318views
కొచ్చి: కేరళలోని కొచ్చి విమానాశ్రయంలో భారీగా డ్రగ్స్ పట్టుబడ్డాయి. 30 కేజీల డ్రగ్స్ను ఓ ప్రయాణికుడి నుంచి కొచ్చి విమానాశ్రయ భద్రతా సిబ్బంది స్వాధీనం చేసుకున్నారు. ఈ మాదక ద్రవ్యాల విలువ మార్కెట్లో రూ.60 కోట్లు ఉంటుందని అంచనా వేశారు. జప్తు చేసిన డ్రగ్స్ను పరీక్షల నిమిత్తం ల్యాబ్కు పంపారు.
డ్రగ్స్ సరఫరా చేసిన వ్యక్తిని పాలక్కడ్కు చెందిన మురళీధరన్ నాయర్గా అధికారులు గుర్తించారు. అతడు జింబాబ్వే నుంచి దోహా మీదగా ఢిల్లీ వచ్చాడు. అక్కడి నుంచి ఎయిర్ ఏషియా విమానంలో కొచ్చి విమానాశ్రయానికి రాగా.. అక్కడి సిబ్బంది తనిఖీలు చేశారు. దీంతో అతడి బ్యాగ్లో ఉన్న 30 కేజీల డ్రగ్స్ బయటపడ్డాయి. అధునాతన త్రీడీ ఎమ్ఆర్ఐ స్కానింగ్ యంత్రం ఉపయోగించి డ్రగ్స్ను గుర్తించారు కొచ్చి విమానాశ్రయ అధికారులు.
Source: EtvBharat
