స్వాతంత్ర్య అమృతోత్సవాలను పురస్కరించుకుని కర్నూలు, నంద్యాల జిల్లాల రాష్ట్రీయ స్వయంసేవక సంఘ్ కార్యకర్తలు ఒక వినూత్నమైన కార్యక్రమానికి శ్రీకారం చుట్టారు. కర్నూలు, నంద్యాల జిల్లాలలో ఉన్న సంఘ కార్యకర్తలు ఆ రెండు జిల్లాలలోని అన్ని గ్రామాలలో 11 సెప్టెంబర్ 2022, ఆదివారం నాడు ‘దేశం కోసం 24 గంటలు’ పేరుతో ఒక కార్యక్రమాన్ని నిర్వహించాలని నిర్ణయించారు. ఆ కార్యక్రమంలో దేశ స్వాతంత్ర్య పోరాటంలో ముఖ్య భూమిక పోషించిన స్వాతంత్ర్య సమరయోధులను భావితరం మరచిపోకుండా వారిని, వారి త్యాగాలను నిత్యం స్మరించుకోవాలని, వారి సమర్పిత జీవితాలకు పుష్పాంజలి ఘటించే ఒక కార్యక్రమాన్ని (భారతమాత పూజ) జరపాలని, ఆ క్రమంలో గృహసంపర్కం, భారతమాత పూజా కార్యక్రమాలను నిర్వహించాలని తలపోశారు.

ఆ కార్యక్రమాన్ని క్రింది విధంగా యోజన చేశారు…..

1.ముందుగా నియుక్తి చేసిన గ్రామానికి విస్తారక్ ముందు రోజు (10 సెప్టెంబరు) రాత్రికి చేరుకోవాలి.

2.అక్కడ ప్రతీ గ్రామానికి 100 స్టిక్కర్లు, 100 కరపత్రాలు ఒక A4 సైజు స్వాతంత్ర్య సమరయోధుల ఫోటో… ఇలా ఒక కిట్ పంపడం జరిగినది.

3. గృహ సంపర్కం: అలా వెళ్ళిన విస్తారక్ ఒక గ్రామంలో 100 గృహాలను ఈ ప్రచార సామగ్రి ద్వారా సంపర్కం చేయాలి.

4. అందజేసే సమయంలో వారందరినీ సా.4.00 గం.ల సమయంలో ఏదైనా గుడిలోగానీ, బడిలో గానీ, సెంటర్ లో గానీ కుటుంబ సమేతంగా రమ్మని ఆహ్వానించడం. వస్తూ వస్తూ వారి ఇంట్లో వుండే పూలను వెంట తీసుకు రమ్మనడం.

5. భారతమాత పూజా కార్యక్రమం: అలా వచ్చిన వారందరి చేత గ్రామానికి ఇవ్వబడిన 44 సైజు స్వాతంత్ర్య సమరయోధుల ఫోటో ముందు వారు తీసుకు వచ్చిన/ మనం ఏర్పాటుచేసిన పుష్పాల తోటి వారికి అంజలి ఘటించమని చెప్పడం.

6.వారందరికీ చిన్న సందేశాన్ని ఇవ్వడం లేదా మన దగ్గర వున్న కరపత్రంలో వున్న విషయాన్ని చదివి. వినిపించడం.

7.ఆ గ్రామంలో గనుక ఎవరైనా స్వాతంత్య్ర సమరయోధులు ఉన్నట్లయితే వారిని సత్కరించడం.,

8. చివరలో అందరి చేత సామూహికంగా వందేమాతరం చెప్పించడం..

9. ఈ కార్యక్రమంలో మనతో పాటు తిరిగి బాగా స్పందించిన వారి పేర్లు, చిరునామా వివరాలను సేకరించడం.

జరిగినది:

1. విభాగ్ లో వున్న జిల్లా కేంద్రాలనుంచి, నగర, ఖండ కేంద్రాలనుంచి విస్తారకులు యోజన చేసిన 914. గ్రామాలకు గాను 598 గ్రామాలకు ముందు రోజు రాత్రికే చేరుకున్నారు.

2. ముందురోజు నాటికే అన్నీ గ్రామాలకూ ప్రచార సామగ్రిని కార్యకర్తలు అందజేశారు. విస్తారకులు వెళ్ళలేని కొన్ని గ్రామాలలో స్థానిక కార్యకర్తల ద్వారా ఈ కార్యక్రమాన్ని జరిపించడం జరిగినది.

3. ఈ విధంగా మొత్తం 914 గ్రామాలకు గాను 802 గ్రామాలలో ఈ ఆజాదీ కా అమృతోత్సవ్ కార్యక్రమం ఎంతో ఉత్సాహభరితంగా జరిగింది.

4. గ్రామాలలో గృహసంపర్కం చేసే సమయంలో విస్తారకులతో పాటు స్థానిక కార్యకర్తలు, గ్రామంలో వుండే జాతీయ భావాలు కల్గిన యువకులు, పెద్దలు కలిపి మరొక 2153 మంది కార్యకర్తలు పనిచేశారు.

5. ఆవిధంగా మొత్తం ఈ కార్యక్రమంలో 2751 మంది భాగస్వాములయ్యారు.

6. సంపర్కం చేసిన గృహాల సంఖ్య – 74943.

7. సంపర్కం చేసిన గ్రామాలలో అందజేసిన కరపత్రాలు, స్టిక్కర్ల సంఖ్య 92,500.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post దేశం కోసం 24 గంటలు appeared first on Vishwa Samvad Kendra Andhra Pradesh.

న్యూఢిల్లీలోని ఇండియాగేట్‌ నుంచి రాష్ట్రపతిభవన్‌ వరకు ఉన్న రాజ్‌పథ్‌ (కింగ్స్‌ వే) బ్రిటిష్‌ రాజరికాన్ని మాత్రమే కాక మన బానిసత్వాన్ని గుర్తు చేసేదని ఆయన స్పష్టం చేశారు. గురువారం ఆయన నూతనంగా రూపొందించిన కర్తవ్యపథ్‌ను ప్రారంభించడంతో పాటు నేతాజీ సుభాష్‌ చంద్రబోస్‌ 28 అడుగుల ఎత్తు ఉన్న విగ్రహాన్ని ఆవిష్కరించారు.

ఇదొక చరిత్రాత్మక ఘట్టమని ఆయన అభివర్ణిస్తూ గతంలో నేతాజీ విగ్రహం ఉన్న స్థానంలో బ్రిటిష్‌ చక్రవర్తి అయిదో జార్జి విగ్రహం ఉండేదని గుర్తు చేశారు. ‘‘గతాన్ని, వలసవాద శకలాలను తొలగించాం. కొత్త చరిత్ర ప్రవేశించింది. కర్తవ్యపథ్‌లో ఆధునిక భారత భవిష్యత్‌ రూపురేఖల్ని మీరు చూస్తారు. ఇది దేశం నలుమూలల నుంచి వచ్చే ప్రజలకే కాక, రాజకీయ నాయకులకు, మంత్రులకు, అధికారులకు కర్తవ్యబోధను చేస్తుంది’’ అని మోదీ తెలిపారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఆధునిక భార‌తం వైపు అడుగులు… : ప‌్ర‌ధాన మంత్రి మోడీ appeared first on Vishwa Samvad Kendra Andhra Pradesh.

గోదావరి జిల్లాలలో ఓ చోట. వయో వృద్ధ దంపతులు. ఆగస్టు 15న జెండా కట్టాలి. పెద్దావిడ ఓ స్టూల్ మీదకు ఎక్కి జెండా కడుతుంటే… పెద్దాయన ఆ స్టూల్ అటూఇటూ కదలకుండా గట్టిగా పట్టుకున్నారు. ఈ ఫోటో ఎందరిలోనో ప్రేరణ కలిగించింది. అక్కడ ఇక్కడ అనేమి… ఇళ్లకు, దుకాణాలకు, కరెంట్ స్తంభాలకు, లారీలకు, కార్లకు, బైకులకు, సైకిల్ రిక్షాలకు, కూరగాయలు అమ్మే బండ్లకు, సైకిళ్లకు ప్రతి చోటా తిరంగా సగర్వంగా రెపరెపలాడింది. ప్రతి ఒక్కరి కళ్ళలో ఒక అపూర్వమైన వెలుగు. అనిర్వచనీయమైన గర్వంతో కూడిన చిరునవ్వు. తెలుగు రాష్ట్రాలలో పల్లెలు, పట్టణాలనే తేడా లేకుండా అడుగడుగునా జాతీయ జెండా రెపరెపలు కనిపించాయి. పిన్నలు, పెద్దలు, విద్యార్థులు, ఉద్యోగులు, రైతులు, రైతు కూలీలు అందరూ పెద్ద ఎత్తున అమృతోత్సవ వేడుకలలో భాగస్వాములవటం ఓ గొప్ప శుభపరిణామం.

ప్రధాని, ఇంటింటా తిరంగా ఎగరేయమని పిలుపునివ్వగానే కొంతమంది యథాప్రకారం తమ ఏడుపులను మొదలు పెట్టారు. “దేశంలో జీఎస్టీ పెరిగింది, గ్యాస్, పెట్రోల్ ధరలు పెరిగాయి. ఇంటింటా జెండా ఎగరేస్తే ఇవన్నీ తగ్గిపోతాయా? జెండా ఎగరేస్తేనే దేశభక్తి ఉన్నట్టా?” అంటూ ప్రశ్నలు సంధించారు. కానీ సామాన్యులెవరూ వారి అభ్యంతరాలను ఏమాత్రం పట్టించుకోలేదు. రెట్టించిన ఉత్సాహంతో జెండాలు ఎగరేశారు. ఆ ఫోటోలను సోషల్ మీడియాలో పంచుకుని ఉప్పొంగిపోయారు. ఎందుకంటే దేశం సాధిస్తున్న అపూర్వ విజయాలతో వారు అద్భుతమైన ఆనందాన్ని అనుభూతి చెందుతున్నారు. క్రీడలలో, సాంకేతికంగా, ఆర్థికంగా, ఆయుధ సంపత్తిలో, సైనిక శక్తిలో దేశం సాధిస్తున్న పురోగతిని చూసి దేశ ప్రజలు పులకిస్తున్నారు. ఆ విజయాలలో, ప్రగతిలో తాదాత్మ్యం చెందుతున్నారు. గర్విస్తున్నారు. అందుకే కొందరు తిరోగమన వాదుల అడ్డగోలు అభ్యంతరాలను తోసిరాజని వారికి సబబుగా, న్యాయంగా తోచిన దానిని నిర్భయంగా, నిర్మొహమాటంగా చేసి చూపుతున్నారు. ఒకప్పుడు జీతభత్యాలు, అధికధరలు వంటి వయక్తిక సమస్యలపై పోరాటానికి వీధులకెక్కుతుండిన ప్రజలు ఇప్పుడు జాతీయ ప్రయోజనాల కోసం, తమ జాతీయ స్ఫూర్తిని చాటడానికి ఇలా తరచుగా చేతులు కలపడం, సమైక్యంగా స్పందించటం మన దేశ ప్రజల దృష్టికోణంలో వచ్చిన స్పష్టమైన మార్పుకు ప్రబల తార్కాణం.

భారత స్వాతంత్ర్య అమృతోత్సవ వేళ ఇజ్రాయిల్… తమ దేశంలోని ఒక అధికారిక భవనంపై తమ జాతి పతాకతో సమానంగా మన జాతీయ పతాకాన్ని ఎగురవేసి భారత్ పట్ల తనకున్న గౌరవాన్ని, అభిమానాన్ని చాటుకుంది. ఆస్ట్రేలియాలో భారత స్వాతంత్ర్య అమృతోత్సవాలు అంగరంగ వైభవంగా జరిగాయి.

మనదేశంలో శ్రీ రవిశంకర్ గురూజీ, మాతా అమృతానందమయి, గణపతి సచ్చిదానంద స్వామి, రాందేవ్ బాబా, సద్గురు జగ్గీ వాసుదేవ్ తదితరుల ఆధ్వర్యంలో వారి భక్తకోటి నడుమ భారత స్వాతంత్ర్య అమృతోత్సవాలు నభూతో న భవిష్యతి అన్న రీతిలో జరిగాయి. ఇక తిరుమల, చిదంబరం, తెలంగాణ ముచ్చింతల్ లో కొలువై యున్న సమతామూర్తి భగవద్రామానుజుల సన్నిధి వంటి అనేక పుణ్యక్షేత్రాలు, తీర్థ క్షేత్రాలలో సైతం త్రివర్ణ శోభ సంతరించుకుంది.

రాష్ట్రీయ స్వయంసేవక సంఘ్ పిలుపుతో లక్షలాదిమంది దేశభక్తులు ఆగస్టు 15 స్వాతంత్ర్య దినోత్సవం నాడు ఉదయం 6:30 గంటలకు ఇంటింటా పూర్తి వందేమాతర గీతాన్ని భక్తిప్రపత్తులతో, ఉప్పొంగిన హృదయాలతో ఆలపించారు. మహారాష్ట్రలోని ఔరంగాబాద్ లో 16,000 మంది విద్యార్థులు జాతీయ గీతాన్ని ఏకకాలంలో ముక్తకంఠంతో ఆలపించి తమ దేశభక్తిని చాటుకున్నారు. రాజస్థాన్ లోని వివిధ పట్టణాలలో ఏకకాలంలో లక్ష మందికి పైగా జాతీయ గీతాన్ని ఆలపించారు.

అన్నిటికంటే ముఖ్యంగా భారత జాతీయ జెండా అనేక అవమానాలకు గురైన జమ్మూకాశ్మీర్లోని పాఠశాలలు, కూడళ్ళు, దుకాణ సముదాయాలు, గృహ సముదాయాలలో తిరంగా ఘనంగా ఎగిరింది. ఒకప్పుడు తిరంగా ఎగరేయడం సవాలుగా మారిన లాల్ చౌక్ లో నేడు తిరంగా గర్వంగా ఎగిరింది. భారత పాలకుల దృష్టికోణంలో, తీరులో, వ్యవహార శైలిలో, భారత ప్రజల ఆలోచనా సరళిలో, జాతీయ దృష్టికోణంలో, దేశభక్తి ప్రకటనలో వచ్చిన విలక్షణమైన మార్పుకు ఈ స్వాతంత్ర్య అమృతోత్సవాలు ప్రబల సాక్ష్యంగా నిలిచాయి, భారత జాతి చరిత్రలో నిలిచిపోతాయి. స్వాతంత్ర్య అమృతోత్సవాలలో మన ప్రధాని శ్రీ నరేంద్రమోడీ అభిలషించినట్లుగా…. భారత స్వాతంత్ర్య శతాబ్ది ఉత్సవాల నాటికి మన మాతృభూమిని విశ్వ గురువుగా నిలుపుదామని మనమందరం ఈ సందర్భంగా సంకల్పం చేద్దాం. కటి బద్ధులమై ఆ సంకల్పాన్ని సాకారం చేసుకోవడానికి అహరహమూ కృషి చేద్దాం. భారత్ మాతాకీ జై.

– శ్రీరాంసాగర్

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఇంటింటా తిరంగా… సగర్వంగా… appeared first on Vishwa Samvad Kendra Andhra Pradesh.

గిరిజనులు ఎక్కడున్నా తమ ప్రాంతాన్ని కాపాడుకునే విషయంలో వెనక్కు తగ్గరని అటువంటి వీరుల వంశం నుంచి వచ్చిన అల్లూరి సీతారామరాజు బ్రిటిషర్లను దేశం నుంచి తరిమేసేందుకు విప్లవ మార్గంలో ప్రజల్లో చైతన్యం రగిలించారని కొనియాడారు.

అల్లూరి జిల్లా చింతపల్లి మండల కేంద్రంలో ఆంధ్ర, తెలంగాణ క్షత్రియ సేవా సమితి ఆధ్వర్యంలో రంప తిరుగుబాటు శతాబ్ది ఉత్సవంలో మరో కేంద్ర మంత్రి జి. కిషన్ రెడ్డితో కలిసి ముఖ్యఅతిథిగా పాల్గొన్నారు. ఈ సందర్భంగా అల్లూరి సీతారామరాజు విగ్రహాన్ని కేంద్ర మంత్రులు ఆవిష్కరించారు.

అనంతరం, అల్లూరి అతని అనుచరులు మొట్టమొదటగా దాడిచేసిన చింతపల్లి పోలీస్ స్టేషన్‌ను సందర్శించి అక్కడ ఏర్పాటుచేసిన ప్రత్యేక కార్యక్రమంలో పాల్గొని, అల్లూరి ప్రధాన అనుచరుడైన స్వాతంత్య్ర‌ సమరయోధుడు గంటం దొరకు సంబంధించిన 11 కుటుంబాలకు పక్కా ఇళ్ల పట్టాలను అందజేశారు.

మన్యం వీరుడి శౌర్యగాథలను ప్రస్తావిస్తూ డాక్టర్ కర్నం సత్యనారాయణ రాసిన పుస్తకాన్ని కేంద్ర మంత్రులు ఆవిష్కరించారు. ఆదివాసీల సంరక్షణకు కేంద్ర ప్రభుత్వం పలు కార్యక్రమాలు చేపట్టిందని అర్జున్‌ ముండా వివరించారు. చింతపల్లి ప్రాంతాన్ని మోడల్ విలేజ్‌గా అభివృద్ధి చేసి స్థానిక యువత ఉపాధి కల్పనకు చర్యలు చేపడతామని ఆయన స్పష్టం చేశారు.

Source: Nijamtoday

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post అల్లూరిని స్మరించుకోవడం ఆనందదాయకం appeared first on Vishwa Samvad Kendra Andhra Pradesh.

స్వాతంత్య్ర దినోత్సవం రోజున ఏటా అక్కడ నల్ల జెండాలు ఎగిరేవి. అందుకు భిన్నంగా తొలిసారిగా ఈ ఏడాది జాతీయ జెండాలు రెపరెపలాడాయి. అక్కడి గిరిజనులతో పాటు సరిహద్దు పోలీసు బలగాలు ‘ఆజాదీకా అమృత్‌ మహోత్సవాలు’ సందడిగా నిర్వహించాయి. ఆంధ్రా-ఒడిశా సరిహద్దు (ఏవోబీ)లోని కటాఫ్‌ ఏరియా మూడు దశాబ్దాలుగా మావోయిస్టులకు కంచుకోట. ప్రభుత్వ విధానాలను నిరసిస్తూ ఏటా ఆగస్టు 15న ఈ ప్రాంతంలో వీరు నల్లజెండాలు ఎగురవేసేవారు. సరిహద్దుల్లో బీఎస్‌ఎఫ్‌ క్యాంపుల ఏర్పాటు తరువాత తొలిసారిగా ఈ ఏడాది మువ్వన్నెల జెండా ఎగిరింది. ఆజాదీకా అమృత మహోత్సవాల్లో భాగంగా ఆదివారం ఒడిశా రాష్ట్రంలోని మల్కాన్‌గిరి జిల్లా – ఆంధ్రప్రదేశ్‌లోని అల్లూరి సీతారామరాజు జిల్లా పాడేరు సరిహద్దు గ్రామాల్లో జాతీయ జెండాలు ఎగరవేశారు. బీఎస్‌ఎఫ్‌-09 బెటాలియన్‌ ఆధ్వర్యంలో సరిహద్దులోని బోడోపొదర్‌, బోడోపొడ, పంపర్‌మెట్ల, దూలిపుట్‌, నక్కమామిడి, పనసపుట్‌, ఆండ్రాపల్లి, జొంత్రి తదితర ప్రాంతాల్లో ఆజాదీకా అమృత ఉత్సవాలను ఘనంగా నిర్వహించారు. ఆ గ్రామాల్లోని మావోయిస్టు స్థూపాల వద్ద సైతం జాతీయ జెండాలు ఎగరవేసి ఉత్సవాలను నిర్వహించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post మావోయిస్టుల కోటలో మువ్వన్నెల జెండా appeared first on Vishwa Samvad Kendra Andhra Pradesh.

న్యూఢిల్లీ: స్వాతంత్ర దినోత్సవం సమీపిస్తున్న నేపథ్యంలో లష్కరే తోయిబా, జైషే మొహమ్మద్, ఇతర ఉగ్రవాద సంస్థలకు చెందిన ఉగ్రవాదులు, దాడులకు దిగే అవకాశముందని కేంద్ర ఇంటెలిజెన్స్ బ్యూరో హెచ్చరించింది.

ఢిల్లీ పోలీసులను అలర్ట్ చేస్తూ ఇంటెలిజెన్స్ బ్యూరో ఉగ్రదాడులు జరిగే అవకాశాలపై 10 పేజీల రహస్య నివేదికను పంపింది. రెడ్ ఫోర్టు ప్రాంతంలో ప్రజల ప్రవేశాన్ని కట్టుదిట్టం చేయాలని ఐబీ సూచించింది.

ఇటీవల జపాన్ దేశంలో ఆ దేశ మాజీ ప్రధానమంత్రి షింజోఅబేపై జరిపిన కాల్పులు, ఉదయపూర్, అమరావతి నగరాల్లో జరిగిన దాడుల ఘటనలను ఇంటెలిజెన్స్ ఉదాహరించింది. ఢిల్లీ పోలీసులు అనుక్షణం అప్రమత్తంగా ఉండాలని ఐబీ హైఅలర్ట్ ప్రకటించింది.

జనసమ్మర్ధ ప్రదేశాల్లో ఉగ్రవాద సంస్థల కార్యకలాపాలపై నిఘా వేయాలని ఐబీ సూచించింది. ప్రధాన ప్రాంతాల్లో కీలక నాయకులపై దాడులు చేయాలని పాక్ ఐఎస్ఐ జైషే మొహమ్మద్, లష్కరే తోయిబా ఉగ్రవాదులను కోరినట్టు సమాచారం ఉందని ఐబీ తెలిపింది.

అఫ్ఘానిస్థాన్ ఉగ్రవాది నేతృత్వంలో లష్కరే ఖల్సా పేరిట పాక్ ఐఎస్ఐ ఉగ్రవాద సంస్థను ఏర్పాటు చేసిందని, ఆ సంస్థ ఉగ్రవాదులు జమ్మూకశ్మీరులో పెద్ద ఉగ్రదాడికి పాల్పడే అవకాశముందని ఐబీ వివరించింది.

ఢిల్లీలో రోహింగ్యాలు, ఆఫ్ఘానిస్థాన్, సుడాన్ దేశాల వాసులు నివాసం ఉంటున్న ప్రాంతాలపై ఢిల్లీ పోలీసులు నిఘా వేయాలని కోరారు. టిఫిన్ బాంబులతో కూడా ఉగ్రవాదులు దాడులు చేసే అవకాశమున్నందున పోలీసులు అప్రమత్తంగా ఉండాలని ఇంటెలిజెన్స్ తన రహస్య నివేదికలో హెచ్చరించింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post స్వాతంత్ర దినోత్సవ వేళ విధ్వంసానికి ఉగ్ర కుట్ర‌! appeared first on Vishwa Samvad Kendra Andhra Pradesh.

75వ స్వాతంత్య్ర దినోత్సవం, ఆజాదీ కా అమృత్ మహోత్సవ్ వేడుకల్లో భాగంగా సంద‌ర్శ‌కుల‌కు ఈ అవకాశం క‌ల్పించింది. అంతేకాదు.. భారత పురావస్తు శాఖ ఆధ్వర్యంలో ఉన్న అన్ని ఇతర స్మారక చిహ్నాలు, ప్రదేశాలను సందర్శకులకు ఉచితంగా ప్రవేశం కల్పించాలని ప్రభుత్వం నిర్ణయించింది.

ఉచిత ప్రవేశం ఆగస్టు 5 నుండి 15 వరకు చెల్లుతుంది. అయితే.. ఇది భారతీయులకే కాకుండా విదేశీయులకు కూడా అందుబాటులో ఉంటుందని, భారత పురావస్తు శాఖ ఆధ్వర్యంలోని సుమారు 3,400 ప్రాంతాల్లో ఆగస్టు 5 నుంచి 15వ తేదీ వరకు ఉచిత ప్రవేశం కల్పిస్తున్నట్టు కేంద్ర మంత్రి కిషన్‌ రెడ్డి ట్వీట్‌ చేశారు.

Source: Eenadu

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post ఫ్రీ.. ఫ్రీ.. ఫ్రీ.. కేంద్రం బంపర్‌ ఆఫర్‌ appeared first on Vishwa Samvad Kendra Andhra Pradesh.

ముంబాయి: భార‌త‌దేశానికి స్వాతంత్య్రం సిద్ధించి 75 ఏళ్ళు గడుస్తున్న తరుణంలో ‘ఆజాదీ కా అమృత్ మహోత్సవ్ ‘ ఉత్సవాలను కేంద్ర ప్రభుత్వం ఘనంగా నిర్వహిస్తోంది. ఇందులో భాగంగా ఇంటింటిపై మువ్వన్నెల జెండా ఎగురవేసేలా ‘హర్‌ ఘర్‌ తిరంగా ‘ కార్యక్రమాన్ని చేపట్టింది. ఈ నెల 13 నుంచి 15 వరకు దేశంలోని ప్రతి ఒక్కరూ తమ ఇంటిపై త్రివర్ణ పతాకాన్ని ఎగురవేయాలని ఇటీవల ప్రధాని మోదీ పిలుపునిచ్చిన విషయం తెలిసిందే. తాజాగా ఈ కార్యక్రమాన్ని మరింతగా ప్రజల్లోకి తీసుకెళ్లేందుకు కేంద్ర సాంస్కృతిక శాఖ ‘హర్‌ ఘర్‌ తిరంగా’ ప్రత్యేక గీతాన్ని విడుదల చేసింది.

భారతీయ సంస్కృతి, సంప్రదాయలు ఉట్టిపడుతూ అణువణువునా దేశభక్తి చాటేలా రూపొందించిన ఈ గీతంలో సినీ, క్రీడా రంగానికి చెందిన పలువురు ప్రముఖులు ‘హర్‌ ఘర్‌ తిరంగా’ అంటూ తమ గళం కలిపారు. ప్రముఖ నటుడు అమితాబ్‌ బచ్చన్‌, ప్రభాస్‌, అజయ్‌ దేవగణ్‌, అక్షయ్‌ కుమార్‌, జాకీ ష్రాఫ్‌, అనుపమ్ ఖేర్‌, వరుణ్‌ ధావన్‌, అనుష్క శర్మ, కీర్తి సురేశ్‌, సంగీత దర్శకుడు దేవీ శ్రీ ప్రసాద్‌ పాటు క్రీడా ప్రముఖులు కపిల్‌ దేవ్‌, విరాట్ కోహ్లీ, కేఎల్‌ రాహుల్‌, హార్దిక్‌ పాండ్యా, నీరజ్‌ చోప్రా, పీవీ సింధు, మేరీ కోమ్‌, మీరాబాయి చాను, మిథాలీ రాజ్‌, పీటీ ఉష తదితరులు జెండా చేతబట్టి హర్‌ ఘర్‌ తిరంగా అంటూ పాడారు. అమితాబ్‌ హిందీలో పాడగా.. ప్రభాస్‌ ‘ఇంటింటా జెండా’ అంటూ తెలుగులో, కీర్తి సురేశ్ తమిళంలో గళం కలిపారు. చివర్లో ప్రధాని మోదీ చిన్నారులతో ఆనందంగా కరచాలనం చేస్తూ కన్పించారు.

Source: Eenadu

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post అమితాబ్‌, ప్రభాస్‌, కోహ్లీ నోట.. ‘హర్‌ ఘర్‌ తిరంగా’ పాట.. appeared first on Vishwa Samvad Kendra Andhra Pradesh.

న్యూఢిల్లీ: జాతీయ పతాక రూపకర్త, స్వాతంత్య్ర సమరయోధుడు పింగళి వెంకయ్య 146వ జయంతి ఉత్సవాలను ‘ఆజాదీ కా అమృత్‌ మహోత్సవ్‌’లో భాగంగా రాష్ట్ర ప్రభుత్వం అన్ని జిల్లాల్లో మంగళవారం ఘనంగా నిర్వహిస్తుందని పర్యాటక, క్రీడలు, సాంస్కృతిక శాఖల ప్రత్యేక ప్రధాన కార్యదర్శి రజత్‌ భార్గవ తెలిపారు.

‘‘తాడేపల్లి క్యాంపు కార్యాలయం వద్ద సీఎం జగన్‌ త్రివర్ణ పతాకాన్ని ఆవిష్కరించి, పింగళి వెంకయ్య జీవితంపై ప్రత్యేకంగా ఏర్పాటు చేసిన ఛాయాచిత్ర ప్రదర్శనను ప్రారంభిస్తారు. చిత్తూరు జిల్లా నగరిలో జరిగే కార్యక్రమంలో మంత్రి రోజా పాల్గొంటారు. పింగళి వెంకయ్య జన్మస్థలమైన కృష్ణా జిల్లా ‘భట్ల పెనుమర్రు’ గ్రామంలో నిర్వహించే కార్యక్రమానికి మంత్రి జోగి రమేష్‌ హాజరవుతారు.

తపాలా శాఖ ప్రత్యేకంగా ముద్రించిన పోస్టల్‌ కవర్‌ను ఆవిష్కరిస్తారు. 1921లో విజయవాడలో మహాత్మాగాంధీ అధ్యక్షతన జరిగిన కాంగ్రెస్‌ సమావేశంలో పింగళి వెంకయ్య రూపొందించిన పతాకాన్ని జాతీయ జెండాగా గుర్తిస్తూ ఏకగ్రీవంగా నిర్ణయించారు. ఆయన జయంతిని మన రాష్ట్రంలోనే కాకుండా దేశ వ్యాప్తంగా నిర్వహిస్తున్నందుకు తెలుగువారు గర్వపడుతున్నారు’’ అని తెలిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post రాష్ట్రంలో పింగళి వెంకయ్య జయంతి వేడుకలు appeared first on Vishwa Samvad Kendra Andhra Pradesh.

న్యూఢిల్లీ: భారత అంతరిక్ష పరిశోధన సంస్థ (ఇస్రో) నూతనంగా తయారుచేసిన స్మాల్‌ శాటిలైట్‌ లాంచింగ్‌ వెహికల్‌ (ఎస్‌ఎస్‌ఎల్‌వీ)ను ఈనెల 7వ తేదీ ఉదయం 9.18 గంటలకు ప్రయోగించనుంది. స్వదేశీ, విదేశీ సంస్థలతో పాటు, విద్యార్థులు తయారుచేసే చిన్న తరహా ఉపగ్రహాలను అంతరిక్షంలోకి పంపించేందుకు ఇస్రో పూర్తి స్వదేశీ సాంకేతిక పరిజ్ఞానంతో ఎస్‌ఎస్‌ఎల్‌వీని రూపొందించింది.

75వ స్వాతంత్య్ర దినోత్సవం సందర్భంగా కేంద్రం నిర్వహిస్తున్న ఆజాదీ కా అమృత్‌ మహోత్సవ్‌లో భాగంగా ఈ రాకెట్‌ ప్రయోగాన్ని నిర్వహించేందుకు ఏర్పాట్లు ముమ్మరం చేసింది. దేశవ్యాప్తంగా ఉన్న 75  జిల్లా పరిషత్‌ పాఠశాలలకు చెందిన 750 మంది గ్రామీణ విద్యార్థినులు తయారు చేసిన ఆజాదీ శాట్‌ అనే ఉపగ్రహాన్ని ఈ రాకెట్‌ ద్వారా తొలిసారిగా అంతరిక్షంలోకి పంపిస్తున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post 7న ఇస్రో స్మాల్ సాటిలైట్ వెహికల్ ప్రయోగం appeared first on Vishwa Samvad Kendra Andhra Pradesh.