‘1962 తరవాత ఇది కచ్చితంగా అత్యంత తీవ్రమైన పరిస్థితి. వాస్తవంగా చూస్తే..45 సంవత్సరాల తరవాత సరిహద్దు వద్ద సైనికులు మరణించడం ఇదే తొలిసారి. అలాగే వాస్తవాధీన రేఖ వద్ద ఇరువైపుల మోహరించిన బలగాల సంఖ్య కూడా చాలా ఎక్కువ’ అని వెల్లడించారు. అంతేకాకుండా పొరుగుదేశాల మధ్యసంబంధాలు ఒడుదొడుకులు లేకుండా కొనసాగాలంటే సరిహద్దుల వద్ద శాంతే కీలకమన్న విషయాన్ని చైనాకు వెల్లడించినట్లు ఆయన తెలిపారు. సైనిక, దౌత్య అధికారుల మధ్య చర్చలు జరుగుతున్నప్పటికీ, గత కొద్ది నెలలుగా తూర్పు లద్దాఖ్ ప్రాంతం వద్ద ఉద్రిక్త పరిస్థితులు కొనసాగుతూనే ఉన్నాయన్నారు. గతంలో రెండు దేశాల మధ్య దెప్సాంగ్, చుమార్, డోక్లాం వంటి సరిహద్దు వివాదాలు నెలకొన్నాయని.. కానీ, అవి చర్చలతో ముగిసిపోయాయని గుర్తు చేశారు. యథాతథ స్థితిని ఏకపక్షంగా మార్చకుండా అంతర్జాతీయ ఒప్పందాలను గౌరవిస్తూ ప్రస్తుత పరిస్థితికి పరిష్కారాన్ని కనుగొనాలన్నారు. ఇప్పటికే ఈ వివాదంపై ఇరు దేశాల మధ్య చర్చలు జరుగుతున్న విషయం అందరికి తెలిసిందేనన్నారు.

మరిన్ని  జాతీయ, అంతర్జాతీయ వార్తలు, విశేషాల కోసం VSK ANDHRAPRADESH యాప్ ను డౌన్ లోడ్ చేసుకోవడానికి ఇక్కడ క్లిక్ చెయ్యండి.

The post ఇది ఖచ్చితంగా 1962 తరవాత అత్యంత తీవ్ర పరిస్థితి – విదేశాంగ మంత్రి appeared first on Vishwa Samvad Kendra Andhra Pradesh.