అఖండ సాధన

గోదావరీతట `నాసిక’ వద్ద శ్రీ సమర్థగురు పన్నెండు సంవత్సరాల కఠోర సాధన చేసారు. ప్రాతఃకాలం నుంచి మధ్యాహ్నం వరకు గోదావరి నీళ్ళల్లో నుంచుని గాయత్రీ మంత్రజపం చేసేవారు. శ్రీరామనామజపం `శ్రిరామజయరామ జయజయరామ’ మంత్రాన్ని పదమూడుకోట్లసార్లు జపించారు. తర్వాత దేశమంతా తీర్థస్థలాలు పర్యటించారు. పండరీపురంలోనూ ఆయనకు ఆ రాముడే కనిపించాడు. అక్కడే ఆయన భక్త తుకారామ్ ను కూడా కలిసారు. ఆ కాలంలోని దేశ సామాజిక, రాజకీయ, ఆర్ధిక దుస్థితి చూసి ఆయనకు చాలా దుఖం కలిగింది. సాక్షాత్తు శ్రీరాముడే వీర శివాజీకి సహాయం చేయమని ఆదేశించినట్లు ఆయనకు తోచింది.

కుల, భేదభావాలు

సమాజంలో కుల వైషమ్యాలు, ఒక పెద్ద వర్గం అవమానానికి గురై బాధ పడడం చూసి,  శ్రీ సమర్థగురు రామదాస్ ఎంతో మనస్తాపం చెందారు. ఈ భేదభావాలను సమూలంగా తొలగించడానికి సమాజాన్ని జాగృతం చేసే పనికి ఉపక్రమించారు. ఇదే విషయాన్ని తమ ప్రఖ్యాత `దాసబోధ’ గ్రంథంలో సైద్ధాంతికంగా తెలియచేస్తూ, `పెద్ద- చిన్న, రాజు- పేద, స్త్రీ -పురుష తారతమ్యాలు ఏమీ లేవు, అందరూ ఒకటే, అందరిలోనూ ఒకే పరబ్రహ్మము ఉంటాడు’ అని బోధించారు. `బ్రాహ్మణుడైనా, శూద్రుడైనా, రాజైనా, ప్రజలైనా, అందరిలోనూ పవిత్రమైన పరబ్రహ్మము ఒక్కటే’ అంటూ ఆయన సమస్త మానవులలోనూ ఒకే భగవత్ స్వరూపాన్ని దర్శించి, కుల విభేదాలని తోసిపుచ్చారు. అందరి హృదయాలను సంభాలించడమే దైవభజన అని చెప్పారు. `సంత్ చోఖామేలా’,`వర్కారి సంప్రదాయం’లో (శ్రీ పాండురంగ భక్తి సంప్రదాయం) `మహార్’కులానికి చెందిన స్వామీజీ గురించి వ్రాస్తూ… `అనాథనాథుడైన భగవంతునికి ఏ జాతి లేదు, ఆయన `చోఖామేలా’తో కూర్చుని పాలు, పెరుగు భోజనం చేస్తాడు’ అన్నారు. మరొకచోట వ్రాస్తూ `ఎక్కువ తక్కువ కులాలనే వ్యత్యాసం లేదు. హరినామ సంకీర్తనతో నిండిన అటువంటి వ్యక్తుల పవిత్ర పాదధూళికి నేను నమస్కరిస్తున్నాను’ అన్నారు. `ఇంకొకరి స్పర్శమాత్రం చేత అపవిత్రమైపోతే నీదేపాటి పవిత్రత? పెద్ద-చిన్న కులభేదాలను తోసిపుచ్చి అందరినీ హృదయపూర్వకంగా ప్రేమించండి, ఆదరించండి; అప్పుడే అందరి హృదయాలు పునీతమౌతాయి’ అన్నారు.

‘అంటరానివారి’తో భోజనం, దక్షిణ

చాఫల్ ప్రాంతంలో, భేర్వాడి గ్రామంలోని `అంటరానివాళ్ళు’ అనబడే దంపతులను, శ్రీ సమర్థగురు రామదాస్ తమ శ్రీరామనవమి ప్రవచనాలకు ఆహ్వానించారు. వారు `మాండ్’ నదిలో స్నానం చేసిన తరువాత, సంప్రదాయానుసారం వారిద్దరికీ చీర-ధోవతులు పెట్టి, సహపంక్తి భోజనం కావించి, దక్షిణ సమర్పించారు. ఆ కాలంలో ఈ సంఘటన ఒక గొప్ప విప్లవంగా పేర్కొనవచ్చని డా. సచ్చిదానంద పర్లికర్ తమ పుస్తకంలో వ్రాసారు, `కులం, వర్ణం, ప్రాంతం, భాషా భేదాల పేరుతో, మనుషుల మధ్య  అంతరాలు శ్రీ సమర్థగురు రామదాస్ గారికి ఎంతమాత్రం అంగీకారం కాదు’ అని వ్రాసారు.  శ్రీ సమర్థగురు రామదాస్ అంటారు. `భక్తిమార్గములో వెళ్లే ప్రతి వ్యక్తి పరమాత్మ అనుగ్రహానికి పాత్రుడే, అన్ని వర్ణాలు దీనికి అర్హులే, చిన్నా-పెద్దా ఎవరూ లేరు, మూర్ఖుడైనా భగవంతుడి నామస్మరణతో భవసాగరాన్ని దాటవచ్చు. మంచి పనులు చేసే వ్యక్తి శ్రేష్టుడు, చెడు చేసేవాడు నికృష్టుడు, కర్మానుసారం మనుషులు పాపకర్మలు లేక పుణ్యకార్యాలు చేస్తుంటారు’ అని ఉద్బోధించారు.

దేశోద్ధారణ

ఆ కాలంలో భారతదేశం మీద ఇస్లాంమత దాడులనుంచి దేశాన్ని విముక్తం చేయడానికి శ్రీ సమర్థగురు రామదాస ప్రణాళికాబద్దంగా కృషి చేసారు. పవిత్ర కృష్ణానది ఉద్భవించిన మహాబలేశ్వర్ కొండలలో ఆయన ప్రధమంగా శ్రీ వీరహనుమాన్ దేవాలయం, మఠం నిర్మించారు; ఆ తరువాత 11 క్షేత్రాల్లో శ్రీ ఆంజనేయ దేవాలయాలు, మఠాలు స్థాపించారు. నెమ్మదిగా శ్రీ సమర్థగురు రామదాస్ మహారాష్ట్ర అంతటా వేయి హనుమాన్ మందిరాలు, అఖాడాలు నిర్మించారు.

ఆ కాలంలో పూర్తి దేశమంతా ముస్లింల చేతిలో హిందువులు ఎన్నో భయంకర దాడులకు, అత్యాచారాలకు గురౌతున్నారు. ఎన్నో ప్రాంతాల్లో రాజ్యాధికారం ముస్లిముల చేతిలోనే ఉంది. భక్తి ఉద్యమంతో పాటు, ముస్లిముల చేతుల్లోంచి అధికారం తిరిగి పొందడం కూడా దైవకార్యంగానే శ్రీ సమర్థగురు రామదాస్ భావించారు. `స్వరాజ్యం ధర్మకార్యం. పరమేశ్వరుని శిరసు మీద ధరించి, మన దేశాన్ని సర్వనాశనం చేసిన ముస్లిం రాజుల మీద యుద్ద్ధం ప్రకటించండి, దేశం కోసం ప్రాణాలను అర్పించడానికి వెనుకాడకండి’ అని శ్రీ సమర్థగురు రామదాస్ పిలుపు నిచ్చారు. `హిందూ ఆలయాలను ధ్వంసం చేసినవారు దైవద్రోహులు, అటువంటివారిని శిక్షించిన వారు దేవదాసులు, ఈశ్వరుని భక్తులు; ఈశ్వర భక్తులకి విజయం తధ్యం’.  అని అన్నారు

శ్రీరామనవమి మహోత్సవాలు

హిందూ సమాజాన్ని ఐకమత్యంతో ఒక్కతాటిపై తేవడానికి శ్రీ సమర్థగురు రామదాస్, శ్రీరామనవమి ఉత్సవాలు పెద్ద ఎత్తున నిర్వహించారు. ఆనాడు జరిగే  శ్రీరామ రథోత్సవాలలో, అన్ని కులాలు వర్గాలవారు ఎంతో ఉత్సాహంతో పాల్గొనేవారు.

శిష్య పరంపర

శ్రీ సమర్థగురు రామదాస్ దేశ వ్యాప్తంగా హిందూ సమాజాన్ని జాగృతం చేసి, ఒక్కతాటిపై సమీకరించడానికి కృషి చేసారు. ఆయన తమ విస్తృత శిష్యపరంపర నుంచి, దాదాపు 1100మందిని `మహంత్’లుగా తీర్చిదిద్దారు, అందులో 300మంది మహిళలు, ఆనాటి సమాజంలో అది చాలా పెద్ద సంస్కరణ, ముందడుగు. వీరంతా దేశమంతా విస్తరించి, అనేక స్థానాల్లో, హిందూ సమాజాన్ని ఏకీకృతం చేసే పని నిర్వహించారు. వీరు కులాలకి అతీతంగా వేయి పైగా మఠాల స్థాపన చేసారు. తంజావూరు నుంచి కాశ్మీరు దాకా వ్యాపించిన ఈ మఠాలు, అఖాడాలు, ఛత్రపతి శివాజీ మహారాజుకి ఎంతో సహకారం అందించాయి. శివాజీ మహారాజు పుత్రుడు శ్రీ రాజారాం మహారాష్ట్ర విడిచి దక్షిణ భారతానికి వచ్చినపుడు, తంజావూరు మఠం ఆయనకు సర్వంసహా మద్దతు ఇచ్చినందువల్ల ఆయన ఇరవై సంవత్సరాల పాటు ఔరంగజేబుతో యుద్ధం చేయగలిగారు.

 సాహిత్య రచనలు

హిందూ సమాజాన్ని దృష్టిలో పెట్టుకుని శ్రీ సమర్థగురు రామదాస్ అనేక ఉత్కృష్ట రచనలు చేసారు. అందులో ప్రముఖమైనవి- `దాసబోధ’ `కరుణాష్టక్’ `మనాచే శ్లోక్’ `సుందరకాండ మరియు యుద్ధకాండ’. వేలాదిమంది కార్యకర్తలను సుశిక్షితులుగా తయారుచేసి, సామాజికంగా సంఘటితం చేయడానికి ఎనలేని కృషి చేసారు. `అందరి హృదయాలలో శ్రీరాముడు నివాసముంటాడు, కులభేదాలు పట్టుకువేళ్ళాడడం అంటే మనందరిలోని శ్రీరాముడి అస్తిత్వాన్ని నిరాకరంచడమే’ అన్నారు.  వెనకబడిన కులాలనబడే వారితో పనిచేసి, వారిని సంఘటితం చేసి ఛత్రపతి శివాజీ మహారాజుకి తోడుగా తెచ్చి నిలబెట్టారు.

 (శ్రీ కృష్ణ గోపాల్ శర్మ రచన ‘భారత్ కీ సంత్ పరంపర ఔర్ సమాజిక్ సమరసతా’ హిందీ గ్రంథం ఆధారంగా)

అనువాదం: ప్రదక్షిణ

నేడు గురు సమర్ధ రామదాస స్వామి జయంతి

Source : VSK TELANGANA.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post సమరసతా సాధనలో సమర్థ రామదాస స్వామి appeared first on Vishwa Samvad Kendra Andhra Pradesh.

ఈ కార్యక్రమానికి ముఖ్యఅతిథిగా భారతీయ జనతా పార్టీ అఖిలభారత కార్యదర్శి శ్రీ సత్య కుమార్ విచ్చేశారు. ఈ కార్యక్రమానికి ముఖ్య వక్తగా విచ్చేసిన రాష్ట్రీయ స్వయంసేవక్ సంఘ్ ఆంధ్ర ప్రదేశ్ సహ ప్రాంత ప్రచారక్ శ్రీ ఆదిత్య మాట్లాడుతూ చత్రపతి శివాజీ దేశభక్తి, ధర్మ నిష్ఠ, దీక్ష, పట్టుదల, వ్యూహ చతురత తరతరాలకు ఆదర్శమని పేర్కొన్నారు.

తిరుపతికి చెందిన నాట్యాచార్యులు శ్రీ శరత్ చంద్ర (అఖిలభారతీయ విద్యార్థి పరిషత్) తన బృందంతో ప్రదర్శించిన శివునికి సంబంధించిన నాట్య ప్రదర్శనలు కార్యక్రమంలో పాల్గొన్న ఆహూతులందరినీ ఎంతో అలరించాయి. అనంతరం నాట్య ప్రదర్శనలో పాల్గొన్న వారికి బహుమతులు అందజేశారు. శివాజీ స్ఫూర్తి కేంద్రం సంఘటనా కార్యదర్శి శ్రీ సోమయాజుల నాగేశ్వరరావు కార్యక్రమాన్ని ఆద్యంతము చాలా చక్కగా నిర్వహించారు. కార్యక్రమం ప్రారంభంలో శ్రీ సత్య కుమార్, శ్రీ ఆదిత్య లు స్ఫూర్తి కేంద్రంలోని చత్రపతి శివాజీ విగ్రహానికి పుష్పమాలలు సమర్పించి నివాళులర్పించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post శ్రీశైలం శ్రీ శివాజీ స్ఫూర్తి కేంద్రంలో ఘనంగా శివాజీ జయంతి కార్యక్రమం appeared first on Vishwa Samvad Kendra Andhra Pradesh.

ఆయనే మన వీర శివాజీ. ఈ సంఘటన జరిగే నాటికి ఆయన వయస్సు పధ్నాలుగు సంవత్సరాలే. శివాజీ తండ్రి షాజీ బీజాపూరు సుల్తాను కొలువులో ఒక సేనాధిపతి.

ఒక సారి షాజీ తన కుమారుని బీజాపూరు సుల్తాను కొలువుకు తీసుకెళ్ళాడు. షాజీ వంగి సుల్తానుకు సలాము చేశాడు. తన కుమారుని కూడా అలాగే సలాం చెయ్యమని చెప్పాడు. “నేను పరాయి పాలకుల దగ్గర ఎప్పుడూ తల వంచను”. అని ఏమాత్రం బెరుకు లేకుండా చెప్పాడు బాల శివాజీ. ఆ చిన్న బాలుని ధైర్యాన్ని చూసి ప్రతి ఒక్కరూ ఆశ్చర్య చకితులైనారు.
ఇంత చిన్న వయస్సులోనే శివాజీలో ఇంత ధైర్యము, శౌర్యము, దేశభక్తి, ధర్మ నిష్ఠ ఏర్పడడానికి కారణం ఎవరు? వీటన్నిటికీ అసలైన కారకురాలు ఆయన తల్లి జిజియాబాయి. శివాజీ చిన్నవాడుగా ఉన్నప్పటి నుండి జిజియాబాయి అతనికి రామాయణ, మహాభారత పురాణాలలోని వీరులు మహనీయుల వీర గాథలు బోధించేది. శివాజీ మనస్సులో తాను కూడా రాముని వలె, కృష్ణుని వలె, అర్జునుడు, భీముల వలె మహా వీరునిగా, ధర్మ నిష్ఠా గరిష్టునిగా తయారు కావాలనే ఆలోచన ఏర్పడడానికి ఆ వీర మాత చెప్పిన గాథలే కారణం.

శివాజీ క్రీ. శ. 1630లో శివనేరి దుర్గంలో జన్మించాడు. దాదాజీ ఖోండ్ దేవ్ వద్ద శస్త్ర, శాస్త్ర విద్యలు నేర్చాడు. భక్త తుకారాం బోధనలతో ఆధ్యాత్మిక భావధార, సమర్థ రామదాసు మార్గదర్శనంలో నైతికత, రాజనీతితో కూడిన ధార్మిక భావధార, తల్లి పెంపకంలో సాంస్కృతిక భావధారను త్రివేణీ సంగమంగా కలిగివున్నవాడు శివాజీ.

పన్నెండేళ్ళ చిరు ప్రాయంలోనే సహ్యాద్రి పర్వత సానువులలోని మావళీ తెగ వారిని సమీకరించి వారిలో దేశభక్తిని నింపి స్వాతంత్ర్య పోరాటాన్ని కొనసాగించాడు.  అఫ్జల్ ఖాన్, సిద్ది జౌహార్, షయస్తఖాన్, ఇనాయత్ ఖాన్, దిలేర్ ఖాన్ వంటి ధర్మ ద్రోహులతో పోరాడి ధర్మ రక్షణ గావించాడు శివాజీ.

కేవలం పదహారు సంవత్సరాల వయస్సులోనే మొట్ట మొదటిగా తోరణ దుర్గమనే కోటను జయించి హిందూ పద పాదశాహికి మంగళ తోరణం కట్టాడు. దాని తర్వాత శివాజీ ఒకదాని తర్వాత ఒకటిగా దుర్గాలను జయించసాగాడు. ప్రతాప్ గఢ్, సింహ గఢ్, పన్హాల్ గఢ్, విశాల్ గఢ్, రాయ గఢ్ వంటి దుర్గాలను జయించి హిందూ సామ్రాజ్య స్థాపన చేశాడు శివాజీ.
మోరోపంత్ పింగళే, తానాజీ మాల్సురే, సూర్యాజీ మాల్సురే, నేతాజీ ఫాల్కర్, ఆబాజీ సోనదేవ్, భాజీ ప్రభు దేశపాండే వంటి యోధానుయోధులైన వ్యక్తులను రాష్ట్ర కార్యానికి అంకితులయ్యే ధ్యేయ నిష్ఠా దురంధరులుగా తీర్చిదిద్దాడు. పర స్త్రీలను తల్లిగా భావించే హిందూ సంస్కృతికి ప్రతిరూపంగా నిలచి కళ్యాణ దుర్గం సుబేదారు అహ్మద్ ఖాన్ కోడల్ని ఇంటి ఆడపడుచును పంపినట్లుగా అత్తవారింటికి పంపాడు. బుందేల్ ఖండ్ రాజు రాజా ఛత్రసాల్ కు ప్రేరణగా నిలిచి తగిన మార్గదర్శనం చేశాడు. ఆలయ విధ్వంసకుడిగా పేరుగాంచిన ఔరంగాజేబును అడుగడుగునా ప్రతిఘటిస్తూ హిందూ వీరుల శక్తి సామర్ధ్యాలను అటు సుల్తానులకు, ఇటు మొఘలాయిలకు ఏక కాలంలో చూపిన పౌరుష పరాక్రమ మూర్తి ఛత్రపతి శివాజీ.

శివాజీ విజయ వార్తలు ఔరంగజేబుకు సహింపరానివయ్యాయి. సింహాన్నెదుర్కోవాలంటే సింహమే కావాలని నిశ్చయించుకున్నాడు. ఈ కార్యానికి మీర్జా రాజా జయసింహుని ఎన్నుకున్నాడు. జయసింహుడు గొప్ప యోధుడే కాక చాలా తెలివైన సేనాధిపతి కూడా. ఇన్ని అర్హతలున్న వ్యక్తి విధర్మీయుల సేవలో మునిగి ఉండడమే అతి పెద్ద విషాదం, అవమానకరం.

పెద్ద సైన్యంతో వచ్చిన జయసింహుడు బిజాపూరు సుల్తానుతో సహాయ సంధి చేసుకుని అన్ని దిక్కుల నుండి శివాజీ పై దాడి చేశాడు. శివాజీ ఒక లేఖ ద్వారా జయసింహునితో సంధి ప్రస్తావన చేశాడు. ఔరంగజేబుతో సంప్రదింపులు జరపడానికి అంగీకరించాడు శివాజీ. శివాజీకేమాత్రమూ అవమానము, అపకారము జరగదని, గౌరవ పూర్వకంగా చూసుకుంటామని  జయసింహుడిచ్చిన మాట నమ్మి ఆగ్రా కోటలో అడుగు పెట్టిన శివాజీకి అక్కడ అవమానం ఎదురైంది. పట్టరాని ఆగ్రహంతో ఔరంగజేబుకు అవమానం కలిగేలా రాజ సభ వదిలి బైటకొచ్చాడు శివాజీ. ఇచ్చిన మాటను విడచి శివాజీని బంధించి శిరచ్ఛేదనం చేయమని ఆజ్ఞాపించాడు ఔరంగజేబు. కానీ శివాజీ అక్కడి నుంచి ఉపాయంతో తప్పించుకుని కాశీ, గయ క్షేత్రాల మీదుగా రాయగఢ్ చేరుకున్నాడు.

క్రీ.శ.1674లో ‘గాగాభట్టు’ అనే కాశీ పండితుడు శాస్త్రానుసారంగా శివాజీకి రాజ్యాభిషేకం గావించాడు. గాగాభట్టు శివాజీ శిరస్సుపై ఒక బంగారు ఛత్రాన్నుంచి ‘ఛత్రపతి’ అని ఘోషించాడు. పరమ పవిత్రమైన తన తల్లి చరణాలను స్పృశించి, ఆశీర్వాదం పొంది రత్న ఖచిత సువర్ణ సింహాసనంపై ఆసీనుడయ్యాడు శివాజీ. దుర్గాలన్నిటిలోకి శ్రేష్ఠమైన రాయగఢ్ దుర్గాన్ని శివాజీ రాజధానిగా చేసుకున్నాడు.

శత్రువులను ఓడించి రాజ్య స్థాపన చేయడంతోనే శివాజీ పొంగిపోలేదు. ప్రజల సుఖ సంతోషాల కోసం అనేక విధాలుగా ప్రయత్నం చేశాడు. ప్రజలను భగవంతుని రూపంగా భావించాడు. తన ప్రజలందరినీ విద్యావంతులను చెయ్యాలని శివాజీ అభిలషించాడు.

ఆ రోజుల్లో అనేక మంది హిందువులు బలవంతంగా ముస్లిం మతంలోనికి మార్చబడేవారు. వారికి తిరిగి హిందువులుగా మారాలనే కోరిక వుండేది. కానీ హిందూ సమాజం వీరిని స్వధర్మంలోనికి తిరిగి రావడానికి అనుమతించేది కాదు. శివాజీకి ఇది నచ్చలేదు. శుద్ధి కార్యక్రమం ద్వారా వారిని హిందూ ధర్మంలోనికి ఆహ్వానించాడు.

శివాజీ ఎంతటి ధీరాగ్రేసరుడో అంతటి దయామూర్తి కూడా. హిందూ దేశంలో హిందువులు సగర్వంగా జీవించగలిగే స్థితిని నిర్మాణం చేసినవాడు శివాజీ. ”అగర్ శివాజీ న హోతాతో సున్నత్ హోతీ సబకీ” [ శివాజీ లేకపోతే అందరికీ సుంతీ చెయ్యబడేది] అని సమకాలీనులు చెప్పుకునేలా ఎన్నో అడ్డంకులను అధిగమిస్తూ మొఘలులతో పోరాటం సలిపాడు శివాజీ. దేశ, ధర్మ, గో, వేదాది రక్షణకు అంకితమైనవాడు శివాజీ. దేశం కోసం, ధర్మం కోసం అనేక కష్ట నష్టాలు సహించాడు. తన ప్రాణాలను సైతం లెక్కచేయలేదు. ఎన్నోసార్లు మృత్యువుకు దగ్గరగా వెళ్ళాడు. ఆఖరి క్షణం వరకు దేశం, ధర్మం కోసమే జీవించాడు. మూడున్నర శతాబ్దాల తర్వాత నేడు కూడా ఆ మహాపురుషుని క్షణమాత్రం తలచుకుంటే చాలు, మనలో నూతనోత్తేజం మేలుకుంటుంది. అందుకే ఇంటింటా ఓ శివాజీ జన్మించాలి, దేశ, ధర్మరక్షణ గావించాలని మనం ఆకాంక్షిద్దాం.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post హిందూ సమాజ స్వరాజ్యభానుడు ఛత్రపతి శివాజీ. appeared first on Vishwa Samvad Kendra Andhra Pradesh.

శివాజీ దేశ, కాల పరిస్థితులను అర్థం చేసుకుని దేశాన్ని కాపాడాడు. సమాజానికి సరియైన దిశా నిర్దేశం చేశాడు. ఆ కాలంలోనే శివాజీ ‘హిందవీ స్వరాజ్’ ని నిర్మించాడు. అప్పటి హిందూ రాజులకు భిన్నమైన రీతిలో సరికొత్తగా ఆలోచించాడు.

సర్వసాధారణమైన మావళీలను మహత్కార్య సాధకులను చేశాడు. తానాజీ మాన్సురే, సూర్యాజీ మాల్సురే, నేతాజీ ఫాల్కర్, యశాజీ కంక్, మురారి భాజీ, హీరాజీ ఫర్జంద్ వంటి అసమాన వీరులందరూ శివాజీ నేతృత్వంలో రూపుదిద్దుకున్న సామాన్య వ్యక్తులే. సమాజం బాగుపడాలంటే సాధారణ సమాజం యొక్క క్రియాశీలత, గుణగణాల పైననే ఆధారపడి ఉంటుందన్నది చరిత్ర చెప్పిన సత్యం. “సాధారణ సమాజం యొక్క దృష్టికోణం, నడవడిపైనే ఆ సమాజ మనుగడ ఆధారపడి ఉంటుంది” అన్న సత్యాన్ని శివాజీ అర్థం చేసుకున్నాడు. అందుకే మట్టిలోంచి మాణిక్యాలను వెలికి తీశాడు.

భోంస్లే రాజులకు చెందిన సీతా బర్డీ కోటపైనున్న యూనియన్ జాక్ ఆంగ్లేయ పతాకాన్ని తొలగించి అక్కడ భగవాధ్వజాన్ని ఎగురవేయాలన్న సంకల్పంతో వఝే మాస్టారు ఇంటిలో నుంచి సొరంగాన్ని త్రవ్వడానికి బాలకేశవుడు ప్రయత్నించిన సంఘటనను మనం సంఘ స్థాపకులు పరమ పూజనీయ డాక్టర్జీ జీవితంలో చూస్తాం. శివాజీ అతి చిన్న వయసులో తన స్నేహితులతో కలసి తోరణ దుర్గాన్ని జయించిన సంఘటన బాల కేశవునికి ప్రేరణ. శివాజీలోని స్వాభిమానము, దేశభక్తి, సాహస ప్రవృత్తి పుణికిపుచ్చుకుని పుట్టిన ఆజన్మ దేశభక్తులు పరమ పూజనీయ డాక్టర్జీ. ఛత్రపతి శివాజీ జీవితమే డాక్టర్జీ సంకల్పానికి ప్రేరణ.

స్వభావరీత్యా శివాజీ విరాగి. దాదాజీ ఖోండదేవ్, భక్త తుకారాం, సమర్ధ రామదాసుల సాహచర్యం వల్ల శివాజీలో వైరాగ్య భావనలు మొలకెత్తి ఉండవచ్చు. కానీ ఆయన ముక్తి మార్గ సాధనకంటే సమాజ రక్షణకు, తన కర్తవ్య నిర్వహణకే ప్రధమ ప్రాధాన్యతనిచ్చాడు. అదే సమయంలో స్వార్థము, అహంకారము, అధికార గర్వము వంటి వికృతులకు, దుర్లక్షణాలకు అతీతంగా కేవలం ధర్మ రక్షకుడుగా, ధర్మకర్తగానే ఆయన పాలన సాగించాడు. కేవలం సమర్థ రామదాస స్వామి ప్రతినిధిగానే శివాజీ తన పాలనను కొనసాగించాడు. నేటి పాలకులకు సైతం శివాజీలోని ఈ సద్గుణం ఆదర్శనీయం. రాగ ద్వేషాలకు, అవినీతి, అధికార వ్యామోహాలకు అతీతంగా కేవలం ప్రజా ప్రతినిధులుగా, ధర్మకర్తలుగా ప్రస్తుత పాలకులు వ్యవహరించాల్సి ఉంది.

అలెగ్జాండర్, ఘోరీ, గజనీ, మొఘలాయీల కుయుక్తులకు తగినట్లుగా వ్యూహాలు పన్నడంలో అప్పటి మన రాజులనేకులు విఫలం చెందారు. కొందరు రాజులు తమ మితిమీరిన ధర్మాచరణ, వ్యక్తిగత నియమాలు, కీర్తి కండూతి వంటి “సద్గుణ వికృతి” కారణంగా పరాజయం పాలైతే…. జయచంద్రుడు, అంబి రాజు వంటి వారు వ్యక్తిగత లక్ష్యాల సాధన కోసం శత్రువులకు సహకరించి జాతికి తీరని ద్రోహం చేశారు. కానీ శివాజీ శత్రువులతో వ్యూహాత్మకంగా వ్యవహరించాడు. అవసరమైన చోట అనవసరమైన భేషజాలకు పోకుండా ఒకింత తగ్గి ప్రవర్తించాడు. “అనువుగానిచోట అధికులమనరాదు” అన్న సూక్తిని అనుసరించి తన తండ్రిని కాపాడుకోవడం కోసం మొఘలాయీలకి లేఖ వ్రాశాడు. ధనం అవసరమైనప్పుడు సూరత్ ను కొల్లగొట్టి స్వరాజ్య నిర్మాణానికి ఉపయోగించాడు. ఆగ్రా కోట నుంచి తెలివిగా తప్పించుకున్నాడు. ఈ సమయంలో మొఘలాయీ సేనలను భోల్తా కొట్టించడంలో శివాజీ చేతిలో తయారైన మరో తురుపు ముక్క భాజీ ప్రభు దేశపాండే చూపిన నేర్పు శివాజీ వ్యక్తి నిర్మాణ కౌశలానికి ఓ తార్కాణం. ఇలా ప్రతి సందర్భంలోనూ సమయానుకూలంగా, సమయస్ఫూర్తితో వ్యవహరించి తాను ఆపదల నుంచి గట్టెక్కుతూ తన లక్ష్యం దిశగా సాగిపోయాడు శివాజీ.

అప్పటివరకూ భారతీయ రాజులందరూ అనుసరించిన యుద్ధ నియమాలను విడచి గెరిల్లా యుద్ధ నీతిని అనుసరించాడు. శత్రువులపై మెరుపు దాడులు చేసేవాడు.

తన గూఢచారుల ద్వారానే తాను శత్రువుకు భయపడుతున్నట్లుగా ప్రచారం చేయించేవాడు. ఏమరుపాటుగా ఉన్నప్పుడు శివాజీ శత్రువుపై మెరుపు దాడి చేసి దెబ్బ తీసేవాడు. అఫ్జల్ ఖాన్ ని సంహరించినప్పుడు , షయస్త ఖాన్ వ్రేళ్ళు తెగ్గోట్టినపుడు, ఆగ్రా కోట నుంచి తప్పించుకున్నప్పుడు శివాజీ ఈ వ్యూహాన్నే అనుసరించాడు. ఊహకందని రీతిలో మెరుపు వేగంతో శత్రువు పై విరుచుకు పడేవాడు. ఒక నాయకుడికి ఉండాల్సిన ప్రధానమైన లక్షణాలలో ‘త్వర’ (మెరుపు వేగం) ఒకటి.

శివాజీ కొలువులో మహమ్మదీయులు కూడా పని చేశారు. శివాజీకి ఆంతరంగికుడిగా, అంగరక్షకుడిగా వ్యవహరించిన మదారీ మెహతార్, శివాజీ ఆగ్రా కోట నుంచి తప్పించుకున్న రోమాంఛిత ఘట్టంలో కూడా ప్రధాన పాత్ర పోషించాడు. శివాజీ యొక్క ఫిరంగి దళాల అధిపతి కూడా ఒక మహమ్మదీయుడే. శివాజీ వారిలో కూడా జాతీయ భావనను నింపాడు.
ప్రస్తుత కాలంలో IAS, IPS శిక్షణ పొందే వ్యక్తులు తమ శిక్షణలో భాగంగా క్రింది స్థాయి నుండి అన్ని స్థాయిలలో పని చేసినట్లుగా శివాజీకి కూడా అన్ని స్థాయిలలో ప్రవేశం ఉంది. అందువల్ల శివాజీకి అన్ని విభాగాలలోని లోటుపాట్లు, లోపాలు తెలుసు. ఆ కారణంగానే ఆయన తన పాలనలో అన్ని రంగాలను సమర్థవంతంగా నిర్వహించగలిగాడు.

శివాజీని స్ఫూర్తిగా తీసుకుని, ఆయన యుద్ధ రీతిని అనుసరించి అతి చిన్న దేశం వియత్నాం శక్తివంతమైన అమెరికాతో పోరాడి గెలిచింది. అస్సాంకు చెందిన వీరుడు లాచిద్ బఢ్ ఫుకాన్, బుందేల్ ఖండ్ కు చెందిన రాజపుత్ర వీరుడు రాజా ఛత్రసాల్ లు శివాజీ నుంచి ప్రేరణ పొంది స్వధర్మ రక్షణ కోసం పోరు సలిపారు.

ఊహకి కూడా అందని రోజులలో మతం మారిన వారిని హిందూ ధర్మంలోకి పునరాగమనం చేయించాడు. తనతో బంధుత్వం కలుపుకోవడం ద్వారా మహమ్మద్ కులీ ఖాన్ అనే మతం మారిన యువకుడిని హిందూ ధర్మంలోకి తీసుకు వచ్చాడు. అతనే శివాజీకి ప్రధాన అనుచరుడిగా ఉండిన నేతాజీ ఫాల్కర్.

ప్రతి విషయాన్ని సునిశిత దృష్టితో పరిశీలించడం శివాజీ ప్రత్యేకత. తాను కొత్తగా కోటలు నిర్మించినప్పుడు కోట గోడలు దాటి వచ్చిన వారికి బహుమతులు వగైరాలంటూ వివిధ పరీక్షలు నిర్వహించి కోటలను మరింతగా దృఢతరం చేసుకునేవాడు. రాజాంతఃపురంలో సమయం మించిపోయి బయటకు వెళ్లడం వీలుకాక తన బిడ్డ పాల కోసం ఏడుస్తుంటాడేమో అన్న స్పృహతో కోట బురుజును దాటి వెళ్లిన హీరాకానీ అనే మహిళను సత్కరించి, ఆ బురుజును మరింత పటిష్ట పరచిన సంఘటన మనకు తెలిసిందే. ఆ బురుజు ఇప్పటికీ ‘హీరాకానీ బురుజు’ పేరుతో పిలవబడుతోంది.

శివాజీ తన రాజ్యాన్ని తమిళనాడులోని తంజావూరు, కర్ణాటకలోని జింజి వరకు విస్తరించాడు. అద్భుత రీతిలో నౌకాదళాన్ని నిర్మించాడు.

శివాజీ పోరాట స్ఫూర్తి, అంకితభావం అందించిన ప్రేరణ కారణంగా శివాజీ అనంతరం పీష్వాలు దేశమంతటినీ ఒకే ఛత్రం కిందకి తెచ్చారు. అంతేకాదు ఆ తదనంతరం కూడా సాధారణ సమాజమే తమను తాము సంఘటితంగా నిలుపుకుని రక్షించుకోగలిగింది.

తన 44వ ఏట కాశీకి చెందిన గాగాభట్టు అనే కాశీ పండితుడు శివాజీని పట్టాభిషిక్తుణ్ణి గావించాడు. పండితులు, పామరులు ఆయనను “హిందూ పద పాదషాహి” గా కీర్తించారు. సామాన్యులలో సైతం అసామాన్య పోరాట స్ఫూర్తిని, దేశభక్తిని నింపిన అసమాన స్వాభిమాన చక్రవర్తి ఛత్రపతి శివాజీ పట్టాభిషిక్తుడైన జ్యేష్ఠ శుక్ల త్రయోదశిని మనం “హిందూ సామ్రాజ్య దినోత్సవం” గా జరుపుకుంటున్నాం. శతాబ్దాలు గడిచినా కేవలం స్మరణ మాత్రం చేత గుండె గుండెలో స్వాభిమాన జ్వాలను రగిలించే శివాజీ జీవితం ప్రతి భారతీయుడికీ ప్రేరక మంత్రం. భారత్ మాతాకీ జై.

– దువ్వూరు యుగంధర్

ఆర్.ఎస్.ఎస్ ఆంధ్ర ప్రాంత సహ కార్యవాహ.

జాగృతి వారపత్రిక సౌజన్యంతో….

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post జై భవాని – వీర శివాజీ appeared first on Vishwa Samvad Kendra Andhra Pradesh.