ATTACKS ON HINDU TEMPLES IN PAKISTAN – Vishwa Samvad Kendra Andhra Pradesh

పాక్ లోని హిందూ దేవాలయాలకు ఏదీ రక్షణ?

Syam Korsipati — Tue, 09 Feb 2021 08:43:30 +0000

పాకిస్థాన్ ‌లో ఉన్న ప్రాచీన హిందూ దేవాలయాలు సరైన ఆదరణకు నోచుకోక జీర్ణావస్థలో ఉన్నాయి. పాక్ సుప్రీంకోర్టు ఇచ్చిన ఆదేశాల మేరకు పాకిస్థాన్ లోని హిందూ దేవాలయాల తీరుతెన్నులను పరిశీలించిన కమిషన్‌ ఫిబ్రవరి 5న ఈ నివేదికను పాకిస్థాన్‌ సుప్రీంకోర్టుకు నివేదించింది. ఈ ఆలయాలను నిర్వహించాల్సిన బాధ్యత ఎవక్యూ ట్రస్ట్‌ ప్రాపర్టీ బోర్డు(ఈటీపీబీ)దేనని ఆ నివేదికలో పేర్కొన్నారు. వారు ఈ చారిత్రక ప్రాచీన ఆలయాలను సంరక్షించడంలో విఫలమయ్యారని తెలిపారు. డాక్టర్‌ సొహైబ్‌ సుద్లే నేతృత్వంలోని ఈ కమిషన్‌లో డాక్టర్‌ రమేశ్‌, సాకిబ్‌ జిలానీ, పాకిస్థాన్‌ అటార్నీజనరల్ ఖలీద్ జావేద్ ఖాన్ లు‌ సభ్యులుగా ఉన్నారు. ఈ ప్రాచీన ఆలయాలను పునరుద్ధరించే కార్యక్రమాలు ప్రారంభించాలని ఈ నివేదిక ఆధారంగా సుప్రీంకోర్టు సూచించింది. ఈ మేరకు హిందూ, సిక్కు దేవాలయాలను పరిరక్షించేందుకు ఈటీపీబీ చట్టాల్లో సవరణలు చేయాలని నివేదికలో పేర్కొన్నారు. దేవాలయాల పునరుద్ధరణకు సుప్రీంకోర్టు ఆదేశాలు ఇవ్వాలని వారు కోరారు.

గతేడాది డిసెంబరులో పాక్‌లోని ఓ హిందూ దేవాలయానికి కొందరు మంటలు పెట్టారు. దీనిపై సుప్రీంకోర్టులో పిటిషన్‌ దాఖలవగా దానిని పునర్నిర్మించాలని సుప్రీం ఆదేశించింది. అనంతరం సుప్రీంకోర్టు పాకిస్థాన్‌లో ఈటీపీబీ పరిధిలో ఉన్న అన్ని దేవాలయాల వివరాలు సమర్పించాలని ఆదేశించింది. ఈటీపీబీ వివరాల ప్రకారం మొత్తం 365 దేవాలయాలు ఉండగా వాటిలో 13 ఆలయాలను మాత్రమే ఈటీపీబీ నిర్వహిస్తోందని తెలిపారు. 65 దేవాలయాలు హిందువులు నడుపుతుండగా మిగిలినవన్నీ కబ్జాకు గురయ్యాయని వారు తెలిపారు. ఈటీపీబీ స్పందనపై సుప్రీం అసహనం వ్యక్తం చేసింది. సాంకేతికత మెరుగ్గా ఉన్న ఈ కాలంలో కూడా ఆలయాలను, వాటి ఆస్తులను రక్షించలేకపోవడం సరికాదన్నారు.

అధికారిక వివరాల ప్రకారం పాకిస్థాన్‌లో మొత్తం 75లక్షల మంది హిందువులు నివసిస్తున్నారు. వీరిలో ఎక్కువ శాతం సింధ్‌ ప్రావిన్స్ ‌లోనే జీవిస్తున్నట్లు తెలుస్తోంది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post పాక్ లోని హిందూ దేవాలయాలకు ఏదీ రక్షణ? appeared first on Vishwa Samvad Kendra Andhra Pradesh.

ముస్లిం మతాధికారుల ప్రేరణతో పాకిస్తాన్లోని ఖైబర్ – పఖ్ఖుఖ్వాలోని హిందూ ఆలయాన్ని తగులబెట్టిన ముస్లిం మూకలు

Syam Korsipati — Thu, 31 Dec 2020 07:02:04 +0000

పాకిస్తాన్లోని ఖైబర్ పఖ్తున్ఖ్వా ప్రావిన్స్లో ఒక హిందూ ఆలయాన్ని ఒక ముస్లిం గుంపు కాల్చివేసింది. ఈ సంఘటన కరాక్ జిల్లాలోని తేరి ప్రాంతంలో జరిగింది.1920 కి ముందు నిర్మించిన ఈ మందిరం చారిత్రాత్మక ప్రార్థనా స్థలం.

కరాక్ ‌కు చెందిన ఒక ముస్లిం మతాధికారి, ఉగ్రవాద సంస్థ యొక్క మద్దతును పొందుతున్నాడు. స్థానిక ముస్లింలను హిందూ సమాజానికి వ్యతిరేకంగా ప్రేరేపించాడని మరియు ఆలయాన్ని కూల్చివేసేందుకు వారిని రెచ్చగొట్టాడని టైమ్స్ ఆఫ్ ఇండియా సంబంధిత వర్గాలను ఉటంకిస్తూ పేర్కొంది.

హిందూ యాజమాన్యంలోని నిర్మాణంలో ఉన్న ఒక ఇంటిని కూడా ఈ గుంపు కూల్చివేసిందని స్థానికుడు ఒకరు తెలిపారు. హిందూ మందిరాన్ని తొలగించాలని డిమాండ్ చేస్తూ సమీప గ్రామాల ముస్లిములు కొందరు నిరసన ప్రదర్శనను నిర్వహించారని స్థానికులు వెల్లడించారు. పోలీసులు దీనిని పూర్తిగా విస్మరించారు. ఏమాత్రం భద్రతా చర్యలు చేపట్టలేదు.

Today in Naya Pakistan: Hindu temple set ablaze and razed to the ground by a charged mob led by clerics in Karak, Khyber Pakhtunkhwa. pic.twitter.com/6v1mkXnqgB

— Naila Inayat नायला इनायत (@nailainayat) December 30, 2020

ఘటనపై సోషల్ మీడియాలో పెట్టిన పోస్ట్ కలవరపెట్టేదిగా ఉంది. ఆ విజువల్స్ ఆ స్థలంలో పెద్ద సంఖ్యలో నిరసనకారులు ఉన్నట్లు చూపించాయి. పొగ మరియు మంటలు కనిపించాయి. ఆలయం గోడలు దగ్ధమైపోతున్న దృశ్యాలు కనిపించాయి. కరాక్ జిల్లా పోలీసు అధికారులు ఈ సంఘటనను ధృవీకరించారు.

“స్థానికులు నిరసన కోసం పిలుపునిచ్చినప్పుడు అది శాంతియుతంగా ఉంటుందని హామీ ఇచ్చారు. అయినప్పటికీ, మతాధికారులు ప్రజలను హింసకు ప్రేరేపించారు. తరువాత వారు ఈ మందిరంపై దాడి చేశారు” అని కరాక్ జిల్లా పోలీసు అధికారి ఇర్ఫానుల్లా చెప్పారు.

Source : Swarajaya

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ముస్లిం మతాధికారుల ప్రేరణతో పాకిస్తాన్లోని ఖైబర్ – పఖ్ఖుఖ్వాలోని హిందూ ఆలయాన్ని తగులబెట్టిన ముస్లిం మూకలు appeared first on Vishwa Samvad Kendra Andhra Pradesh.