జనవరిలో అమెరికా అధ్యక్ష బాధ్యతలు చేపట్టినప్పటి నుండి జో బిడెన్ పాక్ ప్రధాని ఇమ్రాన్ ఖాన్ తో మాట్లాడకపోవడంపై ఇస్లామాబాద్ అసంతృప్తిగా ఉంది. పాకిస్తాన్ జాతీయ భద్రతా సలహాదారు మొయిద్ యూసుఫ్ ఇటీవల ఇమ్రాన్ ఖాన్ బాధను బయటపెట్టాడు. ఆఫ్ఘనిస్తాన్ వంటి కొన్ని కీలక సమస్యలలో పాకిస్తాన్ ను ఒక ముఖ్యమైన దేశంగా పరిగణించినప్పటికీ, ప్రధాన మంత్రి ఇమ్రాన్ ఖాన్‌ను సంప్రదించడానికి అమెరికా అధ్యక్షుడు బిడెన్ సంప్రదించకపోవడం పట్ల నిరాశ వ్యక్తం చేశారు. అమెరికా నాయకుడు తమ దేశ నాయకత్వాన్ని విస్మరించడం కొనసాగిస్తే తమకు ఇతర అవకాశాలు కూడా ఉన్నాయని యూసఫ్ చెప్పారు.

ఆగస్టు 31 లోపు అమెరికా మరియు నాటో దళాలను ఉపసంహరించుకుంటామని అమెరికా అధ్యక్షుడు జో బిడెన్ ప్రకటించిన తరువాత ఆఫ్ఘనిస్తాన్ తాలిబాన్ల హింస పెరిగిపోయింది. తాలిబాన్ నేతలు గతంలో పాక్ కు వచ్చినప్పుడు శాంతి ఒప్పందానికి అంగీకరించాలని వారికి తాము సూచించినట్టు ఇమ్రాన్ ఖాన్ తెలిపారు. ఆఫ్ఘన్ లో ఇప్పటి పరిస్థితుల్లో రాజకీయ అంగీకారం కష్టసాధ్యమని అభిప్రాయపడ్డారు. అష్రాఫ్ ఘని అధికారంలో ఉన్నంతకాలం తాము శాంతిచర్చలకు వెళ్లబోమని తాలిబాన్ నేతలు అంటున్నారని ఇమ్రాన్ తెలిపారు.

తాలిబాన్లకు పాకిస్తాన్ మద్దతుగా నిలుస్తోంది. తాలిబాన్లకు పెద్ద ఎత్తున ఆయుధాలను కూడా పాక్ పంపిస్తూ ఉంది. కొన్ని వేల మంది పాక్ తీవ్రవాదులు ఆఫ్ఘనిస్తాన్ లోకి ప్రవేశించి తాలిబాన్ల తరపున పోరాడుతూ ఉన్నారు. ఆ కారణాల వల్ల అమెరికా పాకిస్తాన్ ను కావాలనే పక్కన పెడుతోంది. మరోవైపు పాకిస్తాన్ చైనాకు తొత్తుగా వ్యవహరిస్తూ ఉండడం కూడా అమెరికాకు నచ్చడం లేదు.

Source : Nationalist hub

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post భారత్-అమెరికా స్నేహంపై మరోసారి అక్కసు వెళ్లగక్కిన ఇమ్రాన్ ఖాన్ appeared first on Vishwa Samvad Kendra Andhra Pradesh.

ఈ సాహస బాలిక పేరు కమర్‌గుల్‌. వయసు 15-16 ఏళ్లు ఉంటుంది. ఆమె తండ్రి గ్రామపెద్ద. ప్రభుత్వానికి మద్దతుదారు. ఇది తాలిబన్లకు రుచించలేదు.

అతన్ని చంపడానికి ఈ నెల 17న అర్ధరాత్రి ఉగ్రవాదులు వచ్చారు. ఒంటిగంట సమయంలో కమర్‌గుల్‌ ఇంటి తలుపు తట్టారు. వచ్చింది ఎవరో చూడడానికి కమర్‌ వాళ్లమ్మ తలుపు తీసింది. ఉగ్రవాదులని అర్థం కాగానే లోపలికి రాకుండా అడ్డుకుంది.

దీంతో వారు ఆమెను కాల్చి చంపి లోపలకు ప్రవేశించారు. అక్కడ కమర్‌ తండ్రిని కాల్చి చంపారు. తల్లిదండ్రులను తన కళ్లెదుటే ఉగ్రవాదులు కాల్చి చంపడంతో తట్టుకోలేకపోయిన కమర్‌ శివంగిలా దూకింది. ఇంట్లో ఉన్న ఏకే47 తుపాకీ తీసుకుని ముగ్గురు ముష్కరులను కాల్చిపారేసింది.

అంతటితో ఆగలేదు. తనను చంపడానికి ప్రయత్నిస్తున్న మిగిలిన ఉగ్రవాదులతో గంట పాటు భీకరంగా పోరాడింది. ఆమె కాల్పుల ధాటికి పలువురు గాయపడ్డారు. ఆమె పక్కనే 12 ఏళ్ల సోదరుడున్నాడు.

తమ్ముడిని కాచుకుంటూనే, అక్కడా ఇక్కడా దాక్కుంటూనే ఆమె అసమాన పోరాటం చేసింది. ఇంతలో గ్రామస్థులు, ప్రభుత్వ అనుకూల మిలిటెంట్లు ఆమెకు సహాయంగా వచ్చి ముష్కరులపై కాల్పులు ప్రారంభించారు. దాంతో వారు పారిపోయారు. కమర్‌ సాహసాన్ని అఫ్గాన్‌ ప్రభుత్వం ప్రశంసించింది. అధ్యక్షుడు అష్రఫ్‌ ఘని.. అక్కా తమ్ముళ్లను తన భవనానికి ఆహ్వానించారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఉగ్రవాదుల్ని కాల్చిపారేసింది – అఫ్గాన్‌ బాలిక సాహసం appeared first on Vishwa Samvad Kendra Andhra Pradesh.