గోరఖ్‌పూర్: కుటుంబ నిర్మాణం అనేది మాన‌వునికి ప్ర‌కృతి ప్ర‌సాదించిన గొప్ప వ‌రమ‌ని, దీనిని ర‌క్షించుకోవాల్సిన బాధ్య‌త ప్ర‌తీ ఒక్క‌రిపై ఉంద‌ని రాష్ట్రీయ స్వయం సేవక‌ సంఘ్(ఆర్‌.ఎస్‌.ఎస్‌) స‌ర్ సంఘ‌చాల‌క్ డాక్ట‌ర్ మోహన్ భగవత్ అన్నారు. గోర‌క్‌పూర్‌లోని బాబా గంభీర్ నాథ్ ఆడిటోరియంలో జరిగిన కార్య‌క‌ర్త‌ల కుటుంబ జ్ఞానోదయ కార్యక్రమంలో ఆయ‌న మాట్లాడారు.

కుటుంబం అనేది అసెంబుల్డ్ యూనిట్ కాదు, అది ప్రకృతి ఇచ్చిన నిర్మాణం… అందుకే జాగ్రత్తలు తీసుకోవాల్సిన బాధ్యత మనపై కూడా ఉంది. ఈ రోజు మనం ఇక్కడ కూర్చొని దాని గురించి ఆలోచించాము. మన సమాజ యూనిట్ కుటుంబం, వ్యక్తి కాదు. పాశ్చాత్య దేశాలలో వ్యక్తిని ఒక యూనిట్‌గా పరిగణిస్తారు.. అయితే, మన దేశంలో మనం ఒంటరిగా లేము అని పేర్కొన్నారు.

మోహ‌న్ జీ మాట్లాడుతూ.. భాష‌, ఆహారం, భజన, పర్యటన త‌దిత‌ర వాటి ద్వారా కుటుంబ వ్య‌వ‌స్థ‌ను కాపాడుకోవాల‌న్నారు. నా కుటుంబం ఆరోగ్యంగా, సంతోషంగా ఉండనివ్వండి. దీనితో పాటు, సమాజాన్ని ఆరోగ్యంగా, సంతోషంగా ఉంచడం గురించి కూడా మనం ఒక అడుగు ముందుకు వేయాలి. ఇక్కడ కుటుంబ జ్ఞానోదయం జరుగుతోందని.. అదే విధంగా అన్ని కుటుంబాలు వారోత్సవాలు నిర్వహించాలన్నారు. ఈ కార్య‌క్ర‌మంలో ఒకరోజు కుటుంబ సభ్యులందరూ కలిసి భోజనం చేసి, అందులో తమ సంప్రదాయాలు, ఆచార వ్యవహారాలను తెలియజేయాలి. ఆ తర్వాత తమలో తాము చర్చించుకుని, ఒక అభిప్రాయాన్ని ఏర్పరచుకుని, దానిని త‌ప్ప‌క అనుస‌రించాల‌న్నారు.

మేమంతా సంఘ్ కార్యకర్త ఇంటి నుంచి వచ్చామని, అందుకే దీక్ష చేస్తున్నామని స‌ర్ సంఘ్‌చాల‌క్ డాక్ట‌ర్ మోహ‌న్ భాగ‌వ‌త్‌జీ అన్నారు. ఈ ఉపవాసం కుటుంబంలో ఏ ఒక్క వ్యక్తి కోసం కాదు, మొత్తం కుటుంబం కోసం… దాని సొంత సంస్కృతి, సమాజాన్ని తయారు చేయడమే సంఘ్ పని. కాబట్టి మతం ఉంది… కలిసి జీవించడం ఎలాగో మతం నేర్పుతుంది. ఒకరితో ఒకరు విభేదించకండి… ఇది సనాతన ధర్మం, ఇది మానవ ధర్మం, ఇదే నేటి హిందూ ధర్మం.

మణిపూర్‌ని ఉదాహరణగా చూపుతూ, కనీసం శుభకార్యాలు, సందర్భాలలోనైనా మన సంప్రదాయ దుస్తులనే ధరించాలని అన్నారు. మనమేమిటో, మన తల్లిదండ్రులు ఎక్కడి నుంచి వచ్చారో తెలుసుకోవాలి. మనం కూడా మన పూర్వీకుల ఆచార వ్యవహారాలను పాటిస్తున్నామా లేదా అని ఆందోళన చెందాలా..? కుటుంబం మొత్తం కూర్చొని ఆలోచించాలి. అలాగే పిల్లలతో మనసు విప్పి మాట్లాడాలి. అలాగే సమాజానికి నేనేం చేస్తున్నానో అని ఆలోచించాలి.

సంఘ్‌పై రెండు సార్లు నిషేధం విధించారని, కానీ, స్వ‌యం సేవ‌కులు ఎవరూ క్షమాపణలు చెప్పలేదన్నారు. ఎందుకంటే కుటుంబం కార్య‌క‌ర్త‌ల‌కు అండగా నిలిచింది. కుటుంబం ఎప్పుడూ ఒక‌త్రాటిపై ఉంది. అందుకే సంఘ్ కార్య‌క్ర‌మం నిరాటంకంగా సాగుతోంది. స్వయం సేవకుల కుటుంబాలు సంఘ్ గురించి తెలుసుకోవాలి. సంఘ్ పని ఎంత తీవ్రంగా ఉందో ఆలోచించాలి. ఈ పనిలో నిమగ్నమైనందుకు మేము చాలా అదృష్టవంతులం. దీన్ని మనం అర్థం చేసుకోవాలి.

జ్యోతి ప్రజ్వలన చేసి పూలమాలలు వేసి, మోహన్‌జీ కార్యక్రమాన్ని ప్రారంభించారు. వేదికపై ఆయ‌న‌తోపాటు ప్రాంత్ సంఘచాలక్ డాక్టర్ పృథ్వీరాజ్ సింగ్, సహ సంఘచాలక్ డాక్టర్ మహేంద్ర అగర్వాల్ జీ ఉన్నారు. విద్యాభారతి విద్యార్థులు భజన, హోలీ గీత్, సంస్కార భారతి కళాకారులు చైతగీతం, రామ్ కథలను ప్రదర్శించారు.

Source: Vsk Bharat

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ప్ర‌కృతి ప్ర‌సాదించిన కుటుంబాన్ని ర‌క్షించుకోవాలి appeared first on Vishwa Samvad Kendra Andhra Pradesh.

ల‌క్నో: దారుల్ ఉలూమ్ దేవబంద్ పూర్వవిద్యార్థి షమ్స్ తబ్రేజ్ ఖాస్మీ స్థాపించిన ఇస్లామిక్ ప్రచార వెబ్‌సైట్ మిల్లత్‌కు పైత్యం పెరిగిపోయింది. రాష్ట్రీయ స్వయం సేవక‌ సంఘ్(ఆర్‌ఎస్‌ఎస్) స‌ర్ సంఘ‌చాల‌క్ డాక్టర్ మోహన్ భాగవత్ పేరుతో బుధవారం (ఫిబ్రవరి 16) నకిలీ వార్తలను ప్రచురించింది.

ఉత్తరప్రదేశ్ అసెంబ్లీ ఎన్నికల తొలి రెండు దశల్లో జరిగిన ఓటింగ్ నేప‌థ్యంలో భారతీయ జనతా పార్టీ(బీజేపీ) పేలవమైన పనితీరు క‌న‌బ‌రిచింద‌ని, దీనిపై ఆర్‌ఎస్‌ఎస్ స‌ర్ సంఘ‌చాల‌క్ డాక్టర్ మోహన్ భాగవత్ తీవ్ర ఆందోళన వ్యక్తం చేసినట్టు మిల్లత్ టైమ్స్ ప్రచురించింది. ఐబి నివేదికపై స‌ర్ సంఘ‌చాల‌క్ కూడా మాట్లాడారని పేర్కొంది. నిజానికి అటువంటి స‌మావేశం జ‌ర‌గ‌లేదు. ఇది కేవ‌లం న‌కిలీ వార్త‌.

బీజేపీ, ఆర్‌ఎస్‌ఎస్‌ల గురించి స్వార్థపరులు రకరకాల తప్పుడు వార్తలను ప్రచారం చేస్తున్నారు. అంతకుముందు, ప్రధాని నరేంద్ర మోడీ, ఉత్తరప్రదేశ్ ముఖ్యమంత్రి యోగి ఆదిత్యనాథ్ మధ్య విభేదాలు త‌లెత్తాయ‌ని పుకార్లు వ్యాప్తి చేయడానికి వారి ప్రచార యంత్రాంగం రాత్రిపూట అష్ట‌క‌ష్టాలు ప‌డింది.

Source: Organiser

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఇస్లామిస్ట్ ప్రచార వెబ్‌సైట్ మిల్లత్ టైమ్స్ పైత్యం! appeared first on Vishwa Samvad Kendra Andhra Pradesh.