తూర్పు లద్ధాఖ్‌ వివాదంపై ఆయన ఓ ఆంగ్ల మీడియా సంస్థతో మాట్లాడుతూ ఈ వ్యాఖ్యలు చేశారు. 1993, 1996 నాటి ఒప్పందాలను చైనా ఉల్లంఘిచి వాస్తవాధీన రేఖను ఏకపక్షంగా మార్చాలని యత్నించిందన్నారు. ”మనం కొవిడ్‌ సమయంలో కూడా భారీగా దళాలను సరిహద్దులకు తరలించాము. ఈ విషయం దేశంలోని ప్రజలు, విశ్లేషకులు, రాజకీయ నాయకులు గుర్తించాలి.

మనం వాస్తవాధీన రేఖ వద్ద చైనాను కట్టడి చేయగలము. చైనా దళాలు వాస్తవాధీన రేఖకు సమీపంలో మోహరించాయి. దీంతో భారత్‌ కూడా మోహరించింది. ఇది చాలా ప్రమాదకరం. ఇలాంటి పరిస్థితుల్లోనే గల్వాన్‌ ఘటన చోటు చేసుకొంది. నాటి నుంచి ఉద్రిక్తతలు ఉన్న ప్రాంతాలపై చర్చలు జరుపుతున్నాం. వీటిల్లో చాలా వాటికి పరిష్కారం లభించింది. ఇది చాలా కష్టమైన పని. ఓపిక అవసరం. ఏకపక్షంగా చైనా వాస్తవాధీన రేఖ వద్ద చేపట్టే మార్పులను అంగీకరించమన్న వాటిపై స్పష్టత అవసరం. ఎంత కాలమైనా.. ఎన్ని విడతల చర్చలు జరిగినా.. ఎంత కఠినమైన బేరసారాలు జరిగినా.. మేము మాత్రం స్పష్టంగా ఉన్నాం” అని జైశంకర్‌ వ్యాఖ్యానించారు. చైనా చర్చలు ఇంకా ముగింపు దశకు రాలేదన్నారు.

చైనా విషయంలో భారత్‌ వైఖరిని గత గురువారం ది ఢిల్లీ డైలాగ్‌ సదస్సులో కూడా జైశంకర్‌ స్పష్టం చేశారు. అప్పట్లో ఆయన మాట్లాడుతూ భారత్‌-చైనా సంబంధాలు పరస్పరం ఇచ్చిపుచ్చుకొనే గౌరవం ఆధారంగా ఉంటాయని పేర్కొన్నారు. సరిహద్దుల్లో పరిస్థితే భారత్‌-చైనా మధ్య ద్వైపాక్షిక సంబంధాల్లో కూడా ప్రతిబింబిస్తుందని జైశంకర్ వెల్లడించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post చైనా ఏకపక్ష యత్నాలను భారత్‌ ఎట్టిపరిస్థితుల్లోనూ ఆమోదించదు – భారత విదేశంగశాఖా మంత్రి ఎస్‌.జైశంకర్ appeared first on Vishwa Samvad Kendra Andhra Pradesh.

అంతరిక్ష కేంద్రం అభివృద్ధి, మరికొన్ని ఉపగ్రహాల ప్రయోగం సహా పాకిస్థాన్‌తో అంతరిక్ష సహకారాన్ని బలోపేతం చేసే ప్రణాళికలను చైనా ప్రకటించింది. పాకిస్థాన్‌ కోసం సమాచార ఉపగ్రహాల అభివృద్ధికి ప్రాధాన్యం, పాకిస్థాన్‌ అంతరిక్ష కేంద్రం నిర్మాణానికి సహకారం అందించేందుకు ప్రాధాన్యం ఇవ్వనున్నట్లు శ్వేతపత్రంలో ప్రకటించింది. చైనా నిర్మిస్తున్న సొంత అంతరిక్ష కేంద్రం ఈ ఏడాదికల్లా సిద్ధం కానుంది.

2018లో పాకిస్థాన్‌ ప్రయోగించిన రెండు ఉపగ్రహాలకు తోడ్పాటు అందించిన చైనా 2019లో అంతరిక్ష పరిశోధనలు, మిత్రదేశాల మధ్య అంతరిక్ష శాస్త్ర సహకారాన్ని మరింతగా ఉదృతం చేసే ఒప్పందంపై సంతకాలు చేసింది. పాకిస్థాన్‌, వెనిజులా, సుడాన్‌, అల్జీరియన్‌ ఉపగ్రహాలు కక్ష్యలో చేర్చేందుకు అన్ని ఏర్పాట్లు పూర్తి చేసినట్లు శుక్రవారం విడుదల చేసిన శ్వేతపత్రంలో చైనా వెల్లడించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post పాకిస్థాన్ కోసం అంతరిక్ష కేంద్రాన్ని నిర్మిస్తున్న చైనా appeared first on Vishwa Samvad Kendra Andhra Pradesh.

సరిహద్దుల్లో చైనా బలగాలను ఎదుర్కొనేందుకు వీలుగా ఎక్కడికైనా వీటిని సులువుగా తీసుకెళ్లేలా ప్రాణహాని లేనివిధంగా ఈ ఆయుధాలను తయారు చేశారు. పరమశివుడి చేతిలోని త్రిశూలం ఆధారంగా కూడా ఆయుధాన్ని తయారుచేశారు. గల్వాన్‌ ఘర్షణలో చైనీయులు తమ సంప్రదాయ ఆయుధాలను వాడారనీ, అందుకే తాము కూడా భారత సంప్రదాయాన్ని చాటుతూ త్రిశూలాన్ని తయారుచేసినట్టు అపాస్టెరాన్‌ ప్రైవేట్‌ లిమిటెడ్‌ చీఫ్‌ టెక్నాలజీ ఆఫీసర్‌ మోహిత్‌ కుమార్‌ వెల్లడించారు.
”గతేడాది గల్వాన్‌లో భారత్‌-చైనా మధ్య ఘర్షణ జరిగింది. ఈ ఘర్షణలో చైనా బలగాలు భారత సైనికులపైకి ఇనుపరాడ్లు, టేసర్‌లను ప్రయోగించాయి. దీనికి గట్టిగా బదులిచ్చేందుకు భారత భద్రతా దళాలు ప్రాణహానిలేని ఆయుధాలు తయారు చేసే ప్రాజెక్టును మాకు అప్పగించాయి. భద్రతా బలగాలకు ఈ ఆయుధాలు అందించడం ప్రారంభించాం. వారి నుంచి చాలా మంచి స్పందన వచ్చింది. ‘వజ్ర’ పేరుతో మెరుపులతో కూడిన మెటల్‌ డివైజ్‌ను మా సంస్థ తయారు చేసింది. శత్రు సైనికులపై దాడి చేసేందుకు వారి బుల్లెట్‌ ప్రూఫ్‌ వాహనాలను పంక్చర్‌ చేసేందుకు ఇది ఉపయోగపడుతుంది. త్రిశూలం నుంచి కూడా విద్యుత్ సరఫరా అవుతుంది. దాంతో ప్రత్యర్థి సెకెన్ల వ్యవధిలోనే అపస్మారకస్థితికి గురవుతాడు. సప్పర్‌ పంచ్‌ పేరుతో తయారుచేసిన గ్లౌజ్‌ కూడా ఇదే తరహాలో పనిచేస్తుంది. ఈ ఆయుధాలేవీ శత్రువుల ప్రాణాలు తీయవు. వారిని షాక్‌కు గురిచేస్తాయి” ” అని మోహిత్‌ వివరించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post భారత సైన్యం సరిక్రొత్త ఆయుధం…. త్రిశూలం appeared first on Vishwa Samvad Kendra Andhra Pradesh.

తాలిబన్ల విషయంలో తొలి నుంచీ చైనా అనుకూల వైఖరే అవలంబిస్తోంది. సాయుధులు అఫ్గాన్ ను ఆక్రమించుకున్నప్పటికీ ఆ దేశంలోని రాయబార కార్యాలయాన్ని చైనా మూసేయలేదు. అటు, తాలిబన్లు సైతం అఫ్గన్ పునర్నిర్మాణంలో చైనా కీలక పాత్ర పోషించగలదని బహిరంగంగా వ్యాఖ్యానించారు. గత నెలలో తాలిబన్ నేత ముల్లా అబ్దుల్ ఘనీ బరాదర్ తో.. చైనా విదేశాంగ మంత్రి వాంగ్ యీ సమావేశమయ్యారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post తాలిబన్లకు అండగా ఉంటామని హామీ ఇచ్చిన చైనా – భారత్ ను ఇరుకున పెట్టడానికేనంటున్న నిపుణులు appeared first on Vishwa Samvad Kendra Andhra Pradesh.

లద్దాఖ్ ప్రాంతం హిమాలయ పర్వతాల సమీపంలో ఉండటంతో గడ్డకట్టించే చలి సైనికులకు ఎప్పుడూ పలు సవాళ్లను విసురుతూనే ఉంటుంది. శీతాకాలంలో లద్దాఖ్‌లోని వాస్తవాధీనరేఖ వెంబడి ఉష్ణోగ్రతలు మైనస్‌ 35 నుంచి 40 డిగ్రీల వరకు పడిపోతూఉంటాయి. ఈనేపథ్యంలో సైనిక బలగాలు ఉండేందుకు అత్యంత వేగంగా నిర్మించే ఫాస్ట్‌ ఎరెక్టబుల్‌ మాడ్యులార్‌ షెల్టర్లను కేంద్రం సమకూర్చింది.

ఫార్వర్డ్‌ ఏరియాల్లో కాపలాకాసే సైనికులకు ఇవి ఎంతగానో ఉపకరిస్తున్నాయి. చాలా వేగంగా నిర్మించే సౌలభ్యమున్న ఈ షెల్టర్లలో 8 మంది నుంచి 40 మంది వరకు సైనికులు ఉండవచ్చు. అవసరాన్ని బట్టి వీటిని ఎక్కడి నుంచి ఎక్కడికైనా తరలించుకునే అవకాశం ఉంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post చైనా సరిహద్దుల్లో భారత సైన్యానికి సకల సౌకర్యాలు appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post చైనా సరిహద్దుల్లోని భారత బలగాలకు అత్యాధునిక ఆయుధాలు appeared first on Vishwa Samvad Kendra Andhra Pradesh.

చైనా కవ్వింపులకు చెక్ పెట్టేలా.. లద్దాక్ లో నాలుగు ఎయిర్ పోర్టులు, 37 హెలీపాడ్లు నిర్మిస్తోంది కేంద్రం. దీనికి సంబంధించి ఇప్పటికే భూసేకరణ కూడా పూర్తిచేసింది. కేంద్రం త్వరలోనే డైరెక్టర్ జనరల్ ఆఫ్ సివిల్ ఏవియేషన్, ఎయిర్ పోర్ట్స్ అథారిటీ ఆఫ్ ఇండియా, ఇండియన్ ఎయిర్ ఫోర్స్ విభాగాలతో చర్చించనున్నట్టు తెలుస్తోంది. ఇప్పటికే నాలుగు ఎయిర్ పోర్టుల కోసం.. ల్యాండింగ్ అనువైన ప్రదేశాలను ఎంపిక చేశారు. అంతేకాదు, జన్‎స్కర్ వ్యాలీని అనుసంధానించే విధంగా.. ప్రస్తుత లేహ్ విమానాశ్రయానికి ప్రత్యామ్నాయ మార్గాలను అన్వేషిస్తోంది కేంద్ర ప్రభుత్వం. అటు, గల్వాన్ ఘర్షణల తర్వాత ఉద్రిక్తంగా మారిన ప్యాంగాంగ్ సో సరస్సు ప్రాంతంపైనా భారత్ దృష్టిసారించింది. ఇందులో భాగంగా సరస్సు వద్దకు సులభంగా చేరుకునేలా.. చాం‎గ్ టాంగ్ వద్ద ఎయిర్ ఫీల్డ్ నిర్మాణాన్ని చేపట్టింది.

కొన్నాళ్ల క్రితం ప్యాంగాంగ్ సో సరస్సు వద్దకు చైనా తన సైన్యాన్ని తరలించింది. దీంతో ఆ ప్రాంతంలో కొన్ని నెలల పాటు ఉద్రిక్త పరిస్థితులు కొనసాగాయి. దీనికి కౌంటర్ గా భారత సైన్యం కూడా నిర్ణయాత్మక ప్రాంతాలను స్వాధీనం చేసుకుని డ్రాగన్ కు హెచ్చరికలు పంపింది. దీంతో బీజింగ్ వెనక్కి తగ్గక తప్పలేదు. అందుకే, సరస్సుకు దగ్గర్లోని చాంగ్ టాంగ్ వద్ద ఎయిర్ ఫీల్డ్ నిర్మించేందుకు భారత్ ప్రణాళికలు సిద్ధం చేస్తోంది. కేవలం ఎయిర్ ఫీల్డ్స్, ఎయిర్ పోర్ట్స్ మాత్రమే కాదు.. లద్దాక్ వ్యాప్తంగా 37 హెలీపాడ్లను కూడా నిర్మింస్తోంది. చినూక్ CH-47 వంటి అత్యంత భారీ హెలీకాప్టర్లు కూడా సులభంగా ల్యాండయ్యేలా వీటిని నిర్మిస్తున్నారు. ఈ హెలీపాడ్లన్నీ ఈ ఏడాది చివరిలోగా అందుబాటులోకి రానున్నాయి.

లద్దాక్ వ్యాప్తంగా ఎయిర్ పోర్టులు, ఎయిర్ ఫీల్డ్స్, హెలీపాడ్లు నిర్మించడం ద్వారా సరిహద్దుల్లోని నిర్జన ప్రాంతాలకు సైనిక దళాలను తరలించడం మరింత సులభమవుతుంది. సైన్యంతోపాటు, సైనిక సామాగ్రి, ఆయుధాలను కూడా ఈజీగా చేరవేయవచ్చు. అంతేకాదు, కొన్ని ఎయిర్ పోర్టులలో సివిల్ ఏవియేన్‎కు కూడా కేంద్రం అనుమతులు మంజూరు చేయనుంది. దీంతో పర్యాటకంగా కూడా ఈ ప్రాంతం అభివృద్ధి చెందనుంది. మొత్తానికి లద్దాక్‎లో చైనా ముప్పును ఎదుర్కోవడానికి, భారత ప్రభుత్వం ఓవర్‎టైమ్ మోడ్‎లో పనిచేస్తోంది.

అటు చైనాకు చెక్ పెట్టేందుకు ఏ అవకాశాన్ని కూడా భారత్ వదులుకోవడం లేదు. ఇటీవల 50 వేల మంది సైనికులను సరిహద్దులకు తరలించింది భారత్. ప్రస్తుతం ఆ సంఖ్య 2 లక్షలకు చేరుకుంది. గతేడాదితో పోలిస్తే ఇది 40 శాతం ఎక్కువ. దక్షిణ టిబెట్ పీఠభూమి వెంబడి దళాల సంఖ్య కూడా పెరిగింది. అత్యాధునిక మెషిన్ గన్లతో కూడా సైనిక దళాలు.. అప్పటికే అక్కడ పహారా కాస్తున్న సైనిక దళాలతో చేరిపోయాయి. అయితే, సరిహద్దుల్లో భారత్ వ్యూహాత్మక చర్యల్ని పసిగట్టిన చైనా.. ఇటీవల తాటాకు చప్పుళ్లు చేసింది. డ్రాగన్ మౌత్ పీస్ గ్లోబల్ టైమ్స్ భారత్ పై తన పైత్యాన్ని ప్రదర్శించింది. భారత్ రాజకీయ ఎత్తుగడలు ఆపేసి.. సైన్యాన్ని ఉపసంహరించుకోవాలంటూ హితవు పలికింది. శాంతిని పెంపొందించే సంకల్పం, సైనిక బలగం రెండింటిలోనూ భారత్ కంటే చైనా బలంగా ఉన్న విషయాన్ని గుర్తుంచుకోవాలంటూ తాటాకుచప్పుళ్లు చేసింది.

ఆర్టికల్ 370 రద్దు తర్వాత లద్దాక్ ను కేంద్ర పాలిత ప్రాంతంగా ప్రకటించిన కేంద్ర ప్రభుత్వం.. అక్కడ ఆర్మీకి మౌలిక సదుపాయాలను విస్తృతం చేస్తోంది. ఇదంతా సరిహద్దుల్లో చైనా కవ్వింపులకు చెక్ పెట్టేందుకేనని చెబుతున్నా.. దీని వెనుక మరో కారణం కూడా వుందంటున్నారు విదేశాంగ నిపుణులు. ఆ ప్రాంతంలో సైనికంగా బలోపేతం కావడం ద్వారా.. దశాబ్దాలుగా చైనా ఆక్రమణలో వున్న ఆక్సాయ్ చిన్ ను తిరిగి స్వాధీనం చేసుకునే దిశగా భారత్ ప్రయత్నాలు ముమ్మరం చేస్తోందని అంచనావేస్తున్నారు. ఇటీవలికాలంలో కేంద్ర మంత్రుల ప్రకటనలు ఇందుకు అద్దం పడుతున్నాయి. గతేదాడి రాజ్యసభలో ప్రసంగించిన రక్షణ మంత్రి రాజ్ నాథ్ సింగ్.. కేంద్ర పాలిత ప్రాంతం లద్దాక్ లో 38 వేల చదరపు కిలోమీటర్ల భూభాగం చైనా ఆక్రమణలోనే కొనసాగుతోందని అన్నారు. 1963 నాటి చైనా పాకిస్తాన్ ఒప్పందంలో భాగంగా.. పీవోకేలోని 5,180 కిలోమీటర్ల భారత భూభాగాన్ని పాకిస్తాన్ చైనాకు కట్టబెట్టిందని గుర్తుచేశారు. మరోవైపు, అరుణాచల్ ప్రదేశ్ సరిహద్దుల్లోని 90 వేల చదరపు కిలోమీటర్ల భూభాగాన్ని చైనా తనదిగా చెప్పుకుంటోందని అన్నారు.

అటు కేంద్ర హోంమంత్రి అమిత్ షా కూడా అక్సాయ్ చిన్ విషయంలో ఇలాంటి వ్యాఖ్యలే చేశారు. అది భారత భూభాగమని.. దాని కోసం జీవితాలను అంకితమివ్వడానికి కూడా తాము సిద్ధమని పార్లమెంట్ సాక్షిగా ప్రకటించారు. తాను ఎప్పుడు జమ్మూ కశ్మీర్ అని సంభోదించినా.. అందులో పీవోకే, అక్సాయ్ చిన్ కూడా భాగమేనని అన్నారు. ఇదీ లద్దాక్, అక్సాయ్ చిన్ విషయంలో మోడీ ప్రభుత్వ వైఖరి. మొత్తానికి, లద్దాక్ లో ఆర్మీ మౌలిక సదుపాయాల విషయంలో భారత్ దూకుడు పెంచింది. మరి, దీనిపై బీజింగ్ స్పందన ఎలా వుంటుందో చూడాలి.

NATIONAL HUB సౌజన్యంతో….

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post డ్రాగన్ కవ్వింపులకు ముగింపు పలకాలంటే ఏం చేయాలి..? appeared first on Vishwa Samvad Kendra Andhra Pradesh.

1990ల్లో ఏర్పాటు చేసిన ఇండో చైనా జాయింట్‌ వర్కింగ్‌ గ్రూప్‌ దెమ్‌చోక్‌, ట్రిగ్‌ హైడ్స్‌లను వివాదాస్పద ప్రాంతాలుగా గుర్తించింది. వాస్తవాధీన రేఖ వెంట ఉద్రిక్తత పెరగడంతో ఇటీవల భారత్‌ నార్తన్‌ కమాండ్‌లోని ఉగ్రవాద వ్యతిరేక దళాలను వాస్తవాధీన రేఖ వద్దకు తరలించింది. సరిహద్దులకు దళాల చేరవేత జరగుతున్నా ఇరుపక్షాలు ముఖాముఖిన తలపడే ఉద్రిక్తత లేదని అధికారులు చెబుతున్నారు. దౌలత్‌ బేగ్‌ ఓల్డీ, చుసుల్ వద్ద ఏర్పాటు చేసిన హాట్‌లైన్ల ద్వారా చైనా దళాలతో వివిధ అంశాలపై సంప్రదింపులు, సమన్వయం జరగుతోందని భారత అధికారులు తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post కవ్విస్తున్న చైనా appeared first on Vishwa Samvad Kendra Andhra Pradesh.

ఉత్తర సిక్కిం నకులా ప్రాంతంలో వాస్తవాధీన రేఖకు సమీపంలో చైనా తమ భూభాగంలో ఈ కాంక్రీట్‌ నిర్మాణాలు చేపట్టినట్లు ప్రభుత్వ వర్గాలు వెల్లడించాయి. నకులా సెక్టార్‌లో గతేడాది భారత్‌, చైనా బలగాలకు ఘర్షణ జరిగిన ప్రాంతానికి ఈ నిర్మాణాలు కొద్ది మీటర్ల దూరంలోనే ఉండటం గమనార్హం. ఇక తూర్పు లద్దాఖ్‌, అరుణాచల్‌ సెక్టార్‌ల వద్ద కూడా చైనా వైపు ఈ తరహా అధునాతన భవన నిర్మాణలు చేపట్టినట్టు తెలుస్తోంది.

తూర్పు లద్దాఖ్‌ వంటి ఎత్తైన ప్రదేశాల్లో చలికాలంలో వాతావరణ పరిస్థితులు కఠినంగా ఉంటాయి. దీంతో చలికాలంలో ఈ ప్రాంతాల్లో చైనా తమ బలగాల్లో 90శాతం మందిని విడతల వారీగా మార్చాల్సి వస్తోంది. ఈ నేపథ్యంలో బలగాల సౌకర్యార్థం సరిహద్దుల్లో చైనా ఈ నిర్మాణాలు చేపట్టినట్లు సదరు వర్గాలు తెలిపాయి. ఈ శాశ్వత నిర్మాణాలతో సరిహద్దుల్లో సుదీర్ఘకాలం పాటు బలగాలను మోహరించాలన్న డ్రాగన్‌ ఉద్దేశం స్పష్టంగా బయటపడుతోంది. అంతేగాక, సరిహద్దులకు వచ్చే రోడ్డు మార్గాలను కూడా చైనా మరింత మెరుగుపర్చింది. అంటే.. ఉద్రిక్తతల సమయంలో భారత్‌ కంటే ముందుగానే వచ్చి స్పందించేందుకు వీలుగా ఈ ప్రాంతాల్లో డ్రాగన్‌ మౌలిక సదుపాయాలను పెంచుకుంటోంది.

తూర్పు లద్దాఖ్‌ ఉద్రిక్తతలతో రెండు దేశాల మధ్య గతేడాది నుంచి ప్రతిష్టంభన నెలకొన్న విషయం తెలిసిందే. గల్వాన్‌ లోయలో ఇరు దేశాల మధ్య ఘర్షణలతో ఈ ఉద్రిక్తతలు మరింత తీవ్రంగా మారాయి. ఈ క్రమంలోనే రెండు దేశాల సైనికాధికారులు పలు దఫాలుగా చర్చలు జరిపినప్పటికీ పూర్తిస్థాయిలో వివాదం సద్దుమణగలేదు. అయితే తూర్పు లద్దాఖ్‌లో ఇరువైపులా బలగాల ఉపసంహరణకు రెండు దేశాలు అంగీకరించాయి. దీంతో పాంగాంగ్‌ సరస్సు నుంచి బలగాలను వెనక్కి పిలిచిన డ్రాగన్‌.. వారిని టిబెట్‌కు తరలించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సరిహద్దుల్లో కాంక్రీట్‌ నిర్మాణాలు చేపడుతున్న కుటిల చైనా appeared first on Vishwa Samvad Kendra Andhra Pradesh.

గల్వాన్ ప్రతిష్ఠంభన నేపథ్యంలో అనేక విడతల చర్చల తర్వాత పాంగ్యాంగ్ సరస్సు ఉత్తర, దక్షిణ ప్రాంతాల నుంచి బలగాలను ఫిబ్రవరిలో భారత్, చైనా ఉపసంహరించుకున్నాయి. మిగిలిన ఘర్షణాత్మక ప్రాంతాల నుంచి బలగాల ఉపసంహరణపై చర్చలు ముందుకు సాగడం లేదు. అయితే తూర్పు లద్ధాఖ్‌లోని హాట్‌స్ప్రింగ్‌, గోగ్రా, దెమ్‌చోక్‌ నుంచి బలగాలను ఉపసంహరించుకోవడానికి డ్రాగన్‌ నిరాకరిస్తూ.. వాస్తవాధీనరేఖ వెంబడి మౌలిక వసతులను అభివృద్ధి చేసుకుంటున్నట్లు తెలుస్తోంది. రహదారులు, సైనిక బలగాల వసతి సౌకర్యాలు, హెలిప్యాడ్లను సిద్ధం చేసుకుంటున్నట్లు సమాచారం.

ఈ నెల 6న చైనా సైన్యం లద్దాఖ్‌లోని దెమ్‌చుక్‌ ప్రాంతంలోకి వచ్చి బ్యానర్లు, జెండాలతో నిరసన తెలిపిన ఘటన ఆలస్యంగా వెలుగులోకి వచ్చింది. అక్కడి భారతీయులు దలైలామా పుట్టిన రోజు వేడుకలు నిర్వహించడంపై వారు నిరసన తెలిపినట్టు సమాచారం. దలైలామా జన్మదిన వేడుకలు నిర్వహిస్తున్న ప్రదేశానికి చైనా సైనికాధికారులు సహా కొందరు పౌరులు అయిదు వాహనాల్లో వచ్చారు. సింధు నదికి అవతలి ఒడ్డున నిలిచి చైనాకు సంబంధించిన బ్యానర్లు, జెండాలు చూపుతూ తమ నిరసన వ్యక్తం చేశారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఆక్రమణ వార్తలను కొట్టిపారేసిన సైన్యం appeared first on Vishwa Samvad Kendra Andhra Pradesh.