News

బనగానపల్లె: భారతీయ సనాతన ధర్మానికి, సంస్కృతికి ప్రతీకగా నిలిచే భగవద్గీత శ్లోకాలను శ్రావ్యంగా పారాయణం చేస్తూ నంద్యాల జిల్లా బనగానపల్లెకు చెందిన ముస్లిం విద్యార్థిని నుస్త్రత్‌ విశేష ప్రతిభ కనబరిచారు. భగవద్గీత శ్లోకాల పారాయణ పోటీలో ప్రథమ బహుమతి సాధించి రూ.లక్ష నగదు పురస్కారాన్ని అందుకున్నారు. బనగానపల్లె జిల్లా పరిషత్‌ బాలికల ఉన్నత పాఠశాలలో 9వ తరగతి చదువుతున్న నుస్త్రత్‌.. పట్టణంలోని ఎన్జీవో కాలనీకి చెందిన గడ్డం మహబూబ్‌బాషా, దిల్‌షాద్‌బేగం దంపతుల కుమార్తె. తల్లిదండ్రులు, ఉపాధ్యాయుల ప్రోత్సాహంతో పాఠశాల తెలుగు ఉపాధ్యాయురాలు గౌరి ఆధ్వర్యంలో భగవద్గీత శ్లోకాల పారాయణంలో శిక్షణ పొందారు. పాఠశాలకు చెందిన 22 మంది విద్యార్థినులు ఏప్రిల్‌ 24 నుంచి జూన్‌ 11 వరకు ప్రతిరోజూ సాయంత్రం సుమారు గంటపాటు భగవద్గీత శ్లోకాల పారాయణంలో శిక్షణ పొందారు. అనంతరం జూలై 19న ప్రొద్దుటూరులో ఇస్కాన్‌...

శ్రీ సత్యసాయి జిల్లా: దివ్యాంగులకు అవసరమైన సేవలు, సహాయ సహకారాలు అందించేందుకు శ్రీ సత్యసాయి జిల్లా మడకశిర పట్టణంలో ‘సక్షమ్’ ఆధ్వర్యంలో ఏర్పాటు చేసిన దివ్యాంగ సేవా కేంద్రాన్ని ప్రారంభించారు. కేంద్రం ప్రారంభోత్సవ కార్యక్రమానికి మాజీ ఎమ్మెల్సీ, తెలుగుదేశం పార్టీ రాష్ట్ర ఉపాధ్యక్షుడు గుండుమల తిప్పేస్వామి, ఆంధ్రప్రదేశ్ విభిన్న ప్రతిభావంతులు, వయోవృద్ధుల సహాయ సంస్థ రాష్ట్ర చైర్మన్ గడుపూటి నారాయణస్వామి ముఖ్య అతిథులుగా హాజరయ్యారు. వారు రిబ్బన్ కట్ చేసి సేవా కేంద్రాన్ని ప్రారంభించారు. ఈ సందర్భంగా నిర్వహించిన దివ్యాంగుల సమావేశంలో పాల్గొని, దివ్యాంగుల సంక్షేమం కోసం అందుబాటులో ఉన్న సేవలు, వారికి అవసరమైన సహాయ కార్యక్రమాలపై చర్చించారు. కార్యక్రమంలో బాలల కమిషన్ డైరెక్టర్ శ్రీనివాసమూర్తి, వక్కలిగ కార్పొరేషన్ చైర్మన్ లక్ష్మీనారాయణ, సక్షమ్ అధ్యక్షుడు వెంకటరమణ, కార్యదర్శి పవన్, హనుమంత్ రెడ్డి, కన్వీనర్ నాగరాజు, టౌన్ కన్వీనర్...