‘అవకాశం వస్తే ప్రజాసేవకు సిద్ధంగా ఉన్నాను. నా సొంత రాష్ట్ర ప్రజల(హిమాచల్​ప్రదేశ్​)కు సేవ చేయడాన్ని అదృష్టంగా భావిస్తాను. నరేంద్రమోదీ ప్రధాన మంత్రి అయిన తర్వాత భారత్‌లో మార్పు స్పష్టంగా కనిపిస్తోంది. ప్రతి భారతీయుడిలో జాతీయభావం కనిపిస్తోంది. సామాన్య ప్రజల గురించి మాట్లాడుతున్నందున ప్రతి భారతీయుడికి ఆయనతో దగ్గరి బంధం ఏర్పడినట్టు కనిపిస్తోంది. నేను కాంగ్రెస్ విధానాలను అనుసరించే కుటుంబం నుంచి వచ్చాను. మోదీ పనితీరుతో ఇప్పుడు మా కుటుంబం బీజేపీ పక్షాన నిలిచింది’ అని కంగనా అన్నారు.

‘నేను సార్వత్రిక ఎన్నికల్లో పాల్గొనాలని హిమాచల్‌ప్రదేశ్‌ మరీ ముఖ్యంగా మండీ ప్రాంత ప్రజలు, బీజేపీ కోరుకుంటే.. మండీ ప్రాంతం నుంచి పోటీ చేయడానికి సిద్ధమే. కానీ దేశంలో ఎంతోమంది గొప్పవారు ఉన్నారు. వారు రాజకీయాల్లోకి రావాల్సి ఉంది’ అని తన అభిప్రాయాన్ని వ్యక్తం చేశారు. కాంగ్రెస్ సీనియర్ నేత రాహుల్ గాంధీ.. మోదీకి పోటీదారు కాదని, హిమాచల్ ప్రదేశ్‌లో ఆప్‌ కన్వీనర్ అరవింద్‌ కేజ్రీవాల్ ప్రకటించే ఉచితాలు పనిచేయవని వ్యాఖ్యానించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ప్రత్యక్ష రాజకీయాల్లోకి కంగనా రనౌత్​ appeared first on Vishwa Samvad Kendra Andhra Pradesh.

కిరాత్‌పూర్‌ సాహిబ్‌: కిరాత్‌పూర్‌ సాహిబ్‌ పట్టణంలో నిరసన తెలుపుతున్న రైతులు బాలీవుడ్‌ నటి కంగనా రనౌత్‌ కారును ఆపి, చుట్టుముట్టారు. దీంతో తీవ్ర భయాందోళనలకు గురైన ఆమె ఆ పరిస్థితులను ఇన్‌స్టాగ్రాంలో వివరించింది. స్వస్థలమైన హిమాచల్‌ ప్రదేశ్‌ నుండి పంజాబ్‌ చేరుకోగానే తన కాన్వాయ్‌పై రైతు నిరసనకారుల గుంపు మెరుపుదాడి చేసింది.. ‘నన్ను ఒక గుంపు చుట్టుముట్టింది. తమను తాము రైతులుగా పిలుచుకుంటున్నారు. వారు నాపై దాడి చేస్తున్నారు, దుర్భాషలాడుతున్నారు, చంపేస్తామని బెదిరిస్తున్నారు’అని ఆమె విలపించింది.

‘అక్కడ పరిస్థితి నమ్మశక్యం కాదు. ఇక్కడ ఎక్కువ మంది పోలీసులు ఉన్నప్పటికీ నా వాహనం ఆగిపోయింది. నేను రాజకీయ నాయకుడా? నేను పార్టీని నడుపుతానా? ఈ ప్రవర్తన ఏమిటి? నా పేరుతో చాలా మంది రాజకీయాలు చేస్తున్నారు. ఆ రాజకీయ ఎత్తుగడకు ప్రత్యక్ష పర్యవసానమే గుంపు దాడి. మీరు గమనిస్తే, నన్ను అన్ని వైపుల నుండి గుంపు చుట్టుముట్టింది. పోలీసులు లేకుంటే, నన్ను కొట్టి చంపి ఉండేవారు’ అని ఆమె తీవ్ర ఆందోళన వ్యక్తం చేసింది.

కాగా, ఆ తర్వాత ఆమె గుంపు నుండి తప్పించుకుని వెళ్లిపోయింది. ఆ తర్వాత పంజాబ్‌ పోలీసులకు ధన్యావాదాలు తెలిపింది. ‘నేను సురక్షితంగా ఉన్నాను. ఆ అస్థిరమైన పరిస్థితి నుంచి బయటపడేందుకు నాకు సహకరించిన వారందరికీ కృతజ్ఞతలు’ అని ఆమె అన్నారు. ‘నన్ను ఎవరూ క్షమాపణలు అడగలేదు.. నేను ఎవరికీ చెప్పలేదు… నేను ఎందుకు క్షమాపణ చెప్పాలి, దేనికి? పంజాబ్‌ ప్రజల పట్ల నిజమైన ప్రేమ, శ్రద్ధ కోసమా? లేదు, నేను ఎప్పటికీ అలా చేయను… దయచేసి పుకార్లు వ్యాప్తి చేయవద్దు. నేను ఎల్లప్పుడూ రైతులకు మద్దతునిస్తాను, రైతుల బిల్లుకు అనుకూలంగా మాట్లాడాను… నేను దానిని కొనసాగిస్తాను’ అని ఆమె పేర్కొంది.

Source: Opindia

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post నన్ను కొట్టి, హత్య చేసేవారు… appeared first on Vishwa Samvad Kendra Andhra Pradesh.

ముంబై: 1947లో మనకు లభించింది నిజమైన స్వాతంత్య్రం కాదని.. అది మనకు వేసిన భిక్ష అని బాలీవుడ్‌ నటి కంగనా రనౌత్‌ వ్యాఖ్యానించారు. ఈ విధంగా లభించినదాన్ని నిజమైన స్వాతంత్య్రంగా ఎలా భావిస్తామని అన్నారు.

కాంగ్రెస్‌ హయాంలో కూడా బ్రిటీష్‌ పాలనే కొనసాగిందని ఆమె చెప్పారు. 2014లో మోదీ ప్రధాని అయిన తర్వాతే మనకు నిజమైన స్వాతంత్య్రం వచ్చిందని అన్నారు. ఈ వ్యాఖ్యల క్లిప్పింగ్స్‌ సోషల్‌ మీడియాలో వైరల్‌ అయ్యాయి.

Source: Ap7am

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post కాంగ్రెస్‌ హయాంలో బ్రిటీష్‌ పాలనే… appeared first on Vishwa Samvad Kendra Andhra Pradesh.