ఆరోగ్య భారతి,అఖిల భారతీయ ప్రముఖ డాక్టర్ మురళీకృష్ణ ప్రధాన వక్తగా విచ్చేశారు. స్థానిక డీఎస్సీ పి.మహేశ్వర రెడ్డి ముఖ్య అతిథిగా పాల్గొన్నారు. ఈ సందర్భంగా ఆయన మాట్లాడారు. ఆయుర్వేద వైద్యం విశిష్టతను, జీవవైవిధ్యంగల దేశంలో ఆయుర్వేదం ప్రాముఖ్యతను, అనుకూలతలను వివరించారు. అనాది నుండి ఆయుర్వేదం ప్రత్యేక వైద్య విధానంగా కంటే జీవన విధానంలో, సంస్కృతీ సాంప్రదాయాల్లో భాగంగా విరాజిల్లిందని తెలిపారు. అనంతరం వైద్యులు, ప్రముఖులు, విద్యార్థులు పురవీధుల మీదుగా బానర్లు, ప్లకార్డులతో ర్యాలీ నిర్వహించి, ప్రజలకు అవగాహన కల్పించారు. అనంతరం వైద్యులకు ఘనంగా సత్కరించారు. ఆయుష్ విభాగం డాక్టర్లు, డాక్టర్ యశోధర, డాక్టర్ శ్రీదేవి, డాక్టర్ యం.డి.వి.యన్. రామశర్మ, వారి సిబ్బంది ఆరోగ్య భారతి ప్రాంత కార్యదర్శి డాక్టర్ వి. పరమేశ్వర రెడ్డి, నంద్యాల జిల్లా అధ్యక్షుడు పుల్లయ్య, ప్రముఖ ఆయర్వేద వైద్యులు డాక్టర్ చిట్టిబొట్ల మధుసూదన్, డాక్టర్ గెలివి సహదేవుడు, డాక్టర్ కాదల్ బాద్ ఉదయ్ శంకర్ పాఠశాల విద్యార్థులు, యువకులు, పెద్దలు, తదితరులు భారీ సంఖ్యలో పాల్గొన్నా రు.

ఆళ్ళగడ్డలో….

జిల్లా పరిషత్ ఉన్నత పాఠశాలలో జరిగిన ఆయుర్వేద దినోత్సవంలో డాక్టర్ ఆర్. మురళీ కృష్ణ, ఆరోగ్య భారతి, ప్రాంత కార్యదర్శి డాక్టర్ యం డివియన్ రామశర్మ పాల్గొని ప్రసంగించారు. సీనియర్ వైద్యురాలు, డాక్టర్.సీతా కల్యాణిని సన్మానం చేశారు. విద్యార్థులు, ఉపాధ్యాయలు, స్థానిక పెద్దలు పాల్గొన్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.   

The post నంద్యాల, ఆళ్ళగడ్డలో ఘనంగా ఆయుర్వేద దినోత్సవం appeared first on Vishwa Samvad Kendra Andhra Pradesh.

‘ధన్వంతరి జయంతి’ని పురస్కరించుకుని జరిగే ఆయుర్వేద దినోత్సవం సందర్భంగా నేడు జయపుర(రాజస్థాన్‌), జమనగర్‌(గుజరాత్‌)లలో రెండు ఆయుర్వేద శిక్షణ, పరిశోధనా సంస్థలను ప్రధాని మోడీ వీడియో కాన్ఫరెన్స్‌ ద్వారా ప్రారంభించారు. ఈ కార్యక్రమంలో పాల్గొన్న డబ్ల్యూహెచ్‌వో డైరెక్టర్‌ జనరల్‌ టెడ్రోస్‌ అధానమ్‌ సంప్రదాయ వైద్యం కోసం భారత్‌లో ప్రపంచ స్థాయి కేంద్రాన్ని ఏర్పాటు చేయనున్నట్లు వీడియో సందేశం ద్వారా ప్రకటించారు.  సంప్రదాయ వైద్యంపై అవగాహన కల్పించేందుకు, ఆయుర్వేద వైద్యంలో శిక్షణ, పరిశోధనలను మరింత బలోపేతం చేసేందుకు ఈ కేంద్రాన్ని ఏర్పాటు చేయనున్నట్లు తెలిపారు.

డబ్ల్యూహెచ్‌వో ప్రకటనపై ప్రధాని మోడీ ఆనందం వ్యక్తం చేశారు. ఆయుర్వేదం భారత వారసత్వ సంపద అని, దానికి ప్రపంచవ్యాప్త గుర్తింపు లభించడం గర్వంగా ఉందని ప్రధాని అన్నారు. భారత సంప్రదాయ విజ్ఞానం ఇతర దేశాలను సుసంపన్నం చేస్తుండటం సంతోషకరమన్నారు. సంప్రదాయ వైద్యం కోసం ప్రపంచస్థాయి కేంద్రాన్ని భారత్ ‌లో ఏర్పాటు చేయడం గర్వకారణమని తెలిపారు.  ప్రపంచానికే ఔషధ కేంద్రంగా ఎదుగుతున్న భారత్‌ తాజా ప్రకటనతో ప్రపంచ సంరక్షణ కేంద్రంగా మారుతుందని ప్రధాని విశ్వాసం వ్యక్తం చేశారు. భారత్ కు ఇంత గొప్ప బాధ్యతను కల్పించిన డబ్ల్యూహెచ్‌ఓకు కృతజ్ఞతలు తెలిపారు. ‘ధన్వంతరి జయంతి’ని పురస్కరించుకుని 2016 నుంచి ఆయుష్‌ మంత్రిత్వ శాఖ ఏటా ఆయుర్వేద దినోత్సవాన్ని నిర్వహిస్తోంది. కొవిడ్‌ కారణంగా ఈ సారి ఈ వేడుకను వర్చువల్ ‌గా జరిపారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post భారత్ లో ప్రపంచస్థాయి ఆయుర్వేద కేంద్రాన్ని ఏర్పాటు చేయనున్న WHO appeared first on Vishwa Samvad Kendra Andhra Pradesh.