఇండో-పసిఫిక్‌ ఓషన్స్‌ ఇనిషియేటివ్‌ (ఐపీఓఐ) లక్ష్యాన్ని వివరించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post భార‌త్‌ ఇండో- పసిఫిక్ ఇనిషియేటివ్‌ను గుర్తించిన‌ చైనా appeared first on Vishwa Samvad Kendra Andhra Pradesh.

వాషింగ్ట‌న్‌: అమెరికా అధ్యక్షుడు జో బైడెన్, చైనా అధ్యక్షుడు షీ జిన్పింగ్ ల మధ్య సమావేశం పరస్పర హెచ్చరికలతో సాగింది. ఇరుదేశాధినేతల మధ్య తొలిసారి జరిగిన వర్చువల్‌ చర్చలను జిన్‌పింగ్‌ బలప్రదర్శనకు బాగా వాడుకొన్నారు. తైవాన్‌ స్వాతంత్ర్య ఉద్యమాన్ని అమెరికన్లు ప్రోత్సహించడమంటే నిప్పుతో చెలగాటమాడుకొన్నట్టే అని, మసైపోతారని బైడెన్‌ను నేరుగా హెచ్చరించారు.

షీ జిన్‌పింగ్‌ తైవాన్ అంశంపై మాట్లాడుతూ…

“తైవాన్‌ అధికారులు తరచూ అమెరికాను మద్దతు కోరడం.. ఇదే సమయంలో అమెరికాలో కొందరు చైనాను దెబ్బతీయడం కోసం తైవాన్‌ను వాడుకోవాలనుకోవడం వంటి చర్యలు అత్యంత ప్రమాదకరమైనవి. నిప్పుతో చెలగాటమాడుకోవడం లాంటివే. నిప్పుతో ఎవరైతే చెలగాటం ఆడుకుంటారో.. వారు భస్మం కావడం ఖాయం” అన్నారు.
దీనిపై స్పందించిన అమెరికా అధ్యక్షుడు .. బైడెన్‌.. జిన్‌పింగ్‌ ఆరోపణలను తోసిపుచ్చారు. తాము యథాతథ పరిస్థితిలో మార్పులు తెచ్చేందుకు గానీ, తైవాన్‌ జలసంధిలో ఉద్రిక్తతలు సృష్టించడానికి వ్యతిరేకమని తెలిపారు. ఇరు దేశాలు సమస్యలను సంయుక్తంగా పరిష్కరించాలని నేతలు ఆంకాంక్షించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post మా జోలికొస్తే మసే! appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post వర్చువల్ విధానంలో జోబైడెన్, షీ జిన్ పింగ్ సమావేశం appeared first on Vishwa Samvad Kendra Andhra Pradesh.