విద్యార్థులకు విద్యాబుద్ధులు నేర్పించాల్సిన ఒక టీచర్ కాస్త నోటిదురుసు ప్రదర్శించింది. రామాయణం, మహాభారతంతో పాటు ప్రధాని పై అనుచిత వ్యాఖ్యలు చేసింది. దీంతో ఆ టీచర్‌కి వ్యతిరేకంగా హిందువులు నిరసన చేపట్టారు. ఈ నిరసనకు ఓ బీజేపీ ఎమ్మెల్యే కూడా మద్దతు తెలిపారు. ఈ నేపథ్యంలోనే.. ఆ టీచర్‌ను పాఠశాల నుంచి తొలగించాల్సి వచ్చింది. ఈ ఘటన కర్ణాటకలోని మంగళూరులో చోటు చేసుకుంది. పూర్తి వివరాల్లోకి వెళ్తే..
మంగళూరులోని కోస్టల్ టౌన్‌లో ఉన్న సెయింట్ గెరోసా ఇంగ్లీష్ హెచ్‌ఆర్ ప్రైమరీ స్కూల్‌‌లో క్రైస్తవురాలైన సిస్టర్ ప్రభ ఉపాధ్యాయురాలిగా పని చేస్తోంది. ఇటీవల విద్యార్థులకు విద్యాబోధన ఇస్తున్న సమయంలో.. రామాయణం, మహాభారతం కేవలం కల్పిత గాధలేనని పేర్కొంది. క్రిస్టియన్ మతాన్ని కీర్తిస్తూ, హిందూ దేవుణ్ణి స్వీకరించేలా విద్యార్థులను ప్రోత్సహిస్తోందని ఆరోపిస్తూ టీచర్ సిస్టర్ ప్రభపై విద్యార్థిని తల్లిదండ్రులు శరత్ కుమార్ పాండేశ్వర్ పోలీస్ స్టేషన్‌లో నిన్న ఫిర్యాదు చేశారు.
సోదరి ప్రభ ఫిబ్రవరి 8న ‘పనియే పూజ’ అనే అంశంపై పాఠం చెబుతోంది. ఈ సమయంలో ఆయన హిందూ మతంపై చెడు పదాలు వాడారని, హిందూ దేవుళ్ల గురించి, మన దేశ ప్రధాని గురించి, హిందూ మతం ఉనికి గురించి ప్రశ్నించారని, హిందూ మతాన్ని అవమానించారని ఆరోపించారు.అంతేకాదు.. ప్రధాని మోదీకి వ్యతిరేకంగా కూడా మాట్లాడిందని ఆరోపణలు వచ్చాయి. 2002 గోద్రా అల్లర్లు, బిల్కిస్ బానో గ్యాంగ్‌రేప్ కేసు గురించి ఆమె ప్రస్తావించారని తెలిసింది. ఈ విషయం వెలుగులోకి రావడంతో.. రైట్‌వింగ్ గ్రూప్ వాళ్లు ఆ టీచర్‌కి వ్యతిరేకంగా నిరసనలు చేపట్టారు. పిల్లల మనసుల్లో ద్వేష భావాలను ప్రేరేపించేలా ఆ టీచర్ ప్రయత్నిస్తోందని ఆ బృందం పోలీసులకు ఫిర్యాదు చేసింది. బీజేపీ ఎమ్మెల్యే వేద్యస్ కామత్ కూడా ఆ గ్రూప్‌కి మద్దతు తెలిపారు.
ఆ టీచర్‌ను వెంటనే సస్పెండ్ చేయాలని డిమాండ్ చేస్తూ.. శనివారం నిరసనలు చేపట్టారు. ఆ ఎమ్మెల్యే సైతం నిరసనల్లో పాల్గొనడంతో.. ఆ టీచర్‌ని సస్పెండ్ చేశారు. తదుపరి విద్యా శాఖ కేసు అంతర్గత దర్యాప్తును చేపట్టింది. విద్యాశాఖ విచారణ నివేదిక ఆధారంగా పోలీసులు చట్టపరమైన చర్యలు తీసుకుంటారని అధికారులు తెలిపారు.
