* చెన్నై నుంచి లండన్ కు సైకిల్ యాత్ర చెయ్యడమే లక్ష్యం

తల్లిదండ్రులు తమ కలల్ని పిల్లలపై రుద్దకుండా, పిల్లల ఇష్టాయిష్టాలను గౌరవించాలంటూ 10వ తరగతి పూర్తిచేసిన తెలుగు బాలుడు 15 ఏళ్ల ఆశిష్‌ చెన్నై నుంచి లాడ్డాఖ్‌ రాజధాని లేహ్‌ వరకు సైకిల్‌ మీద సాహసయాత్ర చేశాడు.

కడప జిల్లా రాజంపేట ప్రాంతానికి చెందిన ఆశిష్‌ కుటుంబం వ్యాపారరీత్యా కొన్నేళ్ల కిందట చెన్నైలో స్థిరపడింది. సైక్లింగ్ ‌పై ఆసక్తి ఉన్న ఆశిష్‌ జూలైలో చెన్నై నుంచి సైకిల్ ‌పై బయలుదేరి 41 రోజుల్లోనే లేహ్ ‌కు చేరుకున్నాడు.

సైకిల్ ‌యాత్రను పూర్తిచేసి తిరుగుప్రయాణంలో ఢిల్లీకి చేరుకున్న ఆశిష్‌ సహా అతడి కుటుంబసభ్యులు ఏపీభవన్‌లో మీడియాతో మాట్లాడారు. ఆశిష్‌ మాట్లాడుతూ సైకిల్‌ యాత్రలో మైదాన ప్రాంతంలో రోజూ 120 నుంచి 150 కిలోమీటర్ల దూరం ప్రయాణించినట్లు చెప్పాడు. చండీఘడ్‌ నుంచి పర్వత ప్రాంత ప్రయాణం మొదలయ్యాక ప్రతికూల వాతావరణం, వర్షం కారణంగా తీవ్రంగా ఇబ్బందిపడినా యాత్రను కొనసాగించినట్లు తెలిపాడు.

నేషనల్‌ డిఫెన్స్‌ అకాడమీలో చేరాలన్నదే తన కల అని ఆశిష్‌ పేర్కొన్నాడు. తనపై తల్లిదండ్రులెప్పుడూ ఎలాంటి ఒత్తిడీ చేయలేదని, మిగతా పిల్లల తల్లిదండ్రులు కూడా పిల్లల విషయంలో ఇలాగే ఉండాలని కోరుకుంటున్నానని తెలిపాడు. చెన్నై నుంచి లండన్ ‌కు సైకిల్ ‌యాత్ర చేయనున్నట్లు ఆశిష్‌ చెప్పాడు.

సాక్షి సౌజన్యంతో…

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post చెన్నై to లేహ్‌ సైకిల్‌ యాత్ర appeared first on Vishwa Samvad Kendra Andhra Pradesh.

ఒకసారి దేన్నైనా సంకల్పిస్తే దాన్ని సాధించేందుకు ప్రాణాలను పణంగా పెట్టడానికి కూడా వెనకాడని తెలుగువారి సాహసానికి ప్రతీక అల్లూరి సీతారామరాజు. పాలకులు దుర్మార్గులు కదా అని భయపడుతూ కూర్చుంటే మిగిలేది బానిసత్వం మాత్రమే అని ఆ బానిసత్వ సంకెళ్లను తెంపుకునే పోరాట స్ఫూర్తిని మనకు అందించిన వీర యోధుడు అల్లూరి సీతారామరాజు.

అల్లూరి సీతారామరాజుగా ప్రసిద్ధుడైన ఈ మన్యం వీరుని అసలుపేరు “శ్రీరామరాజు”.

ఆరవ తరగతి చదువుతున్న వయసులోనే తండ్రిని కోల్పోవడం రాజు జీవితంలో పెనుమార్పులే తీసుకువచ్చింది. స్థిరాదాయం లేక, పేదరికం వలన రాజు కుటుంబం అష్టకష్టాలు పడింది. స్థిరంగా ఒకచోట ఉండలేక వివిధ ప్రదేశాలకు వెళ్ళి నివసించవలసి వచ్చింది. పినతండ్రి రామకృష్ణంరాజు ఆర్థికంగా ఆ కుటుంబాన్ని ఆదుకునేవాడు. తండ్రి పాలనలేమి రాజు చదువుపై కూడా ప్రభావం చూపింది. ఆ కాలంలో ఆ కుటుంబ జీవన ప్రయాణం అలా సాగింది.

రామరాజుకు 14 వ ఏట అన్నవరంలో ఉపనయనం జరిగింది. తరువాత విశాఖపట్నంలో నాల్గవ ఫారంలో చేరాడు. అక్కడ సరిగా చదవకపోవడంవల్ల, కలరా వ్యాధి సోకడంవల్లనూ పరీక్ష తప్పాడు. మరుసటి ఏడు నర్సాపురంలో మళ్ళీ నాల్గవ ఫారంలో చేరాడు. ఆ సమయంలో తల్లి తునిలో నివసిస్తూ ఉండేది. అక్కడ కూడా సరిగా చదివేవాడుకాదు. చుట్టుపక్కల ఊళ్ళు తిరుగుతూ కాలక్షేపం చేసేవాడు. పినతండ్రి మందలించడంతో కోపగించి, ఇల్లువదలి, తల్లివద్దకు తుని వెళ్ళిపోయాడు. అక్కడే ఐదవ ఫారంలో చేరాడు. మళ్ళీ అదే వ్యవహారం. బడికి వెళ్ళకుండా, తిరుగుతూ ఉండేవాడు. ఒకసారి ప్రధానోపాధ్యాయుడు కొట్టాడు. దానితో బడి శాశ్వతంగా మానేసాడు.

అలా అని ఆయనకు చదువు మీద శ్రద్ధ లేదని కాదు. రాజు కుటుంబం 1918 వరకు తునిలోనే ఉంది. ఆ కాలంలోనే చుట్టుపక్కలగల కొండలు, అడవులలో తిరుగుతూ, గిరిజనుల జీవన విధానాన్ని గమనిస్తూ ఉండేవాడు. ధారకొండ, కృష్ణదేవీ పేట మొదలైన ప్రాంతాలు ఈ సమయంలో చూసాడు. వత్సవాయి నీలాద్రిరాజు వద్ద జ్యోతిష్యం, వాస్తు శాస్త్రం, హఠయోగం, కవిత్వం నేర్చుకున్నాడు. సూరి అబ్బయ్యశాస్త్రి వద్ద సంస్కృతం, ఆయుర్వేదం నేర్చుకున్నాడు.

చిన్నప్పటినుండి సీతారామరాజులో దైవ భక్తి, నాయకత్వ లక్షణాలు, దాన గుణం అధికంగా ఉండేవి. నిత్యం దైవ పూజ చేసేవాడు. తుని సమీపంలో పెదతల్లి ఉన్న గోపాలపట్టణంలో సీతమ్మ కొండపై రామలింగేశ్వరాలయంలో కొంతకాలం తపస్సు చేశాడు. తన మిత్రుడు పేరిచర్ల సూర్యనారాయణ రాజుతో కలిసి మన్యం ప్రాంతాలలో పర్యటించాడు. దేవాలయాల్లోను, కొండలపైన, శ్మశానాలలోను రాత్రిపూట ధ్యానం చేసేవాడు. దేవీపూజలు చేసేవాడు. అన్ని కాలాల్లోనూ విడువకుండా శ్రాద్ధకర్మలవంటి సంప్రదాయాలను శ్రద్ధగా పాటించేవాడు.

కాశీలో కొంతకాలం ఉండి సంస్కృతభాషను అధ్యయనం చేశాడు. ఈ యాత్రలో ఇంకా బరోడా, ఉజ్జయిని, అమృత్‌సర్, హరిద్వార్, బదరీనాథ్, బ్రహ్మకపాలం మొదలైన ప్రదేశాలు చూసాడు. బ్రహ్మకపాలంలో సన్యాసదీక్ష స్వీకరించి, యోగిగా తిరిగివచ్చాడు. ఈ యాత్రలో అనేక భాషలు, విద్యలు కూడా అభ్యసించాడు. గృహవైద్య గ్రంథము, అశ్వశాస్త్రము, గజశాస్త్రము, మంత్రపుష్పమాల, రసాయన ప్రక్రియలు వంటి విషయాల గ్రంథాలను స్వయంగా వ్రాసుకొని భద్రపరచుకొన్నాడు.

కృష్ణదేవు పేట చేరుకుని అక్కడికి దగ్గర్లోని ధారకొండపై కొన్నాళ్ళు తపస్సు చేసాడు. కృష్ణదేవీపేట (ప్రస్తుతం కేేడి పేట గా పిలవబడుతుంది ) లోని చిటికెల భాస్కరుడు అనే వ్యక్తి, అతని తల్లి ద్వారా రాజు తల్లికి అతని ఆచూకీ తెలిసి,ఆమె రాజు వద్దకు వచ్చింది. 1918 వరకు అందరూ అక్కడే ఉన్నారు.

రాజుకు తల్లిపై అపారమైన భక్తి ఉండేది. ఆమె పాదాభివందనం చేసే ఎక్కడికైనా బయలుదేరేవాడు.

అనేక యుద్ధవిద్యల్లోను, ఆయుర్వేద వైద్యవిద్యలోను ప్రావీణ్యుడవటంచేత త్వరలోనే రాజు చుట్టుపక్కల ప్రాంతాల ప్రజలకు ఆరాధ్యుడయ్యాడు. మన్యం ప్రజల కష్టాలను నివారించడానికి ప్రయత్నించేవాడు. ముహూర్తాలు పెట్టడం, రక్షరేకులు కట్టడం, మూలికా వైద్యం, చిట్కా వైద్యం, రామాయణ భారత భాగవత కథలు వినిపించడం చేసేవాడు. భక్తి చూపేవారు. 1918 ప్రాంతంలో కొంగసింగిలో ఒక మోదుగ చెట్టు క్రింద మండల దీక్ష నిర్వహించాడు. ఇతనికి అతీంద్రియ శక్తులున్నాయని ప్రజలు భావించేవారు

ఆ రోజుల్లో ఏజన్సీ ప్రాంతంలోని ప్రజలు తెల్లదొరల చేతిలో అనేక దురాగతాలకు, దోపిడీలకు, అన్యాయాలకు గురయ్యేవారు. శ్రమదోపిడి, ఆస్తుల దోపిడి, స్త్రీల మానహరణం సర్వసాధారణంగా జరుగుతూ ఉండేవి. మన్యంలో గిరిజనుల జీవితం దుర్భరంగా ఉండేది. పోడు వ్యవసాయం చేసుకుంటూ, అటవీ ఉత్పత్తులను సేకరించి వాటిని అమ్ముకుని జీవించే వారిపై బ్రిటీషువారు ఘోరమైన దురాగతాలు చేసేవారు. రక్షిత అటవీప్రాంతం పేరుతో పోడు కొరకు చెట్లను కొట్టడాన్ని నిషేధించింది ప్రభుత్వం. గిరిజనులకు జీవనాధారం లేకుండా చేసింది. అటవీ ఉత్పత్తుల సేకరణలో కూడా అడ్డంకులు సృష్టించింది.

రోజు కూలీలుగా చెయ్యవలసి వచ్చింది. కాంట్రాక్టర్లు ప్రభుత్వాధికారులకు లంచాలు తినిపించి, ఆ కూలీ కూడా సరిగా ఇచ్చేవారు కాదు. ఆరణాల కూలీ అనిచెప్పి, అణానో, రెండో ఇచ్చేవారు. నిత్యావసరాలను మళ్ళీ అదే ప్రభుత్వపు తాబేదార్ల వద్ద కొనుక్కోవలసి వచ్చేది. కాంట్రాక్టర్లిచ్చే కూలీ వీటికి సరిపోయేదికాదు. ఆకలిమంటలకు తట్టుకోలేక చింత అంబలి తాగే వారు. దాని వలన కడుపులో అల్సర్లు వచ్చేవి. దీనికితోడు, గిరిజనుల పట్ల అధికారులు, కాంట్రాక్టర్లు అమానుషంగా ప్రవర్తించే వారు. అడవుల్లో వారు ప్రయాణం చెయ్యాలంటే, గిరిజనులు ఎత్తుకుని తీసుకువెళ్ళాలి. గిరిజన స్త్రీలపై, వారు అత్యాచారాలు చేసేవారు. అయినా ఏమీ చెయ్యలేని స్థితిలో గిరిజనులు ఉండేవారు. ఈ దురాగతాలను సహించలేని గిరిజనులు కొన్ని ప్రాంతాల్లో తిరుగుబాట్లు చేసారు. వీటినే “పితూరీ” అనేవారు. ఇటువంటిదే లాగరాయి పితూరీ. దీనికి నాయకుడైన వీరయ్యదొరను, ప్రభుత్వం రాజవొమ్మంగి పోలీసు స్టేషనులో బంధించింది.

దోపిడీని ఎదుర్కోవడానికి గిరిజనులకు అండగా నిలిచి పోరాటం చెయ్యాలని రాజు నిర్ణయించుకున్నాడు. వారికి తమ హక్కులను వివరించి, వారిలో ధైర్యాన్ని పెంపొందించి, అన్యాయాలను ఎదిరించే విధంగా తయారుచేసాడు. ప్రజలు ఆయన వద్దకు సలహాలకు, వివాద పరిష్కారాలకు వచ్చేవారు. చుట్టుపక్కల 30, 40 గ్రామాల ప్రజలకు రాజు నాయకుడయ్యాడు. మన్యం లోని గిరిజనులను సమీకరించి, వారిని దురలవాట్లకు దూరంచేసి, వారికి యుద్ధవిద్యలు, గెరిల్లా యుద్ధపద్ధతులు నేర్పి వారిని పోరాటానికి సిద్ధం చేయ్యసాగాడు. అతని అనుచరుల్లో ముఖ్యులు గాము గంటందొర, గాము మల్లుదొర, కంకిపాటి ఎండు పడాలు.

గిరిజనులపై దోపిడీ చేసిన బ్రిటీషు అధికారులలో చింతపల్లికి తహసీల్దారు అయిన బాస్టియన్ అత్యంత క్రూరుడు. నర్సీపట్నం నుండి లంబసింగి వరకు రోడ్డు మార్గం నిర్మించే కాంట్రాక్టరుతో కుమ్మక్కై, కూలీలకు సరైన కూలీ ఇవ్వక, ఎదురు తిరిగిన వారిని కొరడాలతో కొట్టించేవాడు. రామరాజు దీనిపై అధికారులకు ఫిర్యాదు చేసాడు. దానిపై ఏ చర్యా తీసుకోలేదు. అయితే తనపై ఫిర్యాదు చేసాడనే కోపంతో బాస్టియన్ రామరాజు పై ప్రభుత్వానికి ఒక నివేదిక పంపాడు. రామరాజు గిరిజనులను కూడగట్టి విప్లవం తీసుకువచ్చే సన్నాహాల్లో ఉన్నాడనేది దాని సారాంశం.

అప్పటికే గిరిజనుల్లో కలుగుతున్న చైతన్యాన్ని గమనించిన ప్రభుత్వం రాజును గిరిజనులకు దూరంగా ఉంచదలచి, అతన్ని నర్సీపట్నంలో కొన్నాళ్ళు, అడ్డతీగల సమీపంలోని పైడిపుట్టిలో కొన్నాళ్ళు ప్రభుత్వ అధికారుల కనుసన్నలలో ఉంచింది. పైడిపుట్టిలో కుటుంబంతో సహా ఉండేవాడు. అనునిత్యం పోలీసుల నిఘా ఉండేది. రాజుకు ఇది ప్రవాస శిక్ష. పోలవరంలో డిప్యూటీ కలెక్టరుగా పనిచేస్తున్న ఫజులుల్లా ఖాన్ అనే వ్యక్తి సహకారంతో ఈ ప్రవాస శిక్షను తప్పించుకుని మళ్ళీ 1922 జూన్లో మన్యంలో కాలు పెట్టాడు. విప్లవానికి వేదిక సిద్ధమయింది.

ప్రభుత్వోద్యోగి అయిన ఫజలుల్లాఖాన్ రాజును చాలా అభిమానించి సహాయం చేసేవాడు. కనుక ఫజలుల్లాఖాన్ బ్రతికి ఉండగా తాను తిరగబడనని రాజు మాట ఇచ్చాడట. 27-7-1922న తిమ్మాపురంలో ఫజలుల్లాఖాన్ ఆకస్మికంగా మరణించాడట. ఇక విప్లవ మార్గానికి సీతారామరాజు ఉద్యుక్తుడయ్యాడు. వారించిన తల్లిని క్షేమం కోసం వరసాపురం పంపేశాడు.

గంటందొర, మల్లుదొర, మొట్టడం వీరయ్యదొర, కంకిపాటి ఎండు పడాలు, సంకోజి ముక్కడు, వేగిరాజు సత్యనారాయణ రాజు (అగ్గిరాజు – భీమవరం తాలూకా కుముదవల్లి గ్రామం), గోకిరి ఎర్రేసు (మాకవరం), బొంకుల మోదిగాడు (కొయ్యూరు) వంటి సాహస వీరులు 150 మంది దాకా ఇతని అజమాయిషీలో తయారయ్యారట. పోలీసు స్టేషన్లపై దాడి చేసి ఆయుధాలు ఎత్తుకెళ్ళడంతో విప్లవం ప్రారంభమైంది. 1922 ఆగస్టు 19న మహారుద్రాభిషేకం చేసి చింతపల్లి పోలీసు దోపిడీకి నిశ్చయించుకొన్నారు. ఆగష్టు 22న మన్యం విప్లవం ఆరంభమైంది.

ఇతనిని పట్టుకోవడానికి బ్రిటిష్ ప్రభుత్వం ప్రయత్నాలు తీవ్రతరం చేసింది. అక్టోబర్ 23న ప్రత్యేక సైనిక దళాలతో వచ్చిన సాండర్స్ అనే సేవాని దళంతో రాజు దళానికి ముఖాముఖి యుద్ధం జరిగింది. పరిస్థితులు అనుకూలంగా లేవని సాండర్స్ వెనుదిరిగాడు. భారత జాతికి చెందిన పోలీసులు పట్టుబడ్డాగాని వీలయినంతవరకు రాజు దళం వారు మందలించి వదిలేశేవారు. క్రమంగా గూఢచారుల వలన, పట్టుబడ్డ రాజు అనుచరులవలన ప్రభుత్వాధికారులు రాజు కదలికలను నిశితంగా అనుసరించసాగారు. ఆ తర్వాత రాజు దొరక్

డిసెంబర్ 6 న విప్లవదళానికి మొదటి ఎదురుదెబ్బ తగిలింది. జాన్ ఛార్సీ, మరికొందరు అధికారుల నాయకత్వంలో ప్రభుత్వ సైన్యానికి, రాజు సైన్యానికి పెదగడ్డపాలెం వరిచేలలో పోరాటం జరిగింది. ప్రభుత్వసేనలు శక్తివంతమైన శతఘ్నులను (ఫిరంగులను) ప్రయోగించాయి. ఆరోజు జరిగిన ఎదురుకాల్పుల్లో 4మంది రాజు అనుచరులు చనిపోయారు. కొన్ని ఆయుధాలు పోలీసుల వశమయ్యాయి. తప్పించుకొన్న విప్లవవీరుల స్థావరంపై ప్రభుత్వదళాలు ఆరాత్రి మళ్ళీ దాడి చేశాయి. ఒక గంట పైగా సాగిన భీకరమైన పోరులో మరొక 8 మంది విప్లవకారులు మరణించారు.

ఆ తరువాత దాదాపు 4 నెలలపాటు దళం స్తబ్దుగా ఉండిపోయింది. రామరాజు చనిపోయాడనీ విప్లవం ఆగిపోయిందనీ పుకార్లు రేగాయి. అయినా అనుమానం తీరని ప్రభుత్వం రామరాజును, ఇతర నాయకులను పట్టి ఇచ్చిన వారికి బహుమతులు ప్రకటించింది. స్పిన్, హ్యూమ్ వంటి అధికారులు జాగ్రత్తగా వ్యూహాలు పన్నసాగారు.

మరణం—–

17-4-1924న మన్యానికి కలెక్టరు (స్పెషల్ కమిషనర్)గా రూథర్‌ ఫర్డ్ నియమితుడయ్యాడు. ఇతడు విప్లవాలను అణచడంలో నిపుణుడని పేరుగలిగినవాడు. విప్లవకారులలో అగ్గిరాజు (అసలు పేరు వేగిరాజు సత్యనారాయణ రాజు. అయితే శత్రువుల గుడారాలకు నిప్పుపెట్టి హడలుకొట్టే సాహసిగనుక “అగ్గిరాజు” అనే పేరు వచ్చింది.) అతిసాహసిగా పేరు పొందాడు. ప్రభుత్వాధికారులను, పోలీసులను ముప్పుతిప్పలు పెట్టేవాడు. ఆహార ధాన్యాలు కొల్లగొట్టేవాడు. విప్లవ ద్రోహులను దారుణంగా శిక్షించేవాడు. అతనికి ప్రాణభయం లేదు. 1924 మే 6వ తారీఖున జరిగిన కాల్పులలో అగ్గిరాజు కాలికి గాయమైంది. శత్రువులకు చిక్కకుండా ఒక బావిలో దూకి మరణించాలని ప్రాకుతూ వెళుతుండగా సైనికులు వచ్చి పట్టుకొన్నారు. అతనిని శిక్షించి అండమానుకు పంపారు. అక్కడే మరణించాడు. ఆ రాత్రి రాజు మంప గ్రామానికి వచ్చాడు. అంతకుముందు రూథర్ ఫర్డ్ నిర్వహించిన కృష్ణదేవు పేట సభకు మంప మునసబు కూడా హాజరయ్యాడు. వారం రోజులలో విప్లవకారుల ఆచూకీ తెలియజేయకపోతే ప్రజలను కాల్చివేస్తామని కృష్ణదేవు పేట సభలో రూథర్ ఫర్డ్ నిర్దాక్షిణ్యంగా ప్రకటించాడు.

అతడేమి చెప్పాడో తెలుసుకుందామని రాజు ఆ మునసబు ఇంటికి వెళ్ళాడు. తన వల్ల మన్యం ప్రజలు ఎన్ని బాధలు పడుతున్నారో వివరించి, వారికి ఈ బాధలనుండి విముక్తి ప్రసాదించడానికి తాను లొంగిపోవాలని నిశ్చయించుకున్నట్లు చెప్పాడు. తనను ప్రభుత్వానికి పట్టిఇచ్చినవారికి పదివేల రూపాయల బహుమతి లభిస్తుందని, కనుక తనను ప్రభుత్వానికి పట్టిఇమ్మని కోరాడు. కాని తాను అటువంటి నీచమైన పని చేయజాలనని మునసబు తిరస్కరించాడు. తరువాత,1924 మే 7న కొయ్యూరు గ్రామ సమీపంలో ఒక ఏటి వద్ద కూర్చొని, ఒక పశువుల కాపరి ద్వారా తనున్న చోటును పోలీసులకు కబురు పంపాడట. ఏటి ఒడ్డున స్నానం చేస్తూ ఉండగా పోలీసులు చుట్టుముట్టి రాజును బంధించారు. కొయ్యూరులో విడిది చేసి ఉన్న మేజర్ గుడాల్ వద్ద రాజును హాజరు పరిచారు. బందీగా ఉన్న అల్లూరి సీతారామ రాజును (ఒక చెట్టుకు కట్టివేసి) ఏ విచారణ లేకుండా గుడాల్ కాల్చి చంపాడు. తల్లికి కూడా రాజు మరణ వార్తను తెలియజేయలేదు. మే 8 న రాజు దేహాన్ని ఫొటో తీయించిన తరువాత దహనం చేసారు. అతని చితా భస్మాన్ని సమీపంలో ఉన్న వరాహ నదిలో కలిపారు. ఆ విధంగా కేవలం 27 ఏళ్ళ వయసులోనే అల్లూరి సీతారామరాజు అమరవీరుడయ్యాడు.

కృష్ణదేవిపేట(కే.డి పేట)లో ఆయన సమాధిని మనం చూడవచ్చు. నేడు అల్లూరి వీరమరణం పొందిన రోజు.

– చైతన్యకృష్ణ, తిరుపతి.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post అగ్ని కెరటం అల్లూరి appeared first on Vishwa Samvad Kendra Andhra Pradesh.

* శ్రీ భువనేశ్వరీ పీఠాధిపతి పూజ్య కమలానంద భారతీ స్వామి, ఆంధ్ర ప్రదేశ్ ప్రాంత ధర్మ జాగరణ ప్రముఖ్ శ్రీ తిరుపతయ్యల ప్రసంగాలు

తూర్పు గోదావరి జిల్లా రాజమహేంద్రవరంలో శ్రీరామనవమి పర్వదినాన్ని పురస్కరించుకుని హిందూ ధార్మిక సంస్థల ఆధ్వర్యంలో పెద్ద ఎత్తున బైక్ ర్యాలీ జరిగింది. 10 కిలోమీటర్ల పాటు జరిగిన ఈ బైక్ ర్యాలీలో సుమారు 8000ల బైకులలో 15000ల మంది యువతీయువకులు ఉత్సాహంగా పాల్గొన్నారు. రాజమండ్రి పురవీధులలో వేలాది మందితో జై శ్రీరామ్, భారత్ మాతాకీ జై నినాదాల మధ్య అంగరంగ వైభవంగా, కోలాహలంగా, ఉత్సాహభరితంగా సాగిన బైక్ ర్యాలీని రాజమండ్రి పురవాసులు భక్తిప్రపత్తులతో, ఆసక్తిగా తిలకించారు.

ఈ కార్యక్రమంలో విజయవాడ శ్రీ భువనేశ్వరీ పీఠాధిపతి పూజ కమలానంద భారతీ స్వామి, ఆంధ్ర ప్రదేశ్ ప్రాంత ధర్మ జాగరణ ప్రముఖ్ శ్రీ తిరుపతయ్య పాల్గొని ప్రసంగించారు.

పూజ్య కమలానంద భారతీ స్వామి మాట్లాడుతూ భారతదేశంలో హిందూత్వ శక్తులు బలపడితేనే హిందూ సమాజానికి, యావత్ దేశానికి రక్షణ లభిస్తుందని, భారతదేశం యొక్క సౌభాగ్యం కారణంగానే యావత్ ప్రపంచంలో శాంతి సౌఖ్యాలు వెల్లివిరుస్తాయని పేర్కొన్నారు. హిందూత్వ శక్తులు బలంగా ఉన్న చోట జాతి వ్యతిరేక, తిరోగమన వాద శక్తులు తోక ముడుచుకుని పారిపోతున్న వైనాన్ని ఆయన ఈ సందర్భంగా గుర్తు చేశారు. హిందుత్వ శక్తులు బలం సాధించిన చోట తీవ్రవాద శక్తులు, మతోన్మాద శక్తులు, జాతి వ్యతిరేక, తిరోగమన వాద శక్తులను మూలాలతో సహా పెకలించివేయడం సాధ్యమవుతున్నదని ఆయన తెలిపారు. ఆంధ్రప్రదేశ్ తో సహా దేశవ్యాప్తంగా అనేక ప్రాంతాలలో అదేవిధంగా హిందుత్వ శక్తులు బలపడితే అక్కడ విశృంఖలంగా జాతి వ్యతిరేక కార్యకలాపాలకు పాల్పడుతున్న దుష్ట శక్తులను పునాదులతో సహా పెకలించి వేయవచ్చునని, భవిష్యత్తులో అలా ఖచ్చితంగా జరిగి తీరుతుందని స్వామీజీ జోస్యం చెప్పారు.

మన పూర్వీకులెందరో మనదేశ ధర్మాల రక్షణ కోసం తమ ప్రాణాలను తృణప్రాయంగా సమర్పించారని, మనమందరమూ వారి వారసులమని, వారి ప్రేరణతో, వారి వారసత్వాన్ని పుణికిపుచ్చుకుని మనందరమూ కూడా దేశ ధర్మ రక్షణకై సమయాన్ని కేటాయించి పనిచేయాలని, ఆ దిశగా మన వారసులను సైతం ప్రోత్సహించాలని వారు ఉద్బోధించారు. ధర్మరక్షణ ద్వారానే దేశ రక్షణ సాధ్యమవుతుందని, భారత దేశ రక్షణతోనే యావత్ ప్రపంచం యొక్క సౌఖ్యం, సౌభాగ్యం ముడిపడి ఉన్నదని స్వామీజీ ఈ సందర్భంగా సెలవిచ్చారు.

ఆంధ్రప్రదేశ్ ప్రాంత ధర్మజాగరణ ప్రముఖ్ శ్రీ తిరుపతయ్య మాట్లాడుతూ… సనాతన హిందూ ధర్మాన్ని విడనాడి విదేశీ అన్యమతాలను అవలంబిస్తున్న వారు ఈ భూమిని తల్లిగా భావించి, పూజించే పవిత్ర భారతీయ సంస్కృతికి దూరమవుతున్నారని, వారి ప్రార్థనాలయాలలో విషం నూరిపోస్తున్న కారణంగా నెమ్మది నెమ్మదిగా వారిలో మన భూమిపట్ల, దేశం పట్ల, ఈ దేశ సంస్కృతి సాంప్రదాయాలు, ఆచార వ్యవహారాలు, వేషభాషల పట్ల, శ్రద్ధా కేంద్రాల పట్ల భక్తి భావన తొలగి విముఖత, వ్యతిరేకత ఏర్పడుతున్నాయని, మనకంటే పాశ్చాత్యులే అధికులనే దురభిప్రాయానికి సైతం వారు లోనవుతున్నారని, అనంతర కాలంలో విదేశీ, విధర్మీయ, విద్రోహ శక్తులకు గట్టి సమర్థకులుగానూ, అనుయాయీలుగానూ కూడా వారు మారిపోతున్నారని తెలిపారు.

హిందువులే భారతీయ సంస్కృతికి వారసులని, కనుక ఈ సంస్కృతిని, విశ్వాసాలను, ఆచార విచార వ్యవహారాలను, వేషభాషలను సంరక్షించుకోవాల్సిన గురుతర బాధ్యత హిందువులందరిపైనా, హిందువులపైన మాత్రమే ఉన్నదని ఆయన నొక్కి చెప్పారు. హిందువులలో ఈ దేశంపట్ల, ధర్మం పట్ల సహజంగానే ఉన్న భక్తిని, మాతృభావనను తిరిగి మేల్కొలపాలని ఆయన అన్నారు.

హైలైట్స్…

* ఈ బైక్ ర్యాలీలో ఓ 1000 మంది మహిళలు కూడా ఉత్సాహంగా పాల్గొనడం విశేషం.
* చిన్నారులు, పెద్దలు భారతమాత, రాముడు, లక్ష్మణుడు, హనుమంతుడు వంటి పురాణ పురుషుల వేషధారణలో కనువిందు చేశారు.
* రామనవమి సందర్భంగా రాజమండ్రి పురవాసులకు రాముడు పూనాడా అన్నంతగా వారిలో ఉత్సాహం నెలకొంది. దివ్యాంగులు తమ వైకల్యాన్ని సైతం లెక్కచేయకుండా ర్యాలీలో పాల్గొన్నారు. జైశ్రీరాం, భారత్ మాతాకీ జయ్ నినాదాలతో గొంతు కలిపి పులకించిపోయారు.
* అనేకమంది యువకులు డీజే సౌండ్స్ తో శృతికలిపి ఆనంద తాండవం చేశారు. మ్యూజిక్ కి అనుగుణంగా, ఉత్సాహభరితంగా వారు చేసిన నృత్యం పుర ప్రజలను అలరించింది.

నగరమంతటా కాషాయ శోభ…

బైక్ ర్యాలీ సందర్భంగా నగరమంతటా కాషాయ జెండాలతో తోరణాలతో కనులపండువగా మారిపోయింది. నగరమంతటా పెద్దఎత్తున హనుమాన్ జెండాలు, శివాజీ జెండాలు, రాముని జెండాలు, కాషాయ తోరణాలు వెలిశాయి. ఒక్కమాటలో చెప్పాలంటే రాజమండ్రి నగరమంతా కాషాయమయమైపోయింది. నగరమంతటా కాషాయ వర్ణపు శోభ అలముకుంది. రాజమండ్రిలో జరిగిన ఈ బైక్ ర్యాలీయే ప్రస్తుతం రాష్ట్రమంతటా చర్చనీయాంశంగా మారడం వేశేషం.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ధర్మ రక్షణ ద్వారానే దేశ రక్షణ సాధ్యం – రాజమండ్రి బైక్ ర్యాలీలో వక్తల ఉద్ఘాటన appeared first on Vishwa Samvad Kendra Andhra Pradesh.

* శ్రీరామనవమి నాడు 15 జంటలతో అంగరంగ వైభవంగా సీతారాముల కళ్యాణం

పట్టుదల ఉంటే కానిది లేదని ధర్మ జాగరణ సమితి కార్యకర్తలు మరోసారి ఋజువు చేశారు. తూర్పు గోదావరి జిల్లా తుని నగరం వీరవరపు పేట (హరిజన పేట)లో సుమారు 10 సంవత్సరాలుగా ధూప దీప నైవేద్యాలకు నోచుకోకుండా శిధిలావస్థలో ఉన్న సుమారు 100 సంవత్సరాల క్రిందటి శ్రీరామ మందిరాన్ని అక్కడి ధర్మ జాగరణ సమితి కార్యకర్తలు పునరుద్ధరించారు.

మరమ్మత్తులు చేయకముందు ఆలయం స్థితి

మరమ్మత్తుల అనంతరం

పూజలో పాల్గొన్న భక్తులు

100 సంవత్సరాల కిందటి ఆ ఆలయం దర్శనానికి వచ్చే భక్తులు లేక, దీపం పెట్టే నాథుడు లేక, నైవేద్యం పెట్టే గతిలేక 10 సంవత్సరాలుగా వెలవెలబోతోంది. దీనిని గమనించిన స్థానిక ధర్మ జాగరణ సమితి కార్యకర్తలు ఆ గుడిని శుభ్రపరిచి, చిన్నచిన్న మరమ్మత్తులు చేయించి, రంగులు వేయించి శోభాయమానంగా తీర్చిదిద్దారు. అంతటితో ఆగక శ్రీరామనవమి పర్వదినాన్ని పురస్కరించుకుని స్థానికంగా ఉన్న 15 హరిజన దంపతుల జంటలతో అంగరంగ వైభవంగా శ్రీ సీతారాముల కళ్యాణం నిర్వహించారు. వీరవరపు పేటలోని వందల మంది భక్తులు ఈ కార్యక్రమాన్ని తిలకించి పులకించిపోయారు. దశాబ్దం పాటు శిధిలావస్థలోనే ఉండిపోయిన వందేళ్ళ ఆలయానికి పునర్వైభవాన్ని తెచ్చిపెట్టిన ధర్మ జాగరణ సమితి కార్యకర్తలకు గ్రామస్తులు ప్రశంసలు అందిస్తున్నారు.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post వందేళ్ళ నాటి ఆలయానికి పునర్వైభవం appeared first on Vishwa Samvad Kendra Andhra Pradesh.

శ్రీ పొట్టి శ్రీరాములు 16/3/1901 మద్రాసు అన్నా పిళ్ళై వీధిలోని 165వ నంబరు ఇంట పేద ఆర్య వైశ్య కుటుంబంలో పొట్టి గురవయ్య, మహాలక్ష్మమ్మ దంపతులకు జన్మించారు. 1907 వ సంవత్సరంలో మద్రాసు జార్జి టౌన్ లోని ప్రోగ్రెసివ్ మిడిల్ స్కూల్ నందు వారి విద్యాభ్యాసం ప్రారంభమైంది. అనంతరం మింట్ స్ట్రీట్ లోని ది హిందూ థియోలాజికల్ హై స్కూల్ లో విద్యాభ్యాసాన్ని కొనసాగించిన శ్రీ శ్రీరాములు 1920వ సంవత్సరంలో బొంబాయి నగరంలో శానిటరీ ఇంజనీరింగ్ డిగ్రీ పట్టా పొందారు. 1924 నుంచి 1929 మధ్యకాలంలో ఐ.పి.జి లో రైల్వే శానిటరీ ఇంజనీరుగా పని చేశారు.

1926లో తన మేనకోడలు సీతమ్మతో వివాహమైంది. తొలి కాన్పు లోనే తల్లి, బిడ్డ మరణించడం శ్రీ రాములు హృదయాన్ని కలచివేసింది. వెనువెంటనే ఆయన మాతృమూర్తి కూడా పరమపదించారు.

స్వాతంత్ర్యోద్యమ కర్తగా…..

అనంతరం గాంధీజీ జాతికి ఇచ్చిన పిలుపు మేరకు తొలిసారిగా సహాయ నిరాకరణోద్యమంలో పాల్గొన్నారు. 1930వ సంవత్సరంలో దండి ఉప్పు సత్యాగ్రహంలో పాల్గొని అరెస్టయ్యారు. 1933 వ సంవత్సరంలో డాక్టర్ రాజేంద్రప్రసాద్ నాయకత్వంలో భూకంప బాధితులకు సేవలందించారు. 1936 – 37 మధ్యకాలంలో ఎర్నేణి సుబ్రహ్మణ్యం గారి నాయకత్వంలో కృష్ణాజిల్లాలోని కొమరవోలు గాంధీ ఆశ్రమంలో అనేక కార్యక్రమాలలో పాల్గొన్నారు. అలాగే 1972లో క్విట్ ఇండియా ఉద్యమంలో అరెస్టై కలకత్తాలోని అలీపూర్ సెంట్రల్ జైలులో నిర్బంధించ బడ్డారు. 1943లో గుడివాడ టౌన్ నందు ‘ఫ్లాగ్ మార్చ్’ జరిపినందుకు అరెస్టయ్యారు. 1947లో ఆంధ్రప్రదేశ్ లో జరిగే పలు కార్యక్రమాలలో సంచాలకులుగా పనిచేశారు.

1944 – 1952 మధ్యకాలంలో నెల్లూరు పట్టణంలో వివిధ కార్యక్రమాలు చేపట్టారు. వీరికి ఆచార్య పి సి రెడ్డి, ఏనుగు పట్టాభిరామిరెడ్డి, ఆర్యసమాజానికి చెందిన పి. సుబ్రహ్మణ్యాచారి, సుంకు చెంగన్న ( అనాథ శిశు శరణాలయం), కుష్టు నివారణ సంఘం అప్పల ఆంజనేయులు, ప్రకృతి వైద్యశాల డాక్టర్ నాగేశ్వరరావు వంటి ప్రముఖులు ఎన్నో రకాలుగా సహకరించారు.

హిందూ సంఘ సంస్కరణ సమితి

ఈ సేవా సంస్థను 9/ 9/ 1945 వ సంవత్సరంలో ప్రారంభించి తద్వారా వితంతు పునర్వివాహాలు, వర్ణాంతర వివాహాలు, ఆర్య వివాహాలు, హరిజన అభ్యుదయము, హరిజన దేవాలయ ప్రవేశము, అనాథ శవాల దహన సంస్కారము, మద్యనిషేధ ప్రచారము, స్త్రీ సంక్షేమము, పాకీ పనివారితో సహపంక్తి భోజనాలు వంటి సాంఘిక సంస్కరణాత్మక కార్యక్రమాలు ఎన్నో నిర్వహించారు.

28/ 2/ 1946 లో నెల్లూరులో ఆచార్య పి.సి.రెడ్డి అధ్యక్షతన శ్రీ వేణుగోపాలస్వామి దేవాలయంలో హరిజన ప్రవేశము కొరకు శ్రీ పొట్టి శ్రీరాములు తలపెట్టిన ఆమరణ నిరాహార దీక్షకు గాంధీజీ అనుమతి లభించడంతో 7/ 3/ 1946 నుంచి 16/ 3/ 1946 వరకు నిరాహార దీక్ష ప్రారంభించి ఆ దేవాలయంలో హరిజన ప్రవేశానికి అనుమతి సాధించటంతో వారి దృఢ సంకల్పం దేశమంతా తెలియవచ్చింది.

16/ 6/ 1947 న హరిజనులకు తిరుమల శ్రీవారి ఆలయంలో ప్రవేశం కోరుతూ నిరాహార దీక్ష చేపట్టటంతో ఆయనను టౌను న్యూసెన్స్ కేసు కింద అరెస్టు చేశారు. ఆ తర్వాత అప్పటి మదరాసు రాష్ట్ర ముఖ్యమంత్రి ఓమండూరు రామస్వామి నేతృత్వంలో హరిజనుల ఊరేగింపుతో హరిజనుల ఆలయ ప్రవేశం జరిగింది.
1949వ సంవత్సరంలో మదరాసు రాష్ట్రంలోని అన్ని జిల్లాలలో ‘హరిజన దినం’ జరపాలని కోరుతూ వార్ధాలోని ‘సేవాగ్రామ్’ ఆశ్రమంలో 28 రోజుల పాటు నిరాహార దీక్ష చేపట్టడంతో డాక్టర్ రాజేంద్రప్రసాద్ స్పందించి అన్ని జిల్లాలలో ‘ హరిజన దినం’ అమలు జరిపించారు.

ప్రత్యేకాంధ్ర సాధనలో….

17/ 4/ 1948లో అప్పటి ప్రధానమంత్రి శ్రీ జవహర్ లాల్ నెహ్రూ, హోంమంత్రి శ్రీ వల్లభాయ్ పటేల్, డాక్టర్ పట్టాభి సీతారామయ్యల జె.వి.పి రిపోర్టు భాషా ప్రయుక్త రాష్ట్రాల ఏర్పాటుకు అంగీకరించలేదు కానీ మదరాసు ప్రెసిడెన్సీలోని తెలుగు జిల్లాలను ప్రత్యేక ఆంధ్ర రాష్ట్రంగా అంగీకరించింది. కానీ రాజధాని విషయమై ఆంధ్రులు అందుకు అనుమతి తెలుపక పోవడంతో జె.వి.పి రిపోర్టు ప్రతిపాదన అలాగే ఆగిపోయింది.

ఆంధ్ర రాష్ట్రం కోసం 10/ 9/ 1952లో శ్రీ అర్జునరావు ఆమరణ నిరాహార దీక్షకు పూనుకోగా రాష్ట్ర ప్రభుత్వం ఆయనను అరెస్టు చేసింది. అలాగే స్వామి సీతారాం గారు సైతం తన ఆశ్రమంలో 15/ 08/ 1951న ఆమరణ దీక్షను ప్రారంభించి 10 రోజుల తర్వాత వినోభా భావే జోక్యంతో విరమించుకోవడం జరిగింది. దీంతో యావత్ ఆంధ్రదేశంలో నైరాశ్యం చోటు చేసుకుంది.

వీటన్నిటిని దృష్టిలో పెట్టుకొని శ్రీ పొట్టి శ్రీరాములు తన సన్నిహితులతో చర్చలు జరిపి 19/ 10/ 1952 వ తేదీన ఉదయం 10 గంటల 15 నిమిషాలకు మదరాసు వీరభద్రం వీధిలోని శ్రీ బులుసు సాంబమూర్తి గారి 126 వ నంబరు ఇంటిలో దీక్షను ప్రారంభించారు.

దీక్ష సుమారుగా 35వ రోజుకి చేరడంతో మెల్లగా ఆంధ్రులలో ఆందోళన మొదలైంది. ప్రధానమంత్రికి ఉత్తరాలు, టెలిగ్రామ్ లు వేల సంఖ్యలో వెళ్ళాయి. అయినప్పటికీ మద్రాసు ప్రభుత్వం లో కానీ, ప్రధాన మంత్రిలో కానీ ఎటువంటి చలనం లేదు.

దీక్ష 45 వ రోజుకు చేరడంతో ఆయన ఆరోగ్య పరిస్థితిలో మార్పులు వచ్చాయి. డాక్టర్లు ఆయనను పరీక్షించి పరిస్థితి విషమిస్తున్న ట్లుగా ప్రకటించారు. వార్తా పత్రికలు ఎప్పటికప్పుడు ఆయన పరిస్థితిని వివరించ సాగాయి.

ప్రజలలో అలజడి మొదలైంది. దీక్ష 50వ రోజుకు చేరడంతో ప్రధానమంత్రి నూతన ఆంధ్ర రాష్ట్ర ఏర్పాటుకు సమ్మతి తెలియజేస్తూ ప్రకటన చేశారు. ప్రధాని నెహ్రూ హామీ ఇచ్చిన దరిమిలా దీక్ష విరమించమని శ్రీరాములును మిత్రులు కోరగా ….. “స్వామి సీతారాం నిరాహార దీక్ష చేసినప్పుడు కూడా నెహ్రూ ఇలాంటి ప్రకటనే చేసి నిలబెట్టుకోలేక పోయారు. కావున నేను ఆయన మాటలు నమ్మలేను.” అని శ్రీ పొట్టి శ్రీరాములు తెగేసి చెప్పారు.

దీపం ఆరినా వెలుగు ఆగలేదు….

15/ 12/ 1952 …… దీక్ష 58వ రోజుకు చేరింది. పొట్టి శ్రీరాములుకు స్పృహ తప్పింది. ఆ రాత్రి 11 గంటల 20 నిమిషాలకు శ్రీ పొట్టి శ్రీరాములు తుది శ్వాస విడిచారు.

శ్రీ పొట్టి శ్రీరాములు మరణ వార్త రాష్ట్రమంతటా దావానలంలా వ్యాపించింది. రాష్ట్రం కోసం ఆత్మార్పణ చేసిన ఆయన దీక్ష ఎంత బలమైనదో ప్రధానమంత్రికి అప్పుడు తెలిసింది. రాష్ట్రమంతటా ధర్నాలు, హర్తాళ్ళు, ప్రభుత్వ ఆస్తుల విధ్వంసం…… ఆంధ్రుల ఆగ్రహావేశాలకు కేంద్ర, రాష్ట్ర ప్రభుత్వాలు వణికిపోయాయి. రాష్ట్రంలో దాదాపు మూడు రోజుల తర్వాత గాని ప్రశాంత వాతావరణం ఏర్పడలేదు. అప్పుడు ప్రధాని నెహ్రూ రాష్ట్ర నిర్మాణ ప్రకటన చేశారు.
అమరజీవి శ్రీ పొట్టి శ్రీరాములు అంతిమయాత్ర డిసెంబర్ 16 మధ్యాహ్నం బులుసు సాంబమూర్తి ఇంటి నుండి ‘ఆంధ్ర రాష్ట్రం కావాలి’ అనే నినాదాల మధ్య, మరోవైపు గోవింద నామ జపంతో సుమారు ఎనిమిది మైళ్ళు, నాలుగు గంటల పాటు సాగింది. నాటి నుంచి శ్రీ పొట్టి శ్రీరాములు అఖిల ఆంధ్రుల హృదయాలలో అమర జీవిగా నిలచిపోయారు. ఆ విధంగా ఆ అమర జ్యోతి ఆగిపోయినా వారందించిన పోరాట స్ఫూర్తితో తెలుగు జాతి యావత్ ప్రపంచానికి వెలుగులు పంచుతూ ముందుకు సాగుతోంది.

అమరజీవి శ్రీ పొట్టి శ్రీరాములు 121వ జయంతి నేడు.

– సేకరణ శ్రీ మాటేటి రత్నప్రసాద్, బుచ్చిరెడ్డిపాలెం, నెల్లూరు జిల్లా.
8317649078.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post అమరజీవి శ్రీ పొట్టి శ్రీరాములు appeared first on Vishwa Samvad Kendra Andhra Pradesh.

తిరుమలలో మామూలు లడ్డూ రూ. 50/- లు. కళ్యాణం లడ్డూ రూ. 200/-లు. పరిమితులేం లేవు. స్వీట్ స్టాల్లోలా ఎన్నయినా ఇస్తారు. ఒకవైపు తిరుమలకు భక్తుల తాకిడి బాగా తగ్గింది. కరోనా సాకుతో ఆలయ పాలనా యంత్రాంగం చేస్తున్న హడావుడే అందుకు కారణం. మద్యం కోసం క్యూలో నిలబడితే కరోనా రాదు. దైవ దర్శనానికి వెళితే మాత్రం వస్తుంది. అదన్నమాట సంగతి.

తిరుమలలో దైవ దర్శనానికి వెళ్ళిన భక్తుల్ని అక్కడి ఉద్యోగులు అడుగడుగునా వేధిస్తారు. అవమానిస్తారు. ఆంక్షల పేరుతో ఇబ్బందులకు గురి చేస్తారు. దేవాలయ పాలనా యంత్రాంగానికి ఉద్యోగులపై ఏమాత్రం అదుపులేదు. ఉద్యోగులకు యాత్రికులతో మర్యాదగా వ్యవహరించాలన్న స్పృహ లేదు. అన్య మత ఉద్యోగులైతే భక్తులతో వీలైనంత అమర్యాదకరంగా ప్రవర్తిస్తారు. స్వామిని కూడా వీలైనంత అవమానిస్తారు. వారి కోటాలో వచ్చిన ప్రసాదాలను చెత్తబుట్టలో పడేస్తారు. వారికి ఆ పరిసరాలపై భక్తి లేదు. తామొక పవిత్ర పుణ్యక్షేత్రంలో ఉన్నామన్న స్పృహ లేదు. అసలు స్వామిని, వారి భక్తులను అవమానించాలన్న ఉద్దేశ్యంతోనే వారక్కడ పనిచేస్తున్నారన్నది నిర్వివాదాంశం. కానీ ఈ దుర్మార్గ ప్రభుత్వాలు వారి మీద ఈగ వాలనివ్వడం లేదు. వారిమీదంత ప్రేముంటే, వారిని వేరే ప్రభుత్వ రంగాలలో నియమించుకోవచ్చు కదా? ఇన్ని అభ్యంతరాల మధ్య అక్కడే ఎందుకు కొనసాగిస్తున్నట్లు? Just according to church directions only. తలచుకున్నప్పుడల్లా రక్తం మరిగిపోయే విషయమిది. దీనిపై ఓ ఉద్యమాన్నే నిర్మించాల్సిన అవసరముంది.

కరోనా సెకండ్ వేవ్ కి ముందు మాట. మా మిత్రుడి కుటుంబం కళ్యాణానికి టిక్కెట్లు బుక్ చేసుకున్నారు. వాళ్ళు పిల్లాజెల్లతో అక్కడికెళితే… “కళ్యాణం లేదు గిళ్యాణం లేదు. దర్శనం చేసుకోని పోండి” (అక్షారాలా ఈ మాటే అన్నారు) అని ప్రత్యేక దర్శనం ఇప్పించి ఓ జాకెట్ ముక్క, కండువా ఇచ్చి పంపారు. కనీసం కళ్యాణం లడ్డూ కూడా ఇవ్వలేదు. మన సెంటిమెంట్స్ వారికర్థమవుతాయా? ఆ దేవదేవునితో మనకున్న ఆత్మానుబంధం, ఆయన పట్ల మనకున్న భక్తి, శ్రద్ధ, ఆ అనుభూతి, ఆయన సన్నిధిలో సేదదీరాలనే మన ఆరాటం, ఆయన దర్శనంతో మనలో కలిగే పులకింత…… ఈ సున్నితమైన విషయాలు వారికర్థం అవుతున్నాయా?

మొత్తానికి ఇవన్నీ తిరుమల పవిత్రతను దెబ్బతీసే చర్చి కుట్రలలో భాగమేనని సగటు భక్తుడు సైతం ఓ అభిప్రాయానికి వచ్చేశాడు నేడు. అక్కడ ఎన్నో, ఎన్నెన్నో అపచారాలు జరుగుతున్నాయి. స్వామిని భక్తులకు దూరం చేసే కుట్రలెన్నో జరుగుతున్నాయ్. ఈ ప్రభుత్వాలపై ఏమాత్రం నమ్మకం లేదు. గత ప్రభుత్వ హయాంలో SSF ఆధ్వర్యంలో నిర్మించే ఆలయాలకు చేస్తామన్న ఆర్థిక సహకారం మధ్యలోనే ఆపేశారు. ఇప్పటి ప్రభుత్వం 5 లక్షలు కాదు 10 లక్షలిస్తామని ఘనంగా వాగ్దానం చేసింది. ఇప్పటికి అయిపు లేదు.

అసలు ఈ రాష్ట్రంలో హిందువుల కోసం జరగాల్సినవెన్నో పెండింగ్ లో ఉండగా… ఇప్పుడు తిరుమల గిరులపైకి ఇంకో రహదారి అర్జెంట్ గా అవసరమైందా? నిజంగా…. అసలు నిజమేంటో తెలుసా? పై పెండింగ్ పనులేం చేసినా పైసా ప్రయోజనం రాదు. ఇందులో ఐతే కమీషన్లు దండిగా వస్తాయ్. ఆ పేరుతో స్వామి వారి నిధులు స్వాహా చెయ్యొచ్చు.

కరోనా లాక్ డౌన్ టైంలో తిరుపతిలో రోజుకి 50వేలమందికి షడ్రసోపేతంగా, పెళ్ళివిందులాగా అన్నదానం చేశారు. అన్నదానానికి అన్ని ఐటమ్స్ కావాలా? ఎవడబ్బ సొమ్మని దానం చేశారు? ఎవరికి దానం చేశారు? తిరుపతిలో కూటికి లేనివాళ్ళు 50వేలమంది ఎవరున్నారు? అయినదానికీ, కానిదానికీ స్వామివారి సొమ్ములు అప్పనంగా ఖర్చు చేసెయ్యటమేనా? ఇంతకీ అలా ఖర్చు చెయ్యటం వెనుక పరమార్థం ఎవరికైనా ఎరుకైందా? అందులో అయితే ఎంతమందికి వండారో… ఎంతమంది తిన్నారో ఎవరు చూడొచ్చారు? జేబులు నింపుకోవడానికి మంచి అవకాశం. ఇలాంటి పథకాలకైతే టీటీడీ అధికారులు కూడా బహు చురుగ్గా స్పందిస్తారండోయ్. అదే ఏ దళిత గోవిందమో అన్నామా? అబ్బో ఎన్ని అవాంతరాలు వచ్చి పడతాయో?

శ్రీవారి సొమ్ములైతే ఇలా మంచినీళ్ళలా ఖర్చు చేస్తున్న ఈ ప్రభుత్వాలు ఏనాడైనా చర్చి, మశీదుల నిధుల జోలికెళ్ళాయా? పైగా ప్రభుత్వ సొమ్ముతో ఆ మత మార్పిడి ముల్లాలకు, పాస్టర్లకు, జీతాలివ్వడం….. ఎంకరేజ్మెంట్ అనుకోవాలా? ఈ మధ్య 150 చర్చిలకు నిధులు మంజూరు చేశారు. ఏదో ఒక సాకుతో…. ఉన్న దేవాలయాలు కూల్చేస్తున్నారే గానీ క్రొత్త దేవాలయాలు నిర్మిస్తున్న పాపానబోతున్నారా? సరే చర్చిలకిస్తే ఇచ్చారు. జనాభా ప్రాతిపదికన అదే రేషియోలో హిందువులక్కూడా ఇస్తారా చెప్పండి? విచ్చలవిడిగా అన్య మత ప్రచారం, మత మార్పిడులు, అడ్డుకున్నవారిపై అక్రమ కేసులు. ఏ కాలంలో, ఏ దేశంలో, ఏ రాజ్యంలో ఉన్నాం మనం?

అరే… అంతెందుకు? దుండగులు అన్ని దేవాలయాలు ధ్వంసం చేశారే?…. అన్ని విగ్రహాలను పగులగొట్టారే? మన దేవుడు, ఆ అఖిలాండకోటి బ్రహ్మాండ నాయకుడు దర్జాగా ఊరేగే ఆ పవిత్ర, పురాతన రథాలను నిలువున తగులబెట్టారే… “పాత రథం తగలడిపోతే క్రొత్త రథం వస్తుందిలే” అని ఏలికలు మన గాయాన్ని మరింతగా కెలికి పుండు చేశారే…. అయ్యో….. నా చేత్తో వ్రాయాల్సొస్తోందే… మన్నించు పరమేశ్వరా….. చివరికి… పవిత్ర దేవతా విగ్రహాలకు అశుద్ధం పూసి అపవిత్రం చేశారే…. ఇప్పటికీ…. రాష్ట్రంలో ఎక్కడో, ఏదో మూల మనం యుగయుగాలుగా, తరతరాలుగా అత్యంత భక్తి శ్రద్ధలతో పూజించుకుంటూ వస్తున్న మన పవిత్ర దేవతా విగ్రహాల పవిత్రతకు విఘాతం కలుగుతూనే ఉన్నదే…. మన ఆచారాలకు, సాంప్రదాయాలకు, జీవన విధానానికి నిత్యం అవమానాలూ, అవహేళనలూ ఎదురవుతూనే ఉన్నాయే… అపహాస్యం చేసే కుక్కలు మొరుగుతూనే ఉన్నాయే…. ఒక్కరంటే ఒక్కరిపైనైనా చర్య తీసుకుందా ఈ ప్రభుత్వం? ఒక్కర్నైనా అరెస్టు చేసిందా కనీసం? అధికారంలోని పెద్దలు ఒక్కరంటే ఒక్కరైనా బాధ్యతాయుతంగా, భరోసానిచ్చేలా మాట్లాడారా?

ఇన్ని సమస్యలున్నాయి కదా? వీటినేనాడన్నా సమస్యలుగా, హిందూ సమాజానికి అవమానకరమైన విషయాలుగా భావించి, అవశ్యం పరిష్కరించి హిందూ సమాజం యొక్క ఆత్మ గౌరవాన్ని కాపాడి, హిందూ సమాజంలో ఆత్మ స్థైర్యాన్ని కల్పించే ప్రయత్నాన్ని ఈ ప్రభుత్వాలు ఏనాడన్నా చేశాయా? అరే… ఇన్ని జరిగితే… జరుగుతూంటే…. ఈ రాష్ట్రంలో హిందువులు ఏ హోప్ తో జీవించాలి? హిందువులలో ముందు ఆ భరోసాని కల్పించండి. “ఈ ప్రభుత్వం మత పక్షపాతాన్ని చూపదు. ఈ ప్రభుత్వంలో అందరికీ సమానంగా రక్షణ లభిస్తుంది. స్వేచ్ఛ లభిస్తుంది. ముఖ్యంగా హిందువులకు… గౌరవం లభిస్తుంది. హిందూ ఆలయాలకు, దేవీ దేవతల విగ్రహాలకు, పురాతన రథాలకు రక్షణ లభిస్తుంది”. అనే భరోసాను మాకు కల్పించండి. మా దేవాలయాలను, విగ్రహాలను ధ్వంసం చేసినవాళ్ళను, అపవిత్రం చేసిన వాళ్ళను, మా దేవాలయ రథాలను తగులబెట్టినవాళ్ళను, మమ్మల్ని, మా ఆచార సాంప్రదాయాలను బహిరంగంగా అపహాస్యం చేసిన, చేస్తున్నవారిని పట్టుకుని మా ముందు మోకాళ్ళపై నిలిపి మీ చిత్తశుద్ధిని నిరూపించుకోండి. మా దేవునిపై నమ్మకం లేకపోయినా, మా దేవుని ప్రసాదాన్ని ముట్టుకోకపోయినా సిగ్గూ ఎగ్గూ లేకుండా మా దేవాలయాలలో పనిచేస్తూ, మేము మా దేవునికి భక్తిగా సమర్పించే కానుకల నుంచే జీతభత్యాలు స్వీకరిస్తూ కూడా ఆ విశ్వాసం లేకుండా స్వామి ద్రోహానికి పాల్పడే ఆ అన్యమత ఉద్యోగులను తొలగించి మీది నిష్పాక్షిక పాలన అని నిరూపించుకోండి. ఇవన్నీ చేశాకే…ఇంకేవైనా పథకాలు, క్రొత్త నిర్మాణాల జోలికెళ్ళే అర్హతొస్తుంది ఈ ప్రభుత్వానికి నా దృష్టిలో. సర్వే సుజనా సుఖినోభవంతు. అవును… మంచివాళ్ళు బాగుండాలి. మంచివాళ్ళు మాత్రమే బాగుండాలి.

– శ్యాంప్రసాద్ రెడ్డి కోర్శిపాటి.

The post ఆంధ్రలో హిందువులకేదీ భరోసా? appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఉచిత పథకాలతో ఏపీలో భారీగా రెవెన్యూ లోటు: కేంద్ర ఆర్థికమంత్రి నిర్మలా సీతారామన్ appeared first on Vishwa Samvad Kendra Andhra Pradesh.

సింహాచలం దేవస్థానం, మాన్సస్ ట్రస్ట్ ఈవోగా పనిచేసిన సమయంలో రామచంద్రమోహన్‌ నిబంధనలకు విరుద్ధంగా వ్యవహరించారని నిర్ధారణ కావడంతో ప్రభుత్వం ఈ నిర్ణయం తీసుకుంది. ఆలయ భూ రికార్డుల తారుమారులో సింహాచలం దేవస్థానం డిప్యూటీ ఈవో సుజాత ప్రమేయం ఉన్నట్లుగా కమిటీ నిర్ధారించడంతో.. ఆమెను సైతం సస్పెండ్ చేస్తూ ఉత్తర్వులు జారీ చేసింది.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post సింహాచలం దేవస్థానం భూ అక్రమాలపై ప్రభుత్వ చర్యలు.. ఇద్దరు ఉన్నతాధికారుల సస్పెన్షన్ appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post National SC Commission orders AP CS to Submit the Report on conversions in Andhra Pradesh appeared first on Vishwa Samvad Kendra Andhra Pradesh.

మరిన్ని జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి. 

The post ఆంధ్రలో మతమార్పిడులపై నివేదిక ఇవ్వండి.. ఏపీ సీఎస్ కు జాతీయ ఎస్సీ కమిషన్ ఆదేశం.. appeared first on Vishwa Samvad Kendra Andhra Pradesh.